Siu Fan Nui's Profile

過年搵唔到餐廳食飯，好彩行行下有間泰Grill有開。一試都真係好驚喜。年初一天氣好好，又唔凍。於是選擇了坐在戶外，座位寬倘Super Chill。ordered Set Lunch 肉碎蛋飯同埋馬沙文咖哩飯。都係大約60蚊一個餐仲包埋野飲。本來都係Expect正正常常泰國餐啦。。。點知喜出外望係D野食超級好食，份量又唔細，好似去左泰國食咁。真係好正忠。細問之下，原來真係泰國師傅整，飲品都係泰國人調的。而且員工又好有禮貌，好Helpful。好開心以後可以多一個飯堂食飯。…Read More

因為好耐都無行新世紀。今日行入黎，耳目一新，Food Court 入面開左間漢堡包店叫做Burger's Friend Forever! 咁我本人就已經係一個漢堡迷！超級中意食任何類型的漢堡包！所以就試左呢間餐廳啦！適逢遇上了萬聖節，仲出左萬聖節包包，好得意架！！咁今次就食左至尊漢堡同埋水牛城雞肉漢堡！至尊漢堡超多料，兩塊勁大塊的牛，配搭埋番茄同蔬菜，肉得黎都好Fresh。就算你個口好大都無可能一啖咬到全部料。。不得不提，佢個包皮係又香又脆！超級特別，一試難忘！雞肉漢堡，一點都不Heavy！又係好Fresh，小朋友一定會中意架。佢仲出左迷你漢堡套餐，仲可以自選牛，魚，雞！細食既朋友可以試試喔！…Read More

其實都食左幾次，門口姐姐好熱情，之前次次都系食牛筋飯。牛筋燜得好入味，又林。飯好大兜，不過覺得佢Ｄ飯好硬。中意食硬飯既人會好中意。今次試呢個台式擔擔面，四川擔擔麵就食得多，台式第一次試。不過其實差不多，都系有濃厚花生醬味同埋一Ｄ肉碎，但不同的是，真系得少少少少辣，少到我幾乎食唔出。不過整體都好味的，同酸醋豬軟骨都好夾。值得一試。同埋會送杯茶。＄５０算very good la!如果take away仲會有9折! 下午茶時間又可以減10蚊!! …Read More

尖沙咀新food court. 今日第一日Trial Run. 梗係唔好執輸要黎試下！個場歐陸式建築，好grand. 坐得都好舒服！入面有多國菜！因為好掛住泰國，所以泰國菜永遠都係first choice.試左個串燒飯同個海鮮冬陰公湯，超正！真是完全沒有令我失望！串燒又大串又有泰國味，配埋佢個沙嗲醬汁真系無得彈！Ｄ飯用醬料炒過，好特別，好好味！好值得一試！海鮮冬陰公湯又酸又辣又足料！個湯原價98，加10蚊仲可以跟埋金邊粉！喺尖沙咀黎講真係賣大包！…Read More

Weekday 午市黎lunch. 都知一定要排隊！而且齊人先入得。等左20分鐘度，就有台！同埋野食上得快！員工都helpful. 叫左個台灣腸魯肉飯便當。。最主要想食魯肉飯。。都算有油香。魯肉肥瘦剛好，都入味！但係，始終食唔到喺台灣食既味道。。唔知差啲乜！不過已經好好，而且配菜都好味😋。腸仔夾埋啲蒜一齊食都好夾。。中環黎講CP值好高！而且食到飽！最值得一讚，係杯紅棗杞子茶。。熱飲好好飲！跟餐都只係加5蚊！…Read More

去過得寶，都知佢個food court 麻麻地！但早幾日經過，原來佢已經重新裝修好！咁啱見到有間叫京阪屋的日式餐廳開張。好奇心驅使，就行左入去睇睇！入到去，成個food court 同之前唔同曬，以前係唔會想坐入去食。宜家好新好舒服。仲全新有好幾間餐廳已經營業中！呢間京阪屋係賣日式便當🍱同BBQ. 我試左照燒雞扒便當同埋BBQ(豬頸肉，牛舌，燒茄子同雞皮)便當賣相靚，雞扒大塊又厚又滑又多汁！而且好好味！伴菜都算豐富！只係蛋就熟左少少！至於BBQ就真係無得輸，無諗過喺food court 可以食到咁有水準的串燒！值得一試！特別串牛舌同埋king size的孜然茄子。。。食完要再encore. 無得彈！…Read More