食到好野好滿足的个人专页

晚餐吾知食乜好，見到有人排呢間野，好奇入去試下味。叫左個2塊漢堡扒餐，95蚊 加埋1就104。入去前先用自助機比錢㨂餐先，再由店員帶入座位。坐位前有塊鐵板，首先比一塊漢堡扒同西蘭花比我，再比一碗飯同湯。漢堡扒食落幾juicy嘅，比較淡口，可以自己加調味料。佢有大約7-8種調味料可以㨂，不過冇乜一隻係有驚喜。 湯同飯仲有西蘭花可以任添，同店講就ok。湯稍為吾夠熱，只係暖暖地。飯係大大粒嘅日本米，都幾有口感。…查看更多

非繁忙時間嚟食個下午茶，一入到去叫我隨便坐，當我想坐四人位個短髮呀嬸又叫我一條友坐番二人位，我話我食一陣好快走，結果就比人黑面。好啦咁我順佢意坐二人位，就咁dum低個QR code比我，跟住好快有個二人客入左嚟，即刻叫人坐四人位，話你地兩個人可以坐四人位，比哂說話我聽，又幫佢地落單。而加咩事遮？食個飯都要受個呀嬸氣！ 結果間野咁大，我食左半個鐘都閃人啦，啲位咪又係未滿。咁嘅態度做野真係無得頂，完全係趕客。 海南雞飯ok嘅，不過湯吾好飲。受埋氣更加係食吾落！不用再幫襯，我吾鬧佢已經係比哂面…查看更多

星期日工人放假，同家人去左呢間餐廳試味。之前經過呢間餐廳好多次都冇入過去，終於有機會食。首先叫左個crab cake, 蟹味好濃都吾錯。之後叫左個rib eye 12 oz，個扒有啲鞋，不過有牛味，加左啲鹽都幾好食。啲薯條都炸得好脆，鹹鹹地唔錯！不過稍微有點貴。見到open rice有人推介個lobster combo 當然要嗌嚟打下卡，叫左個新疆蒜味mild 辣 都有啲辣，好彩冇叫medium。 個汁幾好味，粟米都好入味，蝦同八爪魚仔都有好多隻，味道正常。龍蝦個頭好大，肉就吾太多。呢啲食物最啱送啤酒食，所以我地叫左三杯啤酒，都幾過癮。埋單1600蚊左右，係有啲貴，不過間吾中一次無所謂啦！…查看更多

第二次嚟呢度食lunch，印度野我最鍾意食butter chicken，因為chicken tikka係我嘅最愛之一，但如果冇汁就太難餸飯，butter chicken係初學者最易入口嘅汁之一。呢間嘅味道真係好吾錯，再配埋熱辣辣，個底有啲脆嘅naan真係好正。可惜今次勁少雞，吾知有冇3舊，好吾夠喉。另外叫埋杯凍咖啡，似即溶咖啡味，吾甜，非常好。 今日係粟米湯，上次係豆湯，印度啲湯口感係吾同啲，幾特別。下次會再嚟…查看更多

見open rice comment呢間西班牙菜吾錯，所以周末晏晝同呀媽日嚟左試食。叫左個 La paloma brunch $298 per person, open rice訂有9折。前菜有五款，個蕃茄蒜容烤面包有驚喜！自己加olive oil 自己磨蒜油上個包度，好好味！個tuna tata 同西班牙辣肉腸冇咩特別，個炸忌廉球都好creamy好味！主食有乳豬，個乳豬好脆，好滑整得吾錯！個西班牙炒飯用個好大好大嘅碟裝住，打卡一流，個mussels好鮮好味，飯就冇咩特別，黃色果個有啲鹹，墨汁果個好食啲。最後仲有個芝士蛋糕，個蛋糕好好味，偏甜，有少少似日式焗cheese cake嘅口感，好滿足！另外叫左杯latte, 杯咖啡就吾多惦，味道ok,但吾夠熱，啲泡幾尺厚，埋單$636 吾貴，用呢個價錢試到咁多野都幾正！…查看更多

琴日同家人去左呢間餐廳飲茶，諗住佢主打上海菜就只有上海野，原來仲有平時嘅中式點心，可以嗌下蝦餃燒賣果啲。點左八款點心，最鍾意係個煎小籠包同埋薰蛋，咬落去個小籠包啲汁多到爆出嚟，真係要小心啲食。薰蛋好香，加埋啲鹹鹹地嘅魚子味道吾錯！另外，個雞絲粉皮比想像中大碟，味道都幾好。不過個煎蠔仔餅就麻麻地，啲蠔仔甩哂出嚟，啲醬甜甜地嘅，未見過。個椰皇綿花雞都幾特別，暖住咁上，仲可以食埋個椰子肉。同埋雖然呢度樓底吾高，但吾會覺得好嘈，都坐得舒服。…查看更多

最近嚟左元朗呢邊做野，元朗係香港最多餐廳既地區之一，當然要好雀躍咁試新野啦! 一開頭比佢個公車必食推選吸引左，後尾先發現原來每日都有吾同的午市精選套餐，日日有吾同野食簡都吾錯! 今次嗌左個香葉辣椒肉碎噲飯加杯熱的泰國奶茶，$58蚊食個lunch又幾公道咼!淨係睇個外觀都吾錯，不過啲汁好似多左D (其實係甜甜地的豉油)，咬落夠熱，味道好夠，炒得都幾香，隻煎蛋仲要流心既，搞到食下食下都爭D食哂。個底就冇再食了，因為太多汁既位置就比較鹹。個泰式奶茶都吾錯，因為本身吾甜，可以自由加糖，非常好! 會再嚟食!…查看更多

Vcity本身都冇乜野好食，星期六日仲要大排長龍，所以行到去呢間店見人吾多就入左去食lunch。叫左個carbonara ，+20 幾蚊就多杯咖啡同薯條，所以加左餐，都成70幾蚊。個carbonara嘅汁真係淡到喊，吾知自己食緊乜，我估可能係蛋黃醬？因為黃黃地色。淨係食到佢面頭啲芝士粉味。好彩個薯條叫做正常啲。杯咖啡我叫左latte，係幾靚嘅，同埋勁濃，所以我飲左幾淡吾敢飲落去，因為濃到會胃痛。可能適合想提神嘅人。…查看更多

同朋友慶祝生日，朋友介紹左呢間火鍋店話食過幾次吾錯，任食仲可以坐足4粒鐘，啱哂成班人想聚聚傾計！前菜有四碟野，木耳，東風螺，雞翼尖，甜nuts，都吾錯！食完等人齊就開始嗌主菜，居然有酸菜魚食！其實仲有烤魚雞煲果啲㨂，我地㨂左酸菜魚Bb辣，辣味吾重，但成碟野都好味，有萵筍，好大同粗嘅芽菜？仲有寬粉。食完都飽左3成。佢仲送碟剌身，有大蝦，鮑魚，帶子同三文魚，都新鮮嘅！火鍋我地㨂左花膠美人鍋，上到黎即刻畢左d 湯飲，又幾好味咼！佢仲送左碟靚牛同海鮮，好滿意！之後再單點嘅牛有兩款，一款牛味重啲，一款淡啲但滑啲，各有千秋。我覺得出色過好多任食火鍋店！無論味道，坐嘅時間同舒適度仲有價錢都冇得輸，每人420左右埋單，真係抵食！…查看更多

同同事一齊食新開左幾個月嘅beans，雖然呢間店有好幾間分店，但其實我從來都未食過。啲人話呢度出名意粉，於是就叫左我最鍾意嘅黑松露軟殼蟹意粉。另外再嗌咗個黑松露醬薯條。不過個軟殼蟹係勁細隻，炸得又唔好食，啲炸粉吾得。跟住個黑松露意粉又勁淡，完全吾知自己食緊乜，加左鹽同黑椒先好啲，食完都吾太滿足。個薯條正常，黑松露醬正常。不過個咖啡都係偏苦，吾係幾好飲。應該吾會再試，除非去第二間分店啦，都可以比多次機會。…查看更多

最近喺屯門呢邊工作，住屯門嘅同事介紹咗呢間米線，一食落口真係不得了，估唔到豬骨湯底嘅小窩米線都可以整到咁好味。由於本人唔食辣，所以通常米線都係叫清湯，清湯嘅話就肯定更加難整得好食。呢間米線嘅湯底再加埋啲辣肉碎真係令成個米線好入味。朋友話呢度出名食豬頸肉，同埋花枝丸。個豬頸肉係唔錯嘅，炸花枝丸都好味。不過碗米線同個湯底先係重點，配菜嘅話就睇心情啦想食咩就食咩。不過呢間成日都排長龍，所以好肚餓嗰陣都係外賣算啦。…查看更多

其實嚟過呢間餐廳食午餐好多次，以前由佢98蚊食到而加128蚊一位。前菜可揀湯或者一次性嘅沙律吧，每次必揀沙律吧，嚟呢間餐廳最鍾意都係食佢個沙律吧。沙律吧大約有6款菜式選擇，款款都有經過調味，還算不錯。今次嘅主菜就揀咗pizza同意粉，pizza都ok的。對得住個價錢，但意粉就食材太少，得啲貝殼仔同魷魚，調味都稍為吾夠。個午餐跟埋甜品，今次係carrot cake，有時都會係朱古力蛋糕或者係焦糖燉蛋。最後我嗌咗杯latte，就要再加20蚊。雖然唔係特別好食，但係個價錢都OK啦。…查看更多

上網見到有廣告介紹緊呢間新嘅餐廳，比佢吸引左去試，因為銅鑼灣呢間係新開嘅，就㨂左呢間！其實佢同而加新式嘅火鍋店一樣，都有好多台式小食比客人㨂，鹽酥雞，地瓜球，台灣腸，滷味，爆谷,蛋餅等等。飲品方面都係有花茶，仲有整好左嘅手調珍珠奶茶，呢個係我其中一個鍾意食台式火鍋嘅原因。湯底都幾多選擇，仲有比較特別嘅木瓜牛奶，我地㨂左田園養生雜菌鍋，味道都吾錯。整體黎講食物質素幾好，又坐得舒服，又有兩個鐘食，不過如果約朋友詳談就真係吾夠時間。…查看更多

次次都係中午食炙和味嘅定食，每次都一定嗌602號餐，有9件壽司，又有烏冬，仲包埋野飲，80幾蚊有交易，好滿足。佢嗰個吞拿魚他他脆餅幾好味，又吾係度度有得食，所以幾特別。另外仲有炙燒左口魚同埋三文魚，好香口，吾錯。其他壽司都正正常常，塊紫菜上到嚟都係脆嘅。另外佢個烏冬呢一個係甜豉油湯底，亦都可以轉做豬骨湯底，湯底就冇咩特別，但係個烏冬都幾好食嘅。80幾蚊食呢一個餐真係性價比好高。所以一有機會都會過嚟幫襯。…查看更多

夜晚做完嘢已經八點幾，行過見到呢間嘢都平平地咼，就走入去試一試。叫咗個燒牛肉丼，仲配埋章魚小丸子三粒，加一杯熱奶茶，都係70蚊，又吾貴咼！個牛肉燒得幾香，又唔會太韌，都對得住個價錢，可惜份量就少咗啲啦，因為佢都擺咗啲蔬菜。啲飯都幾好食，可惜佢林啲汁太少，少咗啲汁送飯就差啲。個外觀係擺得幾靚嘅，不過相對上就少咗牛肉。嗰啲章魚小丸子都不過不失啦。同埋夜晚冇乜人，都坐得幾舒服，如果突然想食下日本嘢都可以幫襯。…查看更多