Pakchicat的个人专页

通常想去寫食評，一係就食到一肚氣，一係就食到舐舐脷🤪今晚喺官塘搵食，行過見到呢間擔擔麵，比佢吸引咗入去，先講服務態度，侍應們都係哥哥姐姐輩份，但係每個都真係笑面迎人，服務質素令人欣賞，今時今日嘅香港眞係難得。需要表楊👍🏻至於食物，兩個人叫咗一個擔擔麵🍜，一個蜜汁火方，一個雲吞雞煱。擔擔麵質哋有咬口，湯底濃郁，$4x蚊都碗係抵食嘅👍🏻蜜汁火方，有啲似台灣刈包，但係佢夾埋塊脆腐皮青瓜，咬口非常脆，好有層次，蜜汁肉甜甜地有桂花味，好啱我口味，一定會為咗佢再黎😋雲吞雞半隻都好大窩，雲吞每粒都好多肉，有成7/8粒，雞肉嫩滑，湯底都好甜，飲完冇頸渴👍🏻總括而言，回頭之選😎…查看更多

其實你做唔切係咪應該諗吓辦法。。禁入嚟睇，原來唔止我一個有咁嘅經歷。。晏晝食lunch ，排隊半個鐘，坐低立即order又要等半個鐘，眼見四圍啲枱都喺度等食．．最慘就係上個海鮮豆腐鍋，上枱嘅時候係凍水生海鮮，但係連個Gas爐都冇，得個固體燃料球，就快燒晒啲水都未滾．．我叫你換燃料球，你個忙到甩轆嘅ABC就話要燒晒先．．唔使30秒真係燒晒，就成個場都搵唔到夥計，我要走入廚房先叫到你哋換火．．真係自己都著埋🤬終於燒咗四個字．．等啲生海鮮變熟海鮮，先至食得，點知啲蟹咬一啖霉嘅．．究竟我俾成舊水食咗啲乜？．．永不回頭+一肚火🔥…查看更多

唔知幾時bookmark咗佢，身為香港人未去過西營盤站，諗住生日就試吓佢啦，book位時已經有小小hesitation.. 要比credit card reservation..24小時內cancel要比$200/head. 明白嘅，太多冇責任心的食客吧⋯⋯環境設計係靚嘅，打咭-able, 但係好嘈…播歌聲好大 （可以令waitresses 自high 跳舞程度），自然令食客說話提高聲線，又可能地方細，聲音困籠，你可以話好熱鬧，但本人就覺得好嘈好嘈．． 隔離枱好近，佢哋每一句說話都入曬耳，好討厭．．揀咗八道菜（內括甜品）每一道菜都刺激緊你味蕾，即係本身係蜜瓜，但你又食落去係西柚，一舊只食到煎燶味嘅椰菜花「扒」，食蠔但只食到酸沙冰，就算明明係甜品，但食落係咸嘅，咸到要飲水程度．ummmm, 伏唔伏見人見志，但新感受並不享受…查看更多

深井唔係一定要食燒鵝 （況且海港好食過佢哋好多間😜）今次試咗印度咖喱寶，經常行過都唔太見到食客，今日中午都係得一枱客，究竟係點為皮呢🤔叫咗咖喱雞同牛腩⋯⋯首先黎個湯同脆脆，湯濃蕃茄加香草小辣，配合脆脆好開胃🤤咖喱雞好出色喔，香草味濃，雞肉有啲外脆內軟，小辣配飯 （始終食唔慣印度飯粒，完全冇咬口），都係配Naan好食😋牛腩咖喱味又係另一樣香料味，不過略嫌牛腩未夠冧身，要讚Naan，上枱又熱又脆，沾咖喱食一流👍🏻食評意外的好，可能冇乜期望，但原來幾啱口味，可以再黎試吓個羊😊侍應都係印度人，夠曬地道…查看更多

被睇開嘅KOL吸引到，一直心心唸想試吓咩叫港式拉麵。。。特登去葵芳搵食，去到門口，侍應都話好好食㗎，入嚟試吓啦！叫咗個胡椒豬肚湯藜麥麵可以想像到嘅味道，係濃嘅，第一啖係覺得好味嘅，但同個麵硬係唔夾，麵質有啲淋，所以食多幾啖已經覺得．．早知叫拉麵啦仲有個白雞湯普通拉麵，湯好濃郁，叉燒係好淋嘅豬肉片仲叫咗個釀秋葵，呢個唔記得影相，但超難食，油浸咁，又淋身．．食後感食完超級口渴，應該唔會有下次嚕…查看更多

見到智將情侶介紹，即刻黎試吓先～以前最愛嘅唐人館執咗，好耐都食唔番啱自己歡喜口味嘅片皮鴨喇，入會仲有$7酸菜魚，而且唔粗製，絕對可以再回頭嘅中菜選擇👍🏻叫咗小籠包，呢個真係一般，皮略厚之後黎酸菜魚，真係唔差，酸辣適中，配菜又夠味，$7咁大碟真係讃👍🏻魚香茄子煲，送飯一流孜然羊排，香蘇羊羶味剛好，配醬係介辣，如果係配腐乳醬就更好喇片皮鴨半例，皮肉分離，塊皮好𥯆脆，包皮夠簿，只係份量略小，下次一定叫全例食過夠四個人本身想叫全隻，但侍應話叫半例（即係半隻）就夠，上碟感覺真係好少，但食落都ok嘅，每人3舊左右，不過山渣條要全例先有，下次再試😋P.S 服務態度真係好一般，絕對有進步空間😉…查看更多

行過兩次，唔使排隊，見到有人流，咁就入去試吓啦，點知伏到一個點!!!!1) 入去坐低，個杯裏便有粒飯，豉油碟有啲菜渣．． 清潔衛生問題都幾嚴重喎2） 一個負責燒烤，三個侍應企喺度吹水，咩玩法？3）沙律湯都正常，但係重點嘅碗飯！ 明明係珍珠米嘅白飯，但係煲到好似軟飯王咁，仲要冇米味，冇牙都食到，不過冇味咁解⋯⋯4）主菜．．牛基本上兩舊肉係冇味嘅，唔好話和牛，連麥記塊漢堡都好食過佢，仲要淋到冇咬口純粹靠啲汁先食得落，唯一可取就係啲芝士，終於有啲芝士味。總結： 牛冇牛味，飯冇飯味！ 究竟我食緊啲乜？ 食完真係嬲㗎。…查看更多

過江龍？er…半半雞 原味炸雞+麥味乳酪炸雞與海原味又乾又冇味．點解完全冇醃過㗎蜜糖味甜到以為自己食緊甜品．．大家一齊食麥記啲雞好食過佢好多海軍部隊鍋，八爪魚都爽脆，其他都係菜同菇味道ok嘅，不過$228就性價比低咗啲仲有呢個八爪魚煎餅，粉漿味濃．．另外叫咗幾杯梳打，奇怪的味道（可能未有酒牌，所有酒精飲品欠逢）總括：絕對冇下次…查看更多

出荃灣本來想食蘇媽蘇媽，行過見到新開張，最鍾意試新嘢，又鍾意食米線，就入去試吓啦😋一碗藥膳花膠准山麵，另外一碗濃雞湯米線。藥膳味都好出色，雞非常幼嫩，平視我唔食雞皮，但係比佢話又滑又令嘅樣子吸引，食落去真係好滑溜，好正喎！不過花膠就有啲腥，食唔到第二舊．．另外一個非常出色嘅小食，係炸蜜瓜鮮奶呀😋佢係我嘅童年回憶，而且佢係即炸系列，外脆內軟，好滑好香，我會為你再黎幫襯😌希望喺旺塲之後仍然保持水準😊…查看更多

晚飯隨意見到就入去試吓，竟然有驚喜喎😊每一台都見到有叫嘅焗生蠔，$10/隻真係幾抵，而且質素都唔差，大大隻，好重蒜蓉。呢個係鹹肉炒萵筍，個樣就麻麻哋，不過識落就好好食，萵筍炒得好脆口，啲鹹肉亦都好好送啤酒😜另外叫咗個田雞干煱，呢個係比較遜色的，因為田雞炸到太乾，而且可吃的肉份量唔多，不過就香口嘅呢個羊腩真係好出色，香脆但仍保持到肉汁，少少羊學羶味，而且佢啲醬料亦都好啱胃口，除咗薄荷醬之外，仲有蜜糖芥辣，同埋好似乳豬醬，兩口子好快就K.O.晒最後重頭戲就係呢個黑糖糍粑，新張入會就免費送，價值$48，一來唔係度度有得食，二來唔係多到整得好食，出色👍🏻唔知係咪新開業冇乜人知，所以冇乜人流，希望之後都可以保持水準啦，我會再嚟幫襯😋…查看更多

想食日本嘢，除咗元氣壽司亭之外另一個唔錯嘅選擇😋壽司🍣併，都新鮮冇腥味池魚刺身，不過不失長腳蟹唔使自己剝殼，蟹膏甘甜😋油甘魚鮫，呢個比較失色，肉太鞋而且冇乜味…查看更多

見到食評先嚟幫襯，食完真係質疑自己嘅理解能力…一坐低有碗糖水叫護胃，滿心期待，可惜中伏感強四個人叫咗一個鴛鴦鍋，入邊除咗辣油之外冇味，一啲都唔香，令一邊秀珍菇煱，都係完全係完全冇味．．冇味就點豉油，點知咸到爆腎．．雖然味覺欠奉，但係直攻你嘅該該嗅覺，一台三個人全程不停咳嗽同埋打乞嗤流鼻水，因為啲辣椒充斥住喺空氣裏面太攻鼻了食物真係普通，唔難食，但係都唔覺得好食，四個人千七買單，真係唔知食咗啲咩，冇下次認真要考慮食評真偽⋯⋯唉…查看更多

知道呢間店係因為Eason youTuber，好想試佢個拔魚餃，咁啱我又好鍾意食羊，行過太子，就真係要試吓～呢個魚餃嘅口感好得意，喺出邊未食過嘅感覺，魚肉嘅餃子，雖然口感唔係好強烈，但係都好清新，未試過嘅我都覺得需要一試之後就到羊羊羊呢個羊肉湯有驚喜，有羊肉羶味，但唔強烈嘅，羊肉一啲都唔吝嗇，有好多片，加埋啲蔥菜芹菜，好幸福，成碗清晒再嚟就係馳名嘅手爪羊，由於佢冇用濃烈嘅孜然粉醃過，反而每一啖都食到佢羊肉本身嘅甜味，油脂分泌平均，點埋佢嘅醬汁，真係一百分唯獨係份量偏小，兩個人食啱啱好再嚟呢個就係韭菜豬肉煎餅，外脆內軟，仲有肉汁，好有清真牛肉餅嘅感覺，都係值得一試兩口子仲未試得晒其他，已經諗緊，下次再嚟，要試埋佢嘅京蔥羊肉餅，羊肉餃，同埋佢出名嘅燒雞…查看更多

平日放假同閨蜜行街～見到食評呢間唔錯所以一試一坐低叫咗飲品先，Espresso沙冰同埋呢個抹茶tiramisu，打卡賣相係唔錯，不過太重奶味。。真係好漏。。想叫水牛雞翼但係冇貨，所以就叫咗呢個明太子雞翼。。明太子釀咗喺雞翼入邊，因為明太子炸到全熟，冇咗應有嘅口感。。不過不失咁啦本來想叫油封鴨窩夫，但係佢話冇Stock，所以就叫咗個海膽卡邦尼意粉。。分量略嫌較少，個果夠濃嘅，不過唔知點解完全食唔到海膽味，意粉有咬口，都係一個幾好嘅選擇最後帶咗佢見signature西多士，呢個真係值得一讚喎，無論外在內在都要一試👍🏻環境細細但係佈置得好啱打卡，見到每一台都係影相影相同埋影相😂不過買單嘅時候就出咗啲事故。。俾咗錢之後先發現，原來佢冇貨嘅油封鴨都計埋落張單度，好彩及時發現，同佢講去就Cancel咗個charge。。大家真係記得要check單😉…查看更多

話說成日見有人排長龍…今日早食飯，行過見到冇乜人，就入去趁下熱鬧～叫咗一個松露吉列牛，加餐另一個牛小排，冇加餐由於喺門口巳經幫你入咗單，所以坐低冇耐就有得食就咁睇牛係出色嘅～個湯就…好一般重胡椒味清湯，重要凍嘅有舊油比你熱石用～個飯加咗飯素其實已經好夠味，唔明點解重要加醬油…成碗飯咸到一個點隻糖心蛋係好味嘅👍🏻至於松露吉列牛…除咗吉列味…我真係食唔到牛味…只係得少少松露味…我個人覺得浪費咗舊牛…另外嗰塊牛小扒就唔錯，油脂分布平均，有應該有嘅牛味食物唔太有驚喜之餘…成間鋪都充滿油煙味⋯⋯其實我哋食完都唔使30分鐘，已經匆匆忙忙買單走人，出門口到返屋企，由頭到腳都係充滿油煙味…臭到一個點。唔會有下次嚕～…查看更多