花Fit男's Profile

最近韓國燒肉開到四週圍都係, 開始淡忘曬日本燒肉, 今日經開銅鑼灣, 去宜家買野, 同女朋友諗食咩好呢? 一望出面見到牛角個招牌, 好有一種係你啦既感覺! 上到去門口, 見到唔洗等位, 心諗前幾年一位難求既牛角而家好似回左塘咁! 真係熱潮就係一切! 叫左個特上和牛盛合: 明顯特上既雪花較多！入口就有融化既感覺，因為油脂較多，口感非常鬆軟，牛味也較濃, 最好味是特上和牛牛肋骨肉, 雪花超多, 就算燒熟D, 入口都係超鬆軟, 而且還很香口壺漬牛肋肉，可能之前已經食得太濃味，食唔出壺漬係咩味，但因壺內有少量既洋蔥，散發住陣陣既蔥味！肉質較普通牛肋肉硬身，不過相對厚身, 要燒耐少少, 啖啖肉, 有咬口燒牛舌, 很大塊, 薄薄的, 每邊燒10秒已經可以食了! 爽口, 加少少葸花同檸汁一齊食, 口感更豐富另外點了一個月子牛角飯, 係一碗日本米淋上日式甜醬油再加上紫菜，再加上一隻温泉蛋, 如果就咁食一碗月子牛角飯，其實唔需要任何餸都可以好好食, 但用來送牛肉當然更一流! 男人都係要飯要肉!…Read More

成班麻甩毒L打完波有咩好做? 當然係補充體力吹水講波經! 由維園行過黎銅記食返個宵夜, 人生一樂也, 係地下見派傳單人頭費加埋一二百蚊有找的放題, 二話不說就上左黎, 人唔算太多可能平日, 個經理好識做俾左間獨立房我地!點個最細既落單, 我地成班就走左去廁所洗返個靚臉, 出到黎唔好講笑, 巳經成枱都係野食, 做到野!! 基本上佢餐牌上所有可以點既都俾我地點灑, 應該無漏單, 我地大口大口吸入, 佢地就不停收野再上菜!我記得刺身係唔錯, 好新鮮, 無雪味, 三文魚肥厚甜, 吞拿魚入口即溶, 赤貝爽口, 甜蝦雖然細隻但彈牙, 係希靈魚爭D, 好粉! 天婦羅都不錯, 炸粉不多, 不太油, 係蝦本身細隻, 唔太多肉食, 炸蠔唔腥, 外脆內滑, 配埋個豬扒醬, 香口惹味, 雞軟骨都好香口, 羊架厚肉多汁;一口牛都好重牛味, 入口即溶, 不過切得太細, 如果大粒D, 口感應該更好! 燒蝦很香不會乾身, 啖啖肉! 牛肉鍋好足料, 豆腐嫩滑, 肥牛好滑, 甜鼓油湯底不會甜, 重點係夠熱, 配飯一流! 芝士年糕，年糕好軟身，包住溶左的芝士，好食! 得閒都要豪一豪, 男人不是只有豆腐火腩飯的浪漫, 都可以過一個豪情夜!…Read More

星期六晚同朋友見到尼間餐廳， 見到幾唔錯咁，而且干凈企理，於是入去試下。裡面的確幾有格調。我叫左個石頭鍋牛肉飯同埋海鮮炒年糕，有小菜免費送，係Ｄ魚仔同埋泡菜。石頭鍋牛肉飯，上菜時好熱，味道唔錯，配料幾新鮮，裝醬料個器皿好得意。撈下撈下，好過癮，除左牛柳粒，里面仲有好多配菜，有紅蘿卜，白蘿卜，粟米，冬菇，菜。里面有飯焦，好香，我覺得唔錯。海鮮炒年糕$48，有青口，蝦，同埋日本餐廳成日出現紅色一圈一圈個D，我唔知叫咩名。海鮮好新鮮，唔會腥，年糕軟綿綿，里面有D彈牙，好過癮，D汁少少辣，韓式燒牛肋骨，呢個配生菜同蒜片一齊食，個朋友話吾錯。同埋個海鮮豆腐鍋: 個湯底好正, 有少少辣, 好足料, 有埋粉絲底, 仲配埋個白飯添, 份量都唔少, 值得推介, !!真系唔錯。論裝修，服務，食物，價錢，我覺得系女人街黎講我覺得系水準之上，一定會再黎過 …Read More

咁尋日...咁岩打算入石澳沙灘，但係因為要等埋個frd，唯有去左行筲箕灣，睇下有咩好食下。醫下個肚仔之餘，順便等下朋友咁囉。行左去筲箕灣東大街個頭，遠距離眼見有一度，排哂隊咁。八卦既我，咪好自然咁行去睇下，點知原本係賣雞旦仔既。咁我都抱住試試下既心態，點知佢ｄ雞旦仔幾好味，咁我都叫左一底雞旦仔同一底格仔餅，同我個frd開心share。先唔講雞旦仔，我個人比較鍾意格仔餅，佢個格仔餅做得唔錯，又香而且做到外脆內軟，同埋醬汁都岩岩好。另外佢可能因為太多人買既關係，佢係即叫即整，等大約１０分鐘左右就食得，等無所謂，因為咁樣岩岩整，夠哂熱，好正 。事後問番朋友先知，原來呢間鋪頭都幾出名，同埋我都真係覺得幾唔錯。真係幾值得推介比大家。…Read More

而家係香港, 想食好味d既野多數過百元, 除非食茶餐廳! 但係朋友上星期帶我黎依度食飯, 4個人食到飽灑竟然每人唔洗80蚊, 仲要好好味, 而且尖沙咀地段, 真係講都無人信!!依度除左食到沙嗲, 最令人驚喜係食到馬來西亞肉骨茶!! 前年去過檳城飲過後就一路念念不忘肉骨茶的藥材香味, 回港一路都沒有再嚐過, 今次無心插柳竟然可以俾我懷念下, 實在太好了, 依度既肉骨茶都好足料, 一樣有好香既藥材味, 肉都好好味, 好稔身, 可惜沒有跟上油炸鬼, 始終覺得欠了一點點。 仲有一個荷葉包雞都好好味, 好特別, 每一件打開既雞都好似個三角形, 沒有皮但出奇地滑同惹味, 唔知點整但我想係必食! 其他沙嗲串味道都好惹味, 唔乾身仲有好多沙嗲汁包住啖啖肉, 啱灑我地成班暴龍!! 唯一係呢度設有時限, 1.5個鐘要還枱, 仲要人齊先入座, 不過以依個價錢, 我覺得都好合理, 我會再回來品嚐的!!…Read More

係香港真係好幸福, 想食咩都有而且又唔洗去到好遠, 好似想去燒野食唔洗去效外, 市區一樣得, 上網搵到依間樓上cafe有bbq提供, 出面燒入面食仲有冷氣嘆, 係尖沙咀中心地帶, 近地鐵站仲任燒任食, 咩都準備好帶個人上去就得啦, 乾手淨腳。食物同服務都好唔錯, 仲要不設時限, 可以燒成晚, 酒可以任帶無收開瓶費, 仲有好多桌上遊戲玩, 我地當晚由6點玩到12點都唔捨得走, 都係$220, 十分抵, 好值得推介俾朋友!! 唯一一樣唔好既係個bbq場細, 而且對住大廈影, 當日仲有另一班人燒野食, 所以要共用個bbq場, 所以都幾逼!! 不過野食同服務都好好叫做搭夠返, 同埋環境其實比去效區好, 起碼乾淨企理!! 做人都唔應該要求咁多既。食物最吸引係牛肉串, 肉味濃, 醃法特別, 不用加牛油或蜜糖都十分夠味, 仲有小小既黑椒唔太辣, 惹味, 雞扒大大件雖然幾難燒但係醃得好香蒜味, 嫩滑, 依度可能係樓上cafe關係, 我地發覺醃野唔似出面其他燒烤場咩食物都差唔多味, 而且fill野食都算好快手, fill咩都有, 食物方面係無可挑釁, 好值得推介。…Read More

咁尋日...睇完戲...一出戲院就見到依間峰壽司....見好耐無食過又無咩人, 個陣10點, 侍應話10點半last order, 11點關門, 香港地1個鐘食飯本人覺得好正常, 當然無問題, 難得唔洗排隊食到峰記!!峰壽司係本人好鐘意既壽司點, 因為新鮮價錢大眾化款式多又有埋熱食服務又好, 所以成日排長龍係好有道理!是次點左三文魚盛合, 三文魚原來都可以有好多組合, 原來羅辣醬跟三文魚係咁夾既, 味道有點似煙三文魚味但好似三文魚咁清新, 配埋小小蟹子係上面, 所以口感都幾爽口, 三文魚跟沙律醬都唔錯, 而且只係賣$68 我個人覺得好抵食!!!另外我最有驚喜係點左個鵝肝壽司, 上面仲有金薄同蔥絲, 鵝肝本身煎得好甘香, 外脆肉軟, 仲要熱辣辣, 一流。我試過係板前叫鵝肝壽司, 真係嚇親, 難食到想死我以為我叫左件肉餅壽司, 價錢同峰壽司好似差唔多!!!所以我能總括峰壽司用料真係好唔錯!!香港人始終係識食!!我地仲叫左個清酒煮蜆添, 雖然唔係好大隻但係無沙仲幾鮮甜同好香清酒味!!確實唔錯!!!…Read More

食完日本野, 女朋友想食糖水, 好, 諗住去食五代同堂, 但竟然執左,好在我知行前少少有發記.入到去, 心諗五代都做唔住, 但發記竟然可以?點左個芒果糯米滋, 糯米皮加椰絲再加甜甜的芒果, 不錯不錯,我另加左碗紫糯米$28, 入面竟然有粟米, 很奇怪, 但味道倘算好, 加上有芋頭落去煲, 所以都很甜和香滑, 芝麻糖丸皮不太厚, 有咬口, 性價比不錯。女朋友再加左個益力多芒果雪花冰, 估唔到益力多同芒果咁夾, 雪花冰亦很滑身, 不錯.…Read More

食過伊呂波午餐，想試晚餐好耐。今日決心同女朋友試，金牛就飛走了。侍應安排我地坐係大廳中間的榻榻米座位, 位就非常寬敞, 坐得很舒服，但要除鞋先坐得，個人覺得比較麻煩。。。點左個海鮮併盤$4xx，份量少到喊, 完全是一人份量， 蝦十分生猛新鮮，上檯時腳還在動，都算幾大隻，還有膏，可惜得一隻，燒三文魚則很多油份，好滑溜，幾特別。燒牛舌厚身爽口彈牙，值得推介。重頭戲是和牛，油花分佈平均，入囗即溶，回味無窮，真的不得了。可惜索價太貴，不值，無下次。 …Read More

之前經過依到見到佢環境都幾好,一直心思思都想黎試下,所以今日同朋友黎就一早訂定位喇,去到既時間都算早,無太多人排隊,所以好快就有位喇,朋友話佢早左到個時見到勁多人,好彩BOOK既時間都岩岩好首先就叫左依個了Parma pizza,之後就係一個卡邦尼意粉另外叫左個蘑菇唔知咩野,不過真係等左好耐下嫁,. 白色既芝士分量控制得岩岩好, Parma ham食落有少少肥仲有少少油膩,不過味道都唔錯,反而咁樣食落又有另一番風味, 大致都算幾好食既另外個卡邦尼都唔錯,好岩我自己既口味,都算唔錯,之後佢地無喇喇送左兩客甜品比我地,但我地自己都有叫到,可能係因為個PIZZA太耐所以先送比我地,佢地D甜品都算唔錯嫁,我自己比較鍾意個chocolate cake,因為佢個場朱古力味好香。總睇黎講依到味道都算唔錯,而且服務都好好價錢又唔會太貴。 …Read More

錦依間鋪頭就係淘大商場外既一個角落頭仔，未食過既絕對唔起眼嫁， 但佢實際上其實有好多熟客去食野。不過今次係我第一次黎,而朋友就黎過幾次,佢話有機會一定要帶你去食,佢話黎到一定要食依個牛肉蛋卷，當然係令佢一試難忘,我都非常鍾意,暖暖地既甜蛋中間仲有包着少少牛肉， 加埋少少醬油，味道會岩岩好，非常好味之餘,食落仲好有質感，同出面既蛋卷唔同不過味道都唔錯既,之後叫左個雜錦海鮮配迷你烏冬,依個都非常好味,而且份量都算好多，佢D刺身新鮮夠哂,有帶子,三文魚,吞拿魚同埋八爪魚，仲有魚子,不過佢個魚子比較上鹹左少少,之後試埋個天婦羅,都係唔錯嫁,炸粉岩岩好唔會太厚。之後朋友既海膽魚生飯,都幾正,雖然只有兩舊海膽， 不過食落都好過癮，海膽夠哂新鮮又夠甜,食落真係唔錯嫁。 …Read More

平時去都應該要等位嫁,好彩今日都唔洗等太耐,撞正岩岩有人走,所以就有位LU。我鍾意依到D野夠濃口味,因為佢個湯真係依到既重點,顏色睇落好深,睇就知佢係好濃味,絕對岩我心水,但咁濃咪一定好重味精,但佢又唔係,因為佢個腩汁真係咁既色,真係好正,今日就叫左幾樣餸有牛肺牛筋既面,平日係出面好少食牛肺,因為出面個D唔夠味,不過依個冇得頂，軟身又唔會無哂咬口,最緊要係佢好厚身又大塊，D汁入去非常好食！！牛筋就好好食既,夠哂林呀,膠質勁重,不過平時唔係成日,因為佢太稠,依到既都係一樣,不過好在夠滑,唔係我就真係唔鍾意，另外再叫左個羅白同豬紅,佢依個羅白真係超哂班,就哂唔係依季,佢都整得好甜,豬紅又夠滑,真係一流。仲要樣樣都好足料,唔會話好少,份量十足,如果諗唔到依咩不妨試下雜面,咩野都有,都幾正嫁。…Read More

今日黎左依到食飯,位置都幾特別嫁,入到去裹面唔算太多人，當然都唔洗等位一坐低就當然要睇下餐牌，價錢絕對唔貴,咁就唔想諗太多,就叫餐就算喇,一人一個唔洗煩我就當然要叫麻辣拉麵，之後就要左依個日式炸豆腐，朋友就要左蟹肉拉麵同埋依個煎餃子,等左一陣好快就黎喇,全部既賣相外觀都非常好好,麵係好抵讚既,因為食落好彈牙,口感好好，湯底方面都唔錯,起碼夠濃先,我個麻辣拉麵就幾樣配料,叉燒、蟹肉、肉碎、牙菜荀大蔥花海帶，辣就唔算太辣喇,不過食落好香口,唔錯既,如果再辣D就仲正喇,另外就係個麵既份量係十足嫁,一個人食真係超飽呀,朋友個煎餃子都算正常，幾好味,食落口起碼脆脆地,唔錯,又唔會太油,最正係個豆腐,食落非常之滑呀，當然就要襯熱就食，如果唔係就會唔夠脆口。 …Read More

今日黎左依到,加東叻沙蝦麵。有D似茶餐廳既環境,不過消費唔算嫁,有大約五十蚊既最低消費,當然叫一個人份量就會超過喇,依到幾唔錯嫁,飲落既水會有清清地既檸檬味，幾特別,黎到就當然要叫喇沙喇,我就要左依個雞絲,蝦同,豆卜配依個檬粉,咁樣叫已經過左最低消費嫁喇,黎到既時候已經有一陣又一陣既椰香，非常之濃郁,睇落就已經好開胃,再加埋湯底既油,口水已經慢慢慘出黎,已經知道佢應該好辣喇,D配料就無咩兆特別, 雞絲就真係好一般,淡得濟食落無咩味﹗但推介既係豆卜,因為佢會吸哂湯既精華，食落個味道非常濃郁,仲帶少少豆香，仲有咬口,一定要叫依個,不過個湯就一流，湯底質感非常之濃同埋稠稠地，仲有好濃既椰香味,當然係非常之辣喇。好彩既就係依到用既檬粉唔會太吸到個湯既味，如果唔係會辣到食唔到﹗ …Read More

之前朋友介紹我黎依間到食野,今次咁岩係附近買完野,所以決定要去依到食下野,。不過真係估唔到排隊既人真非常之多,都差唔多等左成半個鐘先入到去食野,不過唔算太肚餓,等一陣都ok既,終於可以坐低喇,睇一睇個MENU,價錢真係十分十分之公道,首先就叫左個周打海鮮湯,因為真係好平既關係,份量唔算太多,不過味道係非常好既,。之後就叫左一個甜蝦沙律,真係好多蝦嫁,不過就真係比較細隻。朋友個番茄香辣藍青口湯,依個我自己十分鍾意,因為依個湯真係比較辣個種,所以真係好鍾意,之後就叫左依個地中海海鮮Pizza,佢都算係最貴既一樣野食嫁喇,因為真係比較平既依到既野食,味道真心唔錯,不過三文魚就咸左少少,成個味道真係唔錯。最後叫左個卡邦尼,都唔錯既。 …Read More