Joyhmw的个人专页

都好耐時間未去過旅行香港應該普遍都好掛住台灣夜市嘅小食！呢間新開張都冇幾耐，今日lunch就去買咗嚟試！灣仔平時好多人等位食飯，我提前11:00 WhatsApp落單12點9去到已經可以拎，方便慳時間雞胸肉好滑，蘋果、甜不辣同埋蜂巢豆腐配搭都幾match ！完全醫治掛住台灣既感覺大中小辣同BB辣都有，我今日是有少辣有辣感覺好香口，但係唔會太搶，蒜香真係開胃。一人餐份量女士午餐已經夠飽下次再試吓水果餐同埋其他餸先…查看更多

想同朋友慢慢傾計食下串燒行到黎西環海邊見到串燒小店門面好型格係年青人既路線但最重要都係服務好好,每次上菜都會介紹來源同食物名!味道新鮮,整體唔會太過火,係生燒而且生熟程度掌握得好好!廚師要記一功!三瀨雞翼又香又脆和牛好juicy又有soysauce foam!勁特別呀我覺得佢上煙壎既時候真係好正,估唔估到入面係咩?係明太子呀!!!我偏心個豚肉荔枝~出黎個味好夾同埋清新~飯團做到外脆內暖又有飯香~只係睇相都好想再去食!價錢合理…查看更多

好耐冇出街食飯啦，但點都好同朋友慶祝生日就唔少得。2個人就決定去食燒肉加邊爐放題，準時7點3入座。好細心店員會量下體溫同消毒雙手先招呼我哋入座。感覺成個地方好整潔，人流控制得幾好，唔會好多人同時拎野食，寬敞舒適！野食多過好多酒店buffet 可以打邊爐同時燒肉，仲有唔少刺身壽司，熱食同甜品。一家大細都適合！一黎我哋食左燒肉，多款又入味，牛粒同豚肉粒都好多汁又易燒！好香口，叉燒同多春魚我都喜歡。邊爐就有壽喜燒湯底同勁多唔同醬料揀。甜品同野飲好多好多，心大心細最後揀左好耐冇飲嘅沙士。…查看更多

沙田新開唐宮小聚特色嘅點心做主打，樣樣都別出心裁！沙田又點可以唔食乳鴿。脆香一流，一上碟已經流口水。新開都勁多人，晚市好旺場。但野食起得好快！效率高。5小碟冷盤一啲都唔common!罕有！上碟靚。燒賣真係流心，入面有粒流心蛋！手工取勝！冰鎮咕嚕正到痺，外脆內熱。仲有好多水果。芝麻蟹粉好濃嘅蟹汁。手工葱油麵唔太咸。蠔煎餅好酥，唔係潮式，係粵式！甜品叫左3款，只係打卡都抵返。好味又靚嘅餐廳，而家買少見少。…查看更多

一大班人想搵間野食大夥兒開心下我地做完運動好攰，就不如一個人叫一樣野SHARE食叫左10個小菜左右啦~黎到既時候都好開心..見到好大碟~心諗真係抵啦~點知原來好多碟都比較大呀!我地就問店員可唔可以cancel未黎既野食點知佢話唔得..我地又問點解D野咁大既~先知道原來店家自行改左每個菜X3即係收我地3倍錢同埋俾3倍份量~當中有朋友立即不滿，其實我店家係擔心我地唔夠食？其實都可以問下我地先再加底,咁樣自己加左底又唔同我地商量,真係有少少唔開心…查看更多

平時食西餐離唔開食西冷肉眼同羊架，今日就介紹下另類西餐。兩個晚餐set都有包湯。我就升級揀左龍蝦湯，濃厚味好香蝦味餐包即焗非常之脆。頭盤加錢叫左鵝肝。嘩，勁厚切。鵝肝油俾多士索左好好味！必食主菜海鮮餐，龍躉球意粉！好fusion好少餐廳有龍躉食蛋黃焗大蝦拼雞扒亦好野味。最喜歡食蝦頭嘅糕雞扒肉嫩入味，薯條亦非常夠份量。甜品係無可取代嘅焦糖燉蛋係超級好味，加雲喱拿籽，精華所在。心太軟配以雪糕一冷一熱好夾，濃朱古力醬流出好吸引勁滿足勁飽嘅一餐，價錢中肯地方好啱傾吓計！…查看更多

抽空俾自己一點寧靜時間。係間小店到鋸下排，點知搵到好野食！凱撒沙律好多料，份量夠！份子料理之雜莓。好少鋪頭有架喎主菜肉眼5成熟。肉眼筋位都多喎，但牛油流出嚟時好香。唔可以太熟，肉質一食就知來貨貴，做緊第2件半價，下次叫多個人。配料好正，薯仔切片拎去煎香，又冇薯條咁炸，又有香口感覺！讚Dinner set 有凍飲包埋，大杯好夠飲。好細心。值得一提餐廳座位唔多，多數walk in 都冇位或者要等頗長時間。訂位就穩陣啲:)…查看更多

石燒牛呢排開到成行成市,好似好多區都有咁...荃灣廣場附近都有呀原來!
牛県距離西鐵站唔遠,荃灣廣場行5分鐘左右就到,地方唔大但係都幾多人架喎!多數去完D衫都會有陣味,所以牛県好貼心咁俾左圍裙食客用。有Menu解釋邊個牛部位有咩特式，同不同重量，有200g, 300g 同400g。見到厚厚既牛肉真係流哂口水呀！慢慢等到佢多外熟內生，每個人都可以按自己喜好既生熟程度整！正呀～牛橫隔膜膜肉出面好少有。一隻牛只能切出一塊橫隔膜肉，噢，珍貴呢！一絲絲肉，咬口有同埋濃牛味，勁推薦。牛側腹脂肪比例多，勁香又厚。份量好夠。加多散叫嘅A5和牛腹，只得6片左右，但認真入口即溶！正正子。牛肉嫩滑得多,唔知係唔係來貨好,石板溫度又唔會過熱呢?5選3套餐可以有白飯／南瓜湯／沙律／飲品／薯條！紅酒牛肉汁同阿根廷青醬好特別呀！價錢真係中肯！荃灣既愛食牛之人有福了一定唔會令你失望！…查看更多

文青cafe梗係一定要打下卡啦Dazzling大家唔會陌生，食物好味又靚，地方最啱傾計影相。蕃茄明蝦意大利麵，有好多隻大蝦，好札實好甘甜，酸蕃茄汁好開胃，加煙肉芝士碎好香，正呀。和牛堡用左和牛制作。酥脆牛角麵包皮好鬆！食左唔會覺太飽。醬汁係特製嘅辣肉醬。勁好味，唔食得好辣嘅我都食左好多！太陽蛋顏色鮮豔好好味。仲有薯條送！Dazzling Cafe特調好啱夏天飲，香甜清新，有淡果香。Hazel mute latte味道濃香，上枱時候好靚呀。總括佢既野食好美觀而家野飲好靚，一定要一人一杯啊。地方舒服取勝~…查看更多

文青cafe呢家野梗係一定要打下卡啦
,新蒲崗而家都有間叫wannatry.見晚餐時間想坐下慢慢食就同朋友2個去試.幾好坐架地方唔大但係都幾舒服.野食即叫即製!叫左想食柚子雞,我冇打錯佢個名真係叫想食架~
雞加柚子係好清新架!酸甜感覺加上幾刺激嘅酸辣開胃小食，好大份啊！明太子忌廉意粉份量大，忌廉汁有輕芥末味，香口帆立貝好多粒，有質素。主食加餐湯又得加咖啡又得,好有彈性總括佢既野食好美觀而家野飲好靚,地方舒服取勝~一定會再黎！…查看更多

一個人諗唔到食乜好就食呢間，成日行過冇乜人，但壽司都幾有特式呀。大漁軍艦係有d澎湃，好好味啊！見到都開心。四款壽司都跟有刺身，嘩！抵！四款都係比較名貴嘅海膽，蟹肉，魚子同呑拿魚腩。一口剛好，放入口中行滿足。叫左比較少地方有嘅燒魚翅。香紅魚翅帶微辛，口感好Q。可惜冇飲酒，絕配！池魚大件抵食。2片唔夠候。但味道有d淡，如果配醬油為佳。佢嘅壽司豉油都好正，淡嘅九州風味。明太子沙律好野味，好多菜同明太子，仲有三文魚刺身。一個人呢餐真係勁錫自己…查看更多

香港大學站有好多文青cafe，呢間新開未食過今日就食左午餐。地方好寬樓底夠高，好通爽。坐上客都有d文青係到睇書用電腦。Lunch 有 Salad, toast, pasta 同 all day breakfast 等等。舒服就不再話下，先黎手沖咖啡好有味道，唔會過甜，啡豆味都濃厚不散，上品！野食即叫即製，全日早餐好足料。牛油果好滑口又健康，腸仔係芝士腸，炒蛋同煙肉同好香。特別嘅自家造 Earl Grey Apple Jam好甜，搽麵包適合。炒蛋煙三文魚多士係經典早餐，好味唔太飽，啱哂想keep fit 嘅Lady！…查看更多

成日都覺得夏天最適合食泰國野。除左熱嘅天氣又想起泰國風光，仲因爲泰菜五顏綠色。今日和家人外出用膳就食泰國野，亞萊嘜嘜比較人多，訂位至穩陣。青檸沙冰好解暑！堅酸但好好飲，開胃推薦！皮蛋蝦餅啱哂喜歡皮蛋嘅我。香酥蝦膠做底好彈牙。金邊粉唔可以唔食！燒雞好大件，上枱時好震撼我至愛就係醬汁令到我越食越多。潮爆炸鮮魷脆香野味，醬汁好多，好辣，邪惡之選。冰鍋原來係甜品，凍嘅邊爐我真係第一次食。入面材料有芋圓同唔同嘅水果，泰國風味加分。…查看更多

意粉不嬲唔係我嘅喜好，今日朋友竟然提意食呢間，咁我就去試下啦。坐低見到個2人set,唔係意粉狂熱嘅我都變得好想食！頭盤有2款湯選擇再加沙律，洋蔥湯好香啊！飲品配以奇異果加橙嘅水果茶，健康又好飲。嘩，小食加左個青口，濃茄汁加以10幾隻厚肉青口。意粉我地食左芝士貝殼粉，好澎湃既芝士充滿住個口，啖啖都食到芝士香味，如果喜歡芝士嘅一定要食。主菜係牛柳粒，咬起唔會過淋過硬。鐵板上枱夠哂熱，淋左洋蔥汁炸炸聲，之後咬入去好有肉汁！甜品係tiramisu 2件，好完滿。…查看更多

好耐冇食過一間米線咁用心做小食，除左比較大嘅連鎖米線，深水埗仲有裕一品不可錯過。原來有20年歷史之久。豬大腸嘅紅油勁吸引我，麻油帶微辛，好好咬，開胃之選。雞皮串好好好脆！12蚊好抵！有d似腐皮卷，雖然好Guilty！但一見到忍唔住，咬落好香口。雞翼兩款口味，20蚊！鹵水比較入味多汁，四川麻辣就脆口刺激。當然唔少得四川米線，10小辣俾我舌頭嘅麻痺感好正，又不失清甜湯底味。配料有少有嘅生根~每一樣都用心整，雖然位置唔多，但都坐滿人客。非一般連鎖做到，下次一定幫襯。…查看更多