Vickkkkyyyyy的个人专页

揀呢間餐廳係因為有outdoor 揀，可以望海食飯好似好chill🥹去到現場，環境都理想！有大風扇吹，唔會好焗，但天氣太熱的話都唔建議坐外面。餐廳係正海之戀入面，望到海濱長廊，好彩無乜臭味！燈光比較暗，但影相又算唔錯，幾適合情侶或者卡！嘢食亦出乎意料地好食！兩個人叫咗個set，560約有沙律、湯、意粉加main，仲有兩杯野飲🫶🏻沙律正常，蘑菇湯足料濃厚，飲到蘑菇蓉，唔錯！蒜蓉蜆意粉個名好惹味，但食落就無咁刺激。意粉煮到Al dente，蜆無沙有香草吊味，整體幾好！只係平時其他餐廳會有辣椒惹味啲，呢到就比較平實，無辣味。Main係豬鞍，好高質🥹齋睇外表都知佢啖啖肉得嚟肉嫩多汁，完全唔鞋唔靭，調味火喉都精準控制到！想再試😻訂位嘅時候可以remark加蛋糕寫人名慶祝生日！餐廳都好用心，成個盤用朱古力寫字，仲有少少生果裝飾，絕對唔hea！職員仲好主動講生日快樂👍🏻我哋仲叫咗鳳梨smoothie，細杯啲但味道幾好無死甜。總括黎講，食物環境服務都唔錯，會再去食😋😋…查看更多

Lunch有三款基本套餐，308到328，主要係帶子、蝦同鵝肝嘅分別！極度推薦大家要揀最平嘅帶子！！帶子新鮮不在話下，畫龍點睛嘅一筆係師傅會將帶子燒出嘅汁加昆布變湯，連埋燒得剛剛好嘅帶子，鮮味滿滿！大蝦都好食，彈牙爽甜，隻蝦有成隻手臂咁長，一睇都知正！師傅齋用鹽加少少牛油乾煎，仲撈咗啲蝦膏煎汁，所以蝦味極度濃郁！但係比起帶子，就略嫌乾咗少少！銀鱈魚煎香，肉嫩但略嫌多骨。師傅會將魚皮煎脆，嫩滑魚肉配脆魚皮，聽到都知好食啦😋 如果口味比較重的話，可以點微酸少辣蕃茄汁，吊出魚嘅鮮味，食來仲好消暑❤️主菜前有糖脆麵包作間場，建議各位美女唔好望師傅點整，只要吃便可🥲主菜可以揀薄燒牛或煎牛柳或者豬。我個人較喜歡前者！呢個價錢當然唔係食A5個類和牛啦，不過都足有兩塊手板大嘅牛，師傅會用嚟包蔥加蒜，輕燒至你喜歡嘅熟度。一食落口，我覺得反而畀燒牛柳嘅肉味仲要濃，好惹味！而且蔥蒜有水份加埋肉汁，又係大叫好好味啊系列🫶🏻Lunch set仲有沙律、炒飯、炒野菜及甜品或飲品，無可能食唔飽🥹而家book lunch已經去到九月先有位😭想係香港食好嘢真係好難啊😭😭…查看更多

福元湯丸真係名不虛傳😻一咬落去，嘩爆晒餡啊🤤芝麻餡係香、濃、滑，而且食到有炒過嘅香味，好特別！除咗家燕姐式大叫：「好好味啊！」外，只能一口接一口咁呑晒佢哋🤰🏻…查看更多

中秋最適合燒肉，推薦呢間灣仔韓式扒房🐮呢間扒房賣點之一就係熟成牛，食落特別軟嫩，加上有專人幫埋你燒，完全唔需要擔心燒燶😋啲牛食落有少少似叉燒🤣少少焦香同柔軟多汁，真係好好食🥲另一個要推薦嘅原因係性價比高🥇餐廳有一個steak omakase，每位380兩位起。當日我哋四個人，叫左兩位份量再加一塊西冷，已經好飽🤰🏻餐廳行型格路線，燈光偏暗，但坐得幾舒服，絕對可以一試！推薦指數：🌕🌕🌕🌕🌕…查看更多

Sensory Zero最出名嘅黐線朱古力真係必定要試！作為淨係鍾意飲凍飲嘅任性肥宅，嚟到都一定要飲佢熱辣辣嘅朱古力😍飲得出朱古力帶甘，唔死甜，入口順滑醇厚，唔係用奶或者水求其沖就算。呢度嘅嘢食其實都唔錯，但價錢真係偏貴🫠一個all day Breakfast都過百蚊，但係大家都見到圖，除咗貓貓麵包造型比較可愛之外，其實啲用料食落好普通而且份量都唔算多🥲牛扒半生熟蛋丼睇相都知係正嘅😋不過略嫌乾咗少少如果有汁會更加好！…查看更多

一直都好想試吓呢間餐廳！佢最出名嘅應該係佢嘅view，如果天氣涼少少坐喺出邊食的確係一個唔錯嘅選擇！成間餐廳都係落地玻璃窗，採光好充足。原本以為都係一個食環境嘅餐廳，但係估唔到嘢食都幾好！海鮮pizza脆就當然啦，雖然海鮮份量唔算好澎湃，但係個賣相都幾唔錯😋不過食起上嚟就有啲麻煩，因為啲蜆係連埋殼🫣味道合格有餘，基本上芝士加蕃茄嘅味道唔會有得輸。香煎銀鱈魚肉質滑嫩而且好大份，基本上冇雪藏味已經贏咗一半。唯一嘅問題係薯蓉唔知點解要加橙，撈埋魚肉一齊食亦都唔覺得特別好味🤔有少少多餘，因為本身薯蓉係非常好食！好重牛油味，質地幼滑，如果有得齋叫一兜都OK😍最後嘅煎牛柳，七成熟，少少焦脆，入口保留到肉汁，收貨。大約每個course都係200至300蚊左右，係呢一個地段仲有呢一個環境加食物質素，大時大節有嘢慶祝可以再嚟試吓🫶🏻…查看更多

有少少失望🫠老實講餐廳入面大部份包都要過百蚊，所以對佢嘅要求會高一啲。包體冇乜特別，烘到有少少脆，而且包嘅汁唔算多，所以偏乾。但係最失望嘅係中間嗰塊牛，真係好乾，而且冇咩肉味🫠 如果同樣嘅價錢會推介食嘉寶！…查看更多

天氣又熱又焗，個人濕到爆，每日都好想食好惹味嘅食物🫠亞叔泰麵係元朗、大圍都有分店，今次到大圍店一探究竟！招牌牛肉船麵，真係滿分。個三舊牛腩好食到不行！！軟淋輕易咬得開，仲要入味，比起好多主打牛腩嘅麵鋪仲要高質🫡湯底稍重藥材味，飲多兩啖會帶苦，建議跟指示落四大調味，湯底變得甜中帶辣，幾特別！佢仲有幾款面底可以揀，今次揀咗蛋麵，食落去唔會太索汁有少少彈牙。今次仲叫咗雞寶、豬頸肉，四十幾蚊份量十足，香口好食，可以一戰！朋友亦都試咗椰子雞湯，話比較重香葉味，同平時食開嘅味道有少少唔同，如果大家鍾意香葉味可以試吓🫶🏻…查看更多

銅鑼灣抵食居酒屋🏮入面佈局其實比較似bar，高枱高櫈，不過都幾適合三五知己happy Friday黎食下嘢下嘢🫶🏻安格斯封門柳（143/200g）睇落好raw好血腥，但食落又唔會好難接受。鐵板輕輕燒過，唔韌之餘仲有少少肉汁！親子丼雞滑有蛋味，無蛋腥，口味較清淡🫶🏻鐵板燒一夜干扁扁的卻有滿滿魚肉，魚皮邊燒得少脆，有魚脂香，係下酒首選！魷魚圈熱辣辣又脆又香！牛舌超級厚（42蚊一串兩塊）雖然厚但食唔到牛膻味，淋得嚟又食到燒肉個種獨特嘅質感，調味節制，好食！推薦指數：🌕🌕🌕🌕🌗…查看更多

尖沙咀新開韓式cafe，有好多款有餡macaroon！大大舊好多餡，色彩繽紛令人食慾大增🤤雖然中間好似好多cream，但其實一啲都唔會過甜，食落去輕盈唔膩🥺而且各款味道唔假，唔似傳統macaroon淨係食到糖粉味。真係幾好食！100蚊三粒，係開學嘅日子獎勵下自己都唔錯😉…查看更多

大家係咪好耐無返家鄉，好掛住和牛呢🐮 sukiyaki mori幫到你😋每枱都有一個師傅專門負責燒，完全唔怕自己笨手笨腳燒燶和牛！餐廳主要係兩個套餐：mori omakase($1480up) 同埋我哋揀咗嘅sukiyaki set($680一人) 。每人有4塊手掌大嘅A4級和牛，分別係西冷、肉眼、牛肩位。聽落好少，但其實和牛脂肪比例高，仲要咁大塊，好快就會覺得「漏」。而且個set除咗有日本米煮嘅白飯任食外，仲有前菜（圖3: 舞茸菠菜以菊花點綴，仲有燒白果、三文魚子飯、燒甜薯）、舞茸蒸蛋（圖4）、日本空運野菜（師父會燒一塊肉，然後燒野菜清清口腔再燒下一塊肉）、滑蛋牛肉炒飯（所以前面唔好食咁多白飯！一定要留肚！可揀多飯、少飯），最後仲有好好食嘅奶凍同蕨餅！食到最後真係捧住個肚腩走🥲如果大家都好想試下就記得每個月一號打電話去預約下一個月嘅位啦💁🏻‍♀️係呀…就算佢有三間分店，都最少要早一個月約，仲要未必有人聽電話🤣十月頭去食時，已經偷聽到佢話十一月得返幾日有位🤑推薦指數:🌕🌕🌕🌕🌕🌕🌕🌕🌕🌕…查看更多

平時係元朗飲茶一係去得閒飲茶，一係去老鳳茶居，兩間都唔錯但已經有少少厭🥲今次特登去朗屏嘅8號茶居，就係朗屏站f出口朗屏8號對面嘅小店。入面嘅點心有啲特別少少嘅配搭，好似圖4嘅青瓜叉燒腸，比平時嘅叉燒腸少左啲甜味，比較清淡，未必個個鍾意。但呢到最吸引嘅係瀑布奶黃流沙西多士，一上枱已經見到中間凸起好似大咗肚咁！然後一切落去相都影唔切，奶黃流沙已經洶湧而出，最後西多係浸係一片奶黃河之中🤤味道唔會過甜，流沙中能夠見到點點嘅咸蛋黃，不過食落就唔係好覺🤔建議大家一定要趁熱食，而且三個人以上share先好叫，因為真係好「漏」！如果經過附近可以一試，但特登去食就唔使luuu🌼推薦指數：🌕🌕🌕🌗…查看更多

本來想重返流浮山，但因為疫情，成條街無開，所以立即轉場去——屯門三聖邨！一落車就會見到一條街鋪接鋪都係賣海鮮，隨心揀咗一檔，姨姨好好人，海鮮都好新鮮😍五樣海鮮，大約950蚊。本來想去海天食，不過姨姨話佢偏貴，所以推薦我哋去青山灣小廚。原本都有小小擔心，因為佢係茶餐廳格局，加上我哋食食吓先發現根本冇問過人哋加工費幾多😅入面啲叔叔好好服務，好殷勤，勤力換碟好細心👍🏻我哋亦都因此更加擔心呢一餐買單會好貴🥲喺講價錢之前，先講吓食物質素！兩隻小龍蝦開邊芝士焗加伊麵，肉非常彈牙，勁多芝士汁，小鳥胃係咁以食兩啖就飽星人都好滿意佢哋嘅伊麵！蒸海斑時間掌控得啱啱好，完全冇浪費條魚，冇蒸老到！連我唔鍾意食魚嘅，都食咗好多😋唯一小小嘅缺點就係豉油唔夠鹹😂豉椒炒蟶子、蒜蓉粉絲蒸帶子都係新鮮好味夠鑊氣！所以食完之後，團友都立即再買咗啲新鮮嘅海鮮返屋企自己煮😛唯一冇咁出色嘅就係辣酒煮螺，因為叫咗小辣，所以味道冇咁香濃，建議大家食得辣的話，都係要返正常辣先至夠惹味！五道餸連埋其他汽水茶錢，都係$400左右！！加埋味道服務等等，唔覺得自己中伏或者比人劏😛推薦大家！…查看更多

南區寶藏店💗想食就一定要訂位！小店得三張枱，walk in基本上係無可能🤔訂位嘅時候，記得問下有冇乜嘢可以預訂，例如圖九、十嘅大魷魚同盲鰽🤤因為佢哋每日朝早去街市拎貨，所以無訂就無得食㗎啦🫠叫得寶藏餐廳當然食物質素係極高！首先，食材絕對唔會過份調味，好多時坊間嘅串燒店都會用大量孜然粉/辣粉去掩飾食材嘅唔新鮮，但呢到就唔會啦！調味適中，食得出肉嘅本味，分得到牛羊雞豬🤤其次就係火候。見唔見到圖二嘅牛舌！！！！外焦內嫩，可以一個人食兩串🥲豬頸肉切到一粒粒，肥膏燒到少少脆，點解咁好食🥲🥲🥲🥲仲有薯條🍟薯條狂熱粉絲狂熱推薦，話同壽司郎比係有過之而無不及🫣雖然佢唔係用粗薯，但係非常實在，脆脆嘅薯皮包住熱辣辣嘅薯蓉，食到舌尖都會跳舞💃🏻💃🏻最緊要嘅當然係食材夠新鮮啦😙所有海鮮都彈牙爽甜，特別推薦要預訂嘅大魷魚同盲鰽。魷魚係滑身爽口無渣，燒到焦焦甜甜🤤我唔食魚都不停夾魚食🥹無腥味嘅魚係好正的🥹🥹🥹街坊小店食物質素高，價錢合理唔進取。…查看更多

東涌Sheraton喺上年12月正式開幕，距離地鐵站有10分鐘步程。今日推介嘅地方正正就係酒店隔離！雖然地點唔算就腳，不過正正比較偏遠，附近都係民居，所以人比較少亦都比較靜，可以約三五知己一齊喺度飲吓嘢傾吓計！Pizza非常好食，薄批少脆底，一個Pizza三個人食都唔過分😋生蠔就唔係太建議了，比較瘦、沖得唔係好乾淨，可以留返quota食其他嘢！Crab salad 清新開胃，仲有港女最愛牛油果🥑嘢飲方面，有多款唔同嘅Cocktail紅酒白酒同啤酒！如果鍾意清新啲、果味重而比較少酒味，可以選擇 signature mai tai 同peach me🍹特別而家入夜開始有少少涼風，坐喺戶外飲杯Cocktail食下Pizza，忘記返工嘅煩惱，真係好開心❤️‍🔥推薦指數：🌕🌕🌕🌕🌕(5/5)…查看更多