Kateleung82的个人专页

魚湯冇咩腥味，讚。成碗湯比我飲哂，暫時不覺有味精。適合注重健康的食客。不過魚唔算大條，好彩我之前食左少少野打底如果唔係會唔夠飽。睇open rice 先知原來係新開。…查看更多

叫左超過10樣嘢食，每樣都好食，實屬難得！魚生好新鮮，估唔到香港可以食到咁新鮮的魚生。店內的裝修也很有日本風。服務員勤力地加茶，執碗，我覺得服務好好！我下次會再黎！…查看更多

3點幾入去，全場滿座，職員叫我坐向出面等⋯隔了一會有對情侶一支箭咁入左去，完全無視我在等位，結果對情侶就直接座低，我入去同對情侶講係我等先的⋯d staff 完全冇比任何反應⋯冇意識比張枱我。完全唔掂⋯⋯⋯如果心急的唔建議叫甜品香蕉toast ,由order 到上枱要等差不多40分鐘⋯😐等都唔緊要，味道唔好食⋯1）雪糕太重藥水味2）toast 唔似toast , 似香蕉蛋糕⋯當然呢間野都冇service 可言。…查看更多

大熱天時，今早11:30到店，都幾多人排隊。等1個鐘，食30分鐘。食物賣相ok，但我覺得味道一般。吐司入面的雞蛋芝士都係普通⋯冇驚喜。麵包係軟的，只係我覺得唔夠香呢個吐司完全係自己向屋企可以整到⋯伴碟的沙律菜 好明顯不夠新鮮，蟹子有點腥味⋯想試蛋糕但係只有2款可以選擇，千層蛋糕望落普通所以我最後都冇order 到⋯環境ok ,乾淨整潔。坐位安排混亂，有客人book 左枱但要等半個鐘先入到？下次經過有位可以再試但如果要等1粒鐘我就寧願唔食…查看更多

2020/12/19 日一個寒冷的下午，上完堂，未諗到食咩之際，沿住灣仔馬路一直行，比我見到呢間粥店⋯一入去，店員好殷勤，我坐低點了一碟炸両⋯不消一分鐘，店員即時放低，用一張灰色紙寫上12元。我有點錯愕，是真的12元⋯擔心是伏，炸両外表好正常，放入口，還算脆。見味道正常（心諗咁的價錢不應要求太高）我再點了個艇仔粥⋯不消2分鐘，一碗熱辣辣的粥又送上⋯味道比想像之中好，足料的！粥味也甜⋯2樣野我很快吃完⋯（因好味）店內很多公公婆婆⋯店員服務也好快⋯抬頭一看，原來這粥店是每月的第一日都會送粥給長者，回饋社會⋯現在這市道，在灣仔區賣粥，而且咁的價錢，想必經營都好困難，或利潤微薄⋯這頓飯價錢 31蚊。但我放低100蚊，叫店員不用找錢，我想回饋長者⋯現在仍有能力施予，我覺得很開心⋯…查看更多

今次已是第三次食⋯（頭2次食麻辣）但我覺得又再一次失望⋯雖然係黃店，我會撐，但我都會睇佢食物質素⋯ 今次叫左個清雞湯牛肉腐皮米線⋯。好老實，話明食雞湯米線，湯底好重要，可惜雞湯味不夠，好弱⋯不夠鮮雞味⋯到牛肉，雖然好「林」但咬落去你係食到一陣美極鮮醬油味⋯牛肉好明顯係「腌」得好勁。至於腐皮，冇咩特別，所以不值一提。因為有對比，所以會食得到邊d 湯底係有心機去煮⋯對比上水「鳳x居」，6月9的湯底真係比唔上人家。建議老闆真要試下鳳x居的湯底⋯今次之所以幫襯第三次，係除了撐黃店外，係想每次都食到驚喜！但無奈的是湯底是的而且確一次比一次差⋯希望老闆見到，會睇下點改進個湯底⋯因為有批評先有進步，我都想此店可長做長有！因粉嶺區沒有一間好味到令人會返轉頭食的米線！…查看更多

今日放假去左Hapi ,不需等候便可入座，假日原來有lunch set.Ok ,點了個燒汁春雞同檸檬汁意粉。賣相很好！未食已經流哂口水！燒春雞一切，肉的顏色粉嫩，似係慢煮過！好有雞味完全冇雪味！讚！意粉清清地，炒得幾香！軟硬適中！味道完全ok!2個餐連desert +野飲每人約180 元。蘋果批完全唔「漏」，賣相好靚！蘋果刨成一長條卷成花形旁邊有吉士花，餅皮唔厚，食完冇滯的感覺!成個lunch 都好有驚喜！希望呢間可以長做長有。下次一定會再幫襯！…查看更多

支持小店上網睇食評搵到呢間！店舖不大，只可容納4-5張枱。星期日早上11點多到達，等候人數不多。沙律🥗有驚喜！伴碟的小吃好好味！意大利粉，我覺得好好食！我想再order 多一碟！但都忍住因怕嚇親男朋友😂😂廢事佢話我大食！白汁煙肉意粉🍝超入味食完唔覺口渴！可惜分量太小。唔夠我食！Waiter / waitress 都好服務。但店面太細唔明要咁多服務生做咩呢？行都唔夠位行😅食完急急腳走怕阻住人做生意！我下次會再黎！…查看更多

此店的雞湯麵好用心製作！完全食得出誠意！唔係hea 做！我叫了碗芫茜雞湯米線！雞湯好甜！我飲哂成碗！湯同米線好夾！上面加了芫茜，成件事好清新！美中不足的是雞有點「林」！過熟！希望可改善！食物份量我就覺得剛剛好！如果可要求加底就好！最多加返錢！店內好多年輕人做侍應/廚房。都好好禮貌！主動服務！令我有點意外！我星期五的下午去，客人都多！希望此店不會受疫情影響！長做長有！會繼續支持！堅好食！…查看更多

住粉嶺向側漁涌返工！成日路過此店但好似冇咩人入去，唔知係咪早得滯！（8:00am)有日膽粗粗走入去食！點知超驚喜！我都係點呢個蕃茄濃湯通心粉套餐！已連續食左4日⋯茄通好入味！唔算有好重味精！目前為止係我食過覺得最好食的茄通！跟餐有炒蛋/煙肉等選擇！連餐飲熱啡32蚊！此質素此價錢好合理！收銀哥哥係後生仔，一人分色幾角又送餐又落Order !勤勤力力用心經營！服務良好！實屬難得！希望早餐質素能一路保持！…查看更多

家鄉雞湯米線，過於普通-湯底好清-雞唔入味-米線還米線，湯還湯，雞還雞完全唔知做咩，本身3樣野可以好夾但呢間野煮到完全唔夾！皮蛋芫茜雞翼米線-芫茜湯底幾好味，下火-雞翼唔得，可能「葉」得太耐，煤！上湯豬手 52元-湯還湯豬手還豬手一點都不入味！似食緊膠！不值此價錢！-加10元食青菜點知青菜很老身！冇菜味。我地7點鍾入去食，已經冇咩人，以為會廚師會用心製作，但出來的成品令人失望。客人不多但侍應卻手忙腳亂，唔知忙緊咩。…查看更多

平靚正！下午茶只係28蚊連熱飲！小米原來是好似水晶包咁但入面有肉的，細細粒幾好食！牛餅湯，原來係一粒牛丸切成小份，湯都幾好飲，幾重胡椒味！可以食下，唔錯！👍🏻👍🏻👍🏻👍🏻…查看更多

湯底冇味精，真材實料冇得輸！食材好新鮮。當晚3個人，2大+1老人家湯底：花膠鮮雞（半份）豆苗x2 (可惜份量太少）安格司牛x1沖繩蜆大蝦鮑魚埋單1320左右沒有叫野飲…查看更多

我早餐/午餐都向度食，早餐大大份，價錢合理，但早餐牛角包唔好食蕃茄螺絲粉略酸味道一般，但34蚊一個豐富早餐仲想點？其餘都ok Lunch 食角切魚生飯，都算新鮮，魚生份量可多返少少⋯我呢2日觀察到，現場食客都多，是生意好的現象，但某黑衫紮辮經理經常大聲闹員工⋯都幾呼喝吓，其實，經理唔應該咁對d staff , 否則staff 不會做得開心⋯如Staff 表現有問題，放工開會training briefing 佢地會更好！Remarks : 我做過飲食業…查看更多

有點失望⋯⋯星期六，入開北角，search 下open rice , 見到店名有個湯字，身為湯精的我就打算入去試下。點了個白高湯米線套餐連2個點心，點心係水餃+豬頸肉，共78蚊，再加杯豆漿9蚊，未計加一。白高湯米線內的湯，真係冇咩味精，所以入口淡淡的，沒有特別驚喜，可接受。出左事的地方係佢d點心，我點的水餃，餡唔新鮮，肉媒媒地咁⋯豬頸肉仲出事！又唔酸又唔甜，肉質乾/鞋身，唔得！食完肉再飲d魚湯，已經冇哂味（因為豬頸肉味蓋過哂d 魚湯味）呢個價錢，其實食車仔麵仲開心！…查看更多