eatingguyguy的个人专页

職員服務態度差到不知所謂，掛住玩電話，完全冇服務。要低消，每人最低消費一樣野，就算叫份$118既大份甜品都只係當你叫左一樣野，冇得話二人share一個額。同行亦咁岩有位老人家不宜嗜甜，想問可唔可以體諒下，叫少一份，職員好決絕咁話唔可以，重要係當時全場得我地一枱客，完全係一臉好唔稀罕我哋喺度消費既樣子。今時今日咁既服務態度，絕對係比依間鋪頭既女待應害死，點解間鋪頭既老闆仲可以容忍到啲咁差劣質素既員工，食都唔想食，即刻走人，一間餐廳除咗食物質素，服務態度亦都好重要，遇着啲咁嘅職員，絕對要比個差評！…查看更多

一行四人，7點左右黎到，店舖面積小，等左十分鐘左右就有位。我地冇叫套餐，全部都係單點小食，希望可以試多幾款。第一樣必點既就梗係生煎包，熱辣辣，個包底仲有小小脆。生煎包足料多汁，一咬落去就有D汁流出黎，正!灌湯小籠包就唔夠灌湯，肉料足夠，但未夠JUICY，冇話同出面上海菜館既有太大分別。雞絲粉皮好食，個醬汁味道夠香濃，將雞絲同粉皮撈埋一齊，真係一碟食過番尋味既冷盤。另一碟冷盤涼拌青瓜海蜇，青瓜橫行，得個幾條鋪滿蒜溶既海蜇擺面，味道較淡，有微微辣。炸排骨味道普通，完全冇特別，同埋我覺得有點兒細碟，依碟唔太抵食。最後一樣美食就係香酥餅，我地揀左芝士配肉鬆，剪開左四份，份量剛好。用料足夠，鬆脆可口，芝士配肉鬆是好味道的。最後每人叫左一杯豆漿，埋單都係每人$60，雖稱不上完全飽肚，但都足夠。之後再起行加多碗糖水，飽晒。…查看更多

早前上網買左團購，所以就趁今日得閒，相約朋友一齊去日航酒店既Lobby Lounge享受一下英式High Tea Set。一去到就覺得個環景好舒適，空間大，座位寬敞，仲有落地大玻璃，一路嘆住個Tea Set一路欣賞窗外既街景，絕對係一種享受~至於食物方面，都值得一讚!簡單精緻既賣相，分三層擺放，有甜點亦有鹹點提供，而且份量恰好，同朋友可以坐足一個下午。我個人推介煙燻三文魚三文治，新鮮既三文魚配上三文治，食落夠鮮甜。其他鹹點味道亦不錯，有叉燒酥﹑蘑茹酥等，全部都夠晒酥脆，美味香口。 另外鬆餅、蛋糕以及曲奇味道還不錯，而我就比較中意朱古力貝殼蛋糕，夠香夠鬆軟。甜點中既綠茶蛋糕同朱古力士多啤梨都好好食。綠茶蛋糕食落有香濃既綠茶味，絕不欺場。朱古力士多啤梨賣相吸引之外，食落口都VERY GOOD! 士多啤梨選材夠晒鮮甜，配埋朱古力醬，正!! 不過每人得一粒，唔夠食 環境舒適，Tea Set亦都非常不錯，仲要咁岩有團購優惠，值得一試!…查看更多

聽朋友推介黎茶木品嚐，7點左右到達已見人山人海。等左大約7,8個字終於到我地。我地一行四人，剛好有卡位坐，夠大夠舒服，正!叫左蚵仔煎，夠大夠脆，岩晒鍾意食煎炸野既我，值得推介 另外仲有三杯雞同麻油雞，聞落好香，味道都夠，不過麻油雞就淡左啲，食落冇咩麻油味。最後就係魚湯浸時蔬，菜唔夠林，不過啲湯都算清甜，撈飯食就岩晒 當然，黎得茶木，點可以唔嗌佢地既甜品。十五十六之下，我地終於揀左芒果雪糕磚，雪糕磚比我想像中大份，四個人SHARE食都有淨，不過味道普通，冇話咩特別吸引‥不過賣相都唔錯既。總括每人大約八十餘塊，又有正餐又有甜品食，算是不錯的了。唯一希望得到改善既係可以唔駛等咁耐。還會再光顧 :) …查看更多