Cecilia Poon Poon的个人专页

非常普通。叫左杯熱cappuccino，得我一個客人係唔多單既情況下，杯咖啡可以係唔熱。你打奶泡既時候唔知道一杯咖啡既正常溫度既咩？ 戴眼鏡🤓既男店員無service,我同其他客人落單既時候唔該前唔該後，佢可以完全無對答，hello、多謝都無句，真係有性格。呢間新開的咖啡店服務實在令人失望。員工態度冷淡。環境雖然新穎，但整體體驗完全不及格。希望店家能正視問題，改善服務品質，否則很難吸引回頭客。第一次造訪就留下這麼差的印象，實在令人遺憾。…查看更多

睇Open Rice見呢間私房菜評分唔錯，特意訂檯慶祝老公生日，約左星期六食午市。之前一個禮拜會有同事打黎同你確認時間，同預先落order。嗰日中午去到餐廳第一下有點愕然，因為一個客都無，我仲以為睇錯營業時間，照理一般星期六日餐廳都應該幾多人。接待的阿姐我只可以形容為頗為「慢熱」。第一嘢入去餐廳，佢只係望住我同我老公，乜嘢歡迎說話都無。同佢講我訂左檯啊姓X,佢先話「坐啦」咁囉。我訂左2位午市「廚師發辦」套餐，先上黎既幾道小食都很開胃，之後既主餐都很有誠意，就是上菜時間很長。成間餐廳得我同老公2個人，但差唔多食左2個鐘（唔係我坐得耐，係等嘢食到）最搞笑既係，唔知係咪D員工都肚餓，加上我地個餐出餐好慢，食到中途全餐廳職員一起係隔離檯開檯食員工餐，連大廚Steven都一齊食😂，個觀感有點奇怪。如果你純粹黎食野，咁無乜嘢既。但叫得做「私房菜」，人均消費都唔平，我又覺得咁既餐廳氛圍有D兒戲太casual，呢個係我個人睇法。之後有特別日子都會去酒店，唔黎呢度lu。…查看更多

好耐以前試過太古分店覺得食物質素不錯，特意帶朋友過來食下午茶，但K11 Musea 分店的服務質素非常差，唔會再去。提前透過OpenRice訂臺，去到都要排隊。但明既，星期日本身客人就多，而且所有有訂位的人都要排隊等候入座，都無話唔公平， 同埋門口既同事都有禮貌既。朋友同我最後被安排坐進一個獨立的breakout area,已經係離開餐廳原先的位置，要通過K11 Musea商場走廊走一段路。入座後我們已經準備好落單，見到有cake tea set, 但無寫係咩蛋糕，就問個waiter 今日既蛋糕係咩，個侍應當場反我白眼，話：你要自己去蛋糕counter睇。大佬，個counter係餐廳正面，點解我要走番出去商場再去餐廳正門自己睇、然後搵你落單？我排隊等入座時又無人講？我個friend睇唔過眼，直接同個waiter講你🈚️介紹既咩？ 我想息事寧人，就話唔緊要啦，我要杯咖啡就算啦，最後兩個人都無蛋糕食。成個用餐過程個侍應無講過歡迎啊、多謝啊，黑口黑面，反而我地作為客人仲有禮貌過佢。離開餐廳走既時候仲離譜；我地走左幾步轉左幾個圈都搵唔到出口，我記得入黎既時候個房門係開著既。最後又係同一個侍應走過來用同傻仔講野既口吻問：出口係黎道wor⋯⋯然後用touch screen開番道門俾我地走。我點知你對門點開啊？況且我進來既時候個breakout area係開著門架。我都知做飲食業都辛苦，自問對前線服務員工都非常客氣，但如果個位男侍應咁唔想做既就辭職啊，尊重下自己份工啊唔該。…查看更多

新蒲崗近年越黎越多特色cafe進駐，但大部分都有供應主食，好似un-til 咁主打咖啡既店鋪唔多，我仲對佢哋既咖啡抱有好大期望。加上店鋪裝修係走簡約風，又係全女班，覺得要支持一下。佢哋開業第一個星期我已經走去支持，但得到既只係失望。首先，可能當時仲系試業階段，有d店員態度麻麻。我第一次去唔知係邊度order,走左入咖啡機位置，嗰女店員皺曬眉頭話要行返出中間order 。嗰日叫左杯latte,得一個size(應該係tall size),好細既份量收$45？唔係好記得，仲之記得好細杯，味道一般，拉花又一般。隔左一排，今日行過又想試下睇睇會唔會好左，都係無。因為天氣熱所以叫左杯凍朱古力，原來凍朱要加$5，承惠$50買左杯無朱古力味（連甜味都無）既嘢，得堆冰同朱古力粉，凍到我牙都掉。試過兩次，永無下次。…查看更多