港girllow的个人专页

[未寫review依家補返!!]嗰陣上網見到佢告急所以過去懲罰 嗌啲生料點心返去自己蒸 加餸!一開始自己睇錯嘢 好彩入去嗌嘢嗰陣姐姐提返我點心買3送1係$60跟住就嗌咗-蝦餃拼潮州粉果(4個)-鮮蝦菜苗餃(3個)-港式叉燒包(3個)-薑粒雞包仔(3個)臨走前姐姐提返啲生料蒸15min就可以食得!!------------------------------一開始就食咗菜苗餃先料好足!蝦仁有成3 4粒粉果係傳統粉果唔係平時喺街篤魚蛋嗰啲咁 佢係帶返少少辣味 即刻再多咗種層次!蝦餃亦都好足料又係有3 4粒 大大粒不得不提嘅係嗰水晶皮 本身諗緊蒸15min會唔會淋 口罩就話啫 仲可以消毒重用添😅🙏🏻但係個水晶皮係好煙韌 啱啱好!!唔係無口又唔係有啲到覺得似膠跟住就係叉燒包同雞包仔!!一樣足料!!嗰包整得鬆軟唔係有啲酒樓整到嗰包好濕/實咁!!60蚊試到5款點心 仲要高汁 抵!!encore率高 下次嚟過最後疫情下大家都記得幫襯黃店呀!!💛一齊擴大黃圈💪🏻💛…查看更多

食完一間黃店 順便過嚟買杯coffee 2間thx!雖然呢間cafe有少少隱蔽 不過佢哋已經擺咗個牌喺出面所以唔係話難揾去到就有種文青feel 雖然舖仔唔大但係啲座位唔會好逼 店外貼咗啲文宣 店內見到擺咗啲文宣月曆想揾menu嗰陣唔係好知喺邊 但係個店員見到就即刻過咗嚟幫手另外同埋本身唔係好鍾意飲甜嘢 問店員邊啲比較甜嗰陣好樂意答 好nice最後嗌咗杯flat white coffee攞走其實呢間cafe之前已經想嚟 但係因為啱啱食完嘢所以無嗌嘢食不過遲啲會再嚟坐低食p.s如果喺威院方向行隧道過去會快啲抗疫期間大家都幫襯下黃店啦另外近排都有啲黃店告急 得嘅話都去懲罰幫下手啦lastly勿忘721 一齊唔善忘…查看更多

揾咗有啲耐所以影咗多啲相費事大家好似我咁因為上網見呢間黃店告急 所以過嚟懲罰!!店外店內都有文宣餐牌好多options好吸引 搞到我都幾難落手最尾嗌咗個楊枝甘露綿綿冰通常人哋可能係得醬加下雜果不過呢個綿綿冰有啲爆珠 白玉 椰果(啲白玉幾q)所以唔會覺得dry 另外份量幾多!個frd就嗌咗蛋白燉鮮奶嗌呢個要等15分鐘 不過係即叫即整雖然份量唔係好多 但係個燉蛋聞都已經好香奶味(唔記得影相呢間會encore 價錢實惠 食物質素中上!!!相信如果開喺旺角葵廣實好多人下次想試佢個團團圓圓同埋waffles 勁吸引!!!宇治金時綿綿冰都好似好yum有咁嘅quality仲係良心小店!!!大家快啲嚟幫襯啦 等佢哋長做長有!! 沙田繼續有高汁甜品舖p.s提一提4點先開㗎!!!同埋依家外賣自取全單85折…查看更多

最近尋覓緊石門黃店其實呢間上個禮拜已經想食 但係跟住google揾唔到不過今日決定咗慢慢揾都要食到佢 最終揾到喇!!佢開咗舖無幾耐我就入去食 所以入面無人舖頭比較細 但係幾有feel因為播緊top of the tree lemon tree呢啲classic歌跟住我嗌咗1個夏威夷烤雞漢堡($65)加熱檸檬紅茶(包一杯$16內嘅嘢飲)[即叫即整] 雖然嗰burger唔係好熱 暖暖地咁 但係嗰醬幾正 少少酸甜甜地咁啲料好足!個包入面嚿菠蘿同個醬好match成落去口感一致 好食!!另外杯紅茶本身諗住會加糖點知原來無 好啱我呢啲走糖嘅人!!不過鍾意甜嘅人就可能要問下有無得落糖 因為茶會有啲澀呢個價錢同出面比應該已經幾平 因為本人仲係一個普通學生所以唔係好知但係可接受因為平時食開lunch都要30幾40 況且係黃店我諗下次會嚟試tea 因為聽聞都好受歡迎最後仲唔快啲懲罰黃店!!?黃色經濟圈 你同我都得…查看更多