lubyau的个人专页

呢幾日個胃唔係咁舒服，所以就諗住去食啲清淡嘅嘢，突然諗起有一間懷舊老字號嘅粥店，就立即入去叫咗一碗皮蛋瘦肉粥，一碗滑牛粥，一份炸兩同埋一份魚片腸粉。皮蛋瘦肉粥及炸兩成碗粥都好足料，不單止有好多皮蛋仲有唔少瘦肉喺裏面，而且個粥底好棉好好味重點係冇乜味精，食完唔會覺得好口渴。而炸兩就一般般冇咩特別。滑牛粥一樣都係好足料，有好多塊滑牛喺裏面，而且再加咗一啲生菜碎，令到個口感豐富咗，成碗粥都好棉好清淡，唔錯唔錯👍🏻👍🏻魚片腸粉平時去其他粥舖好少會見到魚片腸粉，所以一見到就叫左一份黎試吓啦，結果好有驚喜。腸粉好滑幾煙靭，而且魚片都好滑身，再加上有少少薑絲調味，一啲都唔腥，好好食。…查看更多

每次去沙田行完街要食飯嘅時候都會諗一大餐，因為喺沙田市中心食一餐飯真係唔平。有一次我哋就行咗去沙田新城市隔離嘅小商場-希爾頓中心，結果發現呢間價錢唔係太貴嘅西餐廳，見選擇都幾多，決定入去試吓啦。今次我哋就叫咗一個意粉同埋一個pizza。黑松露帶子蘑菇忌廉扁意粉呢個黑松露帶子雜菇忌廉扁意粉，賣相唔錯，有三粒帶子喺面，而且都有不同菇類喺裏面，而且黑松露忌廉汁都幾稠身，都幾掛汁，整體個意粉都幾唔錯。煙三文魚青芥末薄餅呢個煙三文魚青芥末薄餅比我想像中有啲驚喜，因為喺整個Pizza上面都放咗唔少沙律菜，雖然食嘅時候有啲論盡，但感覺就好似健康啲。而餅底方面都整得幾薄，都幾脆口，可惜煙三文魚就咸咗少少，不過整體都幾出色，二$96呢個價錢冇得輸。雖然餐廳環境唔錯，可惜嘅係員工嘅服務態度就一般般啦！…查看更多

每次講起粉嶺好多人就會諗起聯和墟，但係每次網上介紹聯和墟美食永遠都係得嗰幾間，完全冇人留意到其實聯和墟都有一間性價比極高嘅壽司店。雖然呢間壽司店只係做外賣並冇堂食，但完全無阻識貨之人去幫襯。😝呢間舖頭面積雖然不大，員工只有一兩個人，但選擇種類繁多，不但只有刺身、壽司、丼飯、便當，甚至烏冬都有。全部都係即叫即整，食材非常新鮮，但加錢一啲都唔貴，性價比非常之高，非常抵食，所以都成為我食日本嘢嘅飯堂。😋題外話，呢間壽司店一啲都唔孤寒，一定會比好多日本豉油同Wasabi一定夠用,而且質素都唔差，Wasabi係好辣好攻鼻的👍🏻👍🏻👍🏻每次一講起粉嶺好多人就會諗起聯和墟，但係每次網上介紹聯和墟美食永遠都係得嗰幾間，完全冇人留意其實聯和墟都有一間性價比極高嘅壽司店。😍…查看更多

早前約左朋友食飯，咁啱撞上了母親節，所以餐廳只有母親節嘅套餐選擇，咁我哋都明白嘅，但真心選擇真係唔多😅不過我哋都揀到野食嘅。我哋叫左兩樣野食- 牛尾肉醬麻花卷意大利麵同一個Pizza(個名唔記得咗）😅 牛尾肉醬麻花卷意大利麵首先一上菜，我同朋友都呆左一呆，因為無諗過原來麻花卷意大利麵係咁嘅樣，好似銀針粉咁，而且話係牛尾肉醬，結果係得幾粒牛尾粒，數埋都唔夠10粒，完全都唔係肉醬😑不過睇落啲麻花卷意大利麵都係手功制咁，應該都算係特別啦，食落口都算煙靭嘅，但就無咩味，似食麵團仔咁，真心好失望😞Pizza真心唔係好記得個Pizza叫咩名啦，貌相都幾唔錯嘅，有好多材料係上面，但可惜餅皮唔夠脆，而且切得咁夠好，分黎食嘅時候pizza上面啲材料好易甩晒出晒，食得有點狼狽😖不過味道都不過不失的!…查看更多

成日去大埔食飯都只係去大埔超級城周邊嘅餐廳搵食，食得多都有少少悶，所以就試下去大埔墟附近發掘吓有咩餐廳好食啦。行過見到有幾個人企喺間餐廳門口等位，就吸引咗我埋去睇吓有咩好食，發現原來係食西餐嘅，而且價錢又唔貴，加上見到精選套餐有自己鍾意食嘅黑松露忌廉汁煮嘅意粉，所以就排隊等位試吓啦。跟餐忌廉湯黑松露忌廉汁海蝦燴意粉一嚟到見到三隻都幾大嘅海蝦放喺面，而且黑松露嘅味道都好突出，一嚟到就聞到好大陣黑松露嘅味道，醬汁都好濃郁，而且意粉軟硬度適中，除咗加入蘑菇之外，亦都加入咗少少蘆筍，令到成個意粉層次有所提升。可惜海蝦並無任何調味，好似白烚蝦肉咁，如果佢可以加返少少調味，同煎一煎啲蝦肉咁就完美啦。黑啤忌廉汁碎牛肉帶子燴意大利飯另外，我哋亦嗌咗一個比較特別嘅黑啤忌廉汁碎牛肉帶子燴意大利飯。本身我哋滿心期待住呢個特別嘅黑啤忌廉汁係點，結果一見到真身就有啲後悔啦，因為佢嘅醬汁太過多，令成個飯好似變左湯飯一樣，而且佢嘅帶子係用咗珍珠帶子仔，再加上碎牛嘅樣子不太討好，所以喺外表上已經扣咗唔少分，而味道亦算中規中矩，下次應該唔會再叫呢個飯。海棠魷魚鬚除咗主菜之外，我哋亦加錢配搭左一個是日嘅小食，就係海棠魷魚鬚啦。哇…呢個魷魚鬚真係好好食，佢嘅炸衣唔係好厚，而且有好香嘅海苔嘅味，魷魚鬚又好彈牙，一流啊😋😋😋佢比我哋食嘅主菜更出色，為咗呢個小食我一定會再返轉頭幫襯👍🏻👍🏻👍🏻…查看更多

每次去大埔行街，途經附近都會見到有一班人企喺間舖嘅門口，搞到我都唔敢行埋去，因為怕要等好耐先有得食，但另一方面又好好奇，啲滷味係咪真係咁好食呢🤔長期都咁多人排隊。終於今日忍唔住走左埋去攞位啦，結果又唔係真係要等好耐喎👍🏻👍🏻👍🏻係門口見到個餐牌，除左滷水鴨/鵝之外，仲有豬/牛/雞等等選擇，所以都真係算幾多選擇。咁我當然係選擇食滷水鵝啦，而朋友就唔食鴨同鵝嘅，所以佢就揀左食豬頸肉😋招牌滷水獅頭鵝+鮮鵝油撈麵一開始諗住叫鵝片拼豆腐，但見到隔籬枱啲鵝片唔算多，而且又唔係咁想食豆腐，所以就搏一搏直接叫佢過招牌滷水獅頭鵝啦。起初以為叫滷水鵝一定會有好多骨啦，結果又唔係喎，竟然有好多肉，反而得好少骨，而且肉質都好彈牙，非常驚喜😍😋但鮮鵝油撈麵方面，我就覺得無咩特別，唔係好食到鵝油嘅味，反而食到少少鹼水味。好在加左少少麻辣醬，令到碗麵有返啲味道。香烤焦糖滷豬頸肉+鮮鵝油撈麵起初見到呢個豬頸肉平平無奇，同出面一般嘅泰國餐廳整嘅差不多，但一食落口，就知道好唔同，真係食到有焦糖嘅脆口口感，肉質好爽口，配上附送嘅酸辣汁，真係非常好味，係我食咁多間豬頸肉之中排頭三位。但可惜嘅係佢嘅份量好少，食幾塊就好快食晒。😖如果豬頸肉嘅份量多番少少就好啦。😂…查看更多

一講起上水符興街，大家第一時間會諗起藥房同藥妝店，但其實嗰度仲有幾間茶餐廳的。當中就有比較顯眼嘅海盜王餐廳啦，話佢比較顯眼係因為門口用左鮮明嘅天藍色，大大隻字寫住海盜王，所以真係幾易認！🤣而且裏面嘅裝修真係以海盜為主題，都幾特別架👍🏻呢間餐廳我都黎過幾次，差不多次次都係食意粉，今次我就叫左個忌廉煙三文魚意粉，分量對於我哋女仔黎講真係剛剛好，唔會太多或太少，味道亦都不過不失，貌相同味道同出面啲西餐廳都算有得比，但價錢只係$5x就食到，真係算抵食啦！！👍🏻…查看更多

最近同朋友約食飯，大家唔知食啲乜嘢好，我突然諗起可以同佢哋食最近非常受香港人歡迎嘅酸菜魚🤣🤣所以我就搵左呢間打卡度幾高下嘅姚姚酸菜魚啦🤣🤣因為整間舖頭都用咗女仔最愛嘅Tiffany Blue為主色調，而且裝修都有心思，非常適合打卡😍再加上呢間舖頭除咗酸菜魚之外仲可以食到片皮鴨，呢個組合非常吸引👍🏻👍🏻今次我哋有三個人，而且大家都比較細食，所以叫咗一個二人餐就已經足夠了。仲可以一次過食晒佢嘅王牌酸菜魚同片皮鴨，價錢方面都好合理。姚姚酸菜魚拼北京烤鴨套餐呢個套餐包括咗四樣菜式：🔸北京填鴨（半隻）🔸酸菜魚🔸孜然椒鹽鴨架🔸酸辣土豆絲首先會上左北京填鴨、酸辣土豆絲及孜然椒鹽鴨架先。第一眼望到隻北京填鴨都整得好靚，鴨皮烤得好香好金黃，而且附送嘅餅過皮都幾薄，加上青瓜絲、蔥絲、甜醬等等包起來食，同其他酒樓不相伯仲，但價錢就經濟好多👍🏻👍🏻👍🏻差不多食完北京填鴨之後就會上主菜酸菜魚啦！酸菜魚嘅份量都幾多下，魚肉都好滑，但酸菜就有少少酸過酸同鹹咗少少。美中不足嘅係佢冇加寬粉喺裏面，感覺就好似欠缺咗啲嘢咁，如果可以加番少少酸粉，咁就非常好啦！總括而言，姚姚酸菜魚非常適合同三五知己聚會食飯，特別係同女性朋友，因為可以食吓嘢打吓卡，而且座位都非常舒適。回頭率非常高呀！👍🏻👍🏻👍🏻…查看更多

有晚約左朋友係油麻地附近見面，但又唔知道有啲咩嘢食，咁咪上網睇吓啦，結果俾我見到呢間有live band表演嘅樓上coffee shop/西餐店，見好似幾有特別咁，就決定上去試下啦！話佢隱世係因為佢上去舖頭條路有少少隱蔽，搵左一陣先搵到🤣🤣🤣雖然整間舖嘅面積唔係好大，但環境都幾好，座位之間都幾濶下。但由於我哋坐係佢個煮食爐附近，而佢又係open kitchen,所以油煙都比較大，呢度都扣左啲分😅我自己叫左個炭燒肉眼牛扒，我覺得不過不失啦，我今次叫左7成熟，佢都做到嘅，並無出現過熟情況，醬汁都幾好。本身以為煮菜會係薯條，結果原來係薯餅，而且仲整得幾脆下，唔錯👍🏻朋友就叫左蕃茄司華力腸長通粉，雖然貌相平平無奇（可惜唔記得影相），但朋友就話好好食，好有家嘅感覺🤣🤣最後我叫左杯特飲- 比利時特濃朱古力，貌相唔錯，有一層厚厚嘅cream,我當自己食緊甜品咁😊而整杯朱古力一啲都唔甜，仲帶有朱古力嘅甘味，整杯野飲都好正😍…查看更多

今日途經大埔超級城見到呢間日本西餐廳平時好多人排隊，竟然無人排隊（可能時間比較夜啦🤣），梗係入去試一試啦！入到去店員就帶左我哋行到最入嘅座位，可能係比較夜啦，人流唔算好多，所以環境比較靜，私密度都幾好，好似真係去左日本當地嘅西餐廳咁😊座位方面都好濶落，坐得好舒服👍🏻食物方面，我地叫左炸軟殼蟹扁意粉同鰻魚玉子蓋飯。炸軟殼蟹扁意粉擺盤真係好靚，成隻軟殼蟹炸得好挺身，唔會軟淋淋咁，可以呈現返一隻蟹嘅形狀🦀配埋白汁扁意粉，而且醬汁都幾多下，完全唔會乾，非常易入口。另外，係隻軟殼蟹下面仲內藏乾坤，竟然有兩粒帶子係度，粒子都好彈牙。整體來講呢個扁意粉好啱我心水，非常推薦👍🏻👍🏻👍🏻鰻魚玉子蓋飯相比炸軟殼蟹扁意粉，呢個鰻魚玉子蓋飯嘅擺盤就有少少遜色了，只係用一個碗裝起，分量望落去好少，非常普通。不過一黎到就聞到好香嘅燒汁味，而且個玉子都好厚。但本人可能食得比較淡口味，略然覺得鰻魚嘅醬汁過濃，而且玉子亦有少少過甜，但整體來說呢個鰻魚玉子蓋飯都唔錯的，但擺盤方面就真係要改善一下。抹茶牛乳 & 焙茶牛乳餐飲我哋就叫左抹茶牛乳 & 焙茶牛乳，貌相幾吸引，但焙茶及抹茶味略然不足，味道較淡。…查看更多

之前成日聽朋友講呢間新派韓國餐廳好好食，今日終於有機會去試吓啦😍但今次只係得兩個人食，所以只係叫左1個Pizza🍕同1份半半炸雞🍗之前成日聽朋友講呢間新派韓國餐廳好好食，今日終於有機會去試吓啦😍韓國烤肉芝加哥Pizza呢個Pizza同一般嘅芝心批Pizza好唔同，因為佢放左雙倍嘅馬蘇里拉芝士同巴馬臣芝士係pizza嘅中間位置，批邊又有加左唔少芝士，一拎起就有超強嘅拉絲，口感非常豐富，煙煙韌韌～另外，Pizza中間嘅牛小排甜甜地，一啲都唔韌，真係好好味😍韓國炸雞～蒜香甜辣秘製炸雞 & 蜂蜜牛油秘製炸雞由於想食唔同味道嘅炸雞，所以今次我哋叫左half & half (12件）兩款唔同味道嘅炸雞。蒜香甜辣秘製炸雞，雖然佢叫做甜辣炸雞，但係一啲都唔辣食落仲甜甜地添。蜂蜜牛油秘製炸雞，蜂蜜嘅甜味，加上牛油嘅香味非常之夾。佢嘅炸雞件件都好大件，而且炸粉一啲都唔厚，熱辣辣得來又多肉汁，非常好味🤤，係好地道嘅韓式炸雞👍🏻👍🏻👍🏻最後想講吓餐廳嘅環境，座位都算闊落，但係背景音樂略為大聲咗啲，有啲嘈吵，同朋友傾偈時要大聲啲對方先聽到。😅…查看更多

最近喺社交平台經常見到呢間賣現切手Tiramisu嘅舖頭，經常都有好多款唔同味道嘅Tiramisu，而且主張係零卡糖，搞到我心思思想去試吓🤤今日我終於嚟到荃灣分店，見到起碼有10多款唔同味道選擇，例如有經典原味Tiramisu、宇治抹茶年糕Tiramisu、港式糖水楊枝甘露Tiramisu等等。睇到人花多眼亂，不過我呢個抹茶控，當然梗係揀咗宇治抹茶味啦🤣雖然一件Tiramisu要$58，價錢略為有少少貴，但佢size一啲唔細件，而且裏面放咗唔少麻糬，材料十足。淡淡的抹茶甘香配上微甜嘅紅豆蓉，再加上煙煙韌韌嘅麻糬，口感十足，味道相當唔錯👍🏻😋最後我都想稱讚一下呢間舖頭，雖然只係買一件Tiramisu，佢都會送一個保溫袋俾客人，非常細心👍🏻👍🏻👍🏻…查看更多