為食小天后的个人专页

尋晚同老公在riso食dinner, 原本想去euro go go, 但已滿座, 見riso冷冷清清, 還擔心其食物質素, 睇過menu, 還是決定一試。叫了個2人套餐, 有一客蒜蓉包, 2碟意粉/飯, 2杯飲品+2份生果, $99。蒜蓉包幾好味, 拍得住pizza hut的水準。當日main dish係白汁腸仔意粉and虎蝦燴飯, 個意粉好夠汁同夠味, 反而個飯麻麻地, 無乜味。2杯drink揀左一個芒果+波羅(唔記得名), 幾好, 芒果味同波羅味好平均, 又唔會太甜, 又不會凍到入心入肺。另一杯係玫瑰蜜茶, 即玫瑰花茶+蜜糖, 蜜糖份量是自己落, 可迎合不同人口味。2份生果有西瓜, 蜜瓜, 哈蜜瓜同波羅4款任揀, 我們選了西瓜同哈蜜瓜。最好的係生果唔會有爛溶溶唔想入口的感覺之餘, 還加了沙冰上面, 令生果能保持冰凍, 值得一讚。環境雖細, 但格調ok, 感覺乾淨同舒服, 二人世界或三五知己談心都岩。…查看更多

尋晚同同事3人去食, 點了:煙三文魚鮮果沙律: 幾好味, 有4片三文魚, 但鮮果沙律太少小食拼盤: 有雞亦, 春卷, 洋葱圈, 薯角, 每樣2-3件, 麻麻地焗西蘭花薯蓉: 幾好味, 加入白汁一齊焗, 薯蓉同西蘭花都夠味芝士肉醬寬麵: 個樣好靚, 好似岩岩焗起咁, 但食落口只是暖暖地, 很膩, 只可淺嘗由於是散叫, 所以沒有湯及飲品。但平日夜晚人流不多, 約三五知己談心是一個幾好的地方。…查看更多

我最鍾意食那個粉麵+菜的套餐, $24, 淨叫一碟菜要$12。那個湯底實在美味, 無論叫什麼粉麵都一樣好食, 加上撒在上面的是韮王, 而非葱, 正!!米線就差少少, 有點硬, 好像未熟透咁。菜大至新鮮, 不會又黃又爛, X記$10麵的菜, 通常有一半都不能吃。所以我是富城的常客。…查看更多

尋日同老公去食早餐, 雖然住北角, 但從未幫襯過, 決定一試。一入去, 食客全是中年男人, 個個好似前世未見過女人咁眼甘甘望住我, 已令我有好不安的感覺。選了一個閣落位坐, 我點了沙爹牛肉麵, 老公要肉丁麵。茶餐廳出名上菜速度快, 但我們等了很久槕上仍空空如也。終於等到個肉丁麵先來, 通常肉丁麵的湯是紅色的, 但面前的麵是白晒晒的, 令人提不起食欲。看見這樣, 已不對我的沙爹抱期望。等到我的麵也上枱, 真的亦是白晒晒, 全無沙爹味。兩杯檸茶更過份, 茶味極怪, 好似洗碗水味, 飲了兩啖已不能忍受。後尾過聽到廚房佬大聲鬧一名女食客, 鬧到全間餐廳都聽到。食物水準已經咁差, 服務亦是如此, =真係唔駛指意再去第二次。…查看更多

同朋友食完晚飯, 好想食甜品, 講到甜品, 我認為滿記最正!嚟滿記, 必食楊枝甘露, 我未食過其他比滿記更好味的楊枝甘露。朋友要了白雪黑糯米(好似係呢個名), 我試了一啖, 一樣好味, 白雪像鮮奶刨冰, 冰涼的感覺可減少黑糯米的太甜太膩。另一朋友食芝麻糊湯圓, 我無試食, 但賣相都可以。…查看更多

約了兩個舊同事, 三個女仔點了四個菜:鹵水雙拼: 選了掌翼跟墨魚, 掌翼一般, 墨魚無味椒醬肉: 即菜甫粒, 炸豆腐粒和肉粒炒埋一齊, 還加上一些蝦米, 很野味XXX炸花枝丸: 花枝丸很彈牙, 入面有少少好像是蟹粉, 幾好味蠔仔粥: 好多蠔仔, 唔腥, 好味, 個人覺得係4個入面最正的一個之前見前的食評麻麻地, 都有點擔心, 但其他地方的潮樓/潮館都很好味, 應該呢間都唔會差得去邊, 果然都KEEP到集團的一定水準。座位亦很寬敞, 朋友聚舊係一個幾好的選擇, 環境唔會太嘈吵。…查看更多

尋晚同老公嚟呢度食晚飯, 其實已經想來試好耐。我們6點半入坐, 唔駛等位, 侍應帶我們到一間2-3人的房仔。看過全部menu後, 覺得2人餐, 每位$78呢個最抵食, 有湯, 2個小食同2個小菜。蕃茄海鮮湯: 湯是白色的, 唔係想像中的紅色, 湯料都幾多, 有魚、蝦、魷魚, 帶有味精味, 但已覺得係全晚最好(有圖)。白灼吊桶仔: 吊桶仔得4隻, 下面有芋絲, 好重麻油味, 麻麻地(有圖)。錫燒什菌: 好似自己去BBQ燒的咁, 無乜特別。避風塘荔茸茄子: 即茄子超雙飛夾入荔芋件拿去炸, 好感超油膩, 食完一件都唔想食第二件(有圖)。煎珍珠蠔餅: 要點那個汁才夠味, 蠔仔好腥, 勝在個汁好味(有圖)。D侍應行個都會望住晒, 令人好唔自然, 而且一食完就即刻乜都同你收晒, 好似迫你即刻走咁。最後連埋加一茶介, 埋單$189。下次如果唔係其他餐廳搵唔到位都應該唔會再來。…查看更多

星期日同老公及朋友上完大陸玩, 想一起食埋晚飯, 經過客家好棧, 自己未食過, 便決定入去一試。只是下午4點幾都已經full booking, 唯有等晏d walk-in攞位。到6點零鐘, receiption說要等到6點半才知道有無枱, 我們便坐在門口的長櫈等候, 好彩6點踏7已經有位。入去一睇菜單, 款式不多且不太便宜, 一個小菜要$55。我們點了3餸1湯:淮山响螺燉雞湯: 感覺不太味精, 好有住家湯feel, 很鮮甜, 好味!!魚滑鮮菇勝瓜: 足份帶出勝瓜的味道, 但魚滑有魚骨(唔記得菜名)即蜜糖豆、梅菜炒元貝仔, 用一個類似春卷皮炸成的兜盛載, 元貝不太鮮味, 但overall是好味的虎皮椒炒駝鳥肉: 虎皮椒很辣(即青色長條型的椒), 駝鳥肉很野味, 餸飯很好座位非常闊落, 4人枱其實夠6人坐。侍應服務都好, 無黑面神, 無受氣。如果下次要再去, 最好預早訂位, 或於較早時段入坐。…查看更多

今次係潮著素菜館搜尋的, 想搵地方同朋友食生日飯, 見這一間竟然一個劣評都無, 就揀呢間啦!之前己做晒功課, 睇了其他人的食評, 大概知道呢間餐廳的推介菜式。我們點了以下菜式:手撕芝麻雞：伴著炸菜上的, 個質感真係好似雞, 但味道仍然食到係豆味中華豆腐：呢味有人推介, 真係幾好味, 豆腐很滑兼不會淡某某, 因為有個金菇獻汁金絲裹劍魚：呢味都是大家推介的, 所謂金絲其實係炸粉絲, 原本都唔錯的, 但唔知點解件劍魚真係會有點腥味, 扣了點分南瓜海皇麵包：這個很好, 本人不太喜歡南瓜陣味, 但這個南瓜混埋蟹柳素帶子在法包片上焗, 口感像pizza兼沒有我不喜歡的味道, 正!鐵板鰻魚：賣相似牛扒, 雖然淋上真正的鰻魚汁, 但因為太厚, 食落似午餐肉, 如果薄一點會比較似冬瓜盅：份量同一般酒樓的大小一樣, 但唔知點解好似食極都有。薑味很重, 同埋始終材料全是素, 沒有真正的咁鮮五柳魚(芋頭魚)：同普通齋舖食到的差不多, 但條魚很厚, 食完很膩福建炒飯：因為有男仕在場, 點都要叫個飯食, 但呢個炒飯麻麻地, 鑊氣仍然有, 但無乜味, 同埋濕炒的差啲啲糖水：今晚係送蕃薯糖水, 幾好味, 不會太重薑味又不會太甜可能其實食評實在寫得佢太好, 以至抱著很高期望去"試菜", 但食完覺得只是普通水準, 不過食物的口感仿真度真係好高! 有少少失望, 不過overall都不算差, 可以再去。…查看更多

今晚同老公原本諗住去榮記食粉, 但一路搭車經過見到壽司店, 突然又想食壽司, 之前在openrice見過峰壽司的食評不錯, 決定來試一次。上次去板前食, 等了接近2個鐘, 真係食左都補唔番, 而且食完又唔覺得好似d食評講到咁好...... 今次嚟峰攞飛, 要等廿幾張枱, 相比板前要等六十幾張已好好多。在附近行了約半個鐘, 行返去見仲有十個no. 就到, 都無再行開, 真係站了不久就輪到我們了。一入去, 見蝦sushi剛剛上碟, 就取了一碟。隻蝦好鮮, 不會淡而無味, 食完一碟很好的蝦sushi後, 覺得真是無入錯來。之後開始睇吓有無推介食品, 最後選了峰鰻魚, 特大魷魚, 特大元貝。鰻魚同元貝都好好食, 元貝好鮮, 但魷魚就差了一點, 有點上海年糕feel.... 之回轉枱取了火炙蟹足棒, 上面有芝士, 好膩。之後畫了軍艦類, 有:北寄貝沙律, 酸梅海蜇, 蟹羔, 北寄貝沙律普通, 酸梅海蜇很醒胃, 真的很酸, 很特別, 蟹羔就像平日食蟹蓋那樣, 很有蟹味。另外畫了個費城卷, 外面像加州卷有蟹籽, 入面卷著三文魚跟芝士。由於有芝士, 整一起食會很膩, 所以我將芝士拋掉。最後畫了個紅豆雷沙糕做甜品, 雷沙糕是凍的, 是米榚類, 加埋紅豆一齊食, 不會太甜, 味道剛剛好, 正!!整體來說, 我很滿意今晚的美食, 等大半個鐘不算太耐, 因為實在好食, 比起板前好太多了。環境方面, 一般回輪壽司站都是比較迫, 比較窄, 服務態度都ok客氣, 不會有黑面神出現。一兩個月食一次是很好的選擇。…查看更多