Qloveseat的個人專頁

朋友帶小朋友回港相約weekend 短聚銅鑼灣區星期六唔想太多人選擇其實唔多千挑萬選下揀咗呢間上樓cafe12點半上到去未開門還在準備中, staff見到有客即刻放咗我入去因為有小朋友關係佢比咗出面靠窗有長櫈嘅位置, 幾光猛另一邊有床同書枱嘅擺設, 突然覺得有d似之前响台灣住過嘅民宿..Menu 因為係假期關係冇set lunch要散叫餐牌睇得出花咗心機, drink list called "Let's get wet".. Speechify Tea 嘅名以功效而名..有趣兩大一細我地叫咗一個All Day Breakfast 同一份burger我忍唔住叫咗一個西柚香桃梳打朋友話$78性價有D高, 但黎到見到佢賣相又覺得OK值架喎成套飲品有一枝梳打水, 一枝桃蜜, 一碟仔桃肉加柚子肉另外杯入面有藏咗西柚肉嘅冰塊同薄荷葉, 等冰溶咗就有西柚肉食朋友仍然覺得唔值, 可能呢D就係男同女嘅分別.... 哈~All Day Breakfast 黎啦!  盛惠$148!個人覺得食咁多次All Day Breakfast其實呢個真係算好唔錯Presentation good!  所有食物好整齊咁放响木盤再入木箱煙三文魚份量亦好足, 食完真係幾飽, 如果個crossiant 再酥D就好啦~另一份係Cheese Burger, $128 not special但係薯條係好味, 夠粗又新鮮炸起外脆內軟！小朋友未停過口！差唔多兩點後就人越黎越多，但都唔算嘈如果兩三個朋友想搵地方坐食個brunch, 銅鑼灣黎講呢度唔錯！…查看更多

平日少落旺角搵食, 咁啱同朋友們行開買嘢, 見到有燒肉放題, 由於大家都嗜肉又咁啱平日唔多人等, 所以決定試下呢個任食燒肉。 等咗半個鐘到就入場, 落到地窖至發現地方都幾闊落下, 亦都唔太油煙，冇一般日式放題餐廳背貼背嘅情況出現。行過見到迷你嘅自助蔬菜吧同甜品吧, 本人一向對外露冇雪藏既冷盤不感興趣所以冇試到沙律同甜品, 但佢有我燒烤時最鍾意食既菠蘿, YES!!! 燒肉既地方有刺身任食, 我地亦只係試少少試下質數, 始終今日係想食肉! 盤刺身黎到賣相唔錯, 比預期中好喎～Menu有一樣叫憤怒火牛仔，賣相好似好吸引咁有哂煙霧效果，但可能人多關係，憤怒嘅牛仔黎到時已經係冇煙出但不停流水（溶雪關係）情況係有少少尷尬因為流到一枱係兼流到落我條褲，個staff 即時道歉同搵嘢比我抺同清潔枱，反應算快同好禮貌。憤怒牛同相片有少少唔同，上碟係充滿辣味嘅顏色，好入味但怕辣人仕可能會覺得重口味咗..另外仲有叫咗幾款牛，最好味我覺得係有骨嘅岩塩牛仔骨，可能因為油份多d同平均d，另外牛腹肉同牛小排都唔錯! 厚切牛舌我有少少失望原因係佢嗰日唔係切厚條而係薄切(半cm), 味道ok 只係覺得厚切可能燒起黎會好味d。其他肉類不過不失…… 虎蝦真係幾大隻同爽，帶子亦甜!中間其實叫錯咗個綠色既湯，朋友飲咗一啖覺得咸，咁啱有個著制服既叔叔行過望咗我地一眼，佢再行過時我地仲研究緊係咩時，佢突然行埋黎問我地係咪咸咗，我地話係佢跟住就攞咗入廚房，轉頭就比咗一碗熱騰騰嘅比我地再試，話應該會好d…. 雖然我地其實仲覺得有d咸，但佢咁attentive同熱心既態度令我地覺得點都要為咗佢飲哂佢! 總括黎講二百幾蚊價錢可以滿足一班食肉獸既食慾兼坐得幾舒服, 算係不過不失啦～…查看更多

Weekend遲起身同朋友決定黎個quick and light lunch! 人多到呢...堂食坐位唔多亦係自助形式，一向唔鍾意坐高枱，還好佢地高櫈係可以調教角度所以都坐得幾舒服！ 朋友之前推介佢地個蛋治，所以決定叫一個再加多個BLT。 但見我落完order個staff就响cashier個柜下面攞咗一盒蛋治出黎， 我係有少少呆， 第一其實真係幾細盒， 二黎我以為係會新鮮造, anyway... BLT 就新鮮造嘅所以食住個蛋治先！ 麵飽本身冇特別，蛋蛋聞亦唔覺好香， 但食落幾香蛋同芥茉味，但本人唔太鍾意蛋嘅口感，幾artificial 下， 如果佢係玉子燒質地我諗我會欣賞d! BLT....可以不試因為我諗我整會好味d! 佢塊日式bacon 厚得黎幾'un' .. 失望... 還好飲品係唔錯！ 朋友叫咗cappuccino 而我就要咗杯走甜嘅macha latte, 幾滑同幾香抺茶味... Anyway... 呢個價位我會prefer 坐得舒服d, 又或者去天后大排檔食一個地道蛋牛治多d... …查看更多

我一向都鍾意烚烚下當朋友話不如去尖沙咀睇下有冇位時我真係一d都唔樂觀還好係平日，比我想像中快有位坐！ AE有優惠套餐半價！$1568->$784!!!價錢係相等於menu入面其他最平嘅套餐但肉方面就變成有齊幾款靚肉、元貝同松葉蟹腳再加酒或飲品！前菜係明太子青瓜同生菜沙律！ 好清爽同脆！套餐包一枝大吟釀或者每人兩杯飲品！ 其實由於都好多嘢食嘢飲又好大杯，所以其實係飲唔哂的.... 本人食shabushabu 鍾意點柚子醋所以湯底就揀番清嘅昆布湯， 朋友就揀咗豆乳湯底，見佢不停食不停就自制腐竹， 湯底亦越煮越濃，最後決定唔再加湯而係加水！ 其實身為牛精嘅我， 開頭都有擔心套餐會唔夠食，但到上枱時其實每樣item都係一人一份， 加上我朋友點完左個餐至同我講話佢其實仲係戒牛期間， 所以6盤牛全數歸我！ Angus牛其實都已經幾好quality, 但M9牛肩脊肉係3款牛中最好味！ 脂肪比例最適中，入口會溶之餘仲係好有肉味，至於A5和牛當然係最肥美，油份多亦入口即溶，但我shabushabu都係prefer唔太多油花的，A5呢類都係啱厚切燒多d!朋友既然仲戒緊牛，所以我將熊本豬、免治雞肉同埋蟹腳比咗朋友食，我每樣都只係試一件，豬ok 而個免治雞都幾好味喎！ 蟹腳雖然肉唔太多但都好甜！ 帶子每人一大隻，可惜掛住講嘢overcook咗，唔係其實佢都幾甜...總括而言溫野菜係有水準嘅shabushabu, 再加埋個信用咭優惠，真係好抵又大滿足嘅一餐！ …查看更多

星期六family day正煩惱食咩好時，媽咪突然提起細佬講過話中環有度食羅宋湯，即時扑磓去試試～ 中環星期六下午茶時間只有一兩個客，可以任坐！ 裝修有圓頂metro隧道形嘅天花，睇真d 連餐具調味架都造到好似列車咁，餐單亦都好似metro map 咁， 幾特別！ 但諗諗下同俄羅斯羅宋湯有咩關係？ 🤔望住餐單，諗完一輪都係要海派牛腩羅宋湯跟甜餐包再跟蝦多士！ 對上飲紅湯跟餐包已經係响裝修前嘅金雀！ 個湯好足料好香，但略嫌油咗少少，但當你食到好多好腍嘅牛腩時你會原諒佢！其實真係近年難得好味嘅羅宋湯！精髓係跟甜餐包嘛！ 要明白跟餐包同多士會差好遠！ 哈哈！ 細佬叫咗個豬骨底嘅羅宋湯配上海麵！ 我試咗啖湯底，你係會食到個分別，個人覺得羅宋湯配咁多菜都係配牛好味d! 媽咪就食俄式清雞湯拉麵！ 個湯幾清甜雞肉亦好嫩，但响呢度我真係覺得應該食羅宋湯囉！小吃我地揀咗蝦多士同薯仔沙律！ 薯仔沙律都幾大兜.. 而我好期待個蝦多士，但上枱時得兩小件我確實係有少少失望嘅，但咬落去又真係幾脆同蝦膠好香！ 侍應行過見我扁咀問我係咪唔好食， 我話好食但點解咁細件呢， 唔夠喉呢！ 佢答我因為方便女士OL可以細細啖食！ 我只係無奈講笑話我口大兼大食，4 件就差唔多！ 😛😛😛對於我而言， Wheatfield X 係快lunch 或者下午茶不錯之選！ …查看更多

朋友生日搵咗一間原本好想黎試lunch or tea嘅餐廳食晩飯！平日關係7:30到星街空無一人，入到餐廳亦只有另一枱3位女士。入門口嗰瞬間覺得揀錯地方， 一個咁法式浪漫充滿玫瑰花咁girly嘅地方，我同個大大份嘅男性朋友黎感覺錯哂！😂😂餐廳由插响餐巾嘅咭片至餐具都充滿玫瑰花，連我呢個唔嗜玫瑰嘅女仔都被感染到頓時女仔咗！愛麵包嘅我第一時間當然要試下個包，熱辣辣好脆， 入面好軟， encore 咗！👍🏻頭盤朋友揀咗湯 - Mushroom Cappuccino 配黑松露菇菇脆多士試咗啖crust 好脆松露同菇好香，湯冇試但朋友話幾好！我頭盤揀咗亞拉斯加皇帝蟹肉配西柚啫喱同柚子wasabi泡沫！ 每層試咗一小啖感覺好清新，雖然杯唔係大但蟹肉嘅份量好足同好鮮味！但最好都係每一啖都有哂3層，咁柚子味就唔會太甜但蟹肉味依然！Main course.... 呢個唔高胆固醇唔嗜嘅朋友當然揀咗龍蝦蟹肉意大利雲吞配鵝肝湯底！ 朋友切開隻雲吞見舊紅噹嚐嘅龍蝦肉，好豪咁話比我試下， oh... 龍蝦肉好爽好甜呀！ 如是者朋友繼續食但發現我食咗嗰件可能係唯一件龍蝦肉，另嘅都係蟹肉同紅椒！ 😂😂 還好最後比佢搵到另一件！ 佢話個汁好香， 但面嗰件腳唔係炸嘅話會更好！ 我揀咗chef's daily special 嘅羊脾件，羊件啱啱好煮到我要嘅medium rare..good! 再羶d就更好！ 羊件下面係blend咗嘅茄蓉同唔同色嘅pepper, 好甜！ 我地另外再叫咗3個side: 椰菜花天婦羅、黑醋鮮茄、黑松露薯蓉！ok 冇咩特別！ 因為朋友生日關係， 我一早頂位時通知佢地想响甜品加生日字句，但其實到食完main嘅時候已經好飽，所以我地都係揀最light嘅自家制sorbet, 一個raspberry 一個柚子！ 都好refresh 但旁邊嘅crumbs作用似乎用於視覺上美感多過口感配合！Anyway, 朋友對呢餐幾滿意， 但我覺得呢間餐廳適合閨蜜或者情侶黎多d.... 可以諗下母親節帶媽咪黎食個afternoon tea! 😬😬😬Ps... 雖然staff外形同間餐廳有少少唔夾，但佢地一路都好好禮貌同幾好service, 只係到上甜品時，我諗佢啱啱响後門食完煙， 所以上碟時好大陣煙味！ 我諗呢樣會令人感覺好有落差, 希望佢地可以忍下口啦.... 😅…查看更多

朋友聽聞大坑有間扒房不俗而且份量好大，所以一定要約埋我呢個無肉不歡兼胃口頗大嘅黎試下！ 平日7:30入坐竟然空無一人，心裡面其實有d擔心...經理安排門口落地玻璃張枱比我地，再詳細解釋menu比我地聽。 呢度menu主要係二人前set 有3個combinations, 睇你想食幾多決定！ 最後我地揀咗deluxe set.. 包湯、前菜同main! 身為一個麵包控， 當見到咁大個蒜蓉包上枱時， 我對眼有發光， 個包熱辣辣好香蒜蓉味同脆，但我搣開時略嫌佢焗耐咗而脆到太亁身， 如果入面軟身d 就perfect! 頭盤有Caesar Salad 同 home made crabcake! Salad 菜好爽同新鮮， 條bacon好crispy, 個sauce 好香但偏咸， 後尾同經理傾開原來個sauce用咗anchovy打爛溝出黎，可能重手咗少少， 但其實都幾好味！Crabcake.... 呢個好足料， 每一啖都有好多蟹肉， 唔需要點個tartar sauce，咁可以食到d蟹嘅鮮味！ 👍🏻👍🏻鴛鴦湯朋友揀咗龍蝦湯而我飲蘑菇湯~ 試咗啖龍蝦湯，幾滑但我覺得可以濃d！ 至於蘑菇湯，好香蘑菇味同好滑，但個人鍾意比較有小小質感咁唔好得太爛嘅蘑菇湯..主菜揀咗lamb rack, 經理話份量同rib eye 一樣會係14oz, 上碟有兩件三條骨份量嘅rack! 切開係我地想要嘅medium rare! Good!! 肉質好同幾juicy, 如果再多少少羶味會更好！ 食到一半經理問我地會唔會想試下個dessert ... 直徑4" 心太軟 (要加$100)。 我同朋友商議後決定唔食甜品將餘下嘅胃口去試下個 Ossobuco Ristto!!! 經理有少少嚇倒再三確認因為佢話個risotto 份量都好大！到上枱時的確有少少滴汗..😅 好大份嘅veal shank, 但好在d肉真係好嫩好腍！ 飯未食前覺得好似太濕，但食落飯本身texture 啱啱好，個汁唔太杰濕濕地好易入口亦好香！ 冇諗過好快就KO咗成個飯，當然食完係好飽！ 順帶一提，當我地食到一半時，餐廳已經7、8成滿，其實我見好多人望門口個menu 睇到价錢就走咗， 可能地段加裝修唔吸引，但亦有人望到我地食緊嘅嘢而walk in 入黎。 Anyway, 呢餐我覺得有驚喜嘅，相同价錢我覺得比soho嘅好味兼有誠意! …查看更多

清明節難得冇落雨仲要好好天, 揸車期間經過淺水灣, 決定泊低架車搵嘢食~假期加好天基本上間間食肆都好多人等位，最後同媽咪同細佬決定要食burger就揀咗Hotshot! 餐廳係pets friendly 所以近門口位置既枱都係預比有狗狗或者落咗水濕咗腳嘅客人，其實餐廳入面你見到有位，但staff都要一段時間至會去執枱，所以等嘅時間相對會長咗，No booking system just line up…. 一等就係40分鐘! 　Staff態度其實還可以的，只係客多佢地唔太attentive，你都需要叫好幾次至會有人serve 你。還好我地有3個人啱啱好入面有張4人枱，　唔需要响sofa area 同人地個family share大枱。　坐住張搖搖櫈諗咗陣就拍版叫嘢食～Pasadena Fresh salad　($95)太熱要食開胃d嘅沙律, 呢個啱哂~　有菜、幾種蕃茄、豆腐粒同好大粒既blueberries再淋balsamic 醋，呢個沙律幾refreshing!Lean & Mean Chicken Tacos ($130)本人唔太嗜牛油果但媽咪好鍾意所以叫咗比佢食，幾creamy嘅lime corn salsa 醬，雖然佢用雞胸肉但都幾滑，食之前加咗幾滴檸汁，我雖然唔鍾意牛油果但都覺得幾好味～Nantucket Lobster Roll ($180)雖然坐低前係想食burger, 但最後都係揀咗個lobster roll!! 比起日式lobster roll, 其實我幾鍾意呢個, 雖然係用普通熱狗飽, 但冇日式個D牛油包咁肥膩, 但當然會冇咗個隻牛油香! 龍蝦肉既份量亦都好足同爽口, 配呢個有Espelette pepper、橄欖油、青檸汁有少少辣既沙律汁, 好滿足!Old fashioned Grilled Cheese ($85)細佬好型咁叫咗個family grilled cheese sandwich…. 可能佢真係太懷念响美國既日子, 唔係我唔會比佢叫呢個真係响屋企都整到嘅三文治, 當然呢個cheese 係濃同多嘅，但係個樣普通到我都冇諗過要影佢啦….. anyway he finished it all! 我諗閒日黎呢度係幾舒服嘅, 希望下次人少D佢會理D客多D啦~…查看更多

日本表弟同朋友黎香港玩幾日， 同細佬決定同佢地食北京填鴨。 諗一大輪後決定去一間連我自己都未去過嘅北京老家， 貪佢裝修精緻坐得舒服兼比少少新意自己！ 5個人諗咗一輪決定叫一個4人餐另加其他冷盤同宮保大蝦球， 志在比表弟同佢朋友試多少少款！ 套餐包兩款涼菜可以任轉，我keep蒜泥白肉但將香辣海蜇轉咗䓤油海蜇， 再加咗烤麩同素鵝。䓤油海蜇好香夾埋蘿蔔絲好爽！蒜泥白肉豬肉係爽嘅，但醬汁未免太杰，味道似係咸嘅芝麻醬再加過多嘅蒜蓉， 唔識欣賞！ 還好烤麩冇令我失望，溫度甜味都啱啱好，啱哂日本人口味！ 至於素鵝，上枱已經好後悔，因為我以為佢入面會係夾咗菇、紅蘿蔔絲咁， 點知係全腐竹, 其實還可以嘅，只係同我期望不符... 主菜係個宮保蝦球上先， 講真有d失望, 佢個汁真係好濕， 還好個脆醬冇浸到淋哂，味道還ok...或者我唔應該攞佢黎同xx樓比！ 再黎鐵板羊肉，少少羶加埋d䓤，即刻要叫番兩條炸銀絲卷黎夾住食！ 好味到食咗半至記得影相！ 填鴨因為係4人餐所以得半隻，皮幾脆， 只係嫌個醬有少少咸咗d.. 餐包柚子魚， 叫餐時姐姐話可以改松子魚，但由於我叫咗宮保蝦， 所以決定試下佢個招牌菜。 上枱賣相少少嚇親表弟， 因為條魚係企响度兼被摟到彎咗.... 😅😅 魚唔鯹， 個汁因為用椂柚肉煮幾清甜， 之前道道菜都濃味，清一下都好～ 其實食到呢度都已經好飽！ 佢突然放低一大碟麵我至記得餐包咗個炒刀削麵！ 其實大家嗰一下有少少反白眼, 但大家試咗一啖之後反應唔同哂！ 我叫咗碟辣醬跟住食咗兩碗麵！ 對... 食哂所以唔記得影相！ 😂😂😂我諗我仲會返黎食過， 因為呢度幾啱三五知己慢慢食又幾好坐！ 當然我下次會識得叫咩食啦~~ …查看更多

好多年前自Doraya 响銅鑼灣開舖後，縱然當年menu唔係咁多嘢揀，但佢都已經成為我的all time favourite！ 近年時興魚生海鮮丼，周遭亦多咗好多選擇，但我仍然覺得簡單新鮮嘅Doraya 至係首選！ 銅鑼灣店位置少， 每次其實都最少要等半個鐘以上，但一諗起d sashimi..... 等！ 大食嘅我响好肚餓嘅時候黎，咩都唔諗就決定要自選丼！ 佢嘅藍鰭吞拿腩蓉係必選，仲有我都好愛嘅油金魚(兩份呀唔該!), 久唔久係要對自己好d, 所以諗住加多份中toro, 點知妹妹話賣哂! 😫😫佢話仲有大toro問我要唔要，問題係我個人唔鍾意大toro因為有筋！ 佢聽到我咁講，意然走咗入廚房走番出黎同我講check 咗師傅， 話今日大toro筋唔多.... 嗯，你咁有誠意， 我決定要埋佢！ 最衰銅鑼灣唔似尖沙咀店，自選係冇赤貝， 如果唔係..🤤🤤🤤朋友就㨂咗海胆油金魚同吞拿腩蓉， 兩份嘢黎到時真係覺得好安慰，水準依然兼份大toro又真係唔多筋喎！ 比起出面街好大堆頭嗰d, 呢度已經令到我地好大滿足!!!! 自選... 有得揀其實真係一件好幸福嘅事！…查看更多