nelon的个人专页

我今晚點了二人套餐，而且手上有世貿中心商場新春活動的優惠券，優惠券上條款寫明在一幻消費滿$200可以減$100。但到付款的時候，店員說優惠券只能單人餐時才可使用，二人套餐並不能使用。我同佢講優惠券上條款沒有這樣寫，這店員不斷重複叫我可以投訴給他們的老闆，投訴電話就在優惠券背面。當我離開店後，在門口出面觀看，我就打電話嘗試投訴，但電話通了對方沒有回應就收我線。我看到根本就是接電話的店員認得出是我剛才買單的客人，所以他就故意收我線。對於這種行為，我以後不會再光顧這間店。也想藉着這機會，提醒看到這文章的各位，消費前請再三謹慎考慮！附上優惠券圖片以作證明，條款上根本沒有寫要多人套餐才可使用。…查看更多

我女友在6:30pm前先到步餐廳，因為是星期一，呢個鐘數舖頭還有好多空位。但一位短頭髮店職員第一句就話未齊人是不能進入，態度和表情好不願意地允許女友坐低。接著當女友放手袋在她座位對面，這位職員話只可以放在她座位的旁邊，但一來當時仍然未有其他食客，二來語氣是不太友善。第三，當我們兩個在用餐期間，示意職員加水，當時我們二人各自說一句「加水唔該」，只不過合共講兩次，語調絕對輕聲溫和。那位長頭髮戴眼鏡的職員即刻話「黎緊啦，俾少少時間ok?」我們兩個覺得他有小小誤會，所以無特別解釋，只是話「好，唔該晒」但是他行過來座位又話「倒緊水啦，等多一陣可以嗎？」。。。未完，還有最後一次他加水給我女友，是好大力放杯落檯面，超級大聲。兩位職員的服務態度非常不友善之餘，對理解事情的合理性都好有問題。食物正常，日式蛋包飯和舖面裝潢本來不錯，可惜人的服務態度惡劣，令我們不會再光顧。…查看更多

見到大量好評於是上門食晚飯，點知試完先知伏。。。先講服務態度，當男店員上菜時，他一隻手傳菜，另一隻手托着托盤，而唔放低枱先傳菜，然後托盤上的烏梅汁就打瀉在張枱同地下，仲濺到我GF條裙。當時舖面共有一男兩女店員，而鋪頭內只有幾張枱有食客(最多五分一)，但我同GF等左幾分鐘，男店員先番黎俾一包紙巾叫我哋用，然後拖地。佢打瀉野唔即刻抹枱，叫我哋自己抹已經不能接受，濺到人連一句道歉都無！？我當佢細路哥唔計較，自己試下係咁用紙巾吸枱面既水，但根本成枱都係烏梅汁，要用濕毛巾清潔。見到男店員完全無意欲幫手抹枱之下，我就要求換枱食飯，佢換枱之後都係無道歉。講下食物，我同GF的兩碗麵都是揀左“BB辣”(一共四級，它係最低級)，但真係辣得幾辛苦。俾大家參考下，它既辣度係介乎譚仔4小辣至2小辣之間。我哋仲叫咗餃子、木耳、涼冰粉、銀耳紅棗湯，只能話正常水平，無特色可言，食過既任何一間四川麵食都好過它。回頭率：零…查看更多

和同事去呢間分店買外賣，平時mos burger會俾部圓形號碼機，所以次次買完等部機震就去拎外賣。剛巧部機有故障（因為我和同事部機都無震）雖然有個男店員叫號碼，但food court周圍有人，他又無用mic所以不肯定係咪叫我號碼。當我行前問“係咪26號？”，他無禮貌地話“26號阿～阿～阿～”，“阿”左足足幾秒。其實就算不知自己店的號碼機壞，我都只是問一次，但感受到他非常不友善的態度。如果貴店職員見到這個post，請改善員工服務態度，認真講我都不會考慮再去買。…查看更多

同朋友坐低無幾耐，洗左啲餐具後，好好聲氣同個茶水阿姐講，“唔該，可唔可以給個兜裝水”，個阿姐直行直過。。。以為佢聽唔到，佢第二次經過時候，我再大聲啲講同埋企埋起身講，佢都係唔停低扮聽唔到另一個阿姐見到都同佢講，“你理下啲客人啦”，唔係另外呢阿姐肯拎黎，真是好想投訴佢。最氣憤的是，呢個性格阿姐唔係聾的，見住佢同另一張枱，啲客比較中年老成同著西裝的一枱，笑笑口幫佢地落單，除左甘之外，成晚佢行行企企，同對其他人毫無表情。有無搞錯，原來茶水阿姐可以選擇性提供服務甘巴閉!？…查看更多

星期日同朋友食lunch, 我建議不如去呢間食。點知阿姐行埋黎寫野，態度極惡劣，佢放低兩杯水時啲水好似海浪翻騰甘，可想而知有幾懆底。。。。。想搵侍應拎多隻碗，兩個朋友舉手勁耐都無人理，最後朋友自己親自去拎。。。。。。附近一個男侍應一路做野一路爆粗，完全影響曬同朋友食飯吹水的心情。甘都唔止，坐坐下發現卡位的沙發墊上好多一點點的糖，相信係每次食客離開座位後，侍應用枱布抹枱時就甘掃曬啲污糟野，而唔係包住。唉！…查看更多