cslo1229的个人专页

今日叫了 火腿通粉 及 蕃茄通粉。蕃茄通粉正常表現，OK的。火腿通粉一聞已經只有草青味，湯是清水，完全是垃圾食品。一碗很基本的茶記通粉，竟然可以做到咁難食。等已經要半個鐘以上，等完出來的竟然係呢知質素....真係太瘋狂啦，是但幫襯另一間都唔會咁火滾！…查看更多

一班朋友放工去到2樓坐低, 大家7點半落去買野飲啦。買完番上2樓坐傾下計, 點知有waiter上黎就話8點鐘做清潔, 趕人走。真係心裡講晒粗口, 錢就比左買埋野飲, 唔夠半個鐘就趕人落1樓, 邊度有位呀?d野又難飲, 錢就識收, 半個鐘就趕人走。冇下次, 朋友們都blacklist左佢算啦!如果你係清潔就應該6點就封左唔好比人上啦!!!!擺牌就趕人走, 你地d錢真係好好賺喎!!!建議去番其他分店啦!!無謂貼錢買難受。…查看更多

夜晚與友人相約旺角, 諗住回味日本大阪燒, 就決定去千房試下。下單叫了75g牛, 千房大阪燒 及 蛋包拉麵。牛: 不值一提, 肉質非常硬, 自己去買牛柳粒都會好食過佢地多多聲。大阪燒: 內裡乾身, 只能說味道一般, 都係醬汁味。食完牛及大阪燒後, 等了若干半小時, 但仍未上蛋包麵。搵侍應check單時話漏單, 再做要20分鐘。同友人二話不說立即取消並埋單走人。如果想食肉/大阪燒/豚平燒都有其他選擇。呢間, 掛呢個名但冇呢個質素。唔會再有第2次!…查看更多

飲食業經營困難，在大商場生存更困難。由上菜開始，十五分鐘就上了6道菜。 我只感覺到叫我地食快d，拿拿聲食晒就可交番枱做第二轉為左省d位, 侍應話將片皮鴨d麵皮放細碟，我都同意既，你上菜咁快，多多位其都唔夠擺。 但轉頭話就咁擺落d片皮鴨隻碟度, 大佬呀! d油多到咁，你唔係認真架? 好在喝住佢，如果唔係就變左油浸啦。好高速上到成台都係之後，條魚又好快到啦，我地都話真係冇位擺，佢話咁條魚洗唔洗擺埋一邊先，但凍左好易腥喎。心裡不禁想講粗口，我地d餸都係開始食緊。張台又唔係大，條魚快到咁就整埋出黎，而家我仲要幫你諗埋擺邊呀？我都明白生意難做，一晚做兩轉客先得。 不過如果想d客剩係食完就走既，我諗就冇下次啦。自己醫肚就唔洗係美心皇宮食，一圍枱要搞壽宴都唔會係一個要自己短時間內食晒d野既地方食啦。真係 冇 下 次! …查看更多