or#Tm66047806的個人專頁

新開張嗰段期間幫襯過幾次，個雪糕冬甩特別得嚟好有水準，蒸飯都唔錯，黑糖奶茶亦幾好飲。 下午茶餐仲要勁抵食，可以只係揀一款主食+一杯飲品，最平$30幾蚊有交易。可惜最近路過見到下午茶餐個menu改咗，default要揀一款主食+一款小食，最平都要$60左右，即係變相加價。間餐廳本身 location 麻麻，唔就腳，又近大酒店，平時見佢都係小貓3幾隻。 雖然自從佢個下午茶餐加咗價之後已經好少幫襯，但都希望佢捱得住吧，如果佢肯做吓優惠，都會再幫襯。…查看更多

見個舖名咁funny，又有新開張8折優惠，就叫左杯玫瑰奶茶試下。 大杯裝原價係$38，折左都要$30。主角之一玫瑰完全冇出現過喺杯嘢入面，有嘅只係玫瑰味syrup，所以叫微甜都仲係好甜。 另一主角奶茶就更加唔掂，茶膽完全冇茶味，奶又唔夠香又唔夠滑，真係未飲過咁差嘅台式奶茶。難飲都算，仲要飲完肚痾，係山洪暴發式嗰種，痾足3次，攪到要食肚痛藥先停到。🙄真係冇諗過第一次幫襯就攪成咁。 如無意外都會係最後一次。…查看更多