stockmannnnn的个人专页

今日o係奧海城行完街，o係附近搵吓有乜好嘢食，天氣熱想食d辣o野，喺OpenRice呢度見到呢間泰菜，有好多人話幾好食咁就去試吓啦。一入到餐廳，第一個印象係覺得好光猛，鋪仔細細但係好有泰國小店裝修風格，叫左泰式經典明爐烏頭、炭燒豬頸肉、芒果沙冰、仲有芒果糯米飯。明爐烏頭值得一讚，條魚好肥美，同埋好入味，好好食。炭燒豬頸肉份量唔算多，但豬頸肉好肥美，啖啖肉，好正！芒果沙冰一飲就知係新鮮芒果整，唔會太甜，味道岩岩好，最後叫埋芒果糯米飯，白糯米好軟熟，超級滿足，食到咁飽，埋單只係$363，勁抵食！…查看更多

約咗朋友喺奧運站但係未夠鐘，諗住搵個地方坐下先，見到附近呢間車仔麵幾多好評，又好耐冇食過車仔麵，咁就行過嚟喇，其實都係好近，奧運地鐵站行過黎6分鐘左右入到舖頭就覺得嘩呢間舖頭咁大間嘅，眼見好似有接近20張枱，仲有裝修風格，有現代x懷舊crossover. 用Qr code落單，除左車仔面仲有好多港式小食例如生菜魚肉、韭菜豬紅等等，本身我都唔係好肚餓，但係見到咁多咁吸引嘅嘢食都忍唔住越叫越多🤭叫左一碗通菜、豬紅、手打鯪魚肉、咖喱魷魚，揀左中辣，小食叫左生炸雞翼同椒鹽炸墨魚丸。碗車仔面真心高質，個湯底夠哂味，咖喱汁超惹味，豬紅好食，鯪魚肉彈牙，必試，生炸雞翼好似傳統茶餐廳食落係外脆內軟，墨魚丸都勁惹味，下次要試埋其他小食😋食左咁多野，飲埋樽裝可樂埋單先係$125…好正呀…查看更多

聽朋友講燒魂係和牛燒烤放題，仲有刺身壽司任食，經開尖東果邊所以就試下佢，book左6.30pm。一坐低，覺得地方幾乾淨企理，坐喺窗邊可以睇哂尖東繁華夜景，落單既選擇超多，有前菜、沙律、野菜、兩身、壽司、和牛、鍋類、肉類，食物款式幾特別，叫左好幾款和牛，黑毛飛霜空降和牛、西柚汁霜降和牛好新鮮好有牛味😋任飲飲品有可樂、解茶、清涼爽、荔枝茶等等，值得一讚既係侍應態度好好，好有禮貌，食左成2個鐘，埋單300幾，可以食足2個鐘，性價比好高😍…查看更多

天氣凍，連續打左幾日邊爐，想食番啲輕便野😂上openrice見到呢間一休居酒屋評價幾高，本身想食拉麵既，但見到壽司好吸引，叫左個戀火壽司拼盤($248)，加一杯荔枝果味梳打($22)，壽司樣樣都好新鮮🤭，我夜晚仲要食dinner,所食吾到好多，下次想試埋沙律同刺身同拉麵，未到7點已經full，book位會比較穩陣👍🏻…查看更多

朋友試過話正，約左係尖沙咀行街，咁就話不如同我一齊試下，因為都唔錯。入到去就落單，好多選擇，叫左佢既招牌濃厚原隻雞煲花膠湯(半隻)、手切牛嫩肉、牛骨髓、炸響鈴、胡椒豬肚貢丸、鮮嫩荀尖片。花膠雞煲既花膠大大塊，好多骨膠原，好彈牙，俾足料有突，飲完花膠雞湯，侍應就開始幫我地加湯開始打邊爐，手切牛嫩肉真心好有牛肉味，食得出牛脂，中意食牛既應該要叫黎食。胡椒豬肚貢丸好特別，大大粒，彈牙唔會淋zizi，好有胡椒味，好味！牛骨髓、炸響鈴、同鮮嫩荀尖片都係超新鮮，兩個人食唔係好食得哂，最後叫左兩杯特飲，分別係青檸梳打同百香果梳打，哇，未試過係火鍋店飲既特飲咁高質素！餐廳既職員全部都好nice，少有咁令人舒服既體貼！…查看更多

經開土瓜灣，見呢間茶餐廳評價幾好，本身吾太餓，但見下午茶餐性價比好高，就叫左炸雞髀薯條配凍檸茶($42+3)，再加多份煉奶杏霜一口西多配茶走($32) 雞脾薯條都係新鮮炸起，雞脾好似係生炸，好脆，內裡juicy , 炸得好好，一d都吾硬，好正😂薯條都系，好食過快餐店好多x3煉奶杏霜一口西多好特別，一口西多最正係一啖放哂落口，外脆內軟，吾會太甜可能野食太好味，又叫多份雪菜肉絲米配熱檸茶 ($42) ，呢碗米粉系近年食過茶餐廳最好食嘅雪菜肉絲米🥹湯底食到系蒜頭炒過，好惹味，份量又好多，飽到飛起😂個人覺得熱檸茶有茶味過凍檸茶餐廳既姐姐都好nice 值得支持…查看更多

經開太子果邊，唔算太肚餓，想簡單食個面，醒起呢間雲吞仔，接近1點到，lunch time接近滿座，叫左一碗牛腩+雲吞河，介蘭+可樂 $63，雲吞真係好大粒真材實料，食果時見到師傅係度親手包，呢間良心小店值得支持👍🏻👍🏻👍🏻…查看更多

天氣凍左好多，想食d熱辣辣既野，見呢間金鳳幾近啓德站，就決定試下呢間分店。叫左一份鐵板美國雪花牛扒餐($176) (5成熟)，三文魚沙律($88)環境方面，去過其他分店既金鳳，呢間應該算係相對新開既？望落好新淨同乾淨，另外值得一提既係呢度既待應姐姐態度好好，值得一讚食物質素無令人失望，三文魚沙律既沙律菜好新鮮，係港式扒房黎講好難得，鐵板牛扒上枱果下就真係聲香味俱全，如果經開啓德會再encore…查看更多

朋友生日，佢話想黎呢間試吓，要差唔多一個月之前book定，首先食雞煲先，跟住就開始打邊爐，我想講雞煲既雞，比出面專係食雞煲既可能更優勝，雞肉嫩滑，醬料夠辣夠野味，任食黎講真係無投訴。蒸火鮮拼盤，份量有啲誇，重點係新鮮👍🏻至於火鍋配料，大部分都好新鮮，魚皮值得一讚👍🏻會Encore👍🏻…查看更多

每次經開深水埗都食佢，因為佢既燒鵝真係幾特別佢哋自稱燒味係自己燒，的確係有炭香味，肉都骨都食得出不過唯一要彈既，就係質素時高時低，以下兩圖就係相隔幾個月去食既，兩次都係下午茶，第一次有鵝脾，第二次得碎骨😂但我之後經開深水埗，都會幫襯呢間小店👍🏻…查看更多

本身諗住幫襯下小店，點知中伏，本人一向對食吾太挑剔，但呢間真係要話俾人知佢有幾”高”質素，等少啲人中伏如果睇相，望落都算吸引，但食第一啖，燒腩肉系凍，皮係軟既，叉燒都系吾熱既，D飯既質地仲衰過大學Canteen最後系杯茶走，正常既，但真係可一不可盛惠$56😵‍💫…查看更多

朋友問我食唔食辣，然後佢帶咗我去呢間餐廳，九龍站上蓋既圓方商場入面，book左7點，吾算爆場，8成滿，叫左一個2人餐，吾洗煩😂樣樣都有得試。揀左酸菜桂花魚，首先黎左個雞湯，好有雞味👍🏻配菜既醉雞好滑😋其他都系好食，但未到驚艶，值得俾個👍🏻…查看更多

朋友介紹，入到黎環境吾錯，似新式火鍋舖，朋友話海南雞飯吾錯，即管一試，$68包罐裝汽水，咖啡/茶加$5.雞肉尚算嫩滑，但吾算好熱，份量吾算好大，大男人食可能未必夠😂總括嚟講 呢間係一間坐得舒服 食物質素中上既餐廳👍🏻…查看更多

嚴格黎講 養和醫院餐廳吾算canteen 因為無論價錢、食物質素、服務都拍得上出面既西餐廳Touchwood 有事入院，食佢心情都可能會好少少😂1.澳洲和牛西冷扒 無得揀幾成熟 得全熟😂但火喉岩岩好，不過試一次就好2.叉燒白切雞飯 - 正常，無特別，略貴，好似$158…查看更多

睇Openrice見到Little Fresh就不坊一試餐廳嘅大廈入口唔係咁易搵，因為大廈嘅正門喺一條後巷裹面，第一次去嘅我經過兩次都搵唔到，正想放棄嘅畤候至突然見到入口餐廳座位唔多，大約容納20-25人叫咗西班牙豬扒飯，先上湯和蒜容包，蒜容包好香好脆，有驚喜😂沙律菜都系新鮮👍🏻朋友食既手柳長通粉，酸度岩岩好，好食🙊如果行開旺角，呢間西餐廳值得支持👍🏻…查看更多