yunayuen的个人专页

好耐冇食過,見到依家有埋啤酒任飲幾吸引,就同個朋友訂咗枱試下午市放題,午市放題食到三點,我同朋友準時1點入座,被安排同兩個唔識嘅人一齊搭枱😑如果係爆場嘅話我會體諒嘅,但係四週仲有好多吉枱,同埋之後嚟到嘅人都可以兩個人一張枱,我完全唔明我訂枱嘅意義喺邊度😒之前已經睇人講過話呢度嘅人服務態度好差,心唸之前嚟過都係正常嘅,可能真係冇來一排所以差咗啦食物質素就正常發揮啦,係初頭食三文魚刺身嘅時候有少少魚鱗要小心啲,同埋刺身同埋天婦羅需要等比較長嘅時間,建議嚟到就點咗先…查看更多

琴日經過唸住試下,買左個紫薯吐司,唔洗排隊好快就比左$,拿起上手睇先見到個吐司有合桃,我對合桃敏感,買麵包一直好小心,真係第一次見紫薯系麵包都加合桃= =當下馬上同個店員講我唔食得合桃,要換包,店員仲要用串我（哎呀,食物敏感真係唔食得架）我心唸,唔係你地想賣貴兩蚊,洗鬼咩都加合桃落去）,之後換左個紫薯麻糬包就走左今朝試個包,個紫薯係芋泥咁既色,份量又小,我心唸怪唔之冇人排隊啦…查看更多

朋友生日,諗住請朋友食餐好嘅,見到屯門開咗鐵板燒就去試下啦,打電話留咗位,客服send咗個menu過嚟叫我揀定a定b,我都已經覆咗佢,預約咗下午一點半,我同朋友提早十分鐘到,當時餐廳指仲需要等一陣先至可以安排座位（其實當時都見到啲入面嘅客人似係坐低冇耐,已經心知不妙）但見店家咁講又咁啱落雨,咪係喺門口等下.結果等到下午一點五十分,我已經搵好另一間餐廳,再入去鋪頭問,店家竟然回覆我仲要等四個字🙄我心諗咁我book嚟做乜,店家根本就冇理到個預約,有人walk-in就畀咗佢入去先,甘驚我唔嚟嘅我唔介意比訂金,而唔係要客人嚟到白等囉.價錢以屯門嚟講真係唔算平,368另收加一,心諗其實食唔到都好嘅,佢咁樣做生意,就算比我入到去,可能都要食得好趕😒…查看更多

第一次寫食評,呢間全店店員啲態度都衰到貼地嘅嘢真係唔寫得唔得,嗰一粒星係唔可以比零分先畀落去嘅,服務應該係負5粒星次次行過呢間嘢都好多人,所以從來都冇打算食,見朋友推薦就買一個試下啦,首先已經唔提供餐牌,問店員嗰個吞拿魚班戟可唔可以加粟米,佢就以一副：你係咪買㗎,唔係唔好阻住曬嘅表情望住我,唔得我問題就走咗去,心諗可能人太多,佢真係忙啦,冇得加咪算囉,直接要一個吞拿魚班戟,現場所見起碼企咗二十幾個人喺度,店員淨係比咗個號碼又唔講究竟要等幾耐,基於疫情,我決定周圍行下先再返嚟攞過個班戟返到去攞嗰班戟,另外兩個店員唔係比個班戟我,只係好唔客氣咁同我講話：過咗幾十個20幾個號碼啦！（怪人唔乖乖喺度等緊,心諗而家疫情喎,聚集咁多人喺度= =）前題係我乜都冇講過,心諗呢度啲店員個個被害妄想症咁,慌死你因為個餅淋咗要求佢再整過,我自己都知過咗咁多號碼個餅一定淋根本就冇諗過要佢整過囉）.落單嘅時候我要求小醬,食落去只有好鹹嘅吞拿魚味,一啲沙律醬都冇,而家我係要求小醬唔係唔落醬,做唔到嘅其實可以直接出聲我唔幫襯就得,反正大把人願意貼錢買難受.總括而言呢間嘢完全一副：我d態度係咁㗎啦你唔好幫襯啦,唯一所謂嘅優點就係所謂抵食夾大件,成個葵廣啲小食店都係咁㗎啦,樓下嗰間手抓餅好多人食,都會提供時間等客人預算返去攞,真係完全冇必要受佢地氣…查看更多