Donnayan7的個人專頁

金百利有超級高質日韓牛 口感十足 試齊不同部位 大滿足【柞木炭家】‼️‼️.銅鑼灣發現超級高質烤肉店，就係好方便嘅金百利廣場入面，新店開幕不久，環境衛生整潔，冷氣好夠，吾會食到出曬汗！烤肉仲可以選擇日本同韓國嘅添，今次就試下店員推薦嘅御膳套餐，每位400蚊左右，種類好多食得好滿足～未開始食烤肉前，會先有配菜提供，泡菜，茄子，大豆芽菜等都係店舖自家醃製，好好味，特別個泡菜，酸甜度適中又爽口，必試！跟住就會開始上肉類主食，同樣有好多類！店員會預先比你選擇肉類嘅產地，分別可以選擇日本或韓國。我就選擇咗日本，個人比較中意多少少油脂感嘅肉！吾同嘅部位有牛舌、牛小排、和牛牛胸腹、和牛牛胸、西冷同牛肩，仲有黑毛豬肉。全部都可以一次過試齊！牛舌爽口，黑毛豬肉好嫩滑，最中意就係牛小排，同樣口感十足，和牛都係好高質，真正日本進口！雖然好多肉類，但包住生菜食感覺就無咁熱氣同會fresh啲。之後海鮮就有鰻魚同八爪魚。要重點推薦一下鰻魚，真係好大舊好厚切，店員會幫忙燒，火候控制得剛剛好，係燒嘅過程不斷前後反同落燒汁，咁樣兩邊都會脆口同入味，即燒即食嘅鰻魚同平時壽司店嘅好大差別，好味好多！八爪魚大大條原條燒，好快就熟，咬落多汁，新鮮口感十足！最後就係韓牛飯同大醬湯。韓牛飯份量都吾少，表面佈滿蔥粒同牛肉碎，賣相好精緻，牛肉相當香口，配埋蔥一齊食要嚟送飯一流！大醬湯吾會太感，濕下個口再食烤肉吾會咁滯！咁多嘢食先500蚊有找，真係好抵下！…查看更多

金黃色德國咸豬手 肉嫩皮脆 大角咀必試 入味即叫即制【Das Bier】‼️‼️ 已經吾係第一次食，行過大角咀原來都新開咗一間，佢地嘅咸豬手，真係食完又想再食，除咗咸豬手，其他菜式都一樣咁出色😆環境好乾淨，又可以慢慢坐，真係傾計小聚好地方嚟架～德國咸豬手配薯仔沙律豬手真係超級超級大，所以一定要share😂一個人真係好難食得曬，賣相比好高分，因為望落已經好吸引好想食，鋪排得好整齊，仲好細心咁幫你切埋起埋肉添！雖然全部都係肉，但一啲都吾油膩吾滯，皮好脆好香口，肉質鮮嫩多汁，咬落仲好有口感。吾講吾知，原來豬手係經過風乾後再焗，所以係經過多重功夫，肉味好濃，醃得好適中吾會太咸，加少少薯仔沙律食仲正！推薦必試菜式！墨西哥粟米片呢個係我去德國餐廳必點，好脆口，係一個食吾停口嘅小食，由於即叫即製，所以會有少少熱，份量又係勁多，好濃郁嘅粟米味，夠乾身有口感！燒春雞雞嘅表皮係金黃色架😍仲帶少少脆！一般燒春雞可能會有啲乾，但呢個又吾會，雞肉好嫩滑，咬落有少少彈牙，仲帶有少少甜味，正～香蔥芝士焗薯條都係份量取勝，好抵食！每條薯條都佈滿咗芝士，係好邪惡，但會一試愛上，芝士迷真係不能錯過，脆卜卜，用嚟送酒更佳！…查看更多

高質連鎖式經營台菜 沉醉在花雕牛肉麵的世界 水準魯肉飯【三星台菜食堂】‼️‼️.高水準嘅台灣菜吾算好多，呢間已經有4間分店嘅連鎖式台菜就係其中一間CP值高嘅餐廳，回頭率幾高，裝修都好四正，Lunch time經常爆場！.食台灣嘢一定要食牛肉麵😍花雕牛肉麵重點推介嘅菜式，亦係餐廳推薦架！一上台，好大碗，牛肉嘅份量好多，仲飄嚟好濃嘅花雕香氣～再試一試個湯底，同樣特濃嘅花雕味，認真惹味！牛肉軟硬度適中，肉質鮮嫩，肥瘦適中。麵就揀咗粗麵，爽口彈牙，出面就係比較少食到咁高質素嘅牛肉麵。排骨魯肉飯酥炸排骨即叫即製，好香口！咬落脆卜卜，仲配有糖心蛋，魯肉飯嘅汁好開胃，送飯好啱。魯肉瘦中有少少肥，帶少少好香嘅油感，但又吾會油膩，夾埋排骨一齊食仲正！小食樣樣都幾好味，仲大大碟添！鹽酥雞必試小食之選，一啖一舊好方便，炸完之後嘅鹽酥雞會有小小熱，食時要留意，表皮係金黃色，好脆好吸引😍吾會好鹹，上面有小小調味粉，令鹽酥雞更加惹味！炸澎湖花枝丸口感佳，咬落好彈牙，呢個就好啱中意食丸類嘅人，爽口中帶少少甜，要嚟做餐前小食好適合。椒鹽四季豆四季豆真係點煮都咁好食🤪最中意佢咬落少少爽脆嘅口感！椒鹽味都好出，炒完之後好香，送飯無得頂～玫瑰烏龍飲品就揀咗珠瑰烏龍，清香嘅烏龍帶有少少清新嘅玫瑰味，好解渴又消滯，一支都幾多，好夠飲，可以慢慢飲！…查看更多

長龍 晚晚排到傻 人氣有增無減 山咁高又脆又厚嘅即炸豬排飯 蔥油多到嚇【炊豕店】‼️‼️一試超人氣豬扒飯店，由於都知道每晚起碼要排20分鐘以上先有得食，去前都有少少爭扎排吾排好😖😖去到一如既往經過，大大條人龍無花假，唯有係門口揀定食咩好！呢到最出名嘅招牌豬扒飯，即叫即炸，門口已經聞到豬扒嘅香味，必試！蔥油豬扒飯人氣推薦！乜都吾試都要試嘅一碗飯～蔥油多到嚇一跳，基本上係成碗都舖滿咗蔥油，好有色澤，賣相認真勁，蔥油好香，令成碗飯都滿滿油香味，好正！豬扒好大塊，全部都係厚切，份量仲好多好多，講真一個人食真係食吾矖，多到有啲誇張😂豬扒由於即叫即製，所以都有啲熱，食時要留心，炸完之後呈現金黃色，外脆內軟，表皮好夠脆，入面啲肉質就好鮮嫩，好多汁，我就另多加多咗份蛋，又有蔥油嘅香味，又有豬扒嘅肉汁，配埋蛋一齊食口感更加滑，勁滿足！必試～…查看更多

銅鑼灣鬧市的浪漫 森林feel食高質泰菜 價錢親民 泰式風味【泰式食】‼️‼️就係銅鑼灣嘅Sogo隔離咋，金百利廣場出名多嘢食，呢間真係我嘅第一選擇！有好多座位一啲都吾逼，仲裝修到好夢幻feel😍成件事就好似坐咗係泰國嘅森林入面食飯咁🤪好放鬆！重點一提，門口仲擺放咗部泰國tuk tuk，好特別好有心思👍🏻冬蔭功去食泰菜一定一定會叫嘅嘢！呢到嘅冬蔭功係比較重酸味，酸中又帶辣所以都幾開胃，仲帶有少少椰香味，雖然小小一鍋，但兩個人share非常足夠～泰式酸辣鳳爪小食首選，有別於其他泰國餐廳，鳳爪嘅份量勁多👍🏻真係一大碟咁上！辣味好夠，加埋冰凍嘅配菜一齊食好無敵，感覺好fresh，鳳爪亦好爽口，推薦～辣椒羔炒海鮮用嚟配白飯食一流，海鮮嘅種類多，有尤魚、青口、蝦等等，全部去曬殻，食得好方便，用辣椒羔嚟炒完之後辣中帶少少甜，啲汁無得頂，撈飯真係食多碗！飛天通菜份量同樣大大碟，通菜比較幼身，係好爽口嘅品種，有落蒜蓉落去炒，好惹味！熱辣辣即叫即炒，吾但止有穫氣，聞落仲香噴噴。椰汁冰吾算太甜，啖啖沙冰飲落非常解渴，用咗朵小花嚟做裝飾賣相So thai😂😂椰子味好濃，香甜可口，夏天好啱飲，中意椰子嘅人必試！…查看更多

好過食快餐 福榮街小店 瀨粉每日新鮮製造 保證新鮮爽口條條分明 【江南瀨粉】‼️‼️.又去福榮街搵食，咁多餐廳一時之間好容易花多眼亂，又想快靚正，又想健康少少架話，除咗米線以外，有間瀨粉可以一試！餐牌一目了然，店內裝修光猛，座位夠闊落，一般福榮街比我感覺都係座位較逼😂😂最重要係上菜無敵快😳呢頭叫完果頭有得食，啱曬趕時間嘅你！店入面掛住10大必食配菜，可以參考下。黃沙豬潤鵝腸瀨粉（酸辣湯底）個豬潤一試愛上，剛剛好熟，所以非常爽口嫩滑，咬落無異味，感覺好新鮮，食落仲有好粉沙嘅感覺，鵝腸好大條，無乜肥膏，洗得同樣乾淨，又新鮮，勁爽！瀨粉係小店獨家自製，同出面嘅瀨粉好吾同，呢到嘅瀨粉呈奶白色狀，吾透身，比一般瀨粉粗啲，有種好香嘅米味，口感Q彈，吾會黐埋一舊，條條分明～配埋酸辣湯底一齊食更加開胃更加滋味！即整脆炸雞翼小食都係即叫即整所以熱辣辣👍🏻份量都唔少！雞翼好大隻，炸完之後賣相金黃色，香脆可口，入邊雞肉保持嫩滑，乾身無油膩感～有時人多都要排下隊，推薦小店味道！…查看更多

尋找屋邨美食 隱世精美小炒 值得專門前去一嘗穫氣菜式【三門仔漁夫火鍋點心專門店】‼️‼️‼️發現隱世美食，位於石籬大隴街，餐廳都幾有懷舊feel，特別係牆上面嘅一幅三門仔漁港油畫，仲擺咗好多懷舊嘅私人珍藏。係呢到，你可以選擇打邊爐或者食小菜，選擇都幾多，即叫即製！招牌胡椒豬肚魚大熱推薦菜！食法建議先食豬肚同埋魚肉，然後將魚骨再慢慢滾，咁樣個湯就會好清甜😆魚肉新鮮，真係大大條魚咁上，肉質都嫩滑。豬肚無異味，夠林，仲有香香嘅胡椒味！仲有豬腸係入面湯底用魚肉魚骨滾過後，真係正好多，可以叫碗飯變成湯飯食～椒鹽豆腐炸到變咗金黃色嘅豆腐賣相拎咗吾少分！椒鹽味濃，外脆內軟，表皮係香口同脆卜卜嘅，入面嘅豆腐保持好滑，無因為炸過而變乾，送飯好開胃，份量勁多，2個人食都會有啲多👍🏻抵！蒜香牛柳粒要讚下真係好夠穫氣，所以好香口好吸引，牛柳粒充滿住好香嘅蒜味，吾會太油膩，牛柳新鮮，仲有少少肉汁，好正～話梅涼瓜特色開胃菜，用咗帶少少酸嘅甜話味，所以每片涼瓜都有話梅味，生津止渴，涼瓜帶甘味，都幾爽口，冰冰涼涼咁好消暑好過癮！…查看更多

好食又抵食 方便就腳 梗有一間係附近 可以無限Encore 精緻韓燒【炑八韓烤】‼️‼️圍內經常聚會都會揀韓燒，夠多選擇，又可以慢慢坐慢慢燒傾下計。【炑八】就係一個聚餐好地方，以後韓燒肯定好大油煙味？又吾係，店內空氣流通，每張枱都有支大燒通抽油煙，所以坐落吾會好焗好油煙，冷氣充足吾會食到成身汗😂韓燒真係好受歡迎，平日都真係坐無虛席！今次隆重推出期間限定星期二餐單，真係可以好好滿足牛迷嘅胃口😍😍😍特登係韓國搜羅頂級1++韓牛，認真勁👍🏻👍🏻.推介產品：韓牛牛柳牛柳肉嫩多汁，薄切之後燒一陣已經食得，好香口，牛肉味香濃，食落好有口感😣配埋餐廳提供嘅醬汁一齊食勁正！主菜：韓牛西冷簡直就係成晚嘅精華所在！我就好中意將塊西冷兩邊都各剪一陣，等佢表面帶少少香脆再食😍肉質同樣好新鮮好嫩滑，牛肉肉味好出，油脂分佈細膩，仲啖啖肉好Juicy😖必食之選呀！夾住菜一齊食感覺fresh 啲同無咁熱氣～牛肉泡菜炒飯牛肉切成粒再炒飯，口感幾爽口，飯粒粒分明，夠乾身食落口感豐富！當中加入嘅泡菜，令炒飯帶有少少酸酸甜甜咁幾開胃，份量都吾細，可以二人share食！濟洲柑橘🍊冰夏天食佢認真無敵！冰冰涼涼咁好消暑好解渴。柑橘冰嘅質地好幼滑細緻，入口馬上溶化，食多咗都吾覺有罪惡感😂😂冰入面真係有柑橘添！整體吾算好甜，清清地好Fresh好易入口～飲品：菠蘿梳打+柚子冰茶兩款飲品都係偏向酸中帶甜，好適合韓燒時飲，食完肉類之後飲都幾正，消滯冰涼。配菜食完可以refill，任你食到夠…查看更多

天后人氣甜品店 清風街飯後首選【甜姨姨私房甜品】‼️‼️.天后清風街真係好多好嘢食，心機小店真係一間間，食完飯之後想甜品直落可以試下甜姨姨，平時都要等下位！「天與地」都係呢到取景拍攝架，真係明星陪你食甜品😜蘇絲黃同好多明星都推薦過～推介大熱嘅鹹蛋黃魚蛋，吾係好多地方有得食😍😍由於係即叫即製，製作需時，所以要等一等。有一大堆鹹蛋黃蓉係上面，鹹蛋黃味好濃好香，除咗本身嘅鹹蛋黃味，仲加入咗少少泰式香料，鹹中帶少少甜又帶少少辣，係味覺嘅享受🤪魚蛋都好大粒又彈牙。榴槤豆腐花蘇絲黃推介，亦係餐廳特色主打，大穫好評，一於試下😆愛榴槤之人不能錯過～滿滿榴槤嘅香甜味，豆腐花口感好滑，豆味濃，入口即溶好消暑好解渴，同榴槤嘅軟身質地都好夾。香蕉船香蕉變出香蕉船😂😂真係有一大條香蕉係到，好完整。整體吾算太甜，賣相色彩繽紛好吸引，雪糕就揀咗雲呢拿、草莓同芒果，三種口味集於一身，滿足到愛甜嘅欲望，仲有少少朱古力碎係面，好靚！…查看更多

上環OT新選擇 最乾淨嘅車仔麵店 挑戰超級無敵激爆辣「205」辣醬 【揀得啱車仔麵】‼️‼️.係上環嘅寫字樓地帶，而家OT覓食又多一個新地方，係食過咁多間最乾淨嘅一間車仔麵！店入面燈光充足，裝修簡潔，乾淨企理坐得好舒服😌車仔麵嘅配料選擇仲好多添，每日新鮮製作，認真有誠意～大力推介中意食辣嘅人試下佢地獨家秘製嘅「205」辣醬，辣到飛天、辣得精彩😂其實辣度係可以選擇，但少少已經真心好辣，可以挑戰下～加少少落碗麵到就會好惹味⋯⋯ .大大碗車仔麵雞翼牛肚紫菜米粉（滷水汁）米粉份量夠多，好夠飽，質地剛好，帶少少爽口，滷水雞翼煮到入曬味，又林林地咁👍🏻牛肚爽口，新鮮無異味。紫菜係推介配料，因為真係洗得好乾淨，又令到成碗麵好香紫菜味，好開胃！咖哩豬皮魚蛋好香濃嘅咖哩味，吾算太辣容易入口。豬皮夠林，咬落充滿住咖哩汁😍魚蛋爽口彈牙，好入味～醉雞翼雞翼吾會雪到凍曬硬曬，無雪味，食落好香，帶有少少嘅酒香味，要嚟送麵都可以喎。飲品用嘅杯都好特別，同店舖嘅簡潔風都好襯😜餐廳開到晚上9點，OT又多一個好選擇！…查看更多

長沙灣傳統潮州菜館 性價比高 款式選擇多發掘懷舊心機小廚【潮滙館 】‼️‼️.想食到傳統懷舊潮州嘢，長沙彎就有一間好夠穫氣、上菜又夠快嘅小館，好適合中意小菜嘅人😵份量吾細架，價錢亦吾算貴，全部都大大碟，抵食！送飯送酒都好適合👍🏻有粥又有飯任君挑選。餐廳環境好乾淨，燈光又夠光猛，好舒服～滷水三寶（鵝腸、鵝肝、鵝片）開胃必備前菜😋😋好出色嘅滷水三寶，真心好入味，仲帶少少暖！滷水汁已經完完全全滲曬入去，惹味～鵝腸好大條，爽口到呢，感覺吾會太肥膩，咬落口感清脆。鵝肝好甘香，帶少少回甘，入口即溶，厚厚一片無花假。鵝肉肉質軟，好入味之餘亦吾會好肥，配埋醋一齊食更加正！凍食烏頭魚好大條好大條，啖啖肉！由於唔會好多骨所以唔識食嘢嘅人都食到😂一啲都吾腥，魚肉嫩滑，帶有少少咸味，送飯好開胃。招牌鹹菜胡椒豬肚湯潮州菜必備！豬肚嘅份量好多，好新鮮，洗得好乾淨無異味。鹹菜亦都大大塊，酸酸甜甜。湯飲落唔會好咸，有好重嘅胡椒香味，推介必試～鮮蝦砂鍋粥即叫即整新鮮滾熱辣，由於係潮州粥嘅關係，質地會比較稀，米都會粒粒分明。鮮蝦大大隻，令到成鍋粥都鮮甜易入口，同時吾會好滯。香煎蠔仔洛係我食過比較出色嘅蠔餅🤪蠔肉大粒又新鮮，一啲都吾腥，蠔餅煎到金黃色，香脆可口！預先切件嘅蠔餅一夾就食得，有少少蛋香味，好出色！飲品就揀咗咸檸七同龍鳳檸樂，酸酸甜甜，生津止渴…查看更多

人氣大阪燒 自己動手DIY燒出個人化和風口味大阪燒 有得食有得玩 【千房】‼️‼️一心淨係想食個大阪燒，中意可以自己燒，吾同人吾同手勢，可以隨時打造出一個屬於自己嘅大阪燒，真係好正！餐廳位於旺角新開嘅T.O.P商場，一出地鐵站就到，所以好容易搵到佢。日式嘅裝飾，座位闊又大，坐得舒服😌晚市都幾多人架，都要等咗一陣先有位～豚玉燒其實可以選擇師父燒或自己燒，呢個就選擇咗DIY自己燒，餐廳好貼心咁有曬清楚嘅教學教你點燒架喇，所以其實都好容易😆豚玉薄切好快熟，燒耐少少會變脆，好香口！想個豚玉燒香口啲，可以每邊都燒耐少少，咁就會惹味好多，燒完之後就可以自己隨意落，大阪燒醬、沙律醬、海苔碎同鰹魚碎都可以任你落，熱辣辣咁即刻食真係好吸引好滿足🤗.香蔥雞蛋大阪燒呢個就由師父燒，賣相係會靚好多齊整好多！愛蔥者必試，因為超級多蔥，勁香口😵😵時間控制得啱啱好，所以外脆內軟，仲有好濃郁嘅蛋香味，正！芝士豚平燒係用蛋包住豬肉嘅一種日式料理，雖然介紹係寫住半熟，但端上嘅時候，其實已經全熟😂加入咗半溶嘅芝士，有拉絲嘅效果，認真吸引！蛋好軟林好滑，有種入口即溶嘅感覺，豬肉份量都夠多。…查看更多

發掘高品質韓劇美食 熱騰騰 一人一小鋁鍋 精緻心機大金便當【Angry Oppa】‼️‼️.經過金巴利道其中一間高質韓國餐廳，【Angry Oppa】又走入去encore 下先😂餐廳細細一間，裝修走簡約清新韓風路線。食物種類一啲都吾少架！結合咗香港同韓國嘅口味，連好創新嘅韓式Pizza、韓式傳統一人火鍋都通通有～牛肉湯鍋牛骨湯底($99)抵食之選，而且見到每張枱都會叫最起碼一鍋，慢慢等佢滾住食可以傾吓計，細細鍋，一人一鍋好過癮😝牛肉嘅份量都唔少，鋪排得好靚，肉質好新鮮有濃濃嘅牛肉味，除咗牛肉仲有大量嘅蔬菜菇類等，可以平衡返😂唔使只係食肉，如果會叫其他菜式，其實一鍋兩個share都得，抵！韓式年糕Pizza ($188)好有創意比較特別嘅菜式😛將年糕同Pizza混為一體又幾好味，Pizza面頭充滿住濃濃嘅拉絲芝士，好煙韌！餅底焗到卜卜脆。年糕係內裏乾坤😆切開之後先會見到，口感彈牙嘅年糕好有咬口，配埋酸酸甜甜嘅醬汁真係多重口味集一身～泡菜芝士麵($85)食韓國嘢我一定會叫湯麵，濕濕地好開胃🤪入面有好多配料，紅蘿蔔絲、大豆芽菜同主角泡菜又點少得，全部都好爽口，撈勻之後先食好開胃，仲有少少年糕添😋面頭嘅芝士又係重要角色，令成碗麵好香滑好creamy。醬牛肉金便當($130)係韓式便當呀！講得金便當，又真係用金色盒友盒上😮鋪排得好細緻，好整齊，睇得出係有心機！醬牛肉要嚟送飯一流，少少咸咸地令你吾覺吾覺會食多好多飯，份量都唔少，仲有少少開胃配菜！飲品其實有好多可以揀，我就揀咗桃汁同青蘋果梳打，唔會太甜，好解渴😋…查看更多

「街坊」價鋸羊架 食碗仔翅 不一樣的港式Cafe 今晚女人街見 【街坊Cafe】‼️‼️.樓上Cafe多不勝數，但地舖Cafe真係吾算好多，係旺角嘅女人街就有一間夜晚成日爆場，質素頗高嘅港式Cafe，連碗仔翅都有得食架～混合左好多香港嘅飲食文化，好多新穎嘅菜式，價錢亦都唔貴，裝修仲好特別，牆上面嘅畫好有創意，令成間餐廳望落好有香港feel，好colourful🤩真係要試一試！燒紐西蘭羊架 ($99)必食推介！羊架好嫩滑，新鮮又冇乜So味😯一啲都吾覺肥膩，燒完之後好有口感，咬落仲有好香嘅肉汁好juicy，份量都吾少，一個人食有啲多，因為真係啖啖肉🤭可以share食！和牛豬仔包漢堡 ($68)包身脆卜卜，和牛好有牛肉嘅香味，仲好厚身一啲都無花假😋中間嘅芝士有少少融化咗落牛肉到好惹味，夾埋洋蔥同蕃茄一齊食好fresh，餐廳好貼心咁幫我哋將個漢堡一開二，食得方便啲🤣薯格都香脆可口，即叫即製！不得不提，呢到連碗仔翅都有得食埋😍好少Cafe有埋碗仔翅，有創意～碗仔翅熱辣辣，仲有好多爽口嘅木耳絲！最後嘆返杯熱咖啡☕️成件事就好完美😜咖啡夠香濃，奶同糖都係自己加，可以按喜好調配。…查看更多

尖沙咀樓上新派素食 有驚喜 有心思 走肉都可以好豐富【雅·悠蔬食】‼️‼️.日日大魚大肉好快食厭，想換下菜單換下口味，即刻Search下有咩素食先🤣搵到有間全間都用紫色做主題裝修，菜式有創意，地點仲係熱鬧唧尖沙咀！一入到去已經要等位，人山人海認真爆場😳由前菜至甜品都一應俱全，走肉都可以好豐富～紅菜頭拌蘋果好健康好有營養！酸酸甜甜咁，紅菜頭同蘋果都好有咬口好新鮮。中間仲有少少好香口嘅合桃！香芒牛油果手卷走飯走肉嘅手卷，感覺好新奇😂用咗苜蓿嚟代替飯底，但又幾好食，反而好食得出蔬果嘅鮮甜味，幾fresh。和風一品豆乳鍋配稻庭烏冬好香濃嘅豆味，用石鍋上熱辣辣好吸引！湯底好清甜，將烏冬浸落去再食，口感好滑，烏冬都有埋豆味，正！紅咖喱野菜猴頭菇配印度薄餅中意濃味少少嘅可以揀呢款，紅咖哩好惹味，有少少甜味要嚟點薄餅一流😋野菜吸收曬啲咖哩味，送飯都好開胃。黑糖手作芋圓配豆乳布甸呢個甜品係尖沙咀分店限定嘅，推薦～芋圓好煙韌，吾會太甜，豆乳布甸好香或帶有少少清香嘅豆味，一啲都吾溜！…查看更多