yoyoamuse的个人专页

灣仔船街一帶不嬲都多嘢食，午飯時間來到呢區就想起要過來這條街睇睇有咩好食。行過就比呢度門面吸引左，裝修好有日本居酒屋風！見佢Lunch-time menu都幾多選擇，有魚生丼飯和不同的日式定食。先講 和牛牛扒定食 $328牛扒係燒到外面微焦香而內裡多汁的剛剛好是我喜歡的成熟度～旁邊伴碟有好幾種調味料同沾醬幾特色，點醬汁同炸蒜惹味一啲，仲有其他餐廳少見嘅竹炭鹽～個人覺得和牛的牛肉味香濃，油脂分布平均，所以就算係簡單點少少鹽既食法已經好好味 :)鍾意食辣就應該會鍾意點佢個柚子辣醬～至於朋友叫的另外一個定食，蒲燒鰻魚丼定食 $288個鰻魚真係要讚吓師傅，做得恰到火候！同朋友邊食邊傾偈唔覺意都食咗一個鐘但食到最後果一啖都仲係脆架！呢兩個午市定食都包茶碗蒸，麵豉湯、白飯同埋漬物。茶碗蒸蛋稱得上幼滑，小細節上面放咗小小蟹籽同埋蟹肉絲，令個蛋有少少奢華感～呢度食物全部都高質，值得再嚟…查看更多

剛剛的星期日同朋友去銅鑼灣參加講座，去之前先來這裡吃個午飯。一進去已經覺得餐廳好有藝術感同埋個性，被四處擺滿的黑膠唱片💿 吸引住了。星期日有DJ現場打碟，邊聽節拍感強的🎶音樂邊吃飯，整個氣氛好正！我們點了兩個Lunch Set，每個set都包括一個🥗沙律或餐湯，及一個主菜，唔夠可以優惠價加小食同甜品。店員先為我地送上飲品，這裡是朝啡夕酒的形式，飲品選擇都唔少。我點了一杯Flat white 咖啡，帶堅果風味的咖啡香，奶泡打得綿密，飲落幾舒服。朋友則要了杯Matcha Latte。兩杯都有心型拉花💗美國有機雞胸配奶油扁意粉 $108雞胸肉煎得幾嫩唔嚡，扁意粉是偏爽身的質地，每根意粉都被醬汁完全包覆住，入面亦都有一啲蔬菜，注重健康的人都岩食～另一個主菜是西班牙海鮮炒飯 $128飯粒飽滿，沾滿海鮮汁好濕潤，入邊海鮮都足料，有魷魚圈、蝦、小帶子同埋青口，鍾意食西班牙嘢嘅朋友都話呢個好好食。加了份餐前小食香烤粟米件 (Set +$28) 烤粟米上面有惹味的調味粉醒醒胃～接骨木花蘋果伯爵茶撻 $58鍾意食甜品的我食到最後都忍唔住要了一個Tart試試。內餡的接骨木醬算香滑，最上面的蘋果片酸甜可口，捲成少女心爆棚的🌹玫瑰點綴，中間還有層淡淡的伯爵茶啫喱，呢個配搭夠哂清新！依間無論係裝潢、服務、現場音樂，同埋食物我都很喜歡，覺得要推介佢比身邊中意音樂同美食的朋友～…查看更多

這間店剛剛在黃竹坑地鐵上蓋商場The Southside開幕，我就專程來吃碗星級拉麵～🍜貝汁鹽味拉麵食拉麵前我習慣先飲一啖佢嘅湯底，蜆湯同魚湯的鮮味令個湯頭好清甜，加埋白松露油同牛肝菌醬就更濃郁滋味，十分欣賞！麵條夠彈牙又唔會太淋煮得恰到好處，再加埋半肥瘦低溫叉燒同三層肉，入口即化的油脂與嫩滑豚肉。麵上有一些京蔥，中和咗豚肉嘅油膩感，成碗麵味道吃得出係精心設計，東京米芝蓮一星係當之無愧！🍤天婦羅盛盒冷麥麵朋友叫左呢個，黃竹坑The Southside 店限定，暫時得呢度先至可以食到！冷麥麵好岩依家咁熱嘅天氣食。原來冷麵係由創辦人山本社長親身研發，個麵食落帶有麥香，配埋慢燉雞湯和魚湯做成沾麵汁。天婦羅盛合都幾豐富，有炸蝦、秋葵、茄子等。🥟自家製豚肉煎餃趁熱食埋煎得香脆的豚肉餃豚肉餡料好吃，一碟五隻。食完完全有去左日本嘅感覺✈️最後以一杯檸檬生薑蜜作結，為好味的一餐拉麵午餐作結 🥰…查看更多

趁有陽光藍天既日子就去戶外行下啦！☀️喺鰂魚涌公園附近的舍區，就有間 Islet Coffee Lab ，提供咖啡同埋小食。咖啡質素唔錯啊！試咗佢哋嘅雞蛋仔，蘋果玉桂味幾好。外皮如果可以整得再脆卜卜啲就更好啦～聽聞佢哋仲有供應蛋餅同埋刈包添。Weekend 會有唔少人帶埋自己嘅毛孩嚟呢度Coffee Lab出邊有一啲露營枱仔可以坐喺度食又或者外賣拎走喺附近嘅公園行吓散吓步都一樣咁舒服！絕對係個户外放風嘅好去處啊～ …查看更多

近來最豐富既一餐早餐😆廿一由八本身是本地木工傢俬工作室今次在西營盤山道開既咖啡店也擺了他們的木造桌椅喜歡店中間位置的玻璃木枱為cafe營造一份沉靜安逸感Latte 當日有靚靚拉花圖案因為見餐牌上有唔少選擇又有伙伴同行唔覺唔覺就叫到成枱都係啦呢度早餐Wish Granted Brekkie 叫得做Wish Granted，即係會滿足你嘅願望啦～有得揀拼幾款不同的早餐配料再加個Shakshouka 北非蛋，點住麵包食蕃茄醬汁酸酸地好開胃🍅🥯🍳🧀 Ultimate Cheese Toastie 比較簡單，但芝士足料又唔錯喎。難得當日有Smoked Burnt Cheesecake 同Tiramisu Mochi兩款蛋糕我哋梗係唔執輸叫埋嚟試啦～ 芝士蛋糕好軟滑，中間creamy面頭焦香，一齊食 It’s heavenly good! 🤤…查看更多

難得可以靜下心來 用一壺茶嘅時間 享受地看故事來到這裏，你會發現生活中的事物都是一個又一個的故事一葉輕舟去 • Special Cold brew tea有意境的名字，普洱茶氣泡水的配搭入口清爽舒服笑春風 • Detox beauty tea玫瑰花茶 女生喝玫瑰可以美顏面色紅潤加上社企 糕點時光出品的果凍留意到餐牌上有一道叫soul food 詢問之下原來是當天的推薦讀物看書通常都要花上一段長時間但如果換成是簡單的插畫書就可以休閑地在店內看完聽說cafe是會按季節推出”不時不食”的食物很期待下一次再到訪！…查看更多

近排發現咗呢一間位於銅鑼灣希雲街街尾嘅Burger店。店門口都好eye-catching，店面同個燈光招牌好有美國快餐店feel，同時又有加入港式風格既設計好有玩味！當日星期六大約12點左右到達(應該啱啱開門無耐)，但大半座位已滿。Signature撚手牛肉漢堡EBLT，入面除左招牌漢堡的配料外，額外仲有太陽蛋、煙肉、生菜同蕃茄嘅漢堡。漢堡既太陽蛋煎得岩岩好，半熟流心，壓爆蛋黃果下好爽～ 手打牛肉、蛋汁加上帶少少微酸的自家醬汁，好夾好開胃味道一流，滿足而不膩。相比之下，招牌牛肉漢堡light一點，有芝士、洋蔥等配料及自家醬汁，味道絕不遜色！加錢可以要小食 孜然一口雞孜然係一種帶點似印度咖喱入面嘅香料，一口雞外脆內嫩，唔算辣～味道唔錯值得試！店舖牆上面寫住搖奶聖手咁就梗係要點番杯奶昔啦～朋友試既係Oval & Choco 朱古力奶昔，呢個係加左阿華田嘅朱古力奶昔，朱古力味好濃滑。我就叫左士多啤梨乳酪羅勒奶昔，喺冬日限定，好開心飲到～乳酪迷既我一試愛上，奶昔上面有啲紅莓乾同一啲士多啤梨脆脆，入面仲有羅勒同草本啫喱，估唔到又幾夾喎。食完漢堡包再飲埋杯濃厚奶昔，是日大滿足！…查看更多

這間來自東京的日本抹茶店開張的時候曾經大排長龍，風頭一時無兩。作為一個抹茶控，我一直都好鍾意飲抹茶，所以也是這家店的粉絲。都幫襯過好幾次，不過每次都係叫佢哋嘅飲品為主。前排九月知道佢哋做買一送一優惠，就特登來買。今次試試他們的雪糕甜品，這個甜品入面有抹茶軟雪糕、兩片窩夫以及一球雲呢拿雪糕。可能因為買一送一關係，等候嘅時間比較長。🍦軟雪糕的抹茶味非常濃郁～連平時比較少食抹茶雪糕嘅朋友都讚不絕口！下次來不只要點抹茶牛奶，還要再吃他們的雪糕🥰…查看更多

之前聽人分享過八天堂嘅卷蛋，但一直未有機會買來吃。今次咁啱嚟到呢區，一於去買來試吓，好掛住日本嘅味道啊～卷蛋有好幾種味道，草莓抹茶焙茶等等。因為媽媽鍾意食🍫朱古力味，所以就揀咗呢隻味帶返屋企。蛋糕拎咗返去之後未食係要放喺冰格。食之前幾個小時拎出來解凍就得～$158的卷蛋，相比起其他日本蛋糕品牌嚟講，呢一間性價比算係幾高。味道我都覺得幾鍾意，中間的忌廉幼滑得來又幾rich，不過略嫌朱古力味唔夠重，對於我呢個朱古力控來講就覺得可以再濃啲～😜…查看更多

有一段時間冇來牧羊少年咖啡館，呢幾年睇住佢哋分店開咗唔少，由以前嘅小cafe起步，都算係香港咖啡店嘅始祖。同朋友行fashion walk都有啲攰，諗住搵個地方坐低食吓嘢唞吓。見餐牌有我最鍾意食嘅窩夫～當日要叫！因為係非繁忙時間，所以當時入座客人唔算好多，好快就有位啦，餐廳用手機落單好方便。窩夫上枱大大份😋足足有四件waffles，香蕉，同埋Movenpick嘅朱古力雪糕。窩夫整得香脆，配埋隨碟奉上朱古力醬一齊食，非常之滿足。呢個份量同朋友share啱啱好👍🏻…查看更多

每次嚟親旺角想食米線，都會即刻諗起佢。呢間米線同平時嗰啲食酸辣或者小鍋米嘅唔同，標榜一啲特色同養生嘅湯底。打開個餐牌會見到好多唔同嘅選擇，黑蒜雞湯、藥膳雞湯等⋯⋯座位就多數係卡位為主，小店的關係，繁忙嘅時間有機會同其他客人坐得比較接近，少少迫。主要為食米線，唔係太介意環境，所以冇乜所謂～而我差不多去親都會揀椰子雞湯米線，本身鍾意椰子香味，個湯底白色飲落清甜，上面有少少椰絲碎，飲完返到去亦唔會覺得味精口渴。雞件亦都幾嫩滑，但部位較多骨。一口湯一口米線食得暢快，當日食的米線比之前食淋左少少，如果可以彈牙番啲仲正！…查看更多

去完teamLab搵嘢食，行過呢一間日本餐廳發現都幾多人等位。心諗咁多人食應該會唔錯，就決定一試。叫咗一個明太子雞扒set 。一個套餐有齊麵豉湯、茶碗蒸蛋、伴碟前菜 (味付海螺同埋魚仔) 、大大件雞扒，仲有一個紅豆甜品 (味道少少似我哋中式涼粉，又有啲Q彈）。有咁樣嘅份量真係非常之豐富，性價比都好高食完成個餐已經非常之飽。基本上都滿意，唯獨是跟定食的竹筒飯啲米粒略嫌太乾，要伴少少湯一齊食。雞扒煎得幾香，雞肉都幾滑～…查看更多

中環太平山街是個慢活的好地方微涼時份户外位置享受斑斕葉冷泡茶和戚風蛋糕，味道很refreshing 細看餐牌發現蛋糕不用牛奶而用上Oatmilk 燕麥奶，而班蘭葉其實對身體也很有益，潤肺清熱，降血壓，甚至改善抑鬱 🍃店裡店外可以欣賞到店主親自繪畫的paintings環境和食物上也讓人很舒心～ 當日還幸運地吃到好吃的 Sourdough Egg tart ——• Fresh Pandan Chiffon Cake $50• Iced Pandan Tea $40• Sourdough eggtart (Special of the day)…查看更多

舒適的店内外有不少植物🌱室内佈置和設計都走Botanical 的自然風格。當然少不得先點一杯咖啡，是本地烘焙的豆子。🍳 溫泉蛋墨西哥辣肉醬扭紋粉配荷蘭鬆餅 來這裡要試試招牌Dutch Baby Pancake，把Pasta和Pancake 配合好創新。平時食甜pancake就食得多，想不到肉醬的配搭幾惹味，加上溫泉蛋汁又更好吃，和朋友share剛剛好～🥑 煙三文魚牛油果醬漢堡 配 香脆薯條十分足料，配料還有蛋沙律、紫洋蔥蔬菜等一面食餡料要滿瀉的感覺 😙 營養滿滿的啊～🌿 原來這裡有Oatly Oat Drink，而咖啡加$4也可轉燕麥奶，素食的朋友都啱🧀 最後焦糖芝士蛋糕 (Caramel cheesecake) 做甜品，個人偏好口感比較rich和扎實的芝士蛋糕，這個很合心意。蛋糕面上的焦糖合桃粒又令口感上增加了層次💓總括以Cafe來説，這裡的餐牌算是十分多元化，應該可以滿足到不同飲食需要的客人。而且難得主菜、甜品和飲品都做到👍🏻的水準～下次入荃灣都好大機會再回頭…查看更多

港島北角區Hap coffee分店，呢個location非常之好，又近旁邊商場同地鐵站。早上cafe有提供簡單糕點輕食，不過下午或晚餐menu好像吸引一點。咖啡有fruity/ nutty兩款豆子可選。夏天飲cold brew就最涼爽～早餐時段比較多人買咖啡外賣，所以如果想坐近窗口位置的話要選對時候來啊～Chocolate muffin 味道不錯蠻喜歡的，至於原味Bagel就正正常常吧，配cream cheese + jam 。…查看更多