嚮往美食的个人专页

Book 左 Murray Hotel 嘅 3 日 2 夜 staycation package, 包兩晚 N2 套房, 一隻狗!Package 仲包 check in 下晝的 2 人 tea set, 因為帶左狗, 要坐戶外了。Tea set 有多款咸點及甜品, scone 很鬆化, 有 4 個, 跟果 jam 及 cream cheese, 超好味。中間甜品層, 唔算特別出色, 無乜驚喜。下層全是三文治, 麵包有不同顏色, 每一款夾的餡料也不同, 有青瓜, 煙三文魚, 火腿, etc. 🐶🐶 好想食, 跳左上凳! 🤣 比左少少 scone 佢食。最後問 waiter 有無 🐶🐶 menu, 原來有兩款 :1. 雪糕2. 藜麥雞胸我地揀左藜麥雞胸比小哥治, 原來一客有 4 條, 仲要係骨頭形狀, 廚師好有心思。阿仔話太好味了, 9 秒 9 掃清光! Overall 服務超好, 人同狗都好滿意! 🤣 …查看更多

家人話好肚餓, 見餐廳新開, 裝修唔錯, 座位濶落, 餐牌好吸引呀。於是走入去試左一個下午茶, 最後拉埋我入去!而家好多時 D 餐廳, 每逢假日, 星期六, 星期日, 係無下午茶餐供應架, 迫人散叫, 飲品另計。所以假期有茶餐供應嘅餐廳一定要支持, 難怪客似雲來, 全場滿座。屋企人 order 左鮮牛肉湯意大利粉, 鮮甜美味, 蕃茄湯濃郁, 有大大粒新鮮蕃茄, 而且食得出無味精。餐包太陽蛋火腿無影到, 因為好快食左!!! 這店是旺角豉油街新開的, 但 openrice 找不到旺角新店.... Anyway, 一定會再幫襯! …查看更多

自從澳南多個私人屋苑入伙之後, 食肆開始越來越多, 質素亦越來越好, 因為年輕中產人士多左?! 的確, 當大家消費能力高左, 開多一些高檔 cafe, 感覺上選擇也多了很多。今日下晝試左呢間之前總是排長龍的 NOC, 全店白色簡潔 design, 空間感十足, 自然舒適, 是喝一杯 coffee, relax 一下的好地方。兩個人 order 左兩個餐, 先上每個餐額外加 $25 的 coffee, iced Americano and hot Mocha! Mocha 好香朱古力味, 好滑, 拉花亦很美, 但略嫌味道有點苦。而 Americano 就偏酸。跟住主菜到了 - - - $148 的 all day breakfast 絕不欺場, 有餐包, 塗滿牛油果醬, 香滑又鬆軟! 超香的煎薯餅, 煙肉, 大啡菇, 雙蛋.... 全部都係好好味! 🤣 第二個餐 - - - $98 烤雞腿 burger, 面頭有一層鋪得滿滿的超 generous 嘅意式芝士白醬, 牛油果醬, 磨菇, 配搭出奇地好, 牛油麵包亦鬆軟。美中不足反而是雞肉, 可有可無。最後忍唔住 order 多一個 NOC 出名的葡撻 ($18), 雖然凍左, 但味道堅正! 有機會一定要試新鮮出爐的! …查看更多

之前上網見到牛一有一個 4 月份會員優惠, 仲要係任食靚牛肉。無限量任食美國肩胛肋眼!!! 😋 而且可以任食 120 分鐘, 比平時的 90 分鐘多左 30 分鐘, 可以慢慢食, 坐耐 D 傾下計, 否則都會好趕。4 月頭復活節假期去尖沙咀晚市, 仍未有這discount, 要比正價!於是約埋好朋友一齊去, 他們住元朗, 大家揀一個中間 location 太子!估唔到太子店好耐無去, 食物質素同環境衛生都做得好好。先講牛肉, 第一個 round 先上 6 盤! 一上來已經覺得好靚! 完全無渣, 牛味很濃。之後第二個 round 又 order 6 盤, 一來到我地即時話靚過第一 round 喎!!!第二個 round 碟碟都正, 雪花均勻, 入口即溶! 朋友們即刻話元朗店差太遠了。同樣係牛一, 相同集團, 卻只在第一 round 出靚牛, 第二 round 再叫, 質素已經差很多! 😐🙄這正正是我們為何平時只會去尖沙咀店的原因。幸好今次太子店也非常好! 💚 一定會再來幫襯的!平時 $238 一位, 而家 4 月, 3 人同行, 2 人半價。我地四人, 2 位正價, 2 位半價, 加一照原價 - $200 一位, 好抵! …查看更多

因為無左晚市堂食, 如有朋友到訪, 都只係買外賣算了。由於『穴』晚上 6:00 pm 後外賣餐牌有 6 折 (不是主餐牌), 但都有好多選擇, 真係超級抵食之選, 我地之前已經好想試喇。今次趁住朋友到訪, 當然係問左佢地先啦, 結果當然係一致贊成去買『穴』外賣啦。餐牌唔算太多選擇, 但價錢真係好吸引呀。可能好多人以為呢個價錢會再有 6 折, 所以見佢寫明《此牌價錢已六折》。四個人 order 左 5 個餐, 都只係 $505, 大家都話抵食。拎到返屋企一打開, 大家都好開心, 因為刺身真係好新鮮大塊又厚肉, 無因為減價而比少你, $131 好抵。雜錦魚生丼 $107 都 ok 呀! 其他忘了影相... 🤣 …查看更多

好似昨天才試業, 今日朝早經過即刻 book 左 lunch time 1:30 pm, 試新店!去到原本諗住食 lunch, 點知 lunch menu 只係得 85 折, 所以最後都係揀主餐牌, 會員有半價。而且可以用埋 D 主菜 coupon, order 左一份 prime ribeye, 一份封門柳。封門柳 5 成熟剛剛好, 超有牛味又好嫩滑。不過塊 ribeye 就多肥膏同筋, 而且 order 左 7 成熟, 切開血淋淋的, 拎返入廚房煎過, 最後都 ok 嘅!服務幾好, 又會走黎問你 D 野食是否 ok, 整體印象非常好。杯野飲叫左 Hawaiian Sunrise, 比較甜但好味。…查看更多

今日假期, 又係疫情高峰期, 一早出左旺角, 探完及照顧老人家, 又係自己一個人出動去搵食!經過見到 Ocio, 好耐無幫襯喇, 望下餐牌, 咦 tea set 唔係淨係得甜品喎! 原來都有可以填飽肚的熱食。🌭☕好啦, 入去試下啦 8 號 Tea Set ~ 奧斯芝士肉醬溶岩熱狗! 🌭一上檯即刻心心眼, 熱溶芝士果然爆滿, 好似溶岩咁, 激似呀! 味道超好, 加上熱辣辣新鮮炸薯條, 🍟, 再加少少新鮮蔬菜沙律伴碟, 絕不欺場! Presentation 靚得黎又好食! $58 呢個價錢, 比起附近一街之隔的齊柏林熱狗也不貴, 因為已經包埋薯條同沙律, 又坐得舒服。一杯熱即磨咖啡剛好提神醒腦, 都 ok! ☕…查看更多

自己一個人都想食好 D, 黃昏 6:00 pm 前去到尖沙咀 K11, 既然係 RT會員, 咁就首選 RT 啦。可以 walk in, Elite member 叫主菜送飲品, good! 先來一杯 Mango Passion, 芒果味唔夠, passion fruit 太重太酸, 下次叫其他算了。平時飲開的 Ruby Refresher, Tropical Sunrise, Frozen Cappucino 都係比較隱陣之選。主菜 order 左 prime ribeye, 上檯 presentation ok, 切開都好靚, medium 火喉控制得好, 而且無乜血水。Prime ribeye 切開好靚, medium 生熟程度真係掌握得幾好。可惜一咬落去勁失望囉, 超多筋呀, 好靱呀!!!下次都係唔好貪佢近港鐵站, 去番 Megabox 果間算了。果間嘅 Prime ribeye 從未失手, 從未試過咁差的。…查看更多

每次去 Godiva 都係買朱古力或者軟雪糕, 印象中未試過朱古力飲品。佢地 D 朱古力又真係好吸引, 每年聖誕總會買一些送禮的, 大人同小朋友都勁鐘意架。今次見佢做 promotion, 買一送一喎, 而且唔算太多人, 就排隊買啦。其實買係完全唔使排隊, 只係拎飲品就排左 8 分鐘, 都算 ok 呀。飲品到手了 ~ 加左 cream, 朱古力醬, 再加一小塊朱古力, 真係好靚呀。即刻試左一啖, 72% 朱古力果然又香又濃又滑, 加埋 D cream, 無得輸呀! 😊😋…查看更多

今日路過旺角, 家姐提起不如去食tea! 咁啱附近廣華街有一間新開型格 cafe - Black Coffee, 佢話每次行過都大排長龍架。今日唔算太多人, 而且平日 3:00 - 6:00 pm, 有 tea set, order 任何 dessert, 送 $40 之下飲品, 如果貴過 $40, 另補差價。家姐叫左 Berry Berry waffle, 有 custard, strawberry 醬, blueberries 醬, 新鮮 berries, 好靚啊, 又超好食! 😋😋我 order 左 souffle pancake, 都好好味, 面頭有焗千層酥, 鬆化好食。Souffle 充滿蛋香。…查看更多

朋友住東涌, 相約行東薈城, 因為個 mall 新開了另一邊, 多左好多新野。中午食完日本拉麵, 大家都想喝杯 coffee, 仲有甜品, 於是揀左呢間。有好多選擇喎! 選擇困難症發作! 結果揀左 tea set, 一杯 iced americano 加一件 strawberry cake! 🍓 Strawberry cake 🍓 賣相超靚, 鬆軟又好味! Iced americano ok! 下圖呢個 affogato 👇🏻朋友一試讚不絕囗! 我地試味後即刻都買左同一杯 affogato, 其實係原味軟雪糕, 再淋上一小杯 expresso, 超級好味, 爽歪歪的! 下次一定會再來! 🤣 …查看更多

朋友住東涌, 相約行東薈城。話說三個人中午食完日本拉麵, 下午食埋雪糕, 蛋糕加飲品嘅 tea, 非常滿足!行街之餘, 亦一邊搜尋吃晚餐的餐廳! 見呢間裝修不錯, 決定 shopping 完後就過來食晚飯。可惜千揀萬揀, 吃罷非常失望! 第一, 座位安排在廚房出入口位置, 朋友要求坐窗邊位, 侍應只好安排窗邊位給我們。不過黑面囉! 第二, 落單後只上了一碗 "火車頭" 湯粉。但明明我們一齊落單 order 左兩碗的, 再三催促先至上第二碗。首先, 碗火車頭嘅湯是暖的, 完全唔熱。牛骨味亦唔夠濃, 感覺稀稀的, 溝了水的味精湯。另外, 牛筋是非常爽口咬唔落的, 建議沒有牙的人 (如我), 實在不要 order 任何牛筋類的菜式, 而且一陣雪藏味。第三, 以下呢個咖哩牛舌牛腩就完全唔合格。個咖哩汁味道 ok 正常。不過牛腩柴皮又韌, 牛舌貨不對辦, 又硬又乾。感覺上成窩野似係烚熟左再淋個咖哩汁上去就上檯了。第四, 油酥餅兩塊上檯是燶的! 我們即時叫佢拎走換過! 唉! 第五, 朋友望見隔離檯每人有一杯水但我地無呀! 要叫才肯比水我地。下圖呢個炒蓮藕苗算係最正常的了。可惜我仍然最愛 "牙莊" 的蓮藕苗沙律, 又爽又脆。中國式炒法始終不是我杯茶。不過朋友說味道不錯。** 最後我地忍唔住告訴經理個咖哩煲出左問題, 我地完全食唔到, 淨返晒响度, 只係用汁食左兩塊油酥餅, 同埋兩舊薯仔, 其餘通通食淨在自己的碟上。佢一聽到我地咁講, 好快幫我們 cancel order! 雖然如此, 但已經令到我地整個東涌之旅被破壞了。行程結尾的一餐竟然係敗筆, 真失望! 唔好食係好少事。不過山長水遠入東涌, 居然以這樣一餐作結尾, 確實影響心情哩!!! …查看更多

朋友相約食晚飯, 因為大家都想食辣 /麻辣, 所以推介呢間位於銅鑼灣 Times Square 的三希樓!地點無疑是非常就腳的, 而且座位非常寬敞, 自成一角, 服務也好。首先上左幾杯紅肉火龍果沙沙, 入面全是火龍果肉, 加左 honey, 又甜又好味又冰涼, 即時暑氣全消。跟住就有部長推介招牌麻辣手撕囗水雞! 夫妻柿片! 麻醬生菜膽, 呢個真係無甚特別, 因為實在太普通了。主角來了，侍應等我影完相, 就幫我地夾走大部份辣椒, 方便我們夾魚肉吧。魚肉鮮嫩又滑, 又夠辣又惹味, 好正呀! 飯後 order 左豆腐花, 一大桶上, 忘滿黃豆清香, 熱熱的又好滑啊, 朋友介紹, 正喎。連糖都有兩款選擇, 有桂花糖及普通黃砂糖。餐廳環境優美光潔, 裝修漂亮, 座位寬敞, 是一個宴客的好地方哩, 還會再來的。…查看更多

今日下午拎左半日假, 出左黎何文田。終於來到何文田呢間新開的越南餐廳, 前身是西餐廳, 已結業。下午 4:30 pm, 餐廳不設下午茶, 主要是一個 menu, 也不分午餐或晚餐的, 就係散叫。好啦, 就叫左一個特別牛肉湯粉試下佢啦! 轉金邊粉加 $5 不是問題, 最緊要啱自己口味嘛。起初來了一碗, 只得碎濕濕的小小片牛肉, 而且是全熟的 (說好的生牛肉哩??? )!當那個碗一放下, 家人即投訴。幸好餐廳經理同服務員肯聽取意見, 即時重新換過一碗出來。新的這碗就要讚啦! 湯底夠濃味又夠熱, 生牛肉還過得去, 熟牛肉很美味, 但牛筋丸有點穌。整體是非常好的! 有誠意的小店, 下次一定再來。今時今日, 周圍都是餐廳, 競爭激烈, 要突圍而出並不容易。如服務不好, 固步自封, 客人是不會回頭的。服務良好, 餐廳也是希望有回頭客吧! …查看更多

平時很少行這條街的, 因為每次黎到, 都係會行商場的, 甚少行它的地鋪。不過早排見電視台介紹咸豆漿及粢飯, 而且只淨一些傳統小店肯做了, 尤其係咸豆漿!所以我想去試, 但電視節目介紹的店子都在紅磡一帶。想來想去, 將軍澳區只有這一間了。早餐時段, 粢飯不跟餐, 但我前粢飯而來, 無所謂啦。熱甜豆漿來了, 滿滿的濃厚豆味, 不錯呀。粢飯如果係要求即製的, 好似要加幾蚊。我也不想等, 不要即製, 現成好了。粢飯原整一條上檯, 感覺有點難入囗, 難咬, 唯有叫店員一開二, 剪開它才慢慢吃。粢飯裡面有很多榨菜, 又有油炸鬼, 雖然不算香脆, 但好好味。已經非常滿足了。好開心, 而且價錢絕對相宜, 抵食呀! …查看更多