I Love Japanese Food的个人专页

開鋪嗰時試過一次，好耐冇食過，路過見到唔使排隊即刻去試吓，叫咗個蒜油豚骨拉麵，湯底好杰，但鹹到想死，最慘係啲椰菜，全生嘅仲要硬過我條命，冇下次咁都係米芝蓮？真係唔知評選標準係點？…查看更多

完全無服務，一坐低叫個“芫荽皮蛋湯”，個樓面望住我：吓？吓？吓？指住個餐牌講多兩次先明我講咩…食到一半叫佢加湯，個樓面面無表情放低一勺湯，講句：自己加啦…繼續行嚟行去遊魂，中間無任何人招呼，落單又用QR code,好想問一句：你憑乜嘢去收加一服務費呢？…查看更多

好耐無食過，心血來潮吃個下午飯，食物質素尚算勉強維持到，但唔知點解員工轉哂全部顏色人(頭髮)，制服好似梅菜，全部員工好似made from MK咁。唔係我歧視MK,而係佢哋嘅行為太MK:今日坐吧枱，壽司師傅有朋友來訪，吹吹水自然少不免，不過喺有客食緊飯嘅同時，點解可以明目張胆講哂粗口？可否尊重一下自己及客人?樓面好少少，不過一樣一路做嘢一路大聲同師傅傾偈，有兩次重要企喺我旁邊傾，勁想叫佢行開一邊傾銅鑼灣價錢、旺角式招呼，可以唔使再嚟了 …查看更多

幾個月前食過一直念念不忘，今日難得過海決定再食😋換了新餐牌，店員也全換了新面孔，感覺冷冰冰的，記得上次來有位長髮女店員很好笑容，見我入店時身上濕了(外面大雨)馬上遞上紙巾，我走的時候更提醒我拎雨傘，這個貼心的服務令我一直記住，換上的店員個個目無表情，落完單後各自站立一旁玩手機(工作時間可以這樣？)客人叫也聽不到😓。言歸正傳，食物方面鵝肝飯分量足，煎到外面香脆非常好吃😋👍鰻魚飯不過不失，只是價錢尚算經濟($108)相比之下$138鵝肝飯真的超抵食😁…查看更多

伙計面口差到不得了，特別係相片中短褲女侍應，係咪同客人有仇呢？木口木面講嘢無尾音，企喺度hea到爆，最精靈就係企喺廳面玩手機嗰刻😣反而藍色衫睇落係Junior 嘅男仔態度仲好啲，幾好食都無用!梗何況普通過普通👎…查看更多

同男友拍拖兩週年紀念,因男友超級愛食生蠔,而之前亦多次光臨Cucina,順理成章Book定位食Brunch.怎知敗興而回:(Brunch11:30開始,我們大概12:00到達,一坐下先order兩杯西瓜汁,男友已急不及待去拿生蠔及海鮮(見圖)我一拿起生蠔,用叉篤一篤.....無反應心下一沉..鼓起勇氣放入口,咬了幾口覺得很腥,望到男友已吞下一隻,但見他再吃第二隻時竟然加檸檬汁!(他吃生蠔從來什麼也不加的)我想勉強吞下但越咬越多沙...终於忍不住吐了出來,與此同時男友也吐了口中的蠔出來...不單止腥到極點,而且滿佈細沙!我再CHECK碟中剩餘的蠔也是一動不動..而且腥味很重..我們向經理反映情況,他表示當天只供應該款生蠔,他會從廚房即開幾隻蠔給我們再試,於是我請他自己也試一隻看看如何..等了一會.他拿了6隻生蠔出來,可惜同樣很重腥味以及很多沙,我告訴他我實在不敢吃..我見他的樣子已有點尷尬,相信是他自己試過後心裡有數知道該批蠔有問題,於是我們說既然沒有生蠔吃,不打算繼續進食了,而除了生蠔外,我們並沒吃其他東西(生蠔都吐了出來),相中所見的龍蝦也原封不動,故此只打算支付兩杯西瓜汁的價錢,他亦同意替我們取消brunch的賬項..最激氣的事來了..隔了一會他折返,告訴我們他的上司(外國人)不肯取消賬單,原因是他覺得生蠔沒有問題!!我找該外國人理論,他竟一臉不耐煩的說今天的生蠔Fantastic!!!我覺得他才是"Fantastic"呢!!怎可到此地步還要死撐?我叫他自己試吃一隻他又不肯,只堅持生蠔沒問題,結果爭拗一番後他才悻悻然地free了我們所有賬目.老實說我們並非存心撒野,我們專程由港島區過海去吃飯,亦預了要付錢,但你們供應的東西有問題,我們又沒吃其他東西,怎可能要求我付賬??本來打算高高興興的進餐,不料竟倒足胃口而走,只剩一肚子氣來充饑....永遠不會再光顧!!!!!我所講嘅全部係事實，如果openrice基於商業理由或其他特殊理由而唔刋登呢篇食評我只可以講好遺憾！…查看更多

男友生日,首選大家都愛吃的日本菜..在同事介紹下到天喜一試~~週一晚上客人不多,選了壽司吧靜靜享受二人世界.最近男友和我都發福不少(吃得太多之故),要吃多點蔬菜,減減肥了~~水茄子沙律: 未聽過”水茄子”這個品種,師傅介紹說這是日本季節性的蔬菜,入口爽爽的,味道有點似番石榴,很清新!一試愛上呢!意式油甘魚: 油甘魚是我的最愛,見到這道在日本餐比較少見的沙律,總要試一試的..魚肉油份很豐富,和脆口的松籽一起放入口,很特別的食法.粒貝: 爽、脆、甜,海水味充滿整個口腔,很難吃到這麼新鮮的粒貝啊,之前在樓下另一間日本料理吃過,不知是否放得太久之故,竟然是腥腥的!象拔蚌: 不比平時見到的加拿大象拔蚌般大隻,只有手掌大小,師傅說是日本的白象拔蚌.吃過真的很甜很彈牙,味道完全不一樣.深海池魚壽司: 男友喜愛爽口的魚生,這個完全對辦了,只略帶油份而且味道鮮甜.油甘魚壽司: 油甘魚呀油甘魚~~我不會輕易放過你的真不能抗拒你的滋味..這店供應的很肥美,一口一件…太幸福了!海膽壽司: 手快有、手慢無,這個道理我怎會不知道?結果給我吃到3件!哈哈!北海道的海膽就是特別鮮甜,好吃好吃.吃到這裡我已差不多投降了,男友叫了個燒飯圑,我在侍應介紹下order了立魚湯,哈哈,單看也是種享受,只見侍應姐姐提了個魚形的壺到我面前,除除把湯倒落碗中,超可愛呀!魚湯入口還是燙熱的,只可以說真的很甜,為什麼在家煲不到這個味道的?可見有些錢總是要讓人家賺的.八卦問師傅是否星期一的貨才那麼新鮮,因為見到人客不多,正常來說魚生很難keep得到新鮮的嘛,原來樓下有幾間同集團的店舖(好像是串燒店及酒吧之類,記不清楚)也有售賣這兒的魚生,去貨快所以能保持質素..哦~~ 難怪難怪.才說要減肥,給侍應姐姐一引誘…又忍不住口吃甜品.Cream Burlee、南瓜布甸…完美句號!…查看更多

雖然住得好近但一路都無為意呢間餐廳,直到上個月有同事喺呢度搞Farewell,食過覺得唔錯,今日同男友拍拖三週年紀念日, 於是近近哋走過嚟食.嘩~~七點幾去到已經坐咗八成客喇,同男友商量過決定坐sushi bar方便傾計,又可以睇下師傅整嘢食見到個魚生柜入面有好多魚,好多都唔知係咩喎,樣樣都想試..男友就叫師傅幫我哋安排少少刺身同幾款壽司.刺身有: 銀鱈魚,鯖魚同埋三文魚. 真係唔知原來銀鱈魚同鯖魚都可以做刺身喎,銀鱈魚好肥美而鯖魚口感結實得嚟又有魚味,超正!!三文魚都好甜!壽司食咗帶子同甜蝦,食得出d材料好新鮮. 跟住叫咗個天婦羅,值得一讚係呢度order可以好有彈性,例如我想食蕃薯同蝦而男友又想食南瓜,可以自己揀要幾多隻蝦同幾多片南瓜&蕃薯,佢哋就會按比例收錢,同樣食刺身都可以一片一片咁叫,下次即使OT完一個人嚟食飯都唔怕叫咗食唔哂!非常體貼嘅服務!!食食吓想叫支清酒飲,望到個drink list咁多款酒頭都大埋唔知點邊隻好,於是搵經理介紹,佢推介咗一支叫”冬之月”嘅酒,幾易入口喎.唔錯唔錯!師傅仲請咗個燒魚骨比我哋送酒 tim..最後叫多咗兩款串燒加一碗拉麵兩份食..飽飽lu…食完之後侍應幫我哋換熱茶熱毛巾,仲話請我哋食雪糕,我要咗芝麻,男友就要菠蘿,原來佢個雪糕入面真係有菠蘿肉嗰喎結果比我搶咗大半嚟食..hehe埋單唔計支酒每人約三佰蚊.以質素嚟講真係唔貴. 而且雖然今晚都算幾多客,見到d侍應走嚟走去忙個不停,但都依然好有禮貌又好好笑容. 非常滿意嘅一餐…一定會再返嚟幫襯!!:)…查看更多