coolman88的个人专页

最新嘅手沖咖啡☕終於正式登場，喺蘭桂坊嘆咖啡☕係特別有Feel呢。 由揀選嘅咖啡豆，到選用嘅磨豆機，熱水嘅溫度，到沖調時間同方法， 以至盛載嘅杯同壺都花盡心機。而最緊要就梗係專業咖啡師嘅講解同沖調，無論在視覺同味覺上都係一個享受，Before, during and after taste都同樣出色。一杯咖啡，真係唔係咁簡單。角落 (Corner Cafe)地址: 中環蘭桂坊德己立街23號管逸蘭桂坊精品酒店2樓營業時間: 12:00-21:00訂位電話號碼: 2382 4899…查看更多

《徐行新店推介🤗》萬衆期待嘅中環蘭桂坊《獅城🦁星馬餐廳》終於開張，等我同大家介紹吓點解要親身唻試吓先。除左Signature Dishes好食之外，最重要係有個落地玻璃，可以欣賞吓蘭桂坊人山人海嘅日景同夜景，配合埋美酒佳餚，開開心心同朋友歡聚一餐😊。徐行推介：● 巴生肉骨茶 $168 (採用秘制湯頭，肉骨茶帶有鮮濃的肉香，真係食唔停口)● 沙爹串燒拼盤 $108 (自家製作馬來沙爹醬，配合雞🐔豬🐷牛🐮串，確實食到舐舐脷😋)● 星洲麥皮蝦 $188 (麥皮配新鮮大蝦嘅蝦肉，出奇地夾，配埋白酒就更加好吃)● 獅城海南雞🐔 $148 (多種香料浸製，香嫩幼滑)● 亞參燒大頭蝦🦐 $198 (自家亞參篱把大頭蝦，手掌咁大嘅蝦身，一出場就大家爭住打卡)● 白胡椒炒蟹🦀 $338 (選用一級白胡椒泡製柔嫩粉白嘅新鮮蟹肉，令人垂涎三尺，香港可以有依個水準真係好少見)● 娘惹糕 $60 (本地娘惹媽媽全人手製作，全部用料健康天然,濃厚馬來風味)…查看更多

每次計劃行山路線🤔，都會先諗咗行完山食咩😋先去決定。今次都唔例外，由西貢白沙澳行入榕樹澳，大熱🥵天時去到來記士多，梗係飲番個蘆兜水，清熱解毒，原來蘆兜水有期限，錯過左依段時間就冇。另外，推介大家食佢個煎蠔餅，配上魚露，蠔味濃又香口，亦唔會有平時食好膩嘅感覺。食埋個山水豆腐花就起行繼續出水浪窩，唔想行嘅朋友可以選擇搭船，非常方便。…查看更多

食壽司🍣就係要好食😋？如果唔係點去海外開分店？成日俾我有種錯覺就係開得分店就係好，但每次總是失望而回😥，下刪一萬字。♡今次又輪到日本過江龍，位於尖沙咀K11嘅頑固壽司🍣，一開始大排長龍🐉，我都冇去幫襯，見多左人POST食後報告，又見唔駛排隊，就去試吓，點之入到去坐低已經遇到超差嘅服務態度🤬，做侍應唔係要以禮代人嗎？平心而論人均都250蚊食個LUNCH，可唔可以唔好對住D客黑口黑面😤，唔想做生意未唔好開門囉！食物方面就不過不失，冇驚喜😵，性價比低😠，好多日本壽司店都做得好過佢哋，大家睇相如果覺得唔錯係可能角度問題，真心冇下次😡。…查看更多

其實鍾意嘅話🤗，約埋三五知己，就可以去烚下烚下🥘，配合質素高嘅手切肥牛🐮、鵝腸🦢、生菜🥬，加埋幾枝啤酒🍺，就已經可以開心一個晚上，你又係唔係滾友呢？🤭…查看更多

食甜品🍧喺可以一年三百六十五日都幫襯😋，特別係炎熱嘅夏天🥵，沙冰🍨簡直係必需品，每次喺九龍城附近一定去食先返屋企，好彩依排勁做運動🏃‍♂️🏃‍♀️，食幾多都唔怕肥，🤭。…查看更多

旺角女人街食飯公司，除左嘢食花款多，價錢大衆化，食物夠新鮮😋之外，招呼亦非常週到👍，坐得又濶落，配合懷舊裝潢，令你手上的相機不停按快門📸。徐行推介：黑松露蝦多士 $28一件wasabi沙拉骨 $108麻甩佬豆腐火腩煲 $128大叔焗魚腸 $98X0醬海鲜小炒皇 $108生炸脆皮頂鴿 $98黑椒牛柳粒 $168招牌杏汁豬肺湯 $148屋村三鮮(豬生腸,鴨腎,墨魚) $84…查看更多

是苦也是甜喺一種咩感覺？如果我食完一杯會再食另一杯，你話好唔好食呢？今日同大家介紹一間對雪糕非常執著嘅DAMA，佢喺嘅生果雪糕居然有榴槤、火龍果，而且冇用奶類制作，對於我依D對奶類過敏而有非常鍾意食雪糕嘅雪糕控絕對係天大嘅喜訊。…查看更多

性價比高嘅Chatterbox Cafe，除左聞名嘅文華海南雞飯🐔118蚊(我覺得個飯好食過D雞，海南雞唔夠嫰滑，但整體尚算不錯)，海鮮炒貴刁98蚊都好有水準。最有驚喜係個鹹蛋黃雞翼78蚊6隻(可以叫佢走辣)同埋個星洲彩色刨冰🍧58蚊，價錢唔貴又整得好好食，適合一家大細享用，下次唻尖沙咀K11 Musea，都會繼續幫襯。😘…查看更多

推介依間食雞嘅飯店，或者裝潢不是太好，但雞嘅質素就冇得頂，雞味濃，有雞味，配合沙薑，真係多多都食得曬，55蚊依個價錢絕對抵食。鍾意食雞脾可以加17蚊食，另外佢哋嘅例湯都唔錯。…查看更多

見咁多人排隊，又聞到好香嘅滷水味，點都要試吓嘅，攞左飛開始排，頭30分鐘都還可以，去到45分鐘開始唔耐煩😤，心諗邊有可能咁多人買走呀？最後用左足足一個鐘先完成交易😔，買左滷水鵝下莊(大約150蚊)、鵝腸(15蚊兩)、鴨舌(14蚊兩)、鵝亦(記住一定要買特大，33蚊一隻都照買)，跟住返屋企大拆一餐，配以威士忌加冰🥃，將鵝肉🦢嘅鮮味充分咁帶出唻🤤。終於明白點解咁多人排隊，因為出面好多店都用大量滷水去浸，令每啖鵝肉都太鹹唔好食😥，勝記就完全冇依個問題，至於鵝亦就更加無得頂🤤，真係隻隻都食到渣都冇方肯停止😝。你哋又試吓我有冇講錯！…查看更多

平時去西貢多數選擇食海鮮，但係我就比較鍾情於西餐，除左環境因素外，入座嘅食客大部份係外國人，感覺截然不同。Piccolos嘅西餐就係份量大又好食，每次必叫嘅卡邦尼意粉，pizza都有好多味道選擇，又薄又脆，食多幾塊都唔覺漏。至於牛扒，5成熟剛剛好，配以海鹽簡直絕配，其他方面都很出色，甜品、甚至一杯暖水都很貼心。有時間可以唻試，證明我講嘅嘢是對是錯。…查看更多

WingMan係灣仔開咗分店喇，咁近我公司，梗係要個個星期都幫襯吓。無論係乾身定濕身嘅制作方法，鷄翼都同樣出色。午餐係8隻鷄翼兩款唔同味道，加埋個湯、薯條同餐飲都係88蚊，真係好抵食。下次我會約埋三五知己，唻試佢嗰個擲骰子俾錢飲啤酒🍺，擲到1就10蚊，2就20蚊如此類推，睇吓自己運氣好唔好先😁。…查看更多

幫襯咗添好運點心專門店已經有十幾年，由油麻地第一間舖開始食，即叫即蒸真係好食好多，蝦餃、燒賣、牛肉、蒸排骨、腸粉，一個人去都會食十幾籠，除左價錢唔貴，又可以帶返屋企繼續品嚐。…查看更多

牛筋牛腩河加魚蛋加底，見好多人都係咁叫，梗係照跟喇！去大埔無數次，都係朋友介紹先第一次幫襯，上晝十一點半到，由於得兩個人整粉麵，所以等左半個鐘先有得食。34蚊一碗單拼麵，每加一個餸就加16蚊，算係良心價。魚蛋真係好彈牙，細細粒易入口，所以好快就食完要後加一碗淨魚蛋先可以滿足。牛筋同牛腩牛味濃，另外，炸魚皮本身好脆，浸一浸湯先食效果唔錯。總括唻講我會俾4/5星。本身鍾情於大埔群記嘅我，食完蔡潤記之後，會多些來幫襯。…查看更多