Eateat funny的个人专页

早排朋友仔約我食飯，問我想食乜！二話不說叫佢揸車入東涌食泰國菜之前睇呢度D食評見不錯，已經想食好耐！我哋平日夜晚大約8點去到都幾多人，不過好彩唔使等位，露天環境，呢D秋涼天氣，坐得好舒服打開個餐牌，樣樣都想試！為免食唔曬浪費，我哋點咗4樣嘢試吓先！最有驚喜，係碟生蝦，蝦頭炸到好脆卜卜，可以食埋呢個出面比較少見推薦柚子蝦沙律，D蝦好大隻！仲有炒什菜同碟炒飯，味道適中，唔會好咸！同埋每碟份量都唔細碟！下次要多幾個人一齊去食，試埋其他嘢先得！…查看更多

雖然遲咗寫，但都要寫返個食評！因為我太想食雞煲，所以同幾個朋友去「再來一煲」試吓！地方唔大，都坐得舒服，冷氣又充足我哋點咗幾樣食物，當然係要必點雞煲啦！同行朋友讚不絕口，雞夠入味，唔係淨係得個咸字！入面啲配料同樣都好出色，特別係啲洋蔥！好好味而且店員好好，幫我哋炒個雞煲，到差不多食得又會提我哋，讚另外，我哋點咗椒鹽粟米，呢個好惹味，送啤酒一流，推薦我呢就同啤酒無緣，所以就飲咗杯，我最愛嘅大大杯凍檸茶一定會「再來一煲」…查看更多

朋友去排隊攞位！朝早十點開始排，大約二十分鐘就可以入座，用餐時間一個半小時，食早餐傾一陣計一定夠時間！入座後就揀食乜，我揀咗炸魚，朋友揀咗牛扒！我自己幾鍾意個炸魚，唔會好乾身，配菜入面啲菇幾入味唔錯整體來說都幾好，如果份餐熱多小小就更好！至於朋友份牛扒，佢話都可以嘅！味道唔太特別喎！我點了杯特濃朱古力，但唔太覺得好濃叫做可以啦！整體而言，未試過的話，可以去試吓！記得要有心理準備～無論咩時段都要排隊架下次我會去試埋午餐同晚餐…查看更多

今日去元朗食呢個Jumbo all day breakfast朋友仔話繁忙時間要等位，時間可能會好耐！我哋今日就揀下午時間去，門口幾張枱已經坐滿咗！反而空內有位，所以我哋好順利，唔使等位，直接入去坐！一入去坐底，已經被個蛋糕櫃吸引咗，不過，今次我哋無試我哋點咗一份jumbo all day breakfast，一個碎蛋牛角包同兩杯飲品！個牛角包十分出色，夠酥又軟，真係好好味到份all day breakfast份量，真係好足夠2個人食！入面個炒蛋好嫩滑，個幾款腸都好好味！下次會再去試蛋糕呢間小店值得一試…查看更多

生日無諗住出街食飯！但另一半話，一年一次去食餐好啦！所以生日當天先打去訂枱估唔到平日都咁多人，室外同室內差不多坐滿客人！我哋坐室內，燈光暗暗地，個環境氣氛幾舒服！本來我哋坐正中間位置，之後見到卡位有枱，膽粗粗問下可否轉枱，職員好好，立即幫我哋安排！店員全部都好好禮貌，值得一讚叫咗幾款食物，整體都不錯！我最喜歡隻鮑魚，唔韌好好味另外個煎鵝肝蝦子麵，個人覺得味道較為淡口因為訂枱已經講係慶祝生日，所以上甜品時，碟會寫上happy birthday ，我揀咗食朱古力心太軟，太喜歡食甜品，完全唔記得影相…查看更多

慶祝週年紀念咁啱我哋又想shopping又想自助餐，朋友介紹我哋去東涌世茂喜來登酒店既嶼坊！響OpenRice 訂位有8折，但見時間只有晚上8時後，就直接打去問，會唔會有早點的時間，職員好好，叫我哋照㩒book 8點，再remark想食既時間！好快就有員工聯絡，及確認訂枱！呢點真係值得一讚好啦講返自助餐，有即開生蠔、焗龍蝦、壽司、刺身同一般既熱食！講真，種類唔係超多，但一定會食得飽甜品都多選擇，我個人好喜歡個蛋撻仔，夠酥皮另外見有即整雞蛋仔，呢個唔係好多地方有，係特別嘅！但可能放耐咗，雞蛋仔林咗因為訂枱時話慶祝週年紀念，所以酒店送咗一件蛋糕，影吓相！味道就……因人而已啦整體服務及環境都好好，有折扣可以再去食多次…查看更多

牧羊少年開咗一段時間，終於去試吓！可能未到食晚飯時間，只係等咗大約15分鐘就有位！店內環境都舒服，到了唔知幾點，燈光會稍微調較！令到個環境氣氛更舒服！今次叫咗幾款食物，個pizza同意粉都好好味！叫咗杯朱古力，口感幾特別，推薦另外叫咗一杯梳打水咖啡（唔記得個名）我哋就唔係好識欣賞啦應該都會有人喜歡嘅！整體食物質素都好好，環境舒服！如果要改善，應該係員工的服務了！都見OpenRice 有人留言呢個問題！期待下次再去，會有改善！要再去其他分店試試…查看更多

經過見唔使等位，就入去試吓啦！揀咗台灣鹽酥雞便當！便當入面D配料超豐富呀！每一啖飯都會有不同嘅口感，因為配料真係超豐富！當中個粉絲好夠味，本人好欣賞👍🏻講返個鹽酥雞，D雞肉唔鞋口，有肉汁，但就覺得唔夠脆口！跟餐加$19一杯黑糖珍珠鮮奶，好味唔會好甜，D珍珠好好咬😅整體都算好味，份量都多的！價錢唔貴！我見好幾枱客人，都揀酥炸雞腿，好大隻，好吸引！另外，見餐牌仲有其他麵類，下次試埋😆會再去其他分店試吓😄…查看更多

又去東薈城尋寶（shopping）行到咁上下，又掛著台灣既美食，咁就去試試春水堂啦！上次入來，見到太多人等位，所以去咗另一間，今次終於試到春水堂啦揀咗紅燒牛肉麵（半筋半肉），D肉夠林又入味！味道不錯，個湯底感覺唔會好咸！黃金香酥雞，呢個有驚喜，食落口有小小辣辣地，D雞肉唔鞋，咬落去仲有肉汁響度！呢個小食，推介加埋杯鐵觀音珍珠奶茶，簡直係絕配見到隔離枱個飽好吸引，下次要再試埋！原來咁多人排隊，真係有原因既…查看更多

葵芳好多美食，係人都知！突然心血來潮，想食唯一麵家個餡餅，咁就去食啦！過咗午飯時間，依然都好多人，去到等一陣就可以入坐！一坐低已經可以落單今次食咗餡餅、香茅豬扒麵、牛腩麵同豆漿！餡餅仍然保持水準，D肉好多汁，姐姐好細心，預先幫我哋剪開，唔會食到好污糟！個香茅豬扒麵，豬扒夠林又夠入味，值得推薦牛腩麵就一般啦！牛腩凍咗D！整體價錢都算合理又抵食！另外，見到牆上面D海報話，下午茶時段會有飲品送！要再去食…查看更多

見到餐廳個名”Boring?!”幾得意！同家姐一齊去shopping之後，就去試吓呢間餐廳！我哋一早已經訂枱，到達後，女店員很有禮地帶我哋入座，仲同我哋詳細介紹餐牌，呢點真心值得一讚！因為掛著傾計，冇乜影相！我哋點咗幾款食物，全部都好好味，我個人最喜歡個碟黑松露軟殼蟹意大利飯！個飯軟硬適中，加埋D芝士，勁好味！另外個甜品窩夫都好好味！唔係硬得得個D，食落口好鬆脆！2個人晚餐不用三百，超抵食！又飽肚😅呢間餐廳必定會再幫襯…查看更多

呢間小店，之前已經聽過佢哋嘅熱狗好出色！上次星期一來佢哋休息！今日過來就決定要一試！店舖面積雖然不大，但可以從一些小擺設，見到店主用心既設計！其實一心入去諗住食熱狗，點知睇到原來早餐可以去到中午12點，我就點咗個素食奄列早餐！奄列入面有好多菇，塊薯餅夠脆，咬落不會一口油嘅感覺！而同行既家人就選了，廚師推薦既墨西哥莎莎莎莎醬熱夠配薯條！味道一流，佢話下次要再試埋其他款！lunch menu，有不同嘅選擇！呢間小店值得推薦！撐！…查看更多

與好友相聚，太耐冇見，緊係要食餐好嘅！朋友揀呢間，佢話係得獎餐廳來的！果然係實至名歸！我哋訂8點枱，早咗小小到，見到全場滿座！職員安排我哋響門口坐一陣，跟著差唔多時間就可以入座！樓面員工只有3個，佢哋好忙咁去服務每枱客人，所以有時搵員工幫手，就要等一下！員工都很有禮貌！我哋齊人，即刻點食物先！食物整體質素很高，價格亦都合理！當天係粟子餐湯，超正超濃粟子味！推薦食海膽吞拿魚多士！好正！呢間餐廳，必定會再次幫襯！…查看更多

突然想食雞煲，即刻上OpenRice 搵吓！見到屋企附近呢間爺爺雞煲皇嘅食評不錯！跟手訂埋位！我一行四人訂咗18:30，一去到同樓面姐姐講，我訂了枱，佢就帶我哋去已預留嘅枱，但家人想坐另一張，樓面姐姐立即幫我哋安排，讚👍🏻因為同行小孩不吃辣，所以我哋只order咗招牌唔辣嘅雞煲，以為唔辣會冇咁好味！點知原來都係超惹味，小孩仲食到舔舔脷！之後我哋再點咗其他嘢用嚟打邊爐！個自家製響鈴，一定要食，熱辣辣脆卜卜勁正！最後一提，全店員工，十分之有禮！…查看更多

午餐去食碗拉麵先！呢間築地曾經要排隊等位，宜家都比較少有呢D情形😅雖然係小咗人光顧，但我覺得佢仍然咁好味，今次去食午餐，一碗麵加一罐汽水，或者可以加錢轉特飲個D！湯夠濃，肉又唔硬唔鞋，最緊要隻糖心蛋，超正！…查看更多