sistory的个人专页

Everglow Coffee .📍上水智昌路8號順欣花園地下5A號舖📞 3568 0921💰人均消費：$100 - $120📸打卡指數：📸 📸📸(4/5). Everglow Coffee ☕️係我覺得數一數二北區嚟講都幾高質嘅cafe，所以我放假有時間又唔想出咁遠食嘢就會去食。Everglow Coffee 外觀以紅磚牆 包圍，內部就係以水泥風格搭配簡約嘅木系家具，不過空間唔係大，只有4 張細枱同bar 枱位置，坐得唔算舒服 🥲。今次等位大概都等咗20 分鐘，同埋只有一位廚師，出餐速度比較慢，所以要預番啲時間去等候，趕時間嘅話最好落單前問一問要等幾耐比較好。今次我就叫咗兩道菜式： 蒜香大蝦蜆肉橄欖油寛麵 🍝 同埋🇪🇸西班牙火腿乳酪芝士配竹炭酸種麵包，嘢飲就叫咗Americano，保持到一向水準 👍🏻，鐘意飲啡嘅朋友值得去試下，但菜式整體都令我覺得有啲失望 😣。🍝 蒜香大蝦蜆肉橄欖油寛麵 💰98⭐️推薦：⭐️⭐️（2/5)依道菜上枱嘅時候心諗明明係叫大蝦蜆肉意粉，點解唔見有大蝦 🍤，望真啲原來係收埋係意粉到，大蝦個size 就比較細，大就稱不上，如果下次可以放上面同大隻番啲就更加好。大蝦同蜆肉都係急凍，味道都正常，冇乜特別，寛麵就好似未煮熟咁，中間個心仲好硬，整體辣味 🥵唔算太重，所以唔太鍾意太辣嘅朋友都應該可以接受到。🇪🇸西班牙火腿乳酪 芝士配竹炭酸種麵包💰98⭐️推薦：⭐️（1/5)西班牙火腿同乳酪嘅搭配都幾令我覺得驚喜，不過我就覺得味道好似爭少少咁 🧐，如果可以加番啲蜜糖 🍯，層次我覺得會再豐富啲，平衡到乳酪嘅酸味，又可以更好帶出火腿嘅風味。雖然擺盤幾有心思 👍🏻，但係乳酪比較稀身，浸軟咗底下嘅Sourdough，中間完全濕到變糊狀 😢，令到我無辦法好好享受Sourdough 嘅口感，依點比較失望。如果Sourdough可以單獨放埋一邊，或用啲比較結實嘅乳酪，效果應該會比較好。以上水地區嚟講，價格都算中等偏高。考慮到等候時間同嘢食嘅整體表現，我覺得仲有提升空間，希望Everglow Coffee 之後會有所改進。…查看更多

Little Cove Espresso .📍 西貢西貢海旁廣場兆日樓地下1-2號舖💰人均消費：$150 - $200⭐️推薦：⭐️⭐️⭐️⭐️（4/5)📸打卡指數：📸 📸📸📸(4/5). 嚟到西貢行山⛰️，緊係要搵番間cafe食啦。今次就去咗我朋友大力推介嘅Little Cove Espresso試吓佢地嘅菜式🍴。一望到佢門口就已經覺得有種係墨爾本嘅悠悠閒閒嘅feel😌，餐廳嘅佈置簡約得嚟又不失時尚，高挑嘅天花板同落地玻璃令自然光☀️佈滿成個空間。室內就以柔和嘅鴨蛋藍瓷磚同天然橡木🪵家具為主，室外嘅位完美融入西貢嘅海港景色🌊，又有啲海風吹下，成個感覺令人覺得超relax又寫意🤭。.見佢menu有好多選擇，真係諗咗一陣先揀好要食咩🤔，樣樣睇落都好吸引好想食 🍽️。結果我決定咗叫Middle Eastern Lamb中東羊肉伴椰菜花，雖然我唔係特別鐘意食羊肉嘅人，不過因為好少見cafe會有羊肉食，所以決定試一試！🤔.一上枱就覺得佢嘅擺盤好靚😍，非常吸引，層次好分明🎨。柔和嘅藍色盤做背景襯托上深棕色嘅羊肩肉肉絲、金黃色嘅花椰菜帶少少焦香係視覺上增加咗啲溫暖感🔥。橙黃色嘅南瓜鷹嘴豆泥做base，白色嘅yogurt有少少中東香料Sumac點綴又帶點清爽嘅視覺效果 。深綠嘅羽衣甘藍再搭配紅色嘅蔓越莓乾，最後係上面再加啲microgreens 🌿，整體呈現出自然而又不失藝術感嘅視覺效果，令人一眼就感受到唔同食材融合嘅豐富性和創意👍🏻。.羊肩肉肉絲🥩慢煮到極度嫩滑，焦香嘅花椰菜帶有薑黃同孜然獨特嘅味道平衡咗羊肉嘅羶味，令到羊肉嘅風味更加突出。再配上南瓜嘴豆泥滑順嘅口感，羽衣甘藍同Lemon mint yogurt嘅清新🥗，蔓越莓乾嘅甜，所有嘢又好夾，成個口感豐富得嚟又有層次🤤。.Little Cove Espresso有啲菜式似乎都偏向室溫或些少少暖嘅狀態，特別係似南瓜鷹嘴豆泥、酸奶等冷製或半冷製成分嘅嘢，都可能影響咗成道菜式嘅溫度❄️。所以如果你偏向熱騰騰啲嘅菜式，不妨點餐嘅時候問下服務員，睇下佢哋會推薦邊款菜式同埋睇下可唔可以幫你調整到菜式嘅溫度👍。.…查看更多

LAYER’s Cafe & Pancakes..📍 九龍城福佬村道19號地舖📞2791 0633💰人均消費：$100-$150⭐️推薦：⭐️⭐️⭐️⭐️（4/5)📸打卡指數：📸 📸(2/5).一講九龍城美食，大家一定會諗到泰國菜🇹🇭同埋沙嗲火鍋🍲。不過其實九龍城都好多cafe架，今日中午我就係去咗食一間有主菜有嘢飲有甜品嘅一間cafe - LAYER’s Cafe & Pancakes..依間cafe就唔似平時文青、有格調嘅cafe，反而係一間充滿人情味嘅街坊cafe❤️。.佢哋嘅Lunch Set都幾多選擇架，而且Lunch Set仲要包迷你班戟🥞同嘢飲，性價比勁高💰。今次我就叫咗香煎西班牙的黑毛豬梅扒配薯蓉同沙律菜🥗。豬梅扒肉質柔軟，味道濃郁，咬落去嘅時候感受到滿滿嘅肉汁😋，不過食完見到隻碟都比較多油，建議下次煎嘅時候落番少啲油會比較好👍。值得一提嘅係薯蓉嘅質感並非用粉調制，而係有明顯嘅薯粒，口感豐富，非常抵讚👏。.食完之後其實都好夠飽，但甜品係第二個胃嚟架嘛，所以一定要食！！迷你班戟雖然話係迷你，不過都有成兩塊，分量十足🍽️。班戟嘅甜度適中，充滿蛋香味🥚，口感比一般的空氣感班戟更厚實，真材實料，每一啖都覺得幸福感滿滿😍，難怪其他人專門嚟食班戟。.飲品方面，我就揀咗Americano☕，香氣十足，食完甜品再飲啡完美配搭👍🏻。.依度嘅裝修簡約而舒適，採光度都幾好☀️，服務人員亦都好友善😊，留意到我地食完主菜，就會自動上埋甜品，又會主動幫我地加水💧。.價格方面，LAYER's Cafe & Pancakes屬於中等價位，每人中午大概HKD100-150，相對嚟講性價比都算不錯💵，尤其係食物的質量同份量都令人滿意👍。無論係甜品定主菜，都值得嚟食！🌟…查看更多

Poke GO.📍 尖沙咀漆咸道南81號南海大廈地下G號舖📞3590 5059💰人均消費：$100-$200⭐️推薦：⭐️⭐️⭐️⭐️（4/5)📸打卡指數：📸 📸📸(3/5).位於尖沙咀的 Poke Go 🍣 簡直係我愛店 ❤️，餐廳的氛圍清新簡潔 🌿，餐廳的服務員友善有禮 😊。每次想得健康啲好味啲，但又要有滿足感 🍽️，就一定要嚟依間食，我直程做埋會員添儲積分啊 🏅！！.我今次就揀咗自選嘅 Poke Bowl 🥗，勝在可以揀我自己想食嘅嘢，有選擇困難症嘅朋友就可以揀佢哋 Set 好嘅 Poke Bowl 💡。.我碗 Poke Bowl 就揀咗八爪魚 🐙、沙律菜 🥬、雞蛋絲 🍳、酸蘿蔔 🥒、櫻桃蕃茄 🍅 同鮮蟹肉 🦀，搭配咗芥末乳酪醬汁 🌶️。八爪魚嘅新鮮彈牙，櫻桃蕃茄嘅甜味 🍭，酸蘿蔔嘅清新，雞蛋絲嘅口感，鮮蟹肉嘅鮮美，沙律菜嘅新鮮 🥗，芥末乳酪醬微辣刺激 🔥，獨特嘅醬汁同各種食材嘅搭配都非常協調，令每一啖都充滿驚喜 🎉，食唔停口，我成碗清晒 😋。..Poke Go 嘅價格係 HKD101-200 之間 💵，相對於份量同食材嘅新鮮度嚟講，算係合理，非常適合搵緊健康美食嘅朋友 🍏。…查看更多

The Site.📍 太子西洋菜北街161號地下A號舖📞5714 6642👩🏻‍💻電話/ 網上book 位💰人均消費：$150-$200⭐️推薦：👍🏻👍🏻👍🏻.今日朋友嚟太子揾我一齊食飯，見網上啲相同評論唔錯，就去咗The Site 食。.餐廳環境復古得嚟又有氛圍感，牆上掛咗精心挑選嘅裝飾品同畫作，不單多咗啲視覺趣味，仲非常適合拍照打卡。再加上寬敞的空間配以柔和的燈光，啱晒同朋友嚟傾計輕鬆下。餐單除咗有一般cafe 常見的All day breakfast 、意粉之外，仲有生酮料理同埋甜品。啱晒生酮和減肥人士同朋友仔一齊去，唔怕大家唔啱食啦!.今次我就叫咗香煎揶威三文魚扒配三色椒蘆筍，嘢飲就叫咗第一次見嘅冇酒精版Coffee Beer。.🐟香煎揶威三文魚扒配三色椒蘆筍 $158👍🏻呢道菜根本係為社交媒體網站而生！一上枱就即刻哇一聲，三文魚嘅金黃色、三色椒嘅繽紛、蘆筍嘅翠綠，再加上火箭菜、食用花和意大利香醋嘅點綴，隨便影都靚到似藝術品，打卡💯📸建議大家一定要揀靠窗位，自然光下影出嚟嘅相絕對靚到爆！👍 👍🏻三文魚扒外皮脆脆地，咬落去都算嫩滑，不過味道就偏淡咗少少，如果多翻啲調味或香草點綴，可能層次就比較突出。👍🏻我就唔太鐘意個人色彩太濃厚嘅蔬菜，不過三色椒🫑同蘆筍味道都偏清淡，唔會有好強烈嘅菜青味，食落易入口，完全冇負擔。👍🏻酸酸甜甜嘅香醋輕輕點綴，算係成道菜嘅亮點，如果再多啲就好啦，可以帶岀更多層次，而又平衡到三文魚嘅油膩感。.☕️Coffee beer $30 (跟餐價）👍🏻而無酒精Coffee beer 又幾有驚喜喎！個杯好有啤酒feel🍺，仲有層次分明嘅泡沫，睇落真係好似一杯真嘅啤酒咁。👍🏻個口感又真係幾似啤酒，氣泡感十足，飲落好清爽，帶有少少莓果嘅甜味，飲完之後個口腔會留低咖啡同莓香，好過癮！🤭.🍰生酮巴斯克蛋糕 $58👍🏻焦糖化嘅表面、中間軟心好有層次感，食落去之後我覺得芝士嘅味道有啲唔夠濃，感覺少咗一啲濃郁嘅奶香。😅👍🏻不過，對於控制碳水嘅人嚟講，仍然係一個唔錯嘅選擇，食起來都唔會有罪惡感，哈哈！😂.而我朋友就叫咗香煎日本帶子刺身蒜香意粉，嘢飲就飲dirty 。不過我就冇試佢嗰碟，所以就無法分享啦。…查看更多

作為一個熱愛Sourdough 嘅人，點解會唔嚟試 CUÍT 的Sourdough 呢？西貢平日又真係冇乜機會專登入嚟，前一日啱啱好同朋友plan 咗去西貢行山，所以就即刻book 咗CUÍT，諗住行完山食，不過強烈建議大家真係要book 位，walk in 真係要等一段時間架！！講番正題先～～～CUÍT 坐落比較近海邊，室外位置都比較寛敞，可以係微風中享用美食。室內設計融合咗現代同自然元素，用咗大量木材同綠色植物，營造出一種舒適而放鬆嘅氛圍。大窗戶令陽光灑進來，增添咗明亮感，令人覺得放鬆。職員態度都好友善和專業。他們不單只對菜單了如指掌，。在用餐過程中，職員隨時關心我們嘅需求，仲知道我同朋友係第一次嚟食都會主動介紹，讓整個用餐體驗更加愉快。…查看更多