忌廉號的个人专页

嚟到沙田第一城, 今天胃口一般, 所以想食較開胃的泰國菜, 雖然第一城餐廳嘅選擇唔算多, 但基本上各個國家嘅食物 都總有一至兩間可以揀, 經過見到呢間西貢星, 聽個名原本以為係食海鮮, 但睇真啲原來係越南加泰國料理, 啱曬我今日所需所以就行入去啦。 環境: 入到去間餐廳環境相當寬敞,坐位都很多,有長型嘅方枱, 幾多人都啱坐, 又有圓形嘅圓枱, 幾個人傾計坐圓枱就好方便喇, 卓椅坐得都算幾舒服 餐牌: 晚餐嚟講,其實價錢相當吸引,四五十蚊有飯有飲品, 仲可以叫煲; 食好少少叫過一人火鍋, 有牛有海鮮有冬陰功湯底都只係88蚊, 不過牛奶豬食泰國嘢嘅指定動作 係食生菜包同馬拉盞通菜, 可惜套餐沒有,咁就唯有散叫啦。 椰青$40食泰國菜嘅另一指定動作就是飲椰青啦, 有時真係會為咗飲一啖清甜嘅椰青食一餐泰國菜, 所以平時對椰青嘅要求都好高。這店的椰青大大個, 非常清甜又有濃厚嘅椰青味,椰肉白雪雪,一試就知係放喺雪櫃雪凍個種, 唔係隨便放舊冰落去, 夾硬整涷佢又整淡曬啲椰青味嗰種, 質素讚!! 蒜蓉包$42頭盤揀咗蒜蓉包, 賣相就相當唔錯啦, 份量夠多而且烤焗成金黃色, 拎上手仲好暖, 不過蒜蓉味好似集中停留喺最面嗰層, 如果可以將味道滲到落麵包入面多少少就更好了 馬拉盞通菜$58 泰國菜嘅經典菜式, 每次食泰國嘢都一定會叫馬拉盞通菜, 因為那種馬拉盞味, 唔係自己喺屋企咁容易可以煮得到, 這碟通菜馬拉盞味很足料, 菜分量很多, 兩個人食食極都食唔完。 青檸肉碎生菜包-小辣 $69: 叫生菜包嘅時候, 店員問我喜歡什麼辣度, 姐係代表可以自己選擇辣度啦, 這個服務不錯, 叫左小辣, 就算平時唔食辣嘅人都應該可以食到。 椰青之外, 生菜包表現是最出色的, 食得出有青檸味, 肉碎嘅肥瘦剛剛好, 份量很足夠, 配搭嘅生菜睇個樣就知道好味, 新鮮翠綠爽口, 包起酸酸辣辣嘅肉碎, 食過胃口即時大開, 大大碟嘅肉碎差不多一掃而空, 很滿足。 串燒沙爹 - 雞柳 $58 最後就到串燒啦, 串燒和汁分開上, 鍾意點幾多汁任君選擇, 串燒除咗燒之外感覺上好似重做了些工序, 因為肉表面乾身, 不太見到油, 肉大大舊, 每人食兩串都覺得好飽, 如果多人嚟食其實每人食1串或1.5串已很足夠, 留番個肚試其他嘢仲好。 整體而言環境都幾舒服, 食物方面椰青真係好好飲, 唔記得咗問有冇得外賣椰青, 有嘅話買個回家慢慢歎不知幾開心, 小菜就最鍾意生菜包, 今次好似主要食的都係泰國菜,下次會叫多些越南菜試試…查看更多

約了遠方來的朋友聚舊食晚餐, 自然希望可以找一個寧靜舒適的環境, 同埋最緊要係坐耐左都唔駛驚會畀人趕走嘅地方來傾下計, 呢間位於鰂魚涌的樓上餐廳, 價錢唔貴又可以食到西式嘢 ,於是就拍板book咗呢一間啦門口:雖然是樓上餐廳但都有用心去裝修呢, 臨近聖誕,門口和餐廳內都佈置了聖誕裝飾桌椅:餐廳的座位菜仔都是以木桌木櫈為主,營造一個溫馨舒服嘅環境 這餐廳的食物選擇都相當多呢,有pizza, risotto, 扒類和意粉, 仲有多款甜品。 落完單頭 店員很快便送上餐包和餐湯, 讓我們醫一醫肚和暖胃先啦前菜:西班牙黑毛豬火腿伴芝麻菜沙律 $92前菜送上就覺得那些黑毛豬火腿的顏色很靚呢, 色澤紅潤, 脂肪分佈平均, 薄薄的一片包住新鮮的芝麻菜, 清新得來帶一點鹹味, 不錯的開胃小菜呢9吋蘑菇風乾火腿薄餅 $122 9吋的分量四個人share食,每人食一至兩片剛剛好, 薄餅是薄批,有很濃的番茄醬味道,配上磨菇和火腿, 屬簡單配搭的薄餅,前菜後主菜前食幾好 Dinner Set 1: 安格斯(Dry-aged)西冷牛扒伴紅酒牛肉汁 $288 Dinner set會配主菜,餐湯,飲品和甜品; 今次食嘅西冷牛扒牛味很濃,:)牛肉汁亦很入味, 可惜份量有點不夠, 放在大碟上顯得有點單調 Dinner Set 2: 澳洲穀飼豬扒配牛肝菌忌廉汁 $208 呢一塊穀飼豬扒真的很好味, 一食落口就知道材料很好, 肉質緊緻彈又很容易咬開, 厚厚嘅豬肉沾滿牛肝菌忌廉汁後放入口, 好juicy 又有咬勁, GOOD GOOD GOOD 紅酒慢燴牛臉頰肉伴忌廉意大利飯  $158 牛臉頰肉肉質軟綿綿, 炆得好林, 牛肉放在忌廉意大利飯的中間, 分開食又得, 攪勻牛肉燴意大利飯一起食都得, 咁樣做法飯會比較濃味, 很喜歡牛味嘅朋友可以試下呢個做法 甜品: 菠蘿雪芭 單是賣相已經贏曬, 小巧可愛嘅菠蘿 裝住白雪雪嘅雪葩, 食完咁濃味的一餐最後來個清淡嘅甜品清一清口腔, 為今餐作一個完美的句號 整體而言, 這間餐廳環境很寧靜很舒服,非常適合希望一邊食飯一邊傾計嘅朋友,而且選擇亦很夠多,特別喜歡那穀飼豬扒…查看更多

最近天氣有時會好凍，天氣一涼即刻心思思想打邊爐啦，聽人講尖沙咀一間新開打邊爐海鮮任食㗎，而且講緊係有魚蝦蟹鮑魚，丸都很特別，粒粒都精彩，重點係每人300蚊左右， 期待呢餐打邊邊已經幾日啦！！！！今天終於來到－同人鍋 上去感覺相當大呢，空氣出奇地清新 ，因為冇一般火鍋店的煙霧瀰漫， 估計是歸功於每桌一個的抽油煙機 一坐低就急不及待衝出去睇下有咩嘢飲啦，每人有一個杯可以飲雪梨茶或蜂蜜菊花茶， 但最驚喜的是罐裝飲品，除了常見的可樂忌廉，仲有好多日韓的特色飲品，如芒果汁， 雪梨汁，龍井茶， 款式重多過真係去日本韓國打邊爐，好想每罐都試飲下呢 餐牌： 一坐低店員就送上雞煲， 共五種辣度選擇：大中小微無， 我哋揀咗微辣。 服務很好，店員幫我們煮雞煲加薯粉，仲要有個計時器計住煮幾耐就要開始食啦 雞煲嘅份量很多 而且舊舊肉都好好肉地，食微辣一開始食最上面嘅雞肉， 可能會覺得唔夠辣啦， 但食到下面浸住湯汁嘅雞肉， 辣度剛剛好， 食到肥美嘅雞肉滲透出絲絲的香辣味，開胃得來又唔會辣到條脷冇曬感覺，薯粉吸收左雞和湯汁的精華，！！， 食完雞煲就到主角啦， 一上個湯底我哋已經話話聲， 打邊爐咁多次試過咁多種湯底，從未見過用咁大隻龍蝦煮嘅湯底， 隻龍蝦cover咗個煲嘅80%，點可能唔話一聲 隻龍蝦仲要係好肥好好肉個喎，重粗過我隻手指公 跟住就到丸啦，店員送上一碟包羅萬有的丸拼盤:)，有很多好少見的丸呢，黑蚊蚊嗰粒估計就是墨汁墨魚丸吧，拎張餐牌看下，有幾個名都好少聽，黑椒馬蹄貢丸，飛魚籽魚蛋腸， 龍蝦沙律丸，卡通芝心包， 聽個名就想試下呢 有芥辣味的丸，個名不肯定，只知好好味：外表像是平凡的魚蛋，但內裏有餡，仲要有少少芥辣味， 丸＋芥辣呢個組合，真係未試過，出乎意料地配合 飛魚籽魚蛋腸：外表是一條絕對平凡的白香腸，但咬開就見到入面一粒粒的飛魚子了， 除了有飛魚籽一粒粒嘅口感， 飛魚籽流出嘅汁和香腸融合，多一點鮮味，少一分油膩 左邊個粒好好味， 脹卜卜金黃色的外表，入面就係裝咗好多好多芝士啦 到今天最震撼嘅任食海鮮了， 店員話除了蟹聖子鮑魚外其他所有海鮮都可以任叫， 除了廣島蠔，其他所有海鮮都是新鮮海鮮， 食到呢度開始諗到底呢間餐廳可不可以回本，因為食材太好了。。。。。。因為太心急食海鮮，忘了映相，映這相時聖子和蝦已去了龍蝦湯池游水 先食鮑魚青口，都幾爽口新鮮 心愛嘅聖子出場了， 很喜歡食蟶子， 呢一隻仲要講緊係蟶子王， 成隻碟咁大隻， 咬落去爽口彈牙， 可惜無得再叫 食隻蟹嘅時候懷疑自己有冇睇錯， 咁多蟹膏嘅！！！！！！ 成隻蟹都好多金黃色的蟹膏， 個蟹蓋更加係極品， 那又粗又厚嘅蟹膏，圍住個蟹蓋，好似寫咗個M字咁，好想自私地獨吞隻蟹呢 蟹肉嗰邊都好多蟹膏 有圖有真相，成隻蟹都咁多蟹膏， 食隻蟹都抵返曬啦 而一般常見嘅午餐肉，薄切牛肉，生菜，生根等等當然都有，不過 海鮮和特色丸是最值得推介的 個人嚟講好鍾意呢礶韓國龍井茶， 清淡得嚟有茶味， 可以一解打邊爐嘅油膩， 然後再食更多，HAHAHAH 整體而言用300蚊左右價錢食呢個火鍋真係冇得輸，可以食到咁多新鮮海鮮，咁大隻嘅龍蝦，咁多蟹膏嘅蟹，仲有好多特色嘅丸類，連飲品選擇都很用心，唯一美中不足的是沒有雪糕甜品，但聽店員講由下星期開始他們新請了一位專責做甜品嘅師傅來做甜品，食過上面嘅特色丸可感受到店主的用心，所以都好期待下次的特色甜品會是怎樣的…查看更多

最近多左入元朗，因為食過幾次後覺得元朗的食物性價比較高，今次就來到一間位置較少人行到的小店，係富來花園個邊，- 名叫夏捌月－SUMMER AUGUST，住係元朗的友人都不知道呢邊有間餐廰呢，最主要是被裝潢吸引入去，是元朗少見的沉色型格呢 入到去好開心見到梳化櫈呀！！！GOOD GOOD GOOD ～最中意餐廳用梳化櫈，重點係張張都係，個個都可以坐得舒服 牆上重有幾幅油畫呢，增加型格的味道 坐低有呢個圓碌碌的植物球同我講THANK YOU 看餐牌啦～選擇都幾多呢，可以選飯，意粉，薯菜，今天唔太餓，就㨂薯菜啦！ 先送上餐包，是蒜容包呢！賣相幾好，烤成金黃色 這餐廳的裝潢和餐具都幾花心思呢，"SMILEY"！！！羅宋湯都幾好飲 主菜出場！！紐西蘭西冷牛扒 ＄56煮得都幾淋，牛肉都算厚身同有肉地，如果可以再熱啲就更好啦 意式茄蓉龍利柳 ＄40 到魚啦， 龍利柳嗰餐真係好抵，40蚊有湯有蒜蓉包有飲品 切開就見到白雪雪嘅魚肉啦，都幾厚肉呀，40蚊有咁嘅質素，已很滿足了 整體而言是相當抵食的，雖然位置有些偏僻，但是四五十蚊嘅價錢可以，鋸個扒， 配飯意粉薯菜任揀，仲有蒜蓉包，餐湯，飲品，位置搵得辛苦啲都ok呀…查看更多

在太子行行下街，見到有間新開餐廰 － 星廚，價錢相宜，最重要是在門口看入去見到隻咸豬手勁大隻！！！所以就行左入去啦～～ 環境：簡單裝潢，因為新開關係，所有東西都好新:) 坐低叫野食無耐就好快送上蘑菇湯，重配上一小塊蒜容包。蘑菇湯內的料很多，味道清啖，因為本身喜歡蒜容包，所以最中意配一小塊包的配搭 主菜1: 忌廉蟹肉長通粉＄75七十幾元有蟹肉食WOW～～第一眼就看中呢個LA，賣相都幾好，不是蟹柳扮蟹肉，係真係見到有一舊舊蟹肉嫁！碌大D對眼來看重見到有金黃色的蟹膏呢～真材實料，跟餐有飲品，可以㨂柚子蜜呢 主菜2: 烤焗咸豬手配酸菜＄118 登登登～～～好大隻豬手呀！！！！！！親手拎隻手來比對俾大家看下有幾大隻，係超出手掌去到手婉位咁大隻呢，用個木盤托住，感覺更豪華呢，＄118有咁大隻美美豬手，未食單映相都好開心呢 要好似選港姐咁環迴360度映呢隻豬俾大家看下，係米好"豬"圓肉潤呢！！！ 內外一致，真係有好多肉，好合一大班人食，今次兩個人食就真係食不完，味道不俗，不過某些部位偏咸，好在有配搭酸菜，清一清油膩感 整体來說係抵食，用得好足料，食到好飽飽～～…查看更多

門口:入元朗搵朋友食飯, 突登走入元朗, 當然要食好點啦, 係朗屏地鐡站行十幾分鐘左右就到野川拉麵, 聽朋友講呢間店有很多小食串燒, 店舖面積不大,因為 剛好過了食飯時間才來, 所以好容易就有位。室內環境:簡單的木桌椅, 沒有華麗的裝修, 食完後就覺得餐廳是將錢放係提升食物質素上, 因為看餐牌食物價錢都抵食, 蠔$10有一隻, 串燒都係20多元, 平時係銅鑼灣或TST要50-60元呢, 當然看價錢唔係最重要, 要食過才知係米抵餐牌:小食串燒真係好多選擇，一版有十幾款, 重要有前後兩版, 2個小女生(自認為是) 揀得好興奮, 諗住都係細細串姐, 應該食得哂的學生餐牌: 這些機會不是屬於我的.......不過真係幾抵食飲品:除了常見的可樂有日本綠茶可樂和信州萍果梳打呢!!當然叫些特別D啦左: 信州萍果梳打   右: 日本綠茶可樂   萍果梳打的萍果味清新自然, 而綠茶可樂則像綠荼飲品, 不太飲到可樂味, 不過都幾好飲燒雞泡魚干:看個樣就知燒得好啦, 燒到有少少脆, 但又不會太乾太硬, 軟硬度剛剛好, 嗅到好香, 入口很有風味, 開胃菜或平時飲杯野配小食都係好好的CHOICE芝士豆腐:聽得個名就想叫, 很喜歡食芝士, 同時又很喜歡豆腐, 芝士豆腐當然要試。外層做成金黃色, 豆腐都很完整,  沒有缺角, 手法很好, 最勁係咬一啖就有芝士流出來, 真材實料好花功夫呢!!金菇牛肉卷: 燒到重有少少脆的牛肉薄片, 包住SIZE剛剛好可以令女仔一啖放入口的金菇, 再加上最項層淋上濃郁的醬汁, GOOD GOOD GOOD 上: 黃金燒廣島蠔  下:蒜蓉燒蠔由於配料太足料的關係, 感覺好像蓋過了蠔味, 如果蠔肉再肥D就可以突出番, 不過變成主角的芝士和蒜容都好味照燒雞扒稻庭烏冬 配芝士辣湯雞扒的雞肉很滑, 烏冬都很彈牙, 咬下去有嚼勁, 重有出名健康的木耳絲作配菜, 而最最最最最令人心心眼的是那流心蛋, 絕對流心, 一分開隻蛋金黃的蛋汁就湧出來, 呢個時間要盡快放入口, 等D蛋汁流入口, 好味!!!!唯一失策是我們高估了自已食辣的能力, 都低估了芝士辣面的辣度.......食到一半已覺得好辣 豬頸肉, 牛舌串燒:豬頸肉和牛舌都好厚身足料, 燒得金黃色, 加少少PEPPER和鹽吊味, 提升風味, 個人比較喜歡豬頸肉燒安格斯牛肉:相比豬頸肉和牛舌, 安格斯牛肉較為軟身, 而細細粒都更易食, 牛粒細細不過肉汁都幾豐富 燒凡立貝:終於食最後一道菜了, 已經好飽好飽, 凡立貝細細粒, 但如圖所見很肥美, 又厚肉地, 配上秘製醬汁, 這間餐廳的汁都做得幾好, 食完感覺好飽好完滿了平時真係少去元朗食野, 所以唔太知元朗日本野的價錢, 但呢度真係又好食又抵食過CWB 或TST好多好多的餐廳, 同埋食得出食物材料都上乘, 2個人食咁多每人都是$200有找, 以後要去多D元朗才得…查看更多

係銅鑼灣食飯，想食日本菜，見到呢一間勝八鉄板串料理有兩層大大間，位於登龍街，我估食物都應該ok吧，最後食完除了好味之外，還很賞心悅目，好少係酒店以外的餐廳見到對配菜擺投咁講究的餐廳。餐廳環境: 好舒服嘅梳化座位: 連吧枱嘅座位都是用梳化座位， 每一個客都可以坐得好舒服:): 黑豚露筍 黑豚肉煎得很香口，非常新鮮爽甜的蘆筍，而且份量很多，仲有新鮮沙律車厘茄伴碟，雖然碟菜我覺得配蘆筍已很清新，但那些沙律的確可以更進一步中和豚肉的油脂 馬刀貝 : 今天的其中一項廚師推介是馬刀貝, 其實聽個名都唔知係乜，後來聽餐廳解釋原來係類似大聖子, 重要不是天天都有, 有新鮮貨才有這道菜,咁當然要叫啦。出場大大隻蟶子, 仲粗過我隻手指公，聞到好香 ，咬一啖覺得爽口到不得了。聽店員講海鮮這東西一食就知道新不新鮮，冇得呃，真材實料。 個檸檬好美，整到成個心型咁再細細品嚐馬刀貝，有多種配菜，蔥,韭菜,香菇,黑椒,芽菜等，小小的一道菜，落足心機呢，而配菜吸收了聖子的精華，味道更提升了 飲品:巨峰梳打和乳酸梳打， 表現正正常常啦， 兩杯拼埋一齊我覺得好靚 目光魚: 目光魚個名聽都未聽過，又是因為廚師推介才叫的，平時正常我會叫多春魚，結果好彩有試新嘢，外皮脆卜卜，裏面的魚肉很雪白飽滿仲要好似無骨咁， 成條魚咬落去真係膽膽魚肉，肉質很緊緻， 一點 魚腥都沒有，很喜歡 接著出場的就是我所形容如畫一般的美食了， 上蝶時正常人都會看主菜先， 但這碟串燒我的目光卻被那些青瓜蕃茄等配菜吸引過去， 因為手工實在太靚了， 簡直就像雕花，很賞心悅目。 先試廣島燒蠔， 手指公咁大嘅蠔很肥美， 咬一啖就知，很飽滿，有圖有真相。 吃少少配菜， 清一清口感，就試鰻魚串燒了。 鰻魚串燒個樣非常像豬肉串燒，一開始我仲以為什麼時候我們叫了豬肉串燒，結果原來它是鰻魚，一反轉面就可見深黑色的鰻魚皮， 朋友很喜歡吃呢，覺得鰻魚串燒較少見，很特別，燒成剛剛好的金黃色，入口是濃郁的鰻魚味。 海鮮炒飯: 接著到海鮮炒飯，很足料，這是最大的感覺，有蝦有墨魚有蜆等， 而我有幸被分到一隻蝦，哈哈哈，大家睇下幾大隻蝦，食埋個飯真係覺得好飽好飽好飽。 最後是甜品，食左咁多偏油的美食，最後希望食一個清淡d嘅，所以選了豆腐雪糕作結尾 整體來講，材料都好好，海鮮全都新鮮肥美，每人300元左右食呢個質素又咁美的海鮮我覺得值的，最鍾意馬刀貝和目光魚，最欣賞是配菜像雕花咁，可見廚師對色香味追求的誠意…查看更多

心思思想食日本嘢, 現在吃日本東西都比較喜歡去居酒屋或和食亭這一類的日本料理店, 因為除了刺身和壽司, 還有很多熟食的選擇, 湯,小食,串燒, 飲品等一應俱全, 今天就來到七福神和食亭, 位置位於佐敦, 地鐵站一出行大約五分鐘就到了。 雖然是樓上鋪,不過地下有接待員,而且有好巨型嘅燈箱,所以就算係遠處唔使碌大對眼都好容易見到。 環境: 倒轉出埸的Apple Cider: 落間後先送上飲品, 今晚想飲少少酒, 所以叫了很常見的apple cider, 但估唔到叫咁普通的apple cider,餐廳都可以俾到驚喜, 完全冇想像過一支啤酒可以倒轉咁出場, 而且又不會倒瀉相對平凡出埸的Blanc 1664啤酒: 刺身拼盤MENU: $108有三款刺身,重點係有半板海膽,再加2款刺身,看價錢就覺得好抵食啦, 期待一陣食 刺身拼盤 (海膽 X 三文魚 X 劍魚腩) $108 劍魚腩:外表白雪雪, 切得很厚身, 入口爽甜 海膽半板份量2人食已很足夠, 無苦味, 是質素中上的海膽, 甜甜地的海膽,重附上紫菜可以包起D海膽來食三文魚的脂肪分布很好,一看就知很肥美,三文魚新鮮與否就是看有無呈少少灰邊, 這份三文魚刺身呈鮮紅色,個樣就很新鮮了 , 入口肉質緊致, 確實是如外表般肥美鮮甜。壽司: 三文魚腩(特長)$22:叫得特長就真係特長, 長長的一塊三文魚腩放在飯上, 和刺身一樣肥美 海膽$32:今次連飯一起送入口, 中和了偏濃味的海膽, 另有風味 甘蝦$18, 甜蝦$14: 2種蝦都很甜, 很喜歡, 旱知不叫咁多壽司, 留番個肚食刺身 火炙三文魚$18, 火炙帶子$25, 北寄貝$18$: 表現正正常常 整体來講, 刺身表現比壽司好很多, 因為都很新鮮, 而壽司的飯偏大, 變相食幾件已很飽, 可能店主擔心大家食唔飽, 俾多D飯, 所以食完刺身就後悔叫咁多壽司了 軟殼蟹手卷$36: 用上芥末沙律醬，幾特別，大大隻軟殼蟹, 幾好肉地, 炸得香脆可口炭火燒河豚干$32: 嗅上去很香, 食落幾甜, 切到一條條感覺像平時食咸的零食鹽燒多春魚$42: 呢幾條多春魚完全表現到咩叫肥嘟嘟,脆卜卜, 皮完全無爛，很完美, 燒得剛剛好變成金黃色2個人食平均每人二百幾元, 呢個質素來講價錢很相宜呢!!!反正刺身咁抵食,下次會記得叫多D刺身, 叫少D壽司…查看更多

很早食完飯，擔心晚上會肚餓，所以想買一個芝士撻留來當消夜。上次食過原味，今次食朱古力味啦店裡重有卡片介紹製作材料，材料很用心呢，用了法國來的朱古力和牛油就算買一個都有美美盒拎走回家用焗爐整熱來食，很香的朱古力味，雖然是芝士撻，但感覺不會溜，肥唔肥唔知，最重要係好味食左先…查看更多

一班朋友聚埋傾計講飲飲食食,多數男人覺得食物始終都係好食最重要。但女人,尤其是講甜品, 好多人覺得賣相都好重要,姐係如果好食是10分重要,咁賣相就係9份重要。因為甜品就是要相機食先同埋呃like。搵男朋友就話好難搵到內外兼備姐, 咁女仔揀甜品揀個內外兼備嘅滿足下都得掛 這裏的甜品可以滿足女人嘅三個願望, 外表,內涵同地位。哈哈哈哈哈, 自己寫完都覺得好笑, 外表同內涵都明點解, 咁地位又點形容甜品呢? 其實我覺得呢度嘅甜品個個樣都好靚, 所以看menu嘅時候掛住睇相忘了看字。到食完才發現原來有幾個精選甜品是獲得米芝蓮推介呢, 好彩有食到其中一個推介嘅燒菠蘿雪芭, 因為食咗3個甜品, 個個都有樣有內涵, 但燒菠蘿雪芭是韓國男神級的 燒菠蘿雪芭 :一座小山的雪芭, 舖一塊波羅係上面, 最外層輕輕燒成像焦糖燉蛋般薄脆, 再放一粒士多啤梨。正路嘅當然是食一啖雪芭先啦, "絕對天然新鮮菠蘿做的雪芭"！因為波羅味好"真",好鮮甜, 我不信不是用新鮮波羅做, 口感綿密纖細, 滑到好似雪糕咁, 只不過係再涷啲, 而上面嗰一塊菠蘿, 焦糖面很薄, 甜到剛剛好。不過雪芭始終逃不開未食完就溶嘅命運, 但更神奇是溶咗之後, 通常說雪葩溶了之後都很難食, 會變成一盤比水更難飲的糖水, 但這個燒波羅雪葩溶了之後,像變了新鮮菠蘿汁一般, 真的好好飲, 所以我深信他是用新鮮菠蘿磨成的, 之後睇返menu, 才發現原來它是米芝蓮推介, 好彩有叫到 士多啤梨拿破崙:酥皮+忌廉+生果, 一眼睇曬幾層的構造。酥皮很鬆脆, 一層酥皮看似很厚很肥,但其實它只是脹卜卜,食落其實唔多,因為裡面嘅空間感很大, 一小層一小層分隔開。平時很怕很怕士多啤梨會酸, 好彩這幾粒不會酸, 仲有粒粉紅色嘅雪糕配襯 朱古力香蕉窩夫:一份有三塊窩夫, 份量真係幾多, 仲有香蕉,朱古力味雪糕和蜜糖。朱古力窩夫淋上朱古力醬, 再加上白色嘅糖霜平均地灑在窩夫上, 感覺好聖誕節呢。咬一口, 最外層焗到有少許脆的感覺, 內裏鬆軟綿密, 熱呼呼的, 配一啖冰凍嘅朱古力雪糕, 食一口新鮮香蕉, 很滿足呢 三個甜品都很出色,各自施展渾身解數, 討我這港女歡心, 不過如果真係要我揀, 我會揀有外貌,有內涵,有地位的燒菠蘿雪芭,嘻~~…查看更多

係門口嗅到一陣香氣，入到去就明白了，這店很大，廚房有一部分是可以看到的，難怪咁香啦不過今天是打算兩人合份一個餐快食少少野的，要下次才可以試多些食物了環境：樓底很高，空間感很大，燈光較昏暗原來咁暗的燈光是為了突顯枱上的燭光燒虎蝦手製扭紋粉：虎蝦燒成金黃色，肉質緊致，相當不錯，但較失望的是只有一隻.....很想食多一隻呢!!手製扭紋粉煮得較硬身，口感比平常食到的更有彈性。檸檬茶的檸檬不是一片片的，是檸檬的一角，而且是很大粒的檸檬，有檸味得來不會太酸…查看更多

未到食飯時間但行商場已經行到好攰，想搵個地方休息下，但又唔係太想食嘢喎，呢個時候最好的朋友就是Starbucks啦，夏日炎炎剛好可以試下為夏天而出嘅新口味凍飲，雙重朱古力抹茶星冰樂，因為天氣太熱所以想飲較清新的飲品這杯星冰樂是用日本的綠茶加朱古力碎，加忌廉，和朱古力醬混合而成，飲落去很清新，像一陣來自京都的綠茶風。不要以為雙重朱古力就等於朱古力是主角，這杯的主角完全就是綠茶，綠茶控應該會很喜歡，清新的綠茶也更突出朱古力的味道。…查看更多

門口:很喜歡那圓拱型的窗戶呢環境:門口白色，入面是黑色，座椅是紅色，走型格的路線, 一大班人坐梳化枱是幾好的選擇餐湯:蘑菇湯份量幾多，但味道較淡，蘑菇不多所以無咩蘑菇味，最主要是忌廉味。House Breakfast: 味道是正常的，蛋煮得不錯，而且很健康，連生果都有，但份量是很輕盈的style，如果男生食可能會有點食不飽呢…查看更多

點樣知道一間餐廳的招牌菜係咩？而招牌菜又係唔係真係咁吸引？如果行入間餐廳見到最少八成人都叫同一道菜，那應該真的是招牌菜了。它就是landmark cafe 的龍蝦天使面。AE 信用卡有優惠呀!!環境:龍蝦湯:未飲見到咁大舊龍蝦肉訓左係湯中間，已經知道個湯一定落足料，嗅都嗅到一股龍蝦味，很鮮甜很很很很濃郁的龍蝦湯，滑！濃! 但放心不會"溜",飲完口內仍然感受到一股龍蝦味不散去，好像食完美味的主菜咁滿足，雖然湯不算No 1招牌菜，但個人很喜歡這湯，無得輸!!!。龍蝦天使面:這個就是餐廳招牌菜了!!!幾乎每一枱都有叫，服務很好，龍蝦已幫你起哂所有的肉出來，非常方便進食，龍蝦又大又新鮮又厚肉，食落口啖啖肉肉質有彈性，豐滿多汁，想將天使面卷起來連龍蝦肉食，舊肉都可能太大舊，女生不能一啖食到，天使面煮成95%熟，軟得來不易斷，份量都幾多，三個人食的話可以叫兩碟，留番個肚叫甜品。甜品: 幾款甜品的名字不太記得，只知道賣相很美....很美.....而且都不是常見的款式，像第一個甜品用紅色的玫瑰花瓣，是第一次見，很浪漫呢有圖有真相!!!!!…查看更多

今日早左放工買咗7:45嘅戲飛，去到難得咁早放工，就想試下成日都好多人排隊嘅韓國餐廳school food啦, 一直想嘗試這間餐廳很久了，但長期見它都有排了長長嘅人龍，見到條人龍就放棄咗啦，今次終於有機會試下。一入去餐廳環境感覺很開揚，右邊的牆壁一整幅牆都用了報紙做裝飾，而左邊的牆壁是深紅色底，然後用白色噴漆寫了school food的字樣，坐椅五顏六色的感覺很青春呢。紳士先生:打算吃少少東西而且時間也無多，所以只點了兩項食物，第一項就是在門口已經留意到的"紳士先生"，聽到個名就覺得好得意啦,其實它是外層用蛋包着的壽司卷，餡料是泡菜餐肉，芝士，第一次吃用外層用蛋包着的紫菜壽司卷感覺很新鮮，而且切成細細舊很方便進食，女士可以一啖就放入口。本來以為泡菜味會很濃，但結果味道比想像中嘅淡，反而主要食到芝士和蛋的味道。芝士辣雞翼:然後第二道菜就是芝士辣雞翼啦，一個圓形的pan, 見到D芝士圓碌碌地均勻舖滿個pan, 然後平均分佈著六隻沾滿醬汁的雞翼，用叉係芝士上面輕輕一拉，一絲絲嘅芝士就咁就帶咗出來啦，用咩方法可以連埋雞翼食到最多嘅芝士呢？答案就是將隻雞翼不停咁係芝士絲中卷卷卷卷卷，卷到成隻粽咁，就好似張相咁樣啦，係米好邪惡呢？不過再邪惡都唔可以放過任何好味食物，一大啖連芝士雞翼食落肚，好好味呢!!!!!!雞翼本身已經好好味，醬汁甜甜的只有很少少嘅辣，再加埋一層濃郁的芝士，實在太邪惡了，所以我決定一個人食三隻，哈哈哈~~~熱紅棗茶:因為想飲熱飲，所以叫了普通的熱紅棗茶，感覺偏甜了少少，下次來一定要試那些色彩繽紛的涷飲…查看更多