Keung688的个人专页

銅鑼灣謝斐道問月酒店裏面有一間中菜館叫大宅，提供咗幾款全日套餐。今次我哋食咗個「暘」套餐，有時令湯羹-海參花膠魚蓉羹非常好味，海參又多。點心拼盤有金磚豆腐外脆內嫩滑，好欣賞佢哋嘅燒賣，切粒的豬肉和蝦，好多汁，唔係預製菜。仲有陳醋蒜蓉木耳酸酸地好開胃，個配搭幾好。主菜有蟹黃金針帶子，帶子又厚身，又大粒，燴了蟹黃同埋素翅，味道鮮甜。第二個主菜是燉咗八個小時嘅文火和牛，和牛好稔滑。第三個主菜係拔絲甜酸咕嚕肉，有蕎頭洋蔥菠蘿，肉的脆醬非常脆，汁酸酸甜甜可以拉絲😄。酒釀炒菜心第一次吃，真特別。少爺炒飯有啲炸嘅銀魚、瑤柱、薑同埋蛋白好乾爽冇乜油好健康。最後個甜品真係有驚喜，隻石獅子好神氣，係黑芝麻雪糕，味道好唔太甜，打卡一流☺️…查看更多

太古城中心地下的天天海南雞飯是米芝蓮食肆。他們的海南雞係用原只雞烹調，講究又嫩滑，保持原汁原味，雞胸肉像棉花一樣淋滑。鮮甜好食。鮮茄汁羅氏蝦腸粉煲，羅氏蝦幾大隻，🦐新鮮，配上新鮮番茄做嘅醬汁味道酸酸甜甜，🦐下面有煙煙韌韌嘅腸粉，有微火慶住頗講究👍十分喜歡椰子八寶燉雞，湯十分之鮮甜，有紅棗、栗子、蓮子、圓肉、杞子、雞豬肉等一起燉，椰子味非常之濃郁❤️魚腐炆絲瓜好清新，絲瓜甜、魚腐鮮香，食材高質。星加坡豆腐花亦是一道不錯的甜品，口感軟滑，甜度低很健康。下次打算再約朋友去吃二人套餐。…查看更多

位於美麗華廣場嘅Mue Mue 逢禮拜日可以食到冬日限定Brunch，好食抵食，值得推介。最吸引就係可以任叫嘅free flow 小食👍，包括有炸魚餅、泰式串燒（沙爹醬很香💕），青醬生蝦，香茅炸雞翼，炭燒豬頸肉沙律，馬拉盞炒椰菜，選擇多到好似食放題咁。😉前菜亦有魚子炸豆腐，酸辣無骨鳳爪同青醬鮑魚。炸豆腐裡面非常滑嫩，鳳爪就好脆口，鮑魚彈牙。前菜之後就上左個蟹肉湯，裡面真係好多蟹肉同其他海鮮😘，包括帶子、蝦肉、八爪魚等，鮮味突出！😌考慮到小食比較多主菜會比平時單點細啲，我叫左烤牛肉沙律，清爽嘅泰式風味沙律，裡面有蘿蔔絲，木瓜絲同沙拉菜，烤牛肉片😋不錯喔飲品我就叫左泰式紅豆冰，上面有椰子雪糕同有啲斑斕啫喱，好飲❤️…查看更多

朋友知我鐘意食燒肉，今日請我去旺角文華商場新開嘅燒肉Smile吃燒肉套餐慶祝生日。朋友話此店在台灣好受歡迎，我當然好想試下。餐牌多選擇，豐儉由人。我地揀左SMILE盛合套餐和日和極上盛合套餐。吃燒肉之前我們先享用任食生菜及韓式小菜自助吧。自助吧的蔬菜和小菜新鮮開胃多選擇，薯仔沙律，海帶，大豆芽和鵪鶉蛋我最like。烤肉和海鮮質素佳，算物有所值。無骨牛小排和日本極尚A5和牛又嫩又juicy。西班牙伊比利黑䐁和松板䐁都有肉味，油脂香，各有特色。蝦鮮甜，北寄貝爽口鮮美，鱸魚肉質也不錯。雞腿肉結實。吃得開心，朋友再散叫多份日本雞松坂。這雞頸肉適合用於煎、烤等料理，口感鮮彈有嚼勁。主食蔥花玉子飯好味，飯有口感，甜香的醬油和溫泉蛋令飯更惹味。甜品焦糖brûlée香滑不太甜，為這餐劃上完美句號。阿里山烏龍冷泡茶清新。朋友話同層的築間旺角一條街除了燒肉Smile，築間幸福鍋物和築間台灣鹹酥雞都值得一試。…查看更多

I came across this popular hotpot brand when I visited Taiwan but did not have time to try. I am happy to find that this Taiwan brand has recently set up its first shop at Mongkok and decided to give it a try.The shop was nicely decorated with Taiwan feel. It is good to relax and enjoy hot pot here alone or with your friends.I like its self-service counter where you can help yourself with a wide variety of very fresh vegetables and Taiwanese style fish balls, dumplings, fish paste with shrimps, bean curds, etc. Many kinds of attractive fresh soup base were provided for your choice. I enjoyed the mushroom soup base which is creamy and fragrantly sweet.For the main, you may choose beef, seafood, pork, lamb, chicken, etc. The quality of the A5 Japanese wagyu I chose was of very good quality and tasty. My friend enjoyed his Club seafood combo combined with lamb. The seafood was nice, including shrimps, oysters, fish, clams and squid.For the side dish, you may upgrade rice. White rice was good enough for me. White gourd lemonade was refreshing and not too sweet.It was satisfying to finish with a dessert. Caramel pudding was creamy and yummy.Overall, this shop is worth a try. Food quality is very good with friendly service.…查看更多

今日去康怡探朋友，佢請我去康怡廣場北座三樓一喜.涮涮鍋吃午市火鍋放題。我們揀左$158一位的美國牛肩肉放題，凡出示長者咭/樂悠咭可享長者優惠價$118，超值。肉類方面可以任食美國牛肩肉，美國豚肉和特選雞腿肉。肉類質素佳，落左order好快就送到。90分鐘有足夠時間享用美食。湯底有9款，我們選了加$10的椰子雞白湯，這湯底真材實料有香濃椰子味，清甜滋潤，好味，真係一試就愛上。自助的蔬菜和火鍋料例如丸子豆品都豐富，好新鮮，可以自由選擇，各適其式。甜品飲品都多選擇，我特別欣賞冲繩鹽雪糕，又滑又美味。雪條和芝士蛋糕都要試下。店員勤快友善，令顧客舒服。店座位，通風和環境都好，是聚餐好地方。涮涮鍋放題母親節有優惠，值得帶母親來開心吃火鍋。…查看更多

媽媽喜歡吃烤肉，今晚帶她去尖東新文華中心地下西塔老太太烤肉試下這著名的內地過江龍烤肉店。店通風涼好。店員服務態度好，安排了舒適的座位給我們，亦樂於向我們介紹菜式和醬料。我們選了優惠價$698，供二至三人用的招牌烤肉套餐，這套餐有齊我地想試的肉和配菜。前菜有水準，而且最好係可以隨意添加。店員見你吃完會主動問你加不加？我encore了薯仔沙律，沙律菜和蘿蔔絲多次。這店的醬料出色，芝麻醬加醬油和清醋很好味，干料香辣，增加烤肉的風味。參考調料搭配秘籍吃烤肉，好吃方便！肉類品質佳，每種都有風味特色。我喜歡老太太特色瘦牛肉和老太太特色肥牛，肉味濃，好食。媽媽較喜歡有口感油香的雪花肋條和燒汁橫隔膜，話用生菜蒜片包住食更美味。豬五花都不錯，愈食愈香。蒜蓉金針菇和芝士烤粟米粒都正。今晚吃得超飽，媽媽好滿意，話下次叫埋老豆再encore。…查看更多

朋友鐘意食烤魚和串燒。今日專誠帶佢去漁樂場見識下。漁樂場的出品有特色和水準。餐廳佔地9000呎，裝潢以拉斯維加斯娛樂場為主要設計，又有live band，是個一班朋友聚餐開心渡過一晚的好地方。今晚上去差不多全場滿座，好不熱鬧，氣氛好。今晚叫了藤椒烤魚，上次食過黔魚，今次試下江團魚。條江團魚好大條，足夠二至三人吃，魚新鮮，肉嫩滑不腥，骨不多，配埋香麻的藤椒和其他配菜，有風味特色，愈食愈開胃。東北燒烤都好多選擇，送酒一流。羊肉串和五花腩燒得夠火喉，有肉香質感。第一次試黃喉小串，幾特別，有咬口。燒魷魚鬚都好食。水果茶好大杯，味道清新不太甜。精粮啤酒順喉下火， 好飲!今晚很盡興，滿意!…查看更多

朋友提議去荃灣牛摩日式火鍋放題店吃火鍋。晚市90分鐘有6個不同level的放題套餐揀，豐儉由人。我們揀了level3主打阿古豚梅肉的放題套餐。日本冲繩出產的阿古豚梅肉肉質靚，入口柔軟美味，油脂足但不覺油膩。湯底博多美人骨膠原雞白湯濃郁滋味，麻辣鴨血湯夠開胃。星級牛肌腹，精選牛肩胛和牛舌都好食。其他火鍋配料都新鮮多選擇。沙律，壽司，甜品，飲品，雪糕等都供應充足。想舒服享受日式火鍋放題，牛摩是個不錯的選擇。…查看更多

今日和朋友去這新店吃火鍋，吃得滿意。除了火鍋，這店也提供泰菜和酒水，選擇不少。店員介紹，follow店的社交平台有優惠，有些湯底免費，有些則可半價享用，抵。我們要了野生菌老雞鍋，follow了社交平台有半價。湯底出色，湯真材實料，香甜濃郁，野生菌有獨特的鮮味，又有益，和雞很夾味。先飲美味的雞湯再吃火鍋，好正。火鍋的黃油雞肉質鮮嫩，量足，野菌吸滿雞湯更好味。火鍋配料都新鮮優質。推介手切本地牛，大大碟肉質肥美，牛肉味濃。手打墨魚滑，自家製鮮蝦雲吞，炸芋頭，鮮腐竹，娃娃菜等都好食。小食叫了泰菜蝦餅，即叫即炸，彈牙好食。醬料齊，吃XO醬值回票價。店座位舒適，通風良好，店員服務不錯。…查看更多

今日一個人在觀塘買完旅行篋，跟住順路去朋友推介的秋意吃晚飯，試下他盛讚的秋意去骨豉油雞。叫了份秋意去骨豉油雞配濃雞湯上海麵。豉油雞加$10可轉淨脾。豉油雞份量足，雞肉香甜皮夠滑，真係好食，忍不住雞皮也食埋。濃雞湯配上海麵很好吃，麵有口感湯夠味，蔥花木耳和枝竹增加風味。套餐追加了蟲草花烏雞燉花膠湯，個湯真材實料，味道清甜濃郁，滋潤。酒釀溏心蛋賣相普通，但味道出奇美味，尤其是溏心蛋黃好正。最後，嘆埋酸甜的九製陳皮洛神花茶，為這餐劃上完美句號。…查看更多

銅鑼灣廣場二期的築間酸菜魚係全港首間台式酸菜魚，來自台灣，口味特別好。鍾意佢可以一個人吃，三五知己一齊食一個又得。一班朋友可以叫多幾隻口味，嘉義砂鍋魚、純愛蕃茄魚、總長酸菜魚等開心share。而且呢度有不同地道台灣小吃，例如鹽酥雞、甜不辣😬珍珠奶茶、檸檬冬瓜茶，好多選擇！純愛番茄魚番茄味濃郁，是純新鮮番茄🍅熬出來的湯底，魚肉好滑嫩，一人叫一份小的已經好足夠，裏面有菜、枝竹、寬麵、金菇等加埋檸檬，酸酸甜甜相當開胃！本人非常喜歡嘉義砂鍋魚炸過的魚肉，配合店鋪獨家沙茶醬，鵪鶉蛋、芋頭、娃娃菜、寬面等嘅配料，有啲似平時嘅魚腩豆腐煲，整體好惹味🤭，食材又豐富，讚👍食酸菜魚加一杯檸檬冬瓜茶或者檸檬紅茶，冰涼酸甜又大杯，真係好配合。台式甜品紅豆仙草，紅豆甜又淋起沙，仙草煙煙韌韌加爆珠，微甜，十分好吃😋！…查看更多

佐敦吳松街Plato Cafe & Bistro係晚餐約會嘅好地方。舖頭開揚寬敞，坐得舒服。精選二人套餐份量適中，食物美味，價錢合理。意大利蕃茄湯味道濃郁，酸酸的很開胃。頭盤天婦羅魷魚鬚魷魚好新鮮，炸得很脆，好好食。龍蝦汁虎蝦意大利飯，朋友讚不絕口，佢話啲飯好入味，好有龍蝦味，虎蝦都好鮮甜，擺設都好吸引，份量好多。西班牙黑毛豬鞍架，我十分欣賞，厚切嘅豬扒煎得兩面金黃又脆，肉質鮮美，完全熟透，但好腍滑。廚師的功夫了得。黑毛豬嘅品質非常好。我好鍾意飲佢杯意大利即磨咖啡，奶香滑咖啡味濃，而且都幾大杯。食完呢餐咁滿足嘅飯仲有Movenpick雪糕同埋芝士餅，給呢個晚餐劃上一個完美嘅句號。…查看更多

To celebrate the start of the Year of Dragon, my friend invited me to have lunch at 瀧宴日本料理.This is my first visit. The restaurant offers a comfortable environment and a good view of the surrounding buildings.The lunch special menu offers a fine dining experience and good value for money.Food on the whole is fresh and of good quality. The food display and taste are enjoyable. Chefs are professional.Seasonal sushi and sashimi and seasonal appetiser are fresh.Goose liver with homemade sauce is savoury and rich, offering a melt in the mouth texture.King prawn has good texture, offering buttery and subtle flavour.Scallop with herb butter is simple yet delicious and offering a sweet flavour.US prime beef is tender and rich.Fried rice with miso soup and fried vegetables are nice, too.As we are full, we skip ice cream for dessert.…查看更多

之前來這店吃牛肉麵和臺式小食覺得有水凖，今晚天氣凍來試下臺式火鍋，滿意。叫左個蕃茄昆布鍋套餐配鹿兒島豚腩肉和滷肉飯。湯底清新啱我口味，跟套餐的蔬菜新鮮清甜款式多，我尤愛大甲芋頭，好粉糯鬆化。臺灣燕餃，薑母鴨丸和鱈魚丸都好食。鹿兒島豚腩肉香滑有肉味。食得開心好開胃，追加了些配料。澳洲M7和牛後腿肉有肉味和質感，黃金蛋餃有特色，澎湖花枝丸彈牙。滷肉飯水凖以上，珍珠米有口感，滷肉肥瘦得宜，大大碗令人好滿足。凍珍珠奶茶不錯，有茶味甜度適中。吃飽飽好滿足，渾身溫暖不怕凍。…查看更多