追憂的个人专页

見到這裡只有兩個食評, 所以雖然住附近但都一直唔敢試, 今日好想食鹵水野又懶行到大埔道嗰邊 ( 大埔道有間賣鹵水的以前食過都不錯 ),於是博下呢間鵝公館, 一入去收銀位, 原本想買半隻鴨加腎, 但傻傻的叫錯左要下庄加腎,  收銀個阿伯說: [冇個喎], 裡面負責斬的師傅叫出來話有架, 個阿伯就收我$50下庄加$25腎(一隻腎), 因為我係出面睇半隻係$68的, 此時我發覺我叫錯左, 我就同個阿伯講我叫錯左, 我係想要半隻先啱, 他說: [出左單喇喎 ! 如果想改半隻再加多$30啦], 裡面斬料師傅嗌出來叫個阿伯收番我十幾蚊但個阿伯冇理個師傅堅持要我比多$30先會比半隻我, 就同他說: [咁咪即係我要比$80買半隻鴨?],  他說: [咁你咪食少啲囉 ! ! !]  我真係O嘴了.......我一個女仔重可以點, 既然呢間店咁有問題, $50+$25比左就算, 我真係唔會再比多$30, 唯有就咁走....P.S. 剛出店門口撞到個街坊, 他說早幾日都係呢間鵝公館買左鹵水豆腐, 但發覺有陣奇怪的臭味的, 唉...... 早幾分鐘遇到呢個街坊, 我就唔會入去幫襯啦......…查看更多

1) 服務都尚算OK2)  但食物真的極難食, 個鵝肝牛柳粒炒飯 - 有好大陣腥味的......, 明顯係鵝肝方面問題, 而且飯粒也不夠乾身, 飯是一舊舊的. 3) 黑松露PIZZA 雖然預左呢個價錢既黑松露唔會係咩高質素, 但.... 真的一食落口就知道.............係唔好食的.原本重想直接食個肉眼扒加黑松露PIZZA, 好彩啫, 諗住先叫個炒飯試試先所以冇叫到, 唔係真係浪費金錢....轉套餐係要另加$28, 我轉左一個做套餐, 有湯有餐飲, 叫左個魚湯, 淡到.........好似溝水咁.成餐唯一OK的..........係...........凍檸茶…查看更多

在Open Rice 見食評都不差, 就同老公去一去, 但為安全, 都只叫了2款食物, 一蟹肉意粉, 完全不感入面有蟹肉, 意粉又有生生的感覺, 好一般, 重要等左20-30分鐘先有得食......本想取消令一樣, 因見都窄窄地, 後老公說可能窩夫會好一點, 點知都是奶野....有小小趣, 但一D香味都沒有, 連個green tea ice cream 都好難食, 感覺是浪費$的一餐, 哎.......…查看更多

其實自從很久之前, 一次在一本飲食雜誌睇到介紹而黎食過之後, 就每個月都會黎一至兩次, 但就一直都沒有寫過食評, 真是有點過份...其實在第一次食既時候, 竟然有少少回到兒時的感覺, 係而家好多地方都食唔到了...., 我之前都食過什麼劉X記等等的地方, 麵質都只是比其他地方出色少少, 其餘並沒什麼特別, 有點令人失望........ :( ,  而且始終沒有食到兒時食的那種味道, 但居然係一間咁平凡低調的地方食到咁有質素既麵 .今次我們點了雲吞麵, 豬手撈麵, 再加一碟爽菜心, 然後就過隔離間士多買支汽水回來.雲吞麵和豬手麵的麵質真是很爽, 雲吞麵雖然一直浸著湯, 但食到最後麵仍是爽的 !!豬手很"冧", 很入味, 極力推薦 !!油菜因為之前已叫了要爽菜, 所以我們食的時候, 菜心真的超級超級爽! ! 還有小時候才食到既味道我地從來未試過係同一間舖可以食咁多次, 因為好多舖都會慢慢變質, 好少能夠一直維持到同樣水準落去, 但呢間真係食左咁多年都能夠KEEP住呢種水準同質素 ! ! :)…查看更多

今次是看到食評而來, 結果.....我和女友夜晚七點度到, 一去到已見不少人排哂係樓梯等叫號碼, 我們等廿幾個號碼, 當號碼越黎越近, 我們越行越近門口,香氣就更不時傳出來, 已經聞到好肚餓了....終於到我們了, 我們點了海鹽焦糖冰淇淋鬆餅, 燻雞肉三文治, 抹茶相思歐蕾, 我們去食前已看過好像每人最低消費要叫一杯野, 但我還天真地以為他們是最低消費每人叫一杯野的價錢, 當我們點了這三樣野後, 個女侍應好有禮貌咁指下MANUAL裡呢句野, 原來真係唔理你叫幾多野食都好, 都強制性要每人點一杯野,  我唯有求其叫左杯什麼手工咖啡........先黎的是燻雞肉三文治, 不太食到有"燻"的味道, 雞肉算滑的, 但沒有什麼特別, 不是不好食, 就是....好普通的雞肉三文治吧了.....海鹽焦糖冰淇淋鬆餅(之前女侍應有問過是否可一齊上, 我們話OK的), 賣相是OK的, 但......咬了幾口, 除左覺得"漏", 冇驚喜, 冇特別之餘, 而且每一啖咬落去都.......幾硬下 !!! 呢碟野似乎比饑民要黎充飢用係最適合, 冇咩好食之言, 又夠哂"漏", 重頂住你成個胃! ! (我和女友每人食了一塊已沒有食了, 真是好"漏", 又不好食)抹茶相思歐蕾 和 咩手工咖啡, 亦只是普通味道, 不會令你有什麼深刻印象.....唯有一樣係值得讚的是大部份侍應都相當好禮貌, 某些食物或飲品亦會教你怎調配, 就只有一位男侍應有點像喪屍(木無表情冷冰冰)…查看更多

之前睇過OPEN RICE不少人都推介抺茶雪芳蛋糕, 係一星期前搵晚專程收工去買左件抺茶雪芳蛋糕回家同女友一齊試下, 真係好好食, 蛋糕雖未至於超鬆軟, 但已很不錯, 又多cream, 抺茶味越食越濃, 真是做很不錯, 係好多地方都好難食到咁既水準.於是今晚同女友去食下佢地其他既食物, 點知........... 七點多去到都幾乎坐滿人了, 地方不太, 但唔知點解嗰度覺得好嘈吵.......我們點了一個$99的套餐, 有三款麵選擇, 有沙律前菜, 送甜品, 及一杯蘋果或芒果茶.我們點了烏冬, 選了蘋果茶(諗住穩陣啲), 再加一個雞肉飯(加$3x)先講前菜沙律, 冇咩特別之後的烏冬, 份量真係有啲少...., 而且...好淡...淡到冇味既烏冬又好麻麻 !  蘋果茶真係好香好香, 但.....唔好飲, 又是超淡味之餘重係怪怪地咁.........難飲!到嗰個加$3x既飯, 嘩 !!!! 非常之袖衫 !!!! 而且又是冇味既..........重要係凍凍地......哎因之前我們都食過抺茶蛋糕, 所以今次叫了香草蛋糕成餐唯一是這個叫食得, 但都不及抺茶味好食....…查看更多

午飯時間, 女友選了這間話想試試, 雖然見佢好似出名係HOTDOG同PIZZA, 但食午飯又想食飽一點, 所以都叫了他們的午餐, 一個吉列豬扒意粉, 一個黑椒炸雞扒意粉, 兩杯熱奶茶.可能是午飯時間, 都要等一段時間才有, 但她們的服務很好, 很NICE:), 來到後還很細心再每人比多一隻碟, 就是比我們將塊扒放在另一隻碟上. 份量OK的, 不算少, 炸雞扒炸得很出色, 不太油, 雞肉很滑, 皮炸得脆又不乾, 控制得很好,吉列豬扒不過不失, 可能炸雞扒實在太好, 意粉都一樣做得很好, 而且應不是便宜貨, 熱奶茶更是非常的好, 很滑很滑, 我女友飲奶茶會有胃痛但她又喜歡飲又滑又香濃的奶茶, 她去每間都幾乎會叫奶茶去飲少少試下, 這次她竟然忍不住飲了大半杯 !! 一直說不能再飲又忍不住又飲, 哈哈 !相信她們其他食物都有一定水準, 希望她們能繼續保持 !!但舖位較細坐位較少, 繁忙時間就未必有位, 但她們絶對不會因此而做一些動作趕客, 非常好:):):)…查看更多

坦白說, 這間是我生平第一間見過最差的店 ! ! ! ! ! 當天中午與我女友去食妟, 當日見舖內雖然都多人, 但仍有位, 就入去試下, 原來點知........我們叫左兩個$39既餐, 講真, 呢個價錢雖不算話好貴, 但係呢區黎講都絶對不平, 佢斜對面既加太賀食一個定食都是比多幾蚊咋, 食物黎不算太慢, 但份量真算少.....:(而且真係好普通, 香芧雞翼飯.......平心而論, 真係冇乜香芧味, 不是難食, 而是食左都唔覺得有咩好食嗰種如果$29還可以接受, $39就絶對不值了! !:(係我地食緊既途中, 隔離枱有班男女的, 其中一個女仔叫一個侍應阿姐, 問佢想拿一隻碗仔, 當時個阿姐既表情真係......好似問佢攞張身份證黎睇咁 ! ! 佢係咁連續問幾次, 問個女仔要黎做乜, 個女仔既反應係.....估唔到對方有咁既反應, 個女仔重未識答, 重呆緊既時候, 個阿姐就叫個女仔自己問事頭婆攞, 個事頭婆聽到好快已一路大叫過來, 係好大聲好粗魯好威嚴咁質問!! 呢啲語氣我聽得最多就係睇戲啲疑犯被警察盤問既時候, 個事頭婆又係連續咁問 "你要黎做咩呀 ! 要黎做咩呀 !" 好明顯當時個女仔係嚇傻左, 口窒窒咁.... 佢隔離另一個女仔就幫口出聲, 話因為碗野太辣, 想要隻碗仔分開啲麵, 個事頭婆聽完後竟然話唔會比佢地! ! 之後佢大既既意思係話個個咁問攞多隻碗攞多對筷子, 咪要有好多野要洗!! 事頭婆重好豪氣咁大大聲對住佢地咁話 : "你地入得黎就要跟我規矩, 如果你地唔鍾意可以唔好入黎食!!" ! 佢地成班男女即刻變左好似小學生咁只懂點頭, 都唔敢再出聲....我以為德發小廚個肥哥廚師老細已經夠差夠睇唔起人, 點知.............真係唔好用 "多唔多人" 黎作為"好唔好" 既標準......係唔準的 ! !…查看更多

幾個月前已黎食過, 水準很一般, 傳聞魷魚最出名, 但當時食過亦只是一般貨色.....今次再試多次, 叫了油麵, 雞翼, 鳯爪及魷魚, $24+$1(外賣)+$1(魷魚, 這樣也要加錢), 油麵, 雞翼都很普通, 傳聞出名既魷魚........今次再食味道一樣極普通, 完全食不到有什麼驚喜,而且睇見佢"茟"t啲魷魚時真係.......驚死會"茟"多條比你咁:(, 鳯爪啲指甲真係長到可以挖鼻屎:(!以$26的價錢, 這樣普通的質素, 還在觀塘區, 真的不值一食:(…查看更多

入到去樓下已差不多full哂，侍應很有禮貌地招呼我和女友上2/F，可能2/F是剛開吧，真的幾焗，我食到走既時候重仍然滿頭大汗………。我們去到時11:30，原來他們早餐時間去到11:45的，竟然重可以叫早餐，都好，先試下早餐，好食下次才來食晚餐，怎知………我們叫了一份牛扒配蛋配茄豆有多士既早餐，另一份就要了雞扒(因為在這裡見到有人說過豬扒唔得)，其中一份加錢要多碗火腿通粉，再加錢要杯餐飲熱香蕉朱古力，同樣加錢要杯餐飲熱雲尼拿咖啡。先講牛扒嗰份早餐，隻煎蛋同啲茄豆好普通，冇乜特別，但牛扒就………都幾un！味道亦好淡…………好失望！另一份塊雞扒………竟然有酸味，但我聞過又沒有縮味，但呢啲酸味係黎自塊雞扒本身，並不是什麼醬汁影響！似乎啲雞扒都不太新鮮………牛扒又un又老………唉！飲品方面就叫不過不失，冇驚喜亦冇失望侍應方面就真係有禮貌同細心，佢地不時都留意住客人枱面幾時需要收野，幾時可以送上餐飲等！但早餐都咁………叫我們點樣重有食慾去試午餐或晚餐丫！…查看更多

睇到食評竟然全部讚好, 我住深水埗咁耐又真係未上過去食, 於是和女友放工上去試下, 上到去未見到傳聞中的老闆娘, 我們點了 生牛肉湯河, 三寶飯(風沙雞翼, 香芧豬扒, 扎肉) 及 蝦餅 大概10分鐘老闆娘親自送來食物, 非常熱情, 還自動送上一碗辣椒仔給我們任用生牛肉湯河 ----- 河粉很滑, 牛肉很有牛味, 好食:), 可惜是牛肉少了一點.... 而湯底係出色, 很濃味的湯底, 絶對足料, 女友食完還不停在飲湯三寶飯 ----- 雞翼炸得剛好, 雞肉很滑, 扎肉都不錯, 最好食是香芧豬扒, 很有香芧味, 而且很鬆軟, 外面很少食到有此水準:), 連女友都忍不住不停夾我的豬扒......蝦餅 ----- 很有咬口, 很爽, 很鮮, 真的值得推介當我們都食飽後, 老闆娘才細心地送來飲品, 再問我們要不要試下春卷, 但我們都幾飽, 就拒絶左, 但之後女友說又想試下, 但又怕三條食不哂, 女友同老闆娘叫兩條春卷, 又可以噃春卷 ----- 好脆:), 裡面好多料的, 連新鮮生菜包起來食或者直接食都不膩, 值得一試去埋單走時老闆娘叫我們等等, 原來她準備送兩杯越南咖啡粉給我們帶走, 女友過兩天帶回公司試了, 真的很香很滑, 女友從不飲咖啡的, 她給她同事飲, 她同事飲兩口說真的很好飲, 叫女友試, 女友試完都說真的很好飲在香港要找好食的店舖真不算易, 但就算好食的, 亦有不少是服務態度差, 大把客唔至在咁, 再有些就是食到趕頭趕命趕你走咁, 咁樣點食到有幾好食, 如要貼錢買難受我就不選這些店舖食喇在香港有這間如此有人情味的店舖, 現在已難找了......:)下次要影相先…查看更多

我很少寫食評的, 但今次真的忍不住都要寫出來分享下,我老婆和她朋友已來過兩次, 她都幾口尖, 但今次都極力推介, 所以今晚即管黎試下,我不食壽司的, 我老婆叫了三文魚壽司, 熟蝦壽司, 青瓜及蟹壽司卷, 我睇三文魚個樣都覺得幾新鮮, 我老婆食後說真的很鮮, 同之前兩次一樣KEEP得住水準, 她說特別是飯的口感很好, 很黏韌, 不太硬亦不太爛:),再來是一口炸雞, 雞件算乾身, 不太油, 炸得很脆:), 但唯一就是每件雞都大件了一點, 不能真的一口, 都要兩口才食到:(, 再來是吉列豬扒拉麵, 估不到, 在這裡食到這樣好的拉麵, 之前在不同地方都食過很多拉麵, 尖沙咀有間經常排哂隊的那問出名拉麵的都食過, 都不見有什麼特別, 但呢度的拉麵真的很彈牙, 很香, 就是麵少了一點, 至於吉列豬扒炸得不錯, 但就是多油了一點:(, 如果能做到乾身些會好PERFECT最後叫多碟炸雞皮串, 不過不失之作:)今次沒有帶相機來, 下次帶埋相機去影低啲相再同大家分享一下值得一讚是他們的服務, 無論是樓下接待的, 樓上的, 全部都非常好服務, 坦白說, 如果一間好食的店但服務差, 唔至在咁, 我都食到背脊骨落, 以後都不會再去, 但呢度真係好好服務, 平時亦會一直好留意我們水杯的水是否要斟水, 及是否要收一收碟等等.…查看更多