為食大食的个人专页

父親節各大商場同食肆都排滿人及預約家庭成員食飯，路過元朗大榮華睇到旁邊有間小店，門面乾淨企理又剛好有位，試試先泰國餐廳叫咗一個豬頸肉炒金邊粉，一個豬頸肉香辣肉碎煎蛋飯，青木瓜沙律，加一杯凍咖啡同一杯龍眼2個人食夠晒，如果多兩個人就可以試多好多嘢我見到隔籬枱條明爐烏魚好靚，雖然係小店堂食唔係咁多位，但係就好多人買外賣，份量正常味道都幾好，但係個青木瓜沙律比正常辣（可能本人唔能夠食太辣）自己去試就知總數都係$200非常之合理…查看更多

今天突然想食一個茶餐廳的沙嗲牛肉公仔麵，落樓下一間集團式的茶餐廳，叫了一個早餐沙嗲牛肉麵，炒蛋加牛油餐包，沙嗲牛肉麵上枱居然個面係硬到好似未煮過一樣，見樓面姐姐非常之忙碌，沒有要求更換本想等熱湯便泡淋算了，等了10分鐘麵依然非常硬（相片中），原來麵湯亦是凍的所以泡不淋麵，公仔麵只等待浸死，整碗麵原封不動擺在枱面上結帳走人，今時今日$39元1個早餐有麵，蛋，麵包及飲品其實已經唔係好平，如果今日呢間餐廳咁嘅質素根本係$20蚊都唔值，開得喺屋村就係做街坊生意唔好咁無良，我住咗兩年今日頭一次幫襯已經冇下次…查看更多

下午茶食4隻雞翼一個沙律加杯凍檸茶剛剛好，落咗單（T-16餐）等5分鐘左右阿姐走嚟話無爆脆雞翼，換瑞士雞翼得唔得都得接受，再過多幾分鐘瑞士雞翼都冇，又話有芝麻雞翼，算了接受，份餐一出已經見到個後生仔拎去問廚房係咪就咁出，廚房師傅應該答佢照出，個後生仔都見到唔係好對路，所以至問多一次廚房，我係要四隻雞翼，點解變咗兩隻咁奇怪？…查看更多

本人對韓國菜一向唔係太喜愛，但係都冇抗拒，今次去呢間小店食完，顛覆我對韓國食品嘅概念，真係可以差到冇得再差，醬油雞飯套餐一上枱見到四件麻雀大小嘅雞件，4粒腐乳尺寸嘅紅蘿蔔，兩件壽司尺寸嘅白蘿蔔，仲有一隻煎蛋，我估係中午買剩（未食過煎蛋係可以咬唔入），另一個係烤豬肉飯，豬肉上枱，好似大粒嘅肉碎咁，完全冇味同醬油雞一樣，好似煲完湯拎返出嚟嘅湯渣咁，咁樣做生意真係好成功，俾啲廚餘出嚟又可以收錢做生意，食定唔食自己決定…查看更多

7月28日下午6點前到見到唔太多人去試一試，可能新開張未到晚市好多小食已經賣晒，叫咗一個水門雞飯一個豬手飯，一個木瓜沙律同一個炸春卷，男人口大食得快，當個飯食晒之後唔夠1分鐘就嚟收碟，如果你當時係爆場，我明白你想番枱，又冇人排隊咁勤力清場即係想趕客，個春卷醬汁都收埋，咪又係要再另外拎一碟俾我，俾人食飽先至執枱真係咁困難，食物質素已經唔係好，仲要咁樣趕客，距離閉幕禮已經不遠，去呢間餐廳前自己調整好心理準備…查看更多

今日專登去呢間店試吓，本身食開附近令一間，有新店開業點都支持本地食店，今次小弟食牛雜撈粗麵，D麵已經死咗，煮唔透硬仲有D係未散開成餅野，牛雜差到不可再差，就算去街邊買小食店D牛雜仲好味，牛腸係扁嘅（3件），牛肺勁喊（2件），牛肚可以（5件），牛榜千其咪食（1/2件）每件大約一隻手指咁上下闊，不過就算便宜嘅唔使$50，一間主打食牛嘅食店主打食物唔得但杯凍咖啡居然比好多茶餐廳好👍🏻（咖啡係令加8蚊）…查看更多

星期六早上食個午餐特餐，慘遭橫禍，叫杯凍咖啡走甜，有少少甜算了，芝士焗忌廉菠菜龍脷魚柳飯😨😨見到個賣相仲以為係小童餐，嗰D菠菜用好利害嘅刀功切成粉，魚柳塊面粉皮好有咬口，食咗1/3碟飯，飲咗1/4杯咖啡（話係咖啡但無任何咖啡味），頂唔順走人去算帳🤬仲收加一，雖然而家啲食材係好貴，都比少少良心，殺雞取卵都只係一次過，開在深水埗做D街坊生意，質素做好少少份量正常已經好足夠，而家質數差份量少真係難有下次…查看更多

在18/9 打電話去訂20/9晚上1830食老人家生日飯由於時間關係選了自由時間2小時，成功訂了7位，到20/9中午餐廳有核實電話來電，到1815帶埋老人家上到去攞位致睇到～含酒精飲品暫停供應～訂位沒提到，核實電話也沒提到這個，個知客姐仲好似無就應該咁，搞到咁想走又怕其他地方無位，只好坐底食囉老人家係有D失望但怕我發脾氣更反過來同我講今日唔想飲酒飲茶仲好，一個老人家飲咗幾拾年酒，居然可以咁講呢間鋪咁做生意真係好成功，酒唔提供錢照收，定位同個客講聲好難，核實訂枱同個人客講聲好難，去到現場睇到致算啦咁嘅心態做生意，真係祝你生意興隆，財源廣進…查看更多

午餐時間其實食飯都無太大要求，冷氣唔涼，如果室外到40度室內就算叫有冷氣，午餐有幾個選擇不過都唔好衰到咁12；45分未夠已經賣晒其中一款午餐（羊扒）😩，咁只好叫一份北菇蒸雞飯，大凍檸茶，中湯同檸茶非常正常，哇個蒸雞一嚟😵‍💫😵‍💫😵‍💫原來而家發明咗干蒸北菇雞，睇到個樣立即飲完杯檸茶俾錢走人，個干蒸雞完封不動在枱面，深水埗食午飯正常都係打工仔，俾錢去食個正常午餐，做到咁不如唔好做，呢間食店真係唔會再去…查看更多

深水埗係一個老人同平民區但係做生意都有少少水準，住在深水埗朋友話好多好嘢食，呢句說話要更正，係好多餐廳就真嘅！好食就～～有嘅但唔多，呢間冰廳已經開咗一段時間今日致提起勇氣去試吓，叫個鹽香雞飯加個即磨咖啡（即磨都係+3蚊）飯到！哇碟雞份量幾多（望落）下面原來有生椰菜頂住，記然用菜放底不能煮淋D老人家可以食，雞係有少少少少咸味，始終都係靠薑蓉致搞掂，大致係可以嘅雞飯，即磨咖啡無咖啡糖就咪搞即磨，杯啡水好似用正常嘅20 ％豆磨出嚟咁無香味無啡味，本來加3蚊都無要求不過真係差到唔知點講出嚟，夠膽自已去試就明白…查看更多

星期三收早搵嘢食，未到6點見靜靜地去燒雞亦，同太太2人推門入去，有位斯文哥哥出嚟問幾多位，2位等等，有個大力工出嚟問有冇book位？小弟如實回答. 無. 眼睇除咗員工之外一個客都未到（訂枱）可能我太早，大力工話達摩枱（面向牆壁）坐，我問可唔可以坐其他枱，佢回答老闆話要咁安排🤣🤣，即走，無所謂唔食呢間仲有其他選擇，如果我即塲打電話去訂位就任我坐（當時我無問）做街坊生意頭腦靈活變通一下啦，老闆只係會叫你追營業額，唔會理你點樣做架～～聰明仔…查看更多

8月7號收工早早哋搵飯食，愛妻話有間燒肉，喺四小龍嗰度開，下午6點前到，好彩唔使排隊，叫一份嘅牛同雞，一份豬拼雞，一份墨魚仔，一份雞脾菇，2礶可樂，本身有飯同湯，小小前菜，食物出嚟😕感覺有少少復，首先牛係好薄同賣相一般1分鐘後開始融雪外貌更差上加差，雞就幼而長（唔係雞柳）但係呢個係好食嘅，到豬加入五花肉同牛係一樣命運，而豬肋條就好夠造型好食嘅，只係燒嘅時候小心D，佢好厚身好彩係四方柱體慢慢燒總會熟，食完第一轉唔係好夠，愛妻話一陣去食麥當勞，橫掂都係叫多少少唔好走來走去，加牛片同雞燒完走人，俾錢都可能要一段時間改進如果你真係好得閒都可以去排隊消磨時間，唔好太期待好食或物有所值…查看更多

今日突然間想食韓式燒肉，去開飯找找，新開一間在旺角地鐵站出口的，立即訂枱1930，上到去以為中伏坐得3-4成客，已經到咗試吓先唔好立即判死刑，2人任飲任吃（$298+10%每位）（無加$88蚊任飲啤酒同海鮮刺身）地方乾淨，服務態度好好尤其係紅色衫姐姐，非常之勤力唯一唔係好欣賞嘅係D音樂太大聲，可能我坐喺電視機下面，嘈到頭痛，叫經理開細聲D之後好好多，到食物，雪櫃D泡菜好多款式，連魷魚同蟹仔都有，D肉嘅質數都幾好豬扒唔柴，豬頸肉都脆口，牛肉都不過不失，但係有1樣嘢麻麻，五花肉D皮就咬唔掂，甜品方面比較失色，以星期日出旺角食嘢嚟講，每人$330左右已經係咁上下…查看更多

本人一直支持小店，出品唔太過份仍然會繼續支持，但係今日小弟真係要重新估計呢間小店，下午茶時間都未過餐牌已經有2樣或更多的沽清，深水埗要補給食材非常之方便，小店選擇沽清咁晚市賣D咩比人？就算街坊想支持都唔知仲有咩可以食其次係食物出品，小弟從來未見過有一個西炒飯係咁特別，呢個直頭係楊州炒飯，咪當我鄉下仔出城，西炒飯料有什豆，火腿，蝦仔，蛋碎最重要係茄汁～～～～what is this…查看更多

剛剛點了一個粟米滑蛋肉片蝦仁飯，好細心，餸同飯係分上，賣相非常之好但一食😖肉片係鬆肉粉味，蝦仁好大隻更充滿雪味，滑蛋粟米汁係無味😰😰很堅持咁食了近一半（不想浪費食物）忍唔住放棄，同亞姐講個粟米肉片蝦仁飯係無味，只係得到個回應係！哦⋯⋯好答案，老闆請到好員工幫手慳返啲調味料而更難得樓面同廚房咁，互相照顧身為街坊顧客的更加要大力宣傳，好就要讚唔好就要彈，唔好令其他人盲目睇食評去幫襯一間餐廳，最好自已親身去食再比評價…查看更多