jollylau711的个人专页

正宗全料東京撈麵 4/5麵質煙韌，配料份量足夠，叉燒明顯燒過，有焦香味，帶少少肥肉，非常好吃。每款都有有三種食法，三種食法都唔同味道。但整體而言，略嫌蔥蒜味道太濃。明太子忌廉撈麵 4.5/5 喜出望外，味道啱啱好，最尾加埋梨醋，很特別，值得一試。最後可以加白飯，撈埋啲醬汁！…查看更多

Octopus salad 的份量比想像多，有咬口但不會太硬，非常推介這前菜！Pizza中規中矩，餅底偏脆身，芝士很香。Carbonara是招牌菜，煙肉juicy、醬汁香濃，但多吃感覺有點膩。Tiramisu都是中規中矩，略嫌咖啡未夠濃。…查看更多

放題要幾平有幾平，但唔係間間都好食。團購$318三位送一位，咁岩朋友生日，決定一齊去試下呢間四季悅。第一輪當然狂食刺生，三文魚同蝦都好新鮮，咁正當然有再encore啦！燒物中規中矩，餃子可不叫。最愛燒菠蘿，好甜好多汁。鰻魚就一般，感覺燒得唔夠乾身。串燒。天婦羅都唔錯，唔係求其。計埋加一，每人大約三百蚊。食物上枱速度算快，同埋呢間最好食係刺身，夠新鮮，之前食過放題三文魚係霉，令人失望。如果再有團購優惠，會再來！🌯🍣🍢🍹…查看更多

車仔麵好多地方都有，但配料正就唔係間間都做得到！元朗永年車仔麵，百食不嫌！周末一定排長龍。三十三蚊三個餸，價錢算可以！魚蛋係每次必叫，好傳統既味道！今次仲叫埋牛肚、芝心丸。支竹、滷水雞翼、牛柏業。雞翼好入味！叫多份菜心！夠哂飽！有時會叫杯凍檸茶或紅豆冰。紅豆冰粒粒紅豆，真材實料，唔太甜，質素遠比茶餐廳既好，不妨一試。…查看更多

久不久夜收工落到尖沙咀，無乜選擇，就會去丸龜食碗烏冬，30至40蚊有交易，仲任加蔥同薑蓉。唔夠飽仲可以加個飯團，都只係10蚊雞。最愛腐皮烏冬！烏冬麵質好煙un！朋友的溫泉蛋烏冬！不過食完好口渴，可能味精重。但呢個價錢係尖沙咀，確係抵！…查看更多

天凍凍地，收工落北角食碗熱騰騰既糖水，真係好正。等位大約五分鐘就入座。鋪頭細細，係不乏捧場客，好多人排隊買外賣，好熱鬧！腐竹糖水加湯圓，好滑，啖啖腐竹香。加七蚊有三粒湯圓。主角係芝麻湯圓，一咬落去，芝麻就湧出黎，有圖有真相，真係好正，搵唔到另一間另好既湯圓。另外叫左芝麻糊，食得出係即磨！中式糖水好難做得好，呢間老字號的確好值得幫襯。極力推介！…查看更多

尖東好時沙爹已經食過好多次，海南雞飯、沙爹串燒、巴東牛肉、加多加多(印尼沙律)等等，都好惹味，好好食。今次食飯試左幾款之前未食過既。今次試喇沙，唔係太辣，食落有椰香，個米粉吸哂湯底精華，正！個咖哩雞味道唔錯，略嫌油左少少，另外得隻雞脾，其他全部係薯仔，好失望。椰青！甜！整體而言，價錢合理，絕對會再幫襯，始終最好食都係海南雞飯。同埋一定唔會再叫咖哩雞/ 薯仔！🐔 …查看更多

好少鋪頭仲有賣傳統中式糕點，即使有都好難搵到好食。呢間奇趣餅家由細食到大，最愛紅豆餅、香蕉糕。日日新鮮製造，賣完再整，風雨不改，人情味就係呢d啦。鎮店之寶一定係紅豆餅，有時遇著咁岩新鮮出爐，熱騰騰仲好味。糯米皮超級煙韌，紅豆甜度適中。我最高紀錄一次食3個。記得由初初$2，加價加到今時今日$4，百物騰貴，不過寧願佢加價都唔想佢執笠，出面搵唔返呢種味道。經過的話不妨買半打返屋企，特別老一輩一定喜歡！😊…查看更多

大學時期開完莊會，有一次莊員帶我哋來食粢飯，一試便愛上，以後只係食呢間嘅粢飯。糯米香軟煙韌，油炸鬼唔會太油，炸油、肉鬆份量恰到好處，重點係新鮮包起，熱騰騰，粢飯就係要暖笠笠食，食過一啲上海舖嘅預先包裝粢飯，糯米飯已經凍到變硬，好難吞。呢度就絕對唔會，因為24小時營業，好多人叫粢飯豆漿，所以去得好快，睇住個姐姐無停手咁包。粢飯配熱豆漿，簡直係絕配，咬住一啖粢飯，再飲一啖少甜豆漿，啲糯米吸晒豆漿豆香，更香，而且更煙韌，正！真係好足料，22蚊，咁嘅質素，抵啦！加埋10蚊一碗豆漿，32蚊搞掂一餐，係銅鑼灣，邊度揾。今次仲叫咗五香牛肉菜飯，個菜飯索哂啲菜汁，好香，分兩個細碗裝，啱哂兩個人食。五香牛肉味道、肥瘦適中，送飯來講一流，跟飯黃豆湯好香豆味，42蚊高質有湯，又要講，抵！24小時營業，幾時都食得！…查看更多

早已聽過倫哥呢間餐廳，但一直未有機會試，前排朋友生日，決定拉大隊去試試，真的有驚喜！$278加一任食，首先有個雞煲，個味岩岩好，加埋牛柏業、豬皮一齊煮，吸盡精華！好少食大閘蟹，唔知係咩貨色，算係過下口癮啦，哈哈！輪到打邊爐時間，又點少得海鮮？算係新鮮！肥牛唔係肥到入唔到口果隻，但唔算超級上等牛肉，一般啦。仲係飲品任飲！$300左右，食物咁多款式，一次有幾種享受，值得一試！🎂🍾…查看更多

星期一至五放假都愛去美心皇宮飲早茶或下午茶，因為抵食，價錢平正價一截，而且食物質素好。今次都叫左幾個點心，將幾樣推介比大家。三色糕，最愛美心皇宮既馬蹄糕，大大粒馬蹄，煎得岩岩好，正！蘿蔔糕略嫌有少少燶。我既最愛！奶皇流沙包！除左真係流心之外，仲食得到粒粒蛋黃，必食！腸粉下午茶都無特價，但每次都有叫。腸粉皮唔算滑，不過不失。紅豆糕！粒粒紅豆，勁足料！唔太甜！必食！其他包括叉燒包、金錢肚、鳳爪、珍珠雞都唔錯架！而且佢唔太多味精，唔似某d酒樓食完要係咁飲水。🎈…查看更多

秋天到，最岩打邊爐，朋友介紹呢間火鍋撚，話質素好好，好有台灣風味，所以特登去試試。坐底就叫湯底先，揀左麻辣同白湯！麻辣唔太辣，浸蜂巢豆腐好正，吸哂湯底精華，必試！珊瑚蚌、象物蚌，夠彈牙新鮮！牛肉都有幾款選擇，我地揀左安格斯肥牛，肥瘦適中，好香牛肉！韮菜餃、魚皮餃，好足料！薯粉都有，第一次打邊爐食呢個！吸哂湯底好好味！烏冬，醫飽個肚！打邊爐點少得菜！連菜都好甜好高質！食完打邊爐，每人送一杯五花茶清熱，好細心！個杯都好靚！呢間火鍋店不論湯底、醬料、食物都好高質素，而且係旺角鬧市，夠哂方便！一定會再幫襯！…查看更多

幾乎每逢星期六都會落元朗，試過好多間cafe，覺得價錢同食物質素黎講，Aldou算好好，不過今次lunch令我有點失望。南瓜湯好creamy，很喜歡，但今次個麵包硬到咬唔開，唔知係唔新鮮，定翻熱時間既問題。All day breakfast 個黑松露炒蛋好正，但今日炒得好油，又唔滑。菠菜牛油大蝦扁意粉，味道好好，意粉唔會太硬或太冧，蝦食得出應該係新鮮（至少呃到我係新鮮）。但同炒蛋一樣，好油！今日個廚師做乜事咁重手？希望下次黎可以食返以前既水準！😢整體黎講，呢間cafe係元朗其中一間最值得推介👍…查看更多

久唔久落銅鑼灣都會幫襯拉麵Jo，雖然連續三年拎米芝蓮車胎人推介，但個價錢幾年都不變！連續三年！的確唔簡單！其實有幾款選擇，仲有沾麵，但至愛都係豬骨湯拉麵！配菜有木耳、叉燒、筍，叉燒夠厚好足料！個湯好濃郁，味道好，食完唔會好口渴，個咀唇仲會黏黏地😁 好正！總括而言，呢間係我最愛既拉麵店，呢個質素，咁既價錢，在銅鑼灣算幾抵！唯一美中不足係店員態度麻麻，即使無人等位，都好趕咁，好想d客快點走😂…查看更多

之前經過都見到呢間甜品鋪，但睇報紙知道呢間owl's拎左米芝蓮推介，所以特登試一試！望見個menu，好多口味都想試，最終揀左mango tango！個泡芙係誠意之作，好香牛油味，好脆，底加左粟米脆片，絕對唔馬虎；芒果Sorbet好香好滑，好難得有咁既質素！Gelato 仲有好多口味，好想試咖啡同朱古力。不過價錢略貴，可能租金問題吧。🤔…查看更多