eat_key's Profile

終於黎試中環嘅立体派拉麵，當然係點最出名嘅特級白湯拉麵，點左大Size，有三塊叉燒、溏心蛋、配搭大量蔥絲同埋筍。先試左一啖拉麵湯底，好濃縮嘅鮮味，鍾意濃味湯底嘅人可以黎試下。個麵無咩特別，最欣賞反而係叉燒，鍾意簿切嘅質感同味道，食落油膩感係零，好啱我口味！個碗睇落超級大，不過都食得哂，湯飲到最後覺得太鹹無飲太多。店鋪入口係威靈頓街，日日香鵝肉飯店對面，有塊「閒人免進」嘅路牌嘅巷仔落樓梯就見到，位置比較低調。星期六中午到訪，人流不多坐得幾舒服，服務員同其他熟客有講有笑，同埋有圍裙提供，態度幾好，有機會想再去試下另一款汁煮厚切叉燒醬油湯拉麵。…Read More

在Apm商場中，一杯幾乎任何時間都坐無虛席，現在可以在商場App提前取票，晚市等候了大約45分鐘入座，上菜速度很快【串燒】 燒帶子、雞中翼串揚價錢不便宜，份量亦不多，但味道不錯燒帶子好評，配搭燒汁亦不會過甜，口感非常鮮嫩有驚喜；雞中翼串燒表面燒至金黃色，香口惹味【關西燒二品】御好燒 - 配料選擇了白身魚和雞肉賣相相當吸引，加了白身魚的御好燒風味與別不同，挺滿足的【鹽燒三文魚茶漬飯】三文魚的份量也太少吧，味道超級普通，不推薦【熱清酒】好評店內裝潢充滿日本居酒屋的感覺，氣氛很好可惜用餐期間不斷有不同的店員收碟收杯，稍微影響用膳體驗…Read More

由將軍澳地鐵站B1出口行十幾分鐘度到達位於海旁嘅餐廳，Weekend 中午食段去排隊大約半個鐘入得，限時90分鐘用膳好鐘意鋪頭環境，整體工業風設計，光線好夠，氣氛好chill同relax。餐廳採用QR Code落單，點左左兩個主菜，一個小食同咖啡，上菜速度非常快1. 明太子忌廉意粉配烤烏魚籽 $168明太子意粉非常一般，溫度希望可以熱D2. 松菜廿蟹肉飯配炸軟殼蟹 $148炸原隻軟殼蟹原隻上，炸得幾鬆脆，味道好過意粉3. 炸單骨雞翼配蛋黃醬 $78呢個小食反而最滿意，雞翼炸得外脆內軟，即炸熱辣辣配上蛋黃醬好惹味👍🏻4. 咖啡 - Dirty $48今次試左普通Dirty，Espresso的口感偏酸，下次會想加錢轉freeze distilled milk睇下有咩分別整體評價：食物的性價比一般，質素普通同份量偏少但係環境很不錯，下次只會想黎試下手沖咖啡。…Read More

工廈同層食過另一間台灣食店叫哈荳都ok，今次試下隔離飯香。2點幾去到無咩人，叫左佢個招牌「隔離招牌銷魂雞飯」。雞肉肉質鮮嫩，配埋個秘制雞醬，味道好開胃好下飯。但係佢個飯真係接受唔到， 咬落去勁硬仲有d生米嘅感覺，勉強食多幾啖真係唔想再食，有d可惜左個海南雞😟野飲叫左養生茶，個日係熱洛神花茶，味道唔算濃，正正常常。Menu選擇主要係飯，有兩款麵食但全部都係辣嘅，唔食得辣嘅就試唔到佢嘅手工麵。整體價錢唔算貴，但個飯真係唔ok，不過都唔會再試啦…Read More

好耐之前係附近返工個陣weekday試左一次板上印象唔錯，所以今個星期日帶左個friend再次encore，今次質素仲keep到wor！1:00pm食飯時間去到都有D多人有D多full，我地叫左兩個便當快餐，一個係照燒雞珍珠飯便當，另一個係蒜香三文魚燒極黑豚，等左唔使10分鐘就有得拎。伴菜正正常常，有粟米同雲耳。照燒雞份量鋪得好多大大塊、肉質好嫩好juicy，十分推薦！另一個餐雖然燒極黑豚薄切得黎有少少乾；不過三文魚扒就煎得唔錯好香口蒜味濃郁。野飲方面我好鍾意呢杯熱洛神花蜜，唔會好甜啱啱好，絕對係健康之選！Menu算多選擇,主要係日式便當、不過連burger/台式飲品都有，比想像多元化呢間餐廳係觀塘工廈區入面算唔錯，價錢Ok唔貴，主要係環境坐得比其他餐廳舒服同埋唔會趕你走，可以吹好耐水都ok，會再encore！…Read More

係灣仔突然想食刺身，原來係春園街有一間日式外賣專門店，見d食評唔錯就心動試下。Menu有好多選擇，店員推薦左呢個御藏特選刺身飯俾我，佢個set有包埋一樣飲品/麵豉湯，整體服務態度唔錯。刺身飯入面配料非常多（三文魚、帶子、海膽、甜蝦、蟹籽、三文魚籽）。材料相當新鮮同實在。三文魚厚切大大塊，蟹籽將成個飯鋪到好滿俾得好大方，甜蝦更加係鮮味十足！成個刺身丼都好豐盛，應有盡有，食到好飽好滿足！下次會想試下佢嘅滑蛋飯！…Read More

係寶琳新都城開左一排，終於搵個下晝等到人潮無咁多嘅時間黎試！2個人叫左炙燒豚肉海苔味玉拉麵，雞叉燒雞白湯拉麵和一份羽根燒餃子。先試湯底，雖然豚肉湯底醬油味比較重，但整體上並沒有太多油份，幾香口。面條個人點左硬麵，嚼感唔錯。豚肉厚度十足極大塊，帶點炙燒，入口即化，配上湯汁食味道更濃郁，半熟蛋亦很讚很推薦！下次會嘗試一下辛辣口味的！雞叉燒肉質幾嫩滑，不過雞湯底中規中矩除了主食還仲點左個餃子黎品嚐。羽根燒餃子原來即係落麵粉水煎到有塊金黃色脆皮係底，餃子比較薄身，賣相吸引。鋪頭嘅裝修幾靚，寶琳終於有拉麵店啦！…Read More

今次食左北菇梅菜煲仔飯，炒鮮尤同腐乳炒通菜。呢間唔使等即入，上菜速度都好快，煲仔飯飯焦夠多都ok。但同四季相比，感覺佢D菜唔係好夠鑊氣呢，如果有時間排隊會推薦食四季。…Read More

韓式豬肉拌飯@三食拌飯有五種配料，可自由加上適量的辣醬及麻油，味道中規中矩，拌飯不錯。但它的豬肉質感太過乾身，就是有種浸泡在辣油裡面太久、不新鮮的感覺，跟朋友點的雞肉簡直同一個味道，吃了兩三塊已經不想再吃了...加$8的韓式柚子茶味道亦超淡，柚子絲寥寥可數，不太有誠意...這間韓國食店位於觀塘東廣場中心，食客不多，看起來也衛生乾淨，但一個豬肉韓式拌飯加飲品己經$76，而且還沒有前菜，這價錢配如此質素不太值吧。…Read More

☀️拿督星馬大飯店 ☀️ 位置在觀塘碼頭的熟食中心。雖然地點離地鐵站略遠不太方便，但食物跟飲品很不錯極推薦❣️是觀塘必食的食店！以下幾樣都十分推薦：👉🏻馬來福建海鮮蝦湯麵 （湯底香濃配料豐富，其中鮮尤特別惹味😋）👉🏻星加坡海南雞飯（下午茶時段經常售罄）👉🏻腐竹藼米冰 （充料！飲到一半已經好飽）👉🏻馬拉鮮吉仔冰（口感新鮮夏日之選）❗️胡椒湯底超級辣❗️‼️熟食中心地下很滑要小心不要滑到‼️…Read More

豬扒雞翼蕃茄湯通粉🍅豬扒完全有驚喜，大大塊又好軟身好入味，絕對係必叫👈🏻👌🏻蕃茄湯底味道幾濃，但似係茄醬開個種唔太啱我口味；另外雞翼都比較一般。招牌菠蘿包入面有塊蕃茄幾特別，值得一試！…Read More

呢間餐廳食物質素好高，雖然每次都好多人排，最少等4個字，但一定會再試！個人極度推薦食千島醬蟹棒蟹子帆立貝薄餅，🍕入面嘅食材同個千島醬配搭得好完美要俾滿分💯!! 而墨魚汁海鮮意大利飯芝士肉醬薯條都好唔錯，整體食物水平好好，唔會失望！甜品方面賣相全部都好吸引，今次試左Beans好出名嘅Green Tea Dessert Combo🍵。它的Food Presentation絕對係視覺享受！特別鍾意個流心抹茶芝士撻暖暖地，好好味!☺️…Read More

Hamsta Crown Coffee☕️初試了牛肉稻庭湯烏冬配糖心蛋，飯團Lunch Set$88, Present幾有心思不過味道卻有點普通。飯團如果可以加入餡料或者些少調味粉會更美味。朋友點的帶子配明太子意粉和朱古力奶反而不錯，可以一試！而值得一讚是店鋪的日系裝修💕，不但光線充沛，座位很寬很舒服。到處還有很多小飾物擺設，一進店不自覺心情就變得很好！Cafe還有個角落在賣日本藥妝。☺總括環境滿分，完勝其他工廈Cafe，是個很適合跟朋友聚會的地方！…Read More

台灣ET鹽水雞🐤點左1人用的A餐，雞腿+鹵蛋+小黃瓜+貢丸，再加左$5的小份拉麵。雞肉嘅質感又滑又入味，值得一讚；配菜選擇超過30款算幾多。調味方面雖然好濃同偏咸，食完會有d口渴，但佢嘅調味粉真係調得好惹味好搭，每次食完都好滿足！特別推薦揀小黃瓜同芭樂，呢兩樣配菜會令成碗麵個口感變得清爽少少份量方面偏少，加左面女仔食都係啱啱夠飽，價錢相對略貴。不過Like佢地Facebook做左VIP會有飲品送！…Read More

留意番鋪頭要係後門停車場個邊入，前門連招牌/指示牌都無要問人先知。夜晚7:30排左三個字入得，落單後光速唔使十分鐘上哂成枱野食，但部份唔係好夠熱。食店裝修似台灣夜市幾有feel，不過真係好嘈，傾計都要大大聲。個人最推薦魯肉飯，它的肉切得很碎、有D油膩但真係超下飯！睇落份量雖然唔多，但其實食到一半已經濟到食唔落，好啱女仔同朋友Share黎食！（P.S 我試過外賣嘅魯肉飯比堂食更好味！）另外酥炸魷魚都好香口炸得好脆，不過其餘小食同肉羹湯就真係普普通通。飲品試左咖啡磚奶茶同檸檬多多，味道溝得好淡。食到最後想要杯水都話冇水供應，態度唔算特別好。而且有D失望嘅係原來蚵仔煎竟然5:30pm前先有供應呢...呢間阿元來了的食物其實唔算特別，不過勝在份量細細碟幾抵食，可以一次叫好多樣過下口癮，鍾意魯肉飯嘅朋友不妨一試！…Read More