cammy0707的个人专页

今日做完 yoga，肚仔餓，經過呢度買左雞蛋仔食，人地賣$10，佢要$12，但係勁唔得囉！又唔脆口，又軟身，食到一半已經想放棄...........一定唔會有下次！！Blacklist 左佢....…查看更多

今日同一個多年沒見的大學同學食lunch 聚舊，約了在這裡是因為偷其二人卡位好坐。今天的set lunch選擇多，但沒一個是想吃的，見有個餐有：自助沙律bar、特飲、餐包、餐湯及一個主菜(四選一)，便選了pizza+肉醬薯蓉+蒜蓉意粉(4號餐)，這個組合的主菜真是第一次見。自助沙律bar只得普通的菠蘿、青瓜、車厘茄、桃、西瓜、薯仔沙律、粟米等。味道真係好一般，薯仔沙律好硬，粟米都係好硬，只係菠蘿同埋桃可以食得下，因為係罐頭都唔會好難食。而個雜菜湯好油，飲了兩口便放棄。主菜個pizza都幾香口及脆，但料唔多，肉醬薯蓉都ok，但蒜蓉意粉就好硬。特飲要巨峰乳酸，這個幾甜，但都ok。五十幾元一個餐有咁多野食好似幾抵，但味道其實都好重要。不過今次主要係聚舊，環境舒服係首選，我們坐了足足兩個半小時，都可以說是一個開心的lunch，但這裡的有個waiter真係改下他的服務態度，否則真係會趕客！…查看更多

一直都未試過這裡傳聞中的奶茶及蕃茄湯底，所以便與同事行遠些來食lunch。今次入了新店，我已鎖定目標要了蕃茄豬排蛋通粉餐跟熱奶茶。好快便有得食，但估不到幾細碗，蕃茄湯底偏甜不夠酸，不是我喜歡的，蛋煎得好一般，豬排都幾鞋。整個感覺都可能因為期望太高而有點失望。奶茶都還算不錯，但這個餐要成三十多完，又不是太值，但總算試過了！同事又試了咖央多士，熱辣辣，但由於是用西多士的弄法，所以好油，仲好肥添。我試了一件，味道可以，因為剛剛炸起，難食極有限。坐得都幾迫，肥d都食唔到！…查看更多

今日約左好友食dinner，放工由中環來這條街搵食，主要想搵個地方可以坐耐d慢慢傾。之前朋友來過，話這裡是傾計的好地方，所就來了這裡。我今日突然好想食意粉，所以好友都就我，叫了兩個意粉。選了芝士蛋汁雜菜焗意粉及菠菜忌廉汁海鮮墨魚麵(+$8轉)。可能因為價錢不平，平均要七十多元一個意粉，所以期望也較高，但估不到意粉味淡，最過份是意粉過淋，完全沒有口感，真係好掛住Suzuki的溫泉蛋意粉呀！！真係我煮都好食過佢，仲要冇咩材料，海鮮好少，又食唔到菠菜，但係就真係好好坐，可以傾計。今次真係俾錢去傾計，但點解咁多人話好？唔通我地今次叫錯野食？真係唔知啦！但如果要食好野，這個價錢有好多更好的選擇。…查看更多

13/3 因要跟個project 要到大角咀取data，lunch時同事話不如到街上走走看有什麼好吃，好過食公司canteen。我們沿著大角咀道一邊行一邊望，終於選擇了食評都唔錯的這裡。Lunch都好full，不過等左五分鐘就有位了。這間店是我第一次來的，但這次都可算是有驚無險。原本我們是坐開邊的，隔離有兩個客仲食緊，過一陣，佢地就走左。又有兩個人坐埋來，我便坐入一個位俾佢地兩個坐。當我地就快食完的時候，坐我隔離的女子突然大叫，我轉一望，我的坐位，地板濕了很多，原來有個婆婆嘔呀！仲嘔得好誇張因為飛到周圍都係，我隔離個女子的背部尤其嚴重，我們的坐位都濕了很大遍，而我的背也濕了一些，想起都可怕。但這些嘔吐物幸好被我隔離的女子擋著，否則便是我全身都是了。而我同事就完全沒事。不知是好運還是不好運，因為不選這間便可避過這次事件，但幸好坐入了一個位而沒有太大的禍及我。那個女子就真的可憐，她吃也不吃便氣沖沖地走了。那個婆婆的同伴問我認不認識那個女子，因為她想給錢那女子洗衣服，但那女子已走了。那天如果我是那女子，一定給氣死，也一定會回家去，不上班了。雖然我只是沾濕小部份，但回家後都急不及待全身來個大清洗呢！而食物方面都不是其他食評說得這麼好味，我的魚腩米線份量不多，面有層黃色的油，不及同事的湯清。食了幾口已吃光魚腩，如果份量多些會更好，米線+$6有一杯熱飲，要了熱奶茶，味道還算不錯。同事要的那個不記得是什麼魚的魚尾米線，真是整條魚尾上，很大條，但真是一分錢一分貨，$58一碗，我試了一口，魚肉不是滑那種，同事說都ok。經過這次經歷，下次到這區，都未必會再入去，因為始終有d陰影。…查看更多

今日要來第二個部門取data做project，平日很少來這區，所以順道就來到這裡試下為何這麼多人話好食的小店。入到去lunch時間唔多人，仲有好多位，我一個人坐下，叫左個魚肉碗仔翅，order左一陣就有得食。食落其實好普通，料都唔係十分多，個味甜左d，唔係想像中好食。原先諗住如果好食就試埋其他野，但可能因為期望高，所以失望較大，最後食完呢碗兩溝就走人，繼續在這舊區搵好野食！…查看更多

來了兩次都要了素菜餃麵，因貪其夠健康、清淡。這裡的餃子皮是我吃過所有餃子中最厚的，麵粉味重，由於皮厚，用水煮過後，可封住饀的鮮味，令饀沒有過濕，可能這就是其特色。但皮很多時都好像未夠熟透，有些還硬硬的。同事吃的雲吞的皮就不同了，較滑，像平時吃的一樣，可能正宗的餃子皮是這樣的吧！我們又要了口水鷄，味道好夠味，但鷄肉不多，鷄皮就很多，真不夠喉！整體來說都可以，但麵質也太淋，沒口感，湯也淡而冇味！來這裡還是吃淨餃子吧！而服務態度都有待改善，因為在這地段好似唔休做咁。…查看更多

上星期同同事行到這裡食lunch，試試這裡的餃子是好味還是餃子園的好。我選了擔擔麵，而同事選了羊肉麵，我們share叫了一碟十個的津菜肉餃。擔擔麵($29)：不是我想像中的，似炸醬撈麵，因為湯同麵係分開上的，唔通佢俾錯左，但佢送到來真係話擔擔麵的，這碗麵以青瓜絲、牙菜及甜麵醬做成的肉粒為主，完全沒有花生肉碎等的擔擔麵的完素。麵質太淋，沒有口感，個人較喜歡有咬口的麵條。津菜肉餃($32十件)：皮較餃子園薄，但都較我們食開的一般皮厚，可能北方的餃子是用這種皮吧！但都如餃子園用碟上沒有湯。味道也可以，但不是十分驚喜，感覺太淋身。整體上，份量唔多，一碗麵女仔食都算夠飽，但麵質有改善的空間，價錢也略貴。…查看更多

Lunch 與同事到些吃飯，十二點半入到去已經好full。我們一坐下，服務生便好快到來問我們吃什麼，我們都未睇清楚就迫人立即order，問多句都好似煩位佢咁！問佢今日的set lunch 係咩，佢好似急口令咁，聽都聽唔清楚，佢似係想人快快食完走。佢咁迫我法咁只好隨便的要了雞絲湯濛，真係好無奈！雖然味道都ok，但個感覺真係好差！下次都係唔來好過來了！…查看更多

最近一直都好想試正宗韓式的炸醬麵，終於在星期五試到了！當日約了以前第一份工的兩個經理，食什麼是我指定的，而去邊間就是他們選擇的！他們為了滿足我的要求，選了正中的這裡。七時多到了取位，但要等五張枱才到我們，所以我們先到皇悅酒店飲野，過了半小時便到這裡取位及入座。我們三日點了﹕石頭飯、牛肋骨煱、炸醬麵、韓式燒蝦。先了多碟前菜，樣樣都不錯，但沒有那個特別令人印象深刻。說回我最想試的炸醬麵吧！黑黑的醬配合粗身的麵條，味道估不到是帶有苦味的甜，真不是我想像中的味道呢！但那個麵質是我喜歡的，有口感，如果沒有那種苦味，一定會更好！難道正宗的炸醬麵是這樣的？有沒有人可以告訴我呢？真的想到附近的那幾間試試有何分別。而其他的食物都如我以前在其他韓國食店吃的味道差不多，而那個牛肋骨真的很入味，喜歡吃牛的一定要試，因為其實我是不吃牛的，但也吃了一小口呢！價錢偏貴，但份量都頗大，多些人來試多幾樣就最好，不過地方幾細，等位是必然的了。原來這間店每天開正零晨五時，真的誇張呢！…查看更多

星期五放工約左以前那個manager食飯，應該有一年半沒見了！隨意地選擇了這裡，沒有book位，要靚位就要一小時十五分鐘後交位，所以算吧，有什麼坐什麼，志在傾下計。我們叫了個$350的二人餐，睇來有好多款食物，但送來後，卻覺得很少，魚生雖新鮮，但其他食物都不是十分特別，尤其是那個三文魚飯團，飯好散，飯質都不是日本米，以呢個價錢食呢個餐，好唔抵！當日飲品買一送一，我地要左青蘋果清酒，呢個值得推介，但少酒量的人真係會醉架！…查看更多

星期一(22/1)放工約左J到旺角搵食，佢話好肚餓，而平時我地兩個食中餐一定食唔哂，咁今次佢肚餓，又話想食呢度的魚香茄子煲同埋粟米粥，咁就入左去啦！今次係第二次來，上次叫左唔少野，因為樣樣都想試，所以食剩唔少。今次我地叫了魚香茄子煲、粟米粥、粉皮煲(唔記得個名)、糖醋魚柳、加埋一碗白飯，仲有糖水送，真係好飽，幸好佢今日肚餓，今次都唔係食剩好多。個糖醋魚柳唔好食，質地唔好，味道唔係想像中的，仲要係最貴，真係好後悔order左。呢d菜式成本真係好少，但埋單都要$230，真係幾貴下，又唔算特別出色。唔好以為食素好健康，其實都幾油下，小心！小心！…查看更多

今日J返工前來了這裡吃個lunch(星期日都要返工，真可憐)。我們都叫了小鍋米線及加了餸，每款加$4，我加了豬軟骨及炸醬，加埋一杯熱菊花蜜(太甜)，加$6。豬軟骨幾入味，炸醬就較油，但米線個口感好好，唔會太淋，又有口感，如果多d酸菜會較好！而他加了那個奇怪的海膽丸、紅腸、生菜及涷檸茶。食完都好滿足，因為好飽，但佢話俾我知佢竟然有少少肚柯，我估係那奇怪的海膽丸作怪，而我就無事，但覺得幾口渴。…查看更多

星期六約左J來附近，又好耐冇來此吃飯，就選擇入去。Lunch有set叫，我地分別要了，紅酒肉醫焗長通粉及豬大腸米線。米線冇試，佢話ok，涷奶茶就好飲，冇冰！而我那個就好唔掂，賣相已經唔得，好乾，睇落以為好濃味又黑，食落冇咩味，又乾，通粉又硬，早知食米線好過！以前的焗野都ok架，唔通只係呢個唔得？定係退步左？…查看更多

星期六同J行完海港城，大出血後，我們便找個地方吃個晚餐。見冇人等，又近近地，就入左去，入到去唔多人，仲有好多位。打開餐牌，嘩！只不過係間茶餐廳，食個炒粉麵都要近六十大元。唔怪得冇咩客啦！我地分別要了表哥至尊焗飯($58)及馬拉盞海鮮炒烏冬($58)。局飯先到，至尊焗其實係白汁海鮮及茄汁豬排焗飯。賣相唔錯，估唔到味道仲好好，可以話係我食過咁多焗飯裡面算係數一數二好食的焗飯。炒飯底，炒得唔油，軟硬適中，兩個汁都好好味，食到停唔到口，加左適量的胡椒，令個味道好好，但個豬排就一般，唔夠鬆化，大家樂都好過佢，但個汁同飯真係“好”！而他那個烏冬也可以，但都係唔及個焗飯好味。所以來這裡一定要叫焗飯！見佢個焗飯好味，貴d都算啦！不過平d，一定會多好多客，話哂都只係一間餐茶姐！…查看更多