Priscilla Chi Chi的個人專頁

同老公返工返到人都散晒, 所以返上大陸按摩, 當然唔少得就係周圍食啦~原先上黎openrice, 見到呢間粥店冇任何comment, 都有D擔心唔好食!但老公介紹得, 我諗都應該冇問題卦! 見佢樓面都好乾淨企理, 即管一試!入到去坐低, 佢話我地等夠15分鐘就送左壺茶俾我地, D茶好好飲, 碗筷都好乾淨, good~我同老公叫左三個餸一個粥!呢個花甲個味OK, 但D花甲肉略為實左D!呢個炒菜好好味, 想Encore, 但因為太飽, 所以冇再叫呢個雜菜煲, 味道唔太good, 我同老公食到中段已經放棄左喇~呢個粥係極品, 好甜好好味~環境好好, 食煙既人唔多, 又有電視睇, 食物水準一流, 又冇味精, 下次返大陸都會再黎食~ …查看更多

今日早左放工, 突然心血來潮, 去荃灣等老公一齊去三條魚食晚飯!每次黎到, 老公都係必叫炸魚餅+鯇魚腩湯飯, 而我就叫吉列豬扒湯飯!正到冇朋友, 幾熱氣都要食, 呵呵~~~炸魚餅 - 好滑好彈牙, 炸得剛好, 一D都唔乾, very good!吉列豬扒 - 豬扒唔會太薄又有肉味, 味道一流, 不過膿左少少, 可以更好!鯇魚腩 - ok~魚湯 - 濃得黎又唔腥, 加D胡椒粉更香, good~ :)雖然呢度地方細, 次次都好多人, 要等位!但等既時間唔會好長, 野食又唔多駛等, 好快就送到:)…查看更多

原本開開心心同老公慶祝結婚兩個月，結果黎左呢間不知所謂既食店，當堂乜心情都無晒！什麼食回本既放題，哈，真好笑，我諗係店主自己回本咋卦! 壽司飯同腐皮，酸到"La"喉嚨! 饅魚，腥到嘔! 雞串，臭既! 鹽燒食物，全部無味既! 軟殼蟹、雞球，霉既!剌身，碎上兼無味! 拉麵，其實係公仔麵黎! 所謂任飲，汽水係product of PRC!最後連送果粒雪米糍，都係溶既!同老公未去食之前，上黎見到咁多唔好既comment，已經肴肴地!我仲好阿Q精神地同老公講「可能個人口味唔同，或者已經改善左呢...」結果... 全部野食都唔係人食，從未試過食放題可以難食到坐唔夠一個鐘就走，浪費時間兼金錢!!!點解仲有咁多團購網做promotion? 點解呢間野仲可以生存到?咁樣做臭自己個朵，不如唔好搞團購啦! 做得團購既，都係想幫大眾市民抗通漲，平少少食返d好野, 點知弄巧反拙，食到成肚火。奉勸買左呢個任食coupon既朋友，唔好去食喇，慳返加一嗰十幾蚊，食個魚蛋粉仲好!!!To : 某某團購GxxxpBxxxr 請你真係要查清楚d店舖優惠係咪可以放上網做團購先得架，我就因為咁冇去check 呢間垃圾而去購買，少少損失唔緊要，最重要影響其他眾多既消費者，如果你地重係放d流野出來，你地都係咁先啦 bye bye相就冇影到，見到食物都唔想影，驚影響部電話~…查看更多