kenkenleee的个人专页

無book到位，仲要突然落起大雨。但見其他人都繼續等...我就堅持落去其實當你入去食過你就明點佢地會成日坐爆人，一坐底已經衝激我對打冷檔嘅認知，哩度D員工好有禮貌，同一搬打冷檔好唔同，慢慢發現佢地同D客人好似好FD咁，好有人情味。好啦，上菜啦終於！係真係同出邊D人講一樣，等左一陣，不過見佢個場爆到咁都明白嘅。講真佢個滷水真係掂，無得輸。蠔仔粥加左大地魚同魷魚，鮮味好突出，個粥重點係.....超多蠔仔！！！另外佢地出名嘅冰震芥辣墨魚認真要試，以為係刺身你就錯啦，佢係熟嘅，不過食落口有口感，好爽，再加上咸菜底，好配合好新奇，真係食完一碟覺得唔夠!…查看更多

今日介紹朋友一起到鵝頸橋街市熟食市場食呢個波仔記車仔麵，用OpenRice share link 俾我朋友嘅時候，我發現呢一間有幾十年歷史，我由細食到大，有手推車仔做到咁大間鋪嘅老字號， OpenRice竟然咁少食評同咁少讚！老闆真係好低調高手，今次真係要打返一篇推介下俾大家。其實呢間波仔嘅車仔麵係呢一區已經好出名，基本上鍾意食車仔麵嘅人都應該識佢哋。你間車仔麵最有名嘅就係車仔撈麵，聽聞係幾十年前老闆一手開創的！佢嘅秘製醬汁有別於出邊普通嘅豉油撈粗，食落帶點甘香，而且麵質亦都好有水準，唔會太林，有彈性，加上秘製醬汁食落口好滑。我食咁多年都冇失手過。我今次自己冇食到不過都要介紹吓就係煎魚餅，真係好好食，香口得來亦唔會覺得太油膩，中間的魚肉仍會好似外面加好多粉去處理。另外牛腩，雞腳，大腸都係我每次去食僅有一樣會叫！講咁多無謂，未食過真係要去試吓。另外一提佢嘅湯麵都好正，食落口唔會好似飲緊味精湯咁，食完唔口渴之餘，味道亦都好夠。…查看更多