R_Tozi的个人专页

今日同老公去馬鞍山打完邊爐口好渴就諗住去春水堂買野飲。 咁岩我老公又想食炸野，所以我地點左一份香酥雞（$48）同埋一杯鐵觀音奶茶（$26）其實正常一間飲品店都會有甜度同冰量可以比人揀，仲會打埋出黎menu到，呢間春水堂身為台灣始祖珍珠奶茶店居然無打出黎，只有講某d野飲唔可以走冰而已，感到有d失望。上次叫左杯鐵觀音凍飲少甜，但結果都係太甜，所以今次諗住嗌半甜，點知出單都係少甜，令我好失望，即係只有少甜呢個選擇？咁唔飲咁甜既人點算？等左約五到十分鐘就叫到我地，香酥雞係真係幾好味，炸得夠酥同埋夠juicy ，只係以台灣小吃黎講，加d九層塔可能會更好食。（因為老公係台灣人，所以對無九層塔有少少失望，以為春水堂同其他店唔一樣，點知分別唔大）至於鐵觀音奶茶我叫左少甜走冰，但都係好甜，正如一開始所講，佢好似只有少甜呢個選擇，不禁有d失望。今次無影到相，有再補返。…查看更多

星期六既時候已經諗住同老公星期日去丼丼屋食，因為老公鐘意食牛丼而係馬鞍山要去到頌安吉野家先有。考慮到星期日一定好多人，所以我地下午兩點先去，但因為馬鞍山無乜野食所以呢d餐廳一定勁多人排隊，我地去到既時候都仲係人山人海。拎左飛仔要等差唔多四十個號碼。不過就發現左可以download THE GULU，下次可以拎定飛仔先，就唔洗係到死等～ 等左大約半個鐘左右，個四十個號碼入面有好多都係空號（d人拎左飛但無到），入到去我老公竟然無叫牛丼反而叫左個唐揚雞丼加配煎蛋，而我叫左個十勝帶廣物豚丼加配炸豆腐。唔係等左好耐，大概十分鐘左右，唐揚雞丼先到，首先試左雞先，外面個汁甜甜地，個雞炸得夠脆又唔會被個汁影響到變成軟皮，就咁食覺得唔錯。到食個飯既時候，我老公面有難色，因為可能太多汁既關係，成個飯雖然軟硬度岩岩好但好甜⋯ 飯又甜、雞又甜，上面既半熟雞蛋都蓋唔過d甜味⋯ 而煎雞蛋就不過不失，但因為成個飯太甜，我老公都食唔落去⋯ 到我個個豚丼，一黎到有一種炭烤既味道，食落去個味道係好食既，配飯係一流！豚肉有d韌，但都嚼得開，如果可以多返少少肥肉，口感可能會好d。炸豆腐好食，我老公話應該係成個餐入面最好食總結，如果個唐揚雞丼係無咁多汁，或者個飯改用其他汁會好d。…查看更多

一路我都好鐘意食薩莉亞，又平又好食，份量唔多，岩哂想食多d款既人～ 係馬鞍山未開之前都係去石門，今日馬鞍山開左，下午四點幾時見到完全無人排隊都幾意外，畢竟馬鞍山美食沙漠，一有新店大部分人都9秒9衝過去食⋯我同我朋友兩人四點幾入到去，侍應好多，諗左一陣後我地就落單。只係㩒左落單，明明好多人手，但個個都好似唔知做緊咩游緊雲緊等左陣先有人望到過黎落單。我地叫左個甜粟薯角煙肉焗蛋、芝士蒜蓉包、雞翼。因為朋友唔餓，所以我一個人食哂lol 咁因為無加飲品吧，所以只係諗住出去拎杯熱水，點知我朋友出完去無幾耐返返埋位講d杯唔係有可樂漬就唇膏印 搵左幾隻杯都有漬最後佢就返返埋位，水都唔拎。我問係咪睇錯係放污糟杯而唔係拎新杯啊？佢話無睇錯，因為經理見到我朋友隻隻杯都望，都有走過去望望d杯，拎左兩三隻去洗，有d只係用毛巾擦一擦⋯⋯以一間岩岩新開黎既餐廳，唔係繁忙時段，但咁樣會令人有d失望。 野食黎到有d少少太焦，可能係新爐既關係（？）總結，野食都係差唔多，只係太焦，但清潔方便要改一改善。…查看更多