冰糧派出所的个人专页

今日想推介一間起碼開咗20年的泰菜！我細個係呢頭讀書，無論平日定周末都排隊等食，怎至我仲有朋友係英國返嚟，專登過嚟食飯！嘅到無論你想吃$45的船粉，還是超豐富的二人餐、四人餐，還是八人餐，這裏都一定滿足到你！今次我點了二人套餐，有三個自選小食、一款自選主菜、一款選主食，仲有自選甜品揀。無錯，所有野都可以揀，等大家Mix & Match！小食 (選三項 詳情請睇Menu)我揀了炸蝦餅及兩款串燒。🦐炸蝦餅：佢唔只彈牙，我仲見到一隻隻蝦係入面，有料有料！🍢沙嗲雞串燒2串+沙嗲豬串燒2串：全部食落都夠香，肉質唔會柴。最重要係佢的沙律汁，花生味勁濃，真係好正！主菜 (選一項 詳情請睇Menu)🍛黃咖喱牛腩：如果你同我一樣唔點食辣，或者帶住小朋友來，都建議你點呢到的咖喱！首先咖喱上菜時夠晒熱(冒煙中)，另外餐廳的咖喱係重椰汁味，味道香而不辣，而牛腩質地軟熟。無論跟白飯還是蒜蓉飽都好食！🥥甜品 (選一項 詳情請睇Menu)我重點推介棷汁大菜糕！佢有大菜糕的清甜，加埋椰汁糕的香甜，Mix埋就啱啱好。🧉飲品呢到有多款飲品選擇，泰式特飲都只係+$15。呢間街坊小店真係我的私心推介！各位你係街坊不坊平日夜晚過來食(免加一)，如果你唔係住附近，都建議你Bookmark定過開新界嚟食！…查看更多

週末想搵個地方同另一半享受二人世界？💖 不如去屯門黃金海岸啦！🏖️ 喺沙灘睇完日落之後，行11分鐘就到呢間高質西餐廳 Nova Café！✨🤩佢哋嘅二人套餐真係好正！除咗可以嘆到豐富嘅海鮮拼盤，仲有兩款自選主菜添！😋 我哋叫咗忌廉汁三文魚意粉🍝同埋西班牙海鮮燴飯🥘，兩個都超級好味！🤤 海鮮拼盤勁新鮮，生蠔🦪、鮑魚🐚、紅蝦🦐、翡翠螺🐌樣樣齊！👍🏻 另外，炭燒威靈頓香草羊架🍖都值得一試，羊肉好嫩滑，完全冇羶味！💯最後一定要試埋佢哋嘅甜品🍮——奶凍！🥛 牛奶味超級濃郁，入口即溶，真係好幸福啊！🥰環境方面，餐廳裝修簡約舒適，好有情調，啱晒情侶撐枱腳！🥂 呢度仲有得免費泊車，下次同另一半嚟屯門，一定要試吓 Nova Café！❤️…查看更多

天氣凍又係時候同朋友仔食打邊爐啦！今次去咗呢間放題餐廳，真係食到超滿足😋！不得不提佢哋嘅「A4日本黑毛和牛」，油花分布均勻，入口即溶，鮮甜味美，簡直係人間極品！🤤除咗和牛，海鮮方面都一樣咁出色！超大隻嘅帶子、蠔、鮑魚，樣樣都鮮甜肥美，口感彈牙！完全唔會韌！🥰湯底方面我大推期間限定的🍲三文魚豆腐湯：湯底清甜，三文魚好滑，好好味！ 我覺得火鍋放題最緊要款式夠多，呢到都好多款，大家都會食到自己想食的野，所以不時會同朋友仔約埋一齊「滾」😂…查看更多

唔知大家係咪同我一樣，一年四季都會去打邊爐呢？呢間火鍋店只要百多蚊就可以食齊牛肉、豚肉、雞肉、羊肉，仲有自助區各種食物。湯底都有好多選擇，但我通常都會點蕃茄薯仔湯底，因為湯底會越煲越甜。百幾蚊唔好以為好少食物，除了常見的豚肉片、牛肩胛、雞肉、羊肉外，竟然仲有牛舌可以選擇！唔止，個餐仲有少量的海鮮，好似魷魚圈、青口。牛肩胛個樣夠靚仔，而且對比常見的肥牛，脂肪比例較少，而且肉味亦相較香濃。餐廳食物種類極豐富，仲有不少小食，枝豆、餃子、炸雞塊。所以大家等水滾，不妨叫D小食邊食邊等。不得不提甜品，除了自己吱的雪糕，係甜品櫃的朱古力蛋糕超好食，朱古力味極香濃。有興趣就試下啦！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

係香港我心目中數一數二的火鍋店中，美滋鍋係其中之一，原來餐廳近日已經轉咗放題形式，而價錢相對之前抵食好多，而最平的時段只係每位$198！湯底未滾之時，當然去攞嘢飲先啦。餐廳飲品選擇都幾多，除咗幾款冷泡茶，更有多款汽水及果汁。每枱仲會送人頭刺身拼盤，三文魚激讚，切得夠厚身，味道都夠鮮！呢個火鍋店其中一個賣點就係湯底！除了常見的芫荽皮蛋/ 沙嗲/ 蕃茄/ 冬陰功，更有幾款人氣的養身湯底，而我今次就點了膠原蛋白養顏美容鍋，湯底非常足料！湯底以瑤柱、雞肉、雞腳、豬骨及豬手熬製，含豐富的骨膠原！係眾多的任點食材賞中，最令我眼界大開係沙白！我第一次見放題火鍋店見到有活生生的海鮮，無錯，係任食！每粒煮完仲而且又大又肥美，我也encore了幾轉。三黃鮮雞件肉又厚又嫩，而且雞皮夠滑溜溜。餐廳仲有多款肉肉，有爽口的牛舌、紐西蘭羊肉卷、田野鄉村嫩豬花肉、美國四方肥牛、美國精選肥牛、美國安格斯風門柳、美國安格斯三國牛、美國PRIME牛下肩胛，甚至有澳洲和牛！此外，餐廳仲有多款海鮮、餃子、海鮮滑等多款火鍋配料可以選擇，更有花膠可以選擇，呢個價錢來講，性價比超級高！題外話，鴨血味道唔腥，入口嫩滑。豬膶亦無腥味，而且口感爽脆，推介推介。總括而言，餐廳食物選擇多，質素好。而且環境舒適，仲有小朋友室內遊樂場，推薦被想搵個舒服地方坐低食餐飯的朋友，或者帶小朋友的家庭。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

早排有親戚係外國返嚟，決定一行8人去酒店食自助餐，左揾右揾發現有酒店做緊買一送一優惠，星期日晚除返開每位只係$351/位，相當抵食！自助餐由6點開始，入去當然先去凍海鮮sector，而最受歡迎係放係中間的蟹腳！條條腿都富有海水味，而我好滿意酒店補充得好快，食得7788會再添加，次次行出去都見到有蟹腳拎。此外，酒店的刺身竟然有呑拿魚供應！三文魚肥嘟嘟，而且每切都厚厚的，我都忍唔住食了兩轉！自助餐最重要就係選擇多！餐廳只係凍切及沙律，就已經有好多的選擇，除了有不同款式的火腿，仲有大大盤的煙三文魚。熟食的選擇都有唔少，而且食物不時會轉新款。而我最鍾意就係燒羊架！羊架唔只唔會過肥，而且燒得啱啱好，肉質嫩滑不會鞋口。食肉獸的我，當然唔會錯每塊肉肉！燒牛即叫即切，佢唔只唔會太肥，而且牛肉味濃厚，配埋gravy就啱啱好。餐廳仲有不少熟海鮮可以選擇，除了好多人食的蒸魚，仲有冬陰功海鮮可以食。此外，餐廳仲有一般酒店自助餐無的火鍋放題！湯底有藥膳雞，及清湯湯兩款可供選擇，等一家人一齊烚下烚下，樂也融融。基本火鍋配料都齊全，只係欠缺海鮮，不過我都放咗幾條蟹腳落去。甜品係用另一個胃消化，當然唔好餓親佢啦。餐廳除了有不少美美的小蛋糕，仲有熱食的麵包布甸、中式豆花、紫米露、葡撻等，仲有MÖVENPICK雪糕杯，一定可以滿足一家大細的味蕾。 餐廳的食物選擇多，而且環境大，適合周末跟家人來吃完自助餐，再到沙田逛逛。…查看更多

想去尖沙咀慢慢同朋友食個飯，但係又驚人多？講到尖沙咀餐廳集合之最，一定係厚福街H8莫屬，今次去了12樓的大樹燒烤食四川串燒。雖然係串燒店，不過餐廳會會預先燒好串燒，之後會放上客人枱上的鐵板保温，所以餐廳唔會周圍油煙，同朋友坐耐D傾下都唔驚成身油煙味。餐廳的食物選擇都唔少，除了有肉類、海鮮、蔬菜、丸類，仲有錢鍋鍋燒，價錢由10幾蚊起，係尖沙咀來講好抵食。「大大大茄子($38)」茄子切開後鋪滿厚厚的蒜蓉，再加上蔥花及辣椒粒，味道超級惹味。如果你驚蒜味，真係唔好叫，因為蒜味真係超級濃郁！「即開即燒大生蠔($35/隻、$188/半打)」燒蠔雖然唔係好大隻，不過粒粒蠔肉都好厚肉，蠔肉保持到鮮嫩，加埋蔥花、蒜蓉，及辣椒粒。「即開即燒大扇貝($35/隻、$188/半打)」扇貝同燒蠔一樣厚肉，如果有粉絲可以吸埋蒜香就會更正！「蒜蓉娃娃菜鍋鍋燒($43/鍋)」餐廳的鍋鍋燒好得我心，因為一般的燒烤店都只有乾燒蔬菜，而餐廳的鍋鍋燒都有幾款選擇，除了我點的娃娃菜外，仲有金針菇、鴨血粉絲、香辣酒花螺，及花甲粉絲。餐廳的鍋鍋燒，下面用的不只保温，而係會煲到微滾，熱辣辣的的蒜香湯加了辣椒粒，食落超級惹味。餐廳仲有不少串燒可以選擇，而餐廳會預先把燒好的串燒放上保温的鐵板。「燒雞軟骨($26/2串)」：烤雞軟骨係表面形成了一層薄脆的外殼，咬下去時會發出爽脆的聲音「汁燒雞肉串($18/串)」：雞肉嫩滑的口感，肉質細嫩，不會過於柴硬「絶味燒雞皮($26/2串)」：燒雞皮口感酥脆，脂肪賦予了雞皮一種豐富的口感「燒雞中翼($20/串)」：燒雞翼外皮酥脆，燒烤過程保留了雞肉嫩滑的肉質「避風塘燒賣($32/份)」炸燒賣外皮炸得酥脆，裏面口感韌勁，加上灑上蒜粉及蔥花，吃起來更加美味。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

係上水火車站旁有不少餐廳，而早排經過呢間餐廳除了餐廳名有屋台二字，就連內裏的裝修都富有屋台感覺，店舖超過一半都有梳化卡位，決定入去試試。「炭火燒豚丼($56)」燒香的豚肉配以香葱及芝麻燒香，特別鍾意佢配上多款雜菜，健康滿滿。「火炙三文魚丼($88)」有好多塊大大的三文魚，油脂滿滿的三文魚，炙燒後油香豐富，配飯食一流！「三品刺身盛($68)」有餐三文魚、油甘魚，及赤蝦。每塊都切得厚厚的，口感一流，超抵食！餐廳都有不少小食可以選擇，而炸芝士相信大家都不陌生，不過呢到的「芝士拼盤($38)」有兩款炸芝士，除了常見的厚味，仲有炸辣芝士！脆脆的外皮，加上富有辣味的香滑芝士，味道比原味更特別，鍾意辣的朋友仔不能錯過。「雞之拼盤($58)」有齊流心蛋、唐揚炸雞件，及雞軟骨肉串。流心蛋用了醬油浸過，味道更香。炸雞新鮮炸起，雞肉唔鞋。而我最欣賞係雞軟骨肉串，點上燒汁的雞肉丸，加上迷你雞軟骨係入面，食落口感豐富，我最後食晒兩條(笑)。其實上水都有唔少餐廳，而呢間品質OK，價錢又抵食！好似我咁主食唔夠滿足的，可以點多少少小食或刺身都唔會肉痛。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

我係一個名副其實的Pizza怪，要整得好食，好的爐具同靚麵粉缺一不可。早排去了黃埔睇戲，係睇戲前就去旁邊的餐廳食Pizza。餐廳環境夠Cozy，枱同枱間的闊度唔會好近。適逢減肥有點成效，唔想咁快反彈，所以沙律is a must！「燒烤雞肉沙律」有黑豆、粟米、新鮮芫荽及羅勒、墨西哥薄脆、芝士，加上雞肉，材料好豐富！沙律的雞肉淋上BBQ燒烤汁，Smoky味好出，配埋Crunchy的雜菜，整體好夾。另外，雞肉唔肥之餘，亦唔會吾「鞋」口，係新鮮之選。去得Pizza店又點會唔試Pizza。餐廳有手拉、經典、環球風味、薄底，應有盡有。而今次我叫了個有蘑菇及辣肉腸的Mushroom Pepperoni Sausage Pizza。Pizza即叫即製，食完個沙律無耐，職員就遞上熱辣辣的新鮮薄餅。Pizza上的芝士係有厚度，而且辣肉腸富咸香味，加上軟硬適中的餅底，好食！到我最開心的環節啦，大家點Pizza或意粉，都可以揾職員為大家的菜式灑上芝士雨，佢係用新鮮芝士刨出來的芝士碎，而非ready made的芝士粉，所以味道亦非常香濃。加埋Pizza底的芝士，口感亦昇華了不少。過厚的餅底會太飽，而且容易口感又硬又乾。而薄脆的餅底容易因為Pizza的醬汁及餡料而變到淋身。我自己比較鍾意呢D中厚度的餅底，配埋餡料比較剛剛好。飲品方面，檸檬茶同埋汽水都係無限添飲，就算坐得耐飲多幾杯都無問題。餐廳除了出餐算快，而且職員服務都唔錯，會主動問下要唔要添飲及係食物加上芝士。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

早排去咗荔枝角個頭整D野，攪掂就上網揾間Cafe坐坐，順便食個Dinner。餐廳位於長沙灣地鐵站A2出口，行3分鐘左右就到。餐廳環境好闊落，可以俾各「奴才」帶自己的寶貝毛孩到店到處走走。餐廳仲有提供少量的毛孩friendly食品，例如雞肉蔬菜壽司卷，仲有寵物養生月餅，等大家同寶貝一齊撐枱腳\(//∇//)\ 我到訪當天就見到食客帶了貓咪，倉鼠到Cafe，大家仲影了不少相。至於Menu，雖然每種的選擇唔算多，但小食、主食、甜品都有齊，飲品除了咖啡及特飲，更有Cocktail提供，讓大家可以放假來chill一chill。我們兩個餓底一共點了一個沙律、一個小食、一個主食，及兩杯cocktail。「笑哈蝦牛油果柚子醋沙律」份量好大碗，而且有不少煎香的蝦仁。柚子醋好開胃，沙律菜保持脆口感。「自家製洋蔥燒汁配肉眼牛扒薯蓉」的牛排雖然只係薄牛扒，不過燒汁同一般的燒汁好唔同，除了有洋蔥香，仲有陣陣的香甜味，令到個牛扒齒頰留香。「唐揚炸雞配雞蛋仔窩夫」的炸雞炸得香脆，內面keep到Juicy。另外雞蛋仔窩夫用了酥皮，比日常見到的窩夫更富牛油香，口感更豐富。當日早上碰着黑雨放假，遇上Long Weekend當然叫杯Cocktail賀一賀佢。呢杯「地心吸力」係Whisky上放了一個蝶豆花冰球，外相非常"打卡able"，等待冰球慢慢溶解的時候亦相當耐人尋味，等待地心引力出現的Moment，形成Whisky on Rocks。而朋友仔點的Cocktail「是你讓我的世界從那刻變成粉紅色」，聽見個名都夠sweet，見到全杯pink pink，令女士更加心花怒放，無限打卡ing。「海鹽Oreo巴斯克蛋糕」入口creamy，半流心的海鹽芝士咸度適中，芝士味香而不膩，整體比想像中更好食、滿足！店內亦不時有不同的應援活動，我去的時候碰上Jeremy@Mirror的生日活動，店方亦有限定甜品，而「You got me feeling 香芋紫薯蛋捲」就係活動限定Menu。蛋糕夠Moist夠Soft，加埋芋泥及麻糬，幸福感up！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

相信同住北區的朋友，都發現北區的餐廳款式比起九龍、香港差好遠，有時放假想食好西，又唔想離開呢個"Comfort Zone"仲有咩可以揀？原來上水廣場近客Lift的位置開咗間最近好Hit的一人燒肉店。除了有單點，餐廳仲有唔同的餐點，價格由$88-$228不等。適逢啱啱出糧，決定叫和牛豪一豪佢！呢個「鹿兒島和牛三食」一個餐有齊牛肩胛小排、和牛赤身、和牛角切，仲有白飯、麵豉湯、泡菜、蕨餅。「極上蟹味噌甲羅燒套餐」有鹿兒島A4和牛壺漬、鹿兒島A4和牛肩肉、厚砌牛舌芯配塩蔥，仲有日本蟹甲羅燒！甲羅燒有滿滿的鮮甜蟹膏，質地綿密滑順，鍾意食海鮮不能錯過。除了一般的豬牛雞外，餐廳仲有來自日本、澳洲等地的和牛，所以選擇都會比市面的一人燒肉店有更多選擇。我點的餐點，都有來自日本鹿兒島的黑毛和牛，塊塊都有美美的油花，入口滿滿的和牛油香，追求油香的朋友仔不能錯過！而我個人比較鍾意肉味香濃的和牛，而整體我比較欣賞的係「澳洲M5和牛內裙邊」！魚的裙邊就聽得多，但牛的內裙邊又係乜東東？其實佢係牛肉橫隔膜，佢的肉質較有咬口 (但正常人的牙係咬得開，放心)，肉汁都較為豐富，而且肉味濃厚，非常美味！鹿兒島A4和牛肉眼壽喜薄燒，鍾意食壽喜燒的朋友有福了！鹿兒島A4和牛薄切肉眼，再沾上黑松露日本玉子，入口滑溜，帶點黑松露的香氣，唯一係少貴，不過想念日本的壽喜燒，用來只下引都幾好。餐廳仲有提供不同的串燒，放假同另一半去食住串燒，飲住啤酒或清酒，咪話唔爽！由於我餐點已經點了不少，所以我忍了手(笑)。「厚燒牛舌芯」上面灑上蔥蒜，加埋牛舌的油香，及牛舌的彈牙口感，減肥中的我都忍唔到食晒兩串。香葱豚肉腩卷，香蔥的香氣同豚肉的油香互相support，入口香而不膩。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

早排朋友鯊鯊生日，為了可以唔洗睇餐牌大吃一餐，就揀咗係中環的一間日式餐廳，佢的weekend all can you eat放題一睇Menu已經覺得好吸引！係3個鐘內任食宮崎牛、松葉蟹柳！如果係Openrice網上訂位除咗每人送多份北海道鱈場蟹腳，仲有9折優惠！睇完即安排(笑)！我平時好少食蟹，嫌拆完個殼無咩肉食。不過呢份送的北海道鱈場蟹腳鮮貼十足，而且每條蟹腳成隻手指公咁粗，真係有D可惜無得encore。食日本野食刺身係基本，但唔係每間店都切得夠厚，不過呢到令我滿意！任食的刺身雖然無呑拿鮮，不過有油香滿滿的油甘魚、厚切三文魚、仲有漲卜卜的帶子，同埋鮮嫩彈牙的螺片，滿足也。另外一提，我們再encore 的刺身的份量及質數一樣keep到。另外一題，每位食放題的寶寶都會獲得主菜一款：蒜片A4宮崎和牛粒/ 龍蝦尾北海燒/ 北海道三色丼/ 宮崎無添加健康豚肉涮涮(兩位起)。而我今次就揀咗和牛粒，朋友仔就揀咗海鮮丼。和牛粒入口肉味香濃，油香唔係太膩，鍾意肉肉的可以選呢個。如果大家想食海膽同呑拿魚(因為任食Menu無)，就可以揀三色丼。想食和牛？大家仲可以瘋狂點冷盤的日式烤A4和牛配柚子汁，半生熟的和牛配上開胃的將醬汁，nice nice！如果醬腳食唔夠，仲可以瘋狂點松葉蟹腳 (回本之選)，雖然無一開始送的北海道鱈場蟹腳咁甜，不過我「粗粗地」自己也清了兩碟。相信去到呢到，大家都有可能問，有無熱食？有有有！熱食我推薦試松葉蟹肉茶碗蒸！滑溜溜的蒸蛋，配上松葉蟹絲，可以一飽熱食欲。食飽完一個胃，大家可以食埋甜品個個胃。有H雪糕、日式小甜點。最後埋單每位$1,220，環境寬敞，Service正常，大家想食好野，又驚over budget，可以係到放心食。 (笑)==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

星期六又係休息的日子，今日Lunch去了尖沙咀食台式火鍋。呢間火鍋係台灣的過江龍提供單點火鍋，而鴨血及麵包豆腐就係90分鐘內無限添加。今次係我第二次係香港食無老鍋，而尖沙咀店的空間感，比我第一次到訪的銅鑼灣店更舒適。不太吃辣的我，點了麵包豆腐白湯($68/位)。湯底除了用豬骨及雞骨，仲加了香而不苦的藥材。味道帶少少胡椒的香，配合無限添加的麵包豆腐，把湯底的精華吸收得滿滿的。無限添加的食材還有鴨血，味道完全唔腥，而且口感超滑溜。今次我倆因濃郁的湯底，共encore了3次鴨血豆腐。火鍋少不了配肉肉，餐廳於午市有優惠套餐，$288就有半份牛小排、日本黑豚腩肉/日本黑豚肩肉，再配一份手工瑤柱滑/ 一品蟹滑膏/ 手工蝦滑。只要加多$98就可以要濃香豆皮，及一渣烏梅汁/ 菊花露。牛小排係用了安格斯牛小排，油花比例很好，係濃濃的肉香再帶點油脂的香，食落口感肉質細嫩，一點都唔「鞋」。而豬肉我就揀了來自日本鹿兒島的黑豚肩肉。每塊都成塊豬排咁大塊，而且肉質柔軟。而朋友大推的冰淇淋豆腐($10/粒)，其實係用花枝漿、魚漿、豆腐打成 (即係魚腐)，要煮10-15分鐘先可以享用，出奇地煮咁耐依然超滑溜，食落就好似食疏乎厘般。本身想點響鈴，不過見到台灣直送的濃香豆皮($38)，一於試試。一份有兩段，每一段都同拳頭差唔多大。煮熟就好似響鈴Crossover枝竹，入口不油膩，而且吸了滿滿的湯底。全純牛筋丸($68/4粒)係我認為must try item，入口超級無敵彈牙的口感，無後悔的餘地！食到咁上下，職員送上凍冰冰的水蜜桃沙冰來平衡一下味蕾。整體我都好滿意餐廳的食物、服務，及環境。絶對會再次光顧！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

近年角落生物大熱，行到邊都有佢地的影蹤。早前都有不同的香港餐廳同角落生物做限時crossover，而今次我就去了尖沙咀的奔之食堂。佢係DFS入邊，去到門口已經見到海量的角落生物公仔可以打卡。餐廳入面都有不少公仔，不過想去的大家記住book咗位先去，因為無book位就有機會要坐無公仔的台。食物方面，選擇還算多，只係角落生物的限定Menu主要係插塊牌仔，痴個貼紙。無我上次去另一間同角落生物crossover cafe咁有心思，食野飲野都有杯墊、餐盒、杯可以拎得走。呢間就裝修上可以較打到卡。我只係角落生物的Menu內，點了兩杯飲品：麻雀三色咖啡，及蜥蜴蝶豆花藍莓沙冰。麻雀三色咖啡同Menu上樣差好遠，而且飲落都未到連所咖啡店的水準。原本以為以為有蜥蜴貼紙的蝶豆花藍莓沙冰，飲落係正常沙冰味道。食物就點了一份紅燒牛肉麵及鹽酥雞滷肉飯，味道一般，只係滷肉飯份量有點少。整體來講，都幾失望，如果佢再同crossover，我都未必再試。…查看更多

話說早排放假，就走了去油麻地食個早市串燒放題。平日7:30pm前入座(Happy Hour)，成人只需$208一位、小童$118一位。餐廳原來係旺角有兩間舖，而我今次去的係近廣華街的店舖，餐廳雖然唔算好大，不過全部都係卡位，每張枱都夠大夠闊放食物。食物選擇唔算少，有牛肉、豬肉、雞肉、羊肉、海鮮、菜、腸仔、丸，仲有甜品！餐廳的食物主要係無經調味，所以餐廳準備了不同的醬料及調味料，仲有適合生酮的醬汁，大家可以根據自己的口味去調味。餐廳比較出色包括M6和牛牛柳，佢唔係富有油香的和牛，而係肉味香濃的肉味。如果鍾意油香的，可以試下荷蘭豬五花。每串串燒都用鐵簽叉好，只要將其中一邊的齒輪卡好係個爐，佢就會識自己轉，就算手殘的我都可以輕鬆食到燒得均匀的惹味串燒。另外值得一試係燒蜆肉，平時食蜆肉都係一、兩粒咁食。餐廳用了鐵簽串起一大堆蜆肉，燒好就可以一次過晒入口，滿口蜆肉，你試過未？(笑)呢到有我最愛的豆卜！！烤到佢乾身，再灑上椒鹽真係世一！飲品方面，有汽無汽、有糖無糖應有盡有。食飽飽仲可以揀杯Häagen-dazs雪糕，完滿也\(//∇//)\==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多