KamannChan的个人专页

Lunch同事帶我黎食好西😁Ceviche de Salmon呢個三文魚前菜，食落有少少酸酸地，好開胃Empanada Jamón餡餅外皮香脆，入面有火腿同芝士，加埋蕃茄醬食不錯👍Parmentier Confit Duck Leg鴨腿肉質嫩滑，薯蓉食落有啲甜甜地Milanesa Napolitana炸牛扒食落就比較普通，因為炸過所以牛扒會係全熟，相對地比較遜色。黎呢到都係要食鐵板上既牛扒最好👍👍👍牛味濃郁、肉質嫩滑、仲有好多款唔同嘅醬汁俾你揀，梗有一款啱你口味😆😆Flan de Chocolate睇落似蛋糕，但其實佢係布甸黎，有濃濃朱古力味，不錯！…查看更多

好耐冇黎食美味餃子，都仲係要排隊，不過好似冇以前咁多人😆😆😆呢到最出名就係白菜餃，成日好快就賣哂，今日都唔例外😹😹但我最愛都係韭菜餃，細（7隻）$52，大（10隻）$57，叫左10隻、食到好飽🥹🥹🥹因為佢係size真係好大隻，係平時嘅餃子size嘅兩倍。咁耐冇食都仲係好好味👍👍👍佢既湯底係野葛菜煲生魚豬骨湯，好好飲，唔會好濃清清地。仲有呢到既菜譜係必食，加埋餃子食好正🤤🤤🤤…查看更多

成日行過見到呢間野都有人等位，今日同朋友經過試下，星期六晚等左15分鐘就入得。凍抹茶牛奶，正正常常，未到好好味。酥脆魷魚圈，新鮮炸起好熱辣辣，幾野味，有少少油🤏XO醬象拔蚌片蒜香辣椒奶油扁意粉，呢個辣辣地幾好味😋有幾多菇、推薦👍👍👍烤蘋果批配 雲尼拿雪糕，呢個有驚喜🥰🥰🥰個皮焗得好脆，又熱、加埋雪糕有冰火交融既感覺，賣相都好靚！環境氣氛都幾好，不過就有少少嘈，傾計要大聲d🤣🤣整體都唔錯。…查看更多

呢間海南雞飯睇落好似好普通，但食落有驚喜🤭🤭海南雞好滑好正、個冬瓜湯同飯都出色！仲可以揀多飯。呢個星洲叻沙海南雞我揀左做老鼠粉（仲有幾款粉可以揀），咁樣配都好好食，味道唔會太濃，令人會一啖接一啖咁食，呢個餐有埋碟海南雞都係$80，抵食👍半價跟左個脆炸鳳尾蝦春卷$20，春卷炸到脆卜卜又熱辣辣，好食🤤另外半價加多個鮮油咖央多士$15，相當之邪惡，但食到好滿足🥹🥹🥹整體嚟講呢間餐廳性價比幾高👍👍…查看更多

夜晚係銅鑼灣想食扒，上網搵到呢間新開餐廳。除左晚餐餐牌外，呢間都有d炒粉炒飯食，都幾平、五十幾蚊就有，見到隔離枱食都幾大碟。我地就叫左晚餐B同晚餐E湯都係正常發揮、個蒜蓉包好脆我幾鐘意。西冷鐵板上，渣渣聲香噴噴，好有風味🤤塊扒都幾大塊，建議大家可以揀五成熟，因為塊鐵板都幾熱、其實煮煮下都變七成。扒有肉汁、牛味都濃。葡汁焗雞扒飯，有少少芝士拉絲，雞夠滑，整體味道不錯！最後仲有個小甜品，雖然係啫喱，但係俾埋花奶，好有儀式感🤣🤣餐廳座位闊落，坐得幾舒服。員工有禮，感覺上幾有家庭式餐廳嘅感覺👍👍…查看更多

朋友介紹黎呢間懷舊餐廳試下😄有兩碟前菜，睇落似泡菜，但食落又唔似泡菜，味道都幾好👍叫左火腿津白，清清地幾好。三鮮湯，都幾多料，湯既味道都唔錯。仲有d菜可以食🤣🤣小籠包大大隻，皮唔係薄個種、都幾厚，都有湯汁，睇下個人喜好鐘唔鐘意啦。叫左半份片皮鴨，職員會係你面前切！佢地呢到既皮係偏厚既，都幾特別第一次食😁都係睇個人喜好，鐘意厚皮既人會鐘意。鴨就正常，不過不失、正常發揮。高力豆沙叫左細份（8粒），味道ok，餡唔算有好多，個皮口感都唔錯。覺得一人食一粒都夠，最後食唔哂要打包。呢到既野食有得揀細、中、大，我地人少全部都揀哂最少既份量。呢種餐廳幾有特色，好岩大時大節一家人黎食。…查看更多

見到呢間cafe裝修幾靚所以吸引到黎試下。我地安排坐上層，好有趣係搭lift上去。環境幾靚，但樓底偏矮所以坐滿人都幾嘈。明太子蟹肉三文魚子玉子燒，賣相都幾靚，味道就普通，不過不失。黑松露薯條，正常發揮。蟹肉伏特加香辣蕃茄忌廉粗管通粉，呢個麻麻，通粉偏硬🫠🫠🫠不推薦！明太子忌廉煙肉菠菜大蝦意粉，食落個味忌廉味重啲，唔係好食到明太子嘅味道，整體就正正常常，岩打卡🤣🤣流心焦糖燉蛋法式西多士配合桃碎及焦糖餅乾，其實就係丹麥多士配咗焦糖燉蛋🤣🤣食一次夠了。飲品都係普普通通咁啦🫠🫠🫠…查看更多

呢到有幾款唔同口味既魚，不過我地一心黎食酸菜魚😎😎😎😎係openrice book位仲有炸魚皮送，味道都幾好嫁，脆卜卜，份量都多👍👍椒鹽雞軟骨有驚喜，新鮮炸起，好香口👍揀左2-3人份量既酸菜魚（另外加左鵪鶉蛋），原本都有d配菜（木耳、寬粉、腐竹等）味道都幾好，少少辣🤤🤤我仲叫左碗白飯食，個汁撈埋白飯食好開胃🤤🤤🤤🤤🤤最後我地兩個人食唔哂！最後仲試左兩個奶凍，普普通通咁。坐位都幾好坐，職員有禮貌，最緊要佢價錢都幾抵食👍👍👍…查看更多

呢間餐廳直到而家都仲係好多人食，朋友提早兩日訂，原本想食晚餐都book唔到，只book到星期六lunch。餐廳內在環境幾靚，佢仲有幾個榻榻米座位。lunch選擇唔多，揀左牛小排丼飯，lunch黎講都少貴。店員會介紹一下前菜同埋牛肉，突然覺得自己好似去左高級餐廳😎😎牛肉好粉嫩，牛味好夠，係幾唔錯但未到好驚喜。心之白抹茶拿鐵，抹茶味香濃，有粒大大既冰，天氣咁熱飲落好舒服同幾好飲。朋友呢杯冷泡茶要成$55😨😨黎到有d驚訝，唔建議大家叫😓😓😓豆腐芝士蛋糕-豆腐味突出、清清地唔會太甜宇治抹茶夾心卷蛋-味道好食，但未去到好特別。店員服務態度幾好👍…查看更多

呢間韓國餐廳一到lunch time就會有條人龍😎lunch 餐牌種類都幾多款可以揀。有5碟前菜，每樣都幾好食😋水冷麵配炒肉，冷麵爽口，冰冰涼涼，夏天食一流👍👍佢既份量好多，肥牛嫩豆腐湯配白飯好好食🤤不過我就愈食愈熱🥵🥵冬天食應該會超正！大蔥煎餅，入面都幾多海鮮，味道同韓國食既一模一樣，個邊煎得少少香脆，推薦👍👍👍雞蛋羹，超級熱🥵🥵🥵蛋滑嘟嘟，口感有d似食緊疏乎厘咁，鐘意食蒸蛋既人可以試下。…查看更多

成日經過葵芳呢間野都好多人等位，今日黎食lunch🤭🤭餐廳環境好靚好舒服☺️lunch包湯or沙律，同埋飲品，今日係西蘭花忌廉湯，幾好飲👍香蔥拖羅蓉牛油果醬壽司塔可，第一次食，個紫菜係炸過、脆卜卜😍😍我覺得幾好食！角切魚生丼，魚生新鮮，份量都多，不錯👍明太子蟹籽意粉，😍😍😍醬汁適中好creamy ，每一啖意粉都食到明太子同埋蟹籽，推薦👍👍👍店員服務都好好，好有禮貌。一定會再黎食😎…查看更多

銅鑼灣世貿中心呢間日式餐廳裝修環境超靚😍打卡一流👍👍👍星期四晚餐廳唔算多人，同朋友食飯傾計好舒服，環境好好！佢有好多秋季限定食物，今期好多蟹既菜式。有兩碟小前菜，味道都唔錯。紫薯牛乳抹茶麻糬沙冰兩杯都覺得麻麻🥺🥺紫薯牛乳非常淡，完全冇紫薯味、連少少奶味都冇，唔知飲緊咩🥲抹茶麻糬沙冰上面有粒細細嘅麻糬，抹茶同沙冰好似唔係好夾，味道都係偏淡。蟹黃膏蛋包飯$172，未切開時賣相幾靚，但唔記得影🤣蛋香滑、入面係炒飯，個蟹黃味道都係好淡，正正常常，但唔覺得好好食🫣🫣炸軟殼蟹扁意粉$98，軟殼蟹超大隻，熱辣辣脆卜卜，不錯👍仲有兩粒帶子，意粉就係普普通通嘅卡邦尼意粉。桂花烏龍布甸戚風蛋糕成合$115賣相打卡一流，超有秋天嘅感覺😍😍個布甸幾好食，戚風蛋糕就正正常常普通。整體嚟講餐廳環境很好，下次可以試下其他款式既蛋包飯可能會更好。…查看更多

呢間秘以前係人龍店，永遠都勁多人等位，星期六6點幾黎到直入，入面仲有幾張吉枱，睇嚟熱潮已減退🫠🫠🫠黑安格斯牛舌芯+晚市定食$148牛舌好薄身，口感都幾好，但唔算有太濃既牛味，不過不失🫠🫠🫠板燒吉列安格斯牛小排+晚市定食$186個吉列牛有幾舊肥膏覺得多左d，吉列牛本身油再加上自己燒，食落覺得好似成口油咁🫨🫨炸手羽$48，熱辣辣脆卜卜，正常發揮。成間鋪油煙都比較大，食完覺得成身好大陣味🫠…查看更多

好耐冇食ufufu，今次黎左葵芳店食，以前成日大排長龍，星期六5點幾黎到唔洗等位。抹茶拿鐵，糖水自己落所以唔會太甜，抹茶味唔會太濃，正正常常。明太子烏賊忌廉意粉$118，記得以前已經好鐘意食呢個意粉😍😍味道不變都仲係好好食，醬汁會稀少少，食落唔會好膩👍👍鰻魚撈烏冬溫泉蛋$138，鰻魚都係正常發揮，烏冬汁偏甜，覺得唔係好夾。粟米魚餅$55，香香脆脆熱辣辣，不錯👍焦糖香蕉法式吐司$88，個吐司好特別，食落好似食緊蛋糕咁🤗個雪糕係焦糖雪糕、少少甜，下次可以試下其他口味。TIRA栗子蓉芭菲$92，栗子蓉好好食，上面有個tiramisu蛋糕，朱古力雪糕，成個芭菲都好食。…查看更多

約左朋友黎圍方呢間靚靚餐廳食，星期六晏就三點幾唔洗等位。小食拼盤$128（蜜糖牛油雞翼3隻、吉列大蝦3隻同埋大量薯條），全部新鮮炸起熱辣辣，個吉列大蝦好好食、炸粉唔會太厚。蜜糖牛油雞翼就油咗少少🤏，薯條都係新鮮熱辣辣，同埋份量超多🤣🤣🤣兩個人食唔哂！明太子蟹肉意粉$158，明太子意粉愛好者嘅我其實係為咗佢而嚟🤩🤩果然冇失望👍個汁好好食、每條意粉都充滿濃濃嘅醬汁，正！夏威夷Pizza$128，正正常常、不過不失。原味pancake$98，賣相好似有d fail，cream 唔夠多，同埋個cream好水，有大量杏仁片，pancake都有蛋香味，不過整體覺得麻麻地。可能其他口味會好d🫠🫠🫠店員有禮貌，主動幫我地加水，服務不錯。環境就有d嘈，同朋友講野要大聲d🤣🤣…查看更多