Yellow Laboratory的个人专页

工作忙碌只能吃個快飯都可以揀間良心小店💛今次嚟見唔到🐱大老闆，希望下次有機會啦！羽山燒雞扒牛乳炒蛋飯 $52蔥油豬頸肉拼牛乳炒蛋飯 $52呢度本menu畫得好靚，有大老闆㗎，連熱飲枝棒棒都有😻冰室嘅滑蛋飯一定冇得輸，所長大推豬頸肉，唔會太肥又唔會韌！飯會有伴少少榨菜平衡下個油膩感👍🏻午市仲有例湯，都幾抵食💰杯茶走都合格，所長喺元朗又多一個飯堂了💛…查看更多

小山園抹茶麻糬bagel $18所長經常幫襯嘅手工麵包店，當中最最鍾意當然係佢哋嘅bagel啦，有好多口味😍 今次買咗當中最常買嘅抹茶麻糬，抹茶味好濃，成個bagel食落都甘甘地，好啱唔鍾意太甜嘅朋友👍🏻如果食滿足啲就會推薦紫薯bagel或者佢哋嘅scone🥯其他麵包同蛋糕都好味㗎，最正係有明太子口味嘅麵包，款式太多不應盡碌，有三間店喺唔同地區，推介畀大家多多支持✨…查看更多

明太子櫻花蝦配青瓜絲扁意粉 $148加咗青瓜絲喺面成碟意粉食落冇咁滯，櫻花蝦亦都加得好大方呀，幾有新鮮感，但男仔就未必夠飽了。原條鰻魚蛋包飯 $168個名已經話咗你知係咩料，份量十足，啖啖飯都有汁有料，係略嫌價錢偏貴少少🤏🏻百利甜酒鮮奶咖啡 $48咖啡入邊除咗咖啡嘅香之外仲有少少酒香同埋兩者加埋嘅少少苦澀味，味道調教得啱啱好，所長大推💛宇治抹茶白朱古力奶 $48絕對因為係外貌協會會員所以先叫嘅，因為係白朱古力嘅關係，實在係太甜啦，奉勸各位如果平時唔飲開全糖飲品就唔好叫喇😂…查看更多

酸辣湯大嚿米線 $57 （飲品+$5）類似譚仔/三哥嘅過橋米線咁，大碗上同有好多餸，大推畀餓底嘅朋友仔，酸辣湯底唔會過酸或者太油，但就冇咩驚喜。藥膳麻油雞米線 $52（飲品+$5）冬天必食之選，食完成個身即刻暖笠笠，麻油雞夠晒滑，睇過OpenRice嘅食評好似水準唔太穩定，但所長到訪時覺得呢個招牌米線在水準之上呀，份量又夠，可以一試💛炸雞 $20即叫即炸好香口，雞肉亦唔會太肥，餓底者可點，否則一碗米線份量已經好足夠。…查看更多

招牌三拼餃子刀削麵 $46三拼餃子湯麵包括三種餃子，大白菜、韭菜、香芹，每款兩粒。呢度所有餃子都係人手喺店面包嘅，門外隔住玻璃已經可以見到店員密密包，餃子大大粒，所長個人最鍾意係香芹餃，因為唔算係間間餃子店都會有得食，如果本身會食香芹嘅朋友仔應該都會覺得呢款最正👍🏻鹹蛋黃芥菜鮮肉餃銀針粉 $45所長見呢款鹹蛋黃芥菜特別啲就揀咗嚟試吓，雖然係鹹蛋黃餡但又唔會話真係太鹹，個調味做得啱啱好，湯底亦都一樣唔係味精好重嗰種，係好親切嘅家常口味💛…查看更多

無意中遇見嘅街坊拉麵店，超抵食但做到九月尾咋，要食就快啲去排吓隊喇😢自從街坊們知道做到九月尾之後，呢間小店都做到踢晒腳，要嚟嘅話要畀啲耐性食物等耐少少啊🤏🏻巨輪叉燒拉麵$68巨輪叉燒面嗰層火炙過，燶燶地加超香油脂味，個厚度控制得好好所以滿足得嚟唔會覺得好「漏」😌拉麵本身已經配咗紫菜少少菜粟米同埋糖心蛋半隻，如果有咩唔記得同老闆講呀。雞扒拉麵$68 （兩塊梅頭叉燒+$15）見到呢個拉麵嘅價錢完全冇諗過去雞扒會係咁大塊嘅，加上面頭嘅沙律醬同埋燒汁食落甜甜地，而且塊雞扒都好嫩滑，老闆仲透露咗少少佢哋醃雞扒嘅秘訣畀我哋聽💛 梅頭叉燒冇巨輪叉燒咁肥美，但都做得好好唔會好乾，如果怕肥叫梅頭比較啱啲👍🏻日式餃子3隻 $15幾鍾意佢嘅餃子係用三隻為一客，因為好多拉麵店嘅餃子都係五隻一客，如果一個人食嘅話就會嫌太多。章魚燒3粒 $15當日嚟嘅時候晚市非常忙碌，章魚燒係第一樣上碟嘅食物，因為實在係好肚餓所以覺得特別好味🤣…查看更多

屯門都有正嘅台灣嘢食喇！本身睇地址以為好遠但係原來其實都係虹橋嗰頭唔算太難搵😌午市紅燒牛肉麵 $65 （凍檸茶+$6）個湯底唔係好濃郁平時食開嗰啲紅燒牛肉湯底，雖則唔係我期望嗰個味但係呢個湯底清得嚟又有少少蘿蔔嘅甜味都好唔錯呀👍🏻午市套餐又有跟配菜，而且啲牛肉分量都算唔少，而且夠淋，最特別係蘿蔔竟然有紅白蘿蔔種，又幾特別喎，整體嚟講算CP值高。另外，跟餐可以叫其他嘢飲但減肥中嘅所長就冇叫了，大家可以試吓💛…查看更多

餓得滯諗住求其搵間茶記/冰室頂一頂肚點知勁有驚喜嘅一餐！滑蛋蔥花叉燒飯 $52 （凍飲+$3）蛋夠香夠啊叉燒又唔會乾身太過柴，滑蛋方面所長發現發現茶記永遠做得冇咁好，叫冰室冰廳嘅通常都會煮得好啲🤣就好似光榮冰室，以後又有多一間一冰廳可以袋喺袋實冇死餐單💛鮮粟米忌廉湯通粉配炒蛋多士 $40（凍飲+$3）呢個忌廉湯真係不得之了，勁濃郁有杰身完全冇慳水慳料。比起平時食嗰啲味精湯火腿通呢個真係算唔話得，雖然都係類似罐頭湯咁嘅味道，但係食第一啖真係超級有驚喜，本身見價錢都正正常常所以期望值比較低，食落覺得又幾特別喎💛一樣都跟咗炒滑蛋同個飯一樣做得好好，唯一覺得麻麻哋就係個多士，個包唔夠鬆軟比較乾。…查看更多

有次喺APM行行吓街覺得好肚餓，即刻開個Wolipay搵食，出咗去見到呢間野個裝修好似麻麻哋，但當時已經好肚餓照樣坐低食啦！🤨寫食評先發現原來佢同新都城同埋美麗華嗰兩間都係一樣嘅coffee art，真係睇唔出😅鐵板焦糖香蕉雪糕班尼 $60可能因為見到間餐廳個裝修麻麻哋，本身對佢嘅嘢都冇乜期待，純粹想填肚，咁樣反而非常之有驚喜🥰鐵板上嘅brownie個甜度啱啱好，加埋個有少少焦香嘅香蕉同埋雪糕，真係要趁熱食相都唔夠膽影多張🤣…查看更多

十年如一日嘅menu只得牛羊豬三個main畀你揀，好簡單嘅原因，就係貴精不貴多💛Ribeye dinner set $348Pork rack dinner set $298試咗牛同豬，兩個唔係煮得一般嘅好，真心好出色。特別係個豬，所長都係第一次食咁嫩口嘅豬，講緊個豬唔算係老闆大推嘅嘢，食羊嘅話可以點吓佢大推嘅lamb rack!入到嚟每人min要叫一客Dinner set，包餐湯同沙律，個湯都驚為天人，掛住食唔記得影🥲老闆好熱情，分享咗少少舖頭嘅運作，原來有啲飛機貨一到咗佢係即日自己狗衝去拎貨所以先可以咁新鮮！其實今次仲有點到mussel（$168）, scallop（$98）, foie gras（$98）但好食到連相都唔記得影，如果訂座後老闆WhatsApp你幫你留嘅sides，唔使諗要咗佢因為一定正👍🏻Apple crumble $98Apple crumble份量同甜度都剛剛好，就算唔太好甜都推薦兩人share一份啦。想食高質西餐又唔需要去到酒店嘅價錢，呢度舖位細細又有自己style，食物質素加上好客嘅老闆真係做到賓至如歸！…查看更多

係超級難等位嘅阿木！大概諗起過廿次先第一次食到，今次試咗聽聞比較好食嘅廣華街店🤣💛紅燒牛肉麵 $65可能因為實在太有期望了，反而覺得個麵冇咩驚喜。湯底屬於只咸不辣嘅style，強烈建議大家食到辣嘅一定要落枱面個辣醬/油，落咗口味三級跳👍🏻抵讚嘅係牛肉超多舊，舊舊厚切，啖啖麵都有牛肉💛鹽酥雞便當 $54鹽酥雞嘅調味比較淡，重口味人士須慎重考慮，但雞肉質感係好嘅，唔會好多粉，啲肉亦都幾滑。芝士肉鬆蛋餅 $42蛋餅嘅餡好足料，芝士肉鬆呢個組合冇得輸，係覺得呢餐最好食嘅嘢😍珍珠奶茶 $15仙草奶茶 $15飲品表現正常，茶味夠濃，微糖嗰杯有跟足微糖🥲…查看更多

又係大角咀小店💛人手同坐位都好有限，想食就早啲到喇！慢煮西冷牛丼並盛 $70 （包湯、前菜）前菜同湯都好味，有日式家庭小店嘅風味。所長好欣賞個menu分咗小盛、並盛同大盛有不同價格，客人可以根據自己當日食量選擇，唔會做成蓋飯或者丼飯常見嘅浪費👍🏻 慢煮可選西冷或者貴少少嘅肉眼，所長今次揀咗西冷已經好好味，肉好軟腍，簡單嘅調味加埋隻蛋黃，幸福感滿滿😌牛丼配以小量蔬菜，做到啖啖飯都有餸食嘅效果👏🏻奶油咖喱雞飯 $58 （包湯、前菜）怕食生生地嘅牛肉或者唔食紅肉可以揀呢個，因為係奶油咖喱口味偏甜，完全唔食辣都冇問題一定食到👌🏻另外仲有一個沖繩豬肉塔可飯，下次再嚟要試埋！😍…查看更多

同食韓燒一樣，記得唔好着冷衫嚟吸晒啲牛味🤣 好幾年前食過一次秘，原來依家已經要排隊先食到，多咗好多客👏🏻板燒吉列牛定食 $146冇得輸嘅吉列牛，自己燒自己食可以控制自己想要嘅熟度。牛嘅份量都唔少㗎，加埋隻糖心蛋、飯同湯，係十分滿足嘅一餐呀！記得之前要叫過金魚湯，條魚係有少少似餃子咁嘅嘢，今次就冇叫喇，但個櫻花湯好似冇咩味🤣 鍾意佢個白飯上面有啲飯素，咁好似所長咁唔鍾意食白飯嘅都食得開心啲！另外，想讚吓店員們隨時都留意住客人使唔使加酒精蠟，食晒成餐都唔使特登叫佢哋加，又真係冇斷過火！🔥秘燒牛肉鍋定食 $136個個都食燒牛，諗住叫個鍋食平衡吓啲熱氣，對個鍋冇咩期待但又ok喎，可以有啲菜食吓，兩個人叫一燒一鍋又幾正！鍋都一樣有蛋飯湯呀👍🏻…查看更多

每逢weekdays都會好掛住weekend食嘅cafe之類的🥲Pause it又係一間人龍cafe，當日開舖冇耐就去到先唔使等好耐咋！All day breakfast $98Iced latte $38其實一向都知ABD係一樣好簡單嘅嘢，屋企都整到，但自然醒加ADB加杯咖啡係一個package嚟，係weekend充電同幸福感嘅來源🥰鍾意佢個腸唔係太咸，仲有啲炒菇，同埋少澱粉嘅組合👍🏻Avocado chicken risotto $88Iced matcha latte $42原來熱嘅牛油果係咸咸地咁，個組合幾有趣，但應該唔係人人都鍾意。另外要讚吓呢度除咗咖啡之外仲有好多唔同latte，就算同唔鍾意飲咖啡嘅朋友嚟都冇問題，友人話杯matcha latte夠濃好飲👍🏻…查看更多

咖喱豬肉忌廉雞肉蛋包飯 $82好有日本風味嘅一餐，唔好睇個飯好似好多汁咁，飯同汁同肉嘅比例完全係啱啱好，真係可以做到淡淡飯都有汁撈，但係又唔會多到變咗湯飯咁！而且滑蛋加咖喱係絕配，個忌廉雞肉又可以中和下咖喱嘅鹹，可以揀自己想配嘅組合，偷偷聽到隔離枱話個漢堡都好好食！雖然食午餐嚟講，價錢算係少少貴，但係物有所值，而且店員超級好禮貌服務100分！…查看更多