foodiediary的个人专页

之前去日本、泰國愛上左當地既流水蝦文化，唸住香港唔會有，點知佐郭真有間。疫情下出唔到國，都試下先啦。點知又有驚喜。餐廳既setting係每一張桌離都有個蝦池，池邊就係一個火爐。睇邊隻唔順眼就夾起佢來燒。勁新鮮，而且好大隻，又多糕。一落去d汁爆哂出來，勁鮮甜。你唔好如為佢比d好炸既蝦你，呢到隻隻大大隻，又生猛，一定好過你去自己買。除左流水蝦放題外，其他既海鮮、串燒都係任食架，仲有唔同既BBQ sauce 比你揀，食足2.5小時，包你食到飽飽。海鮮一d都唔慳家，有原條海魚、鮑魚、帶子、仙貝魷魚等等等等。同樣地超新鮮，員工即場係你面前處理新鮮既海鮮，處理完大家就以夾返位，慢慢燒。鮑魚同仙貝，大家一定要記得食! 包你過都話正呀!…查看更多

刺身船又大又滿又新鮮xd咩刺身都有，有油甘魚、蟹腳、三文魚、油甘魚、鮑魚等⋯仲要唔慳家，件件大件，又厚切，味道口感都係一流壽司維持一直以來的高水準：三文魚壽司鮮甜，又唔會太大份，可以食多幾件饅魚壽司同樣高水準，又香又濃鵝肝帶子壽司～鵝肝油香濃，帶子鮮甜燒物夠野味燒牛舌必食呀羊肉又軟又入味，燒雞軟骨都定要下，仲要加檸檬汁，脆卜卜炸天婦羅，脆卜卜炸魚，脆卜卜燒菠蘿唔脆卜卜啦，不過好甜其他燒物都好值得推薦，倒如燒饅魚燒芝麻雞翼等佢地既甜品都唔錯架，有雪糕有cake飲品真係值得一讚，可以話乜都有，仲要係高級既。整體而言，食物選擇多，質素平均高。…查看更多

疫情放緩，難得又放平日，今日同屋企人去食好好好耐無食過的午市放題。午市放題 （一至四）$188加一我真係比個價錢嚇親，呢個價錢可以食足三個鐘，超抵食!👍🏻我們仲可以坐卡位，所以都好舒服。另外，而家用mobile打掃QR code就可以落單，同以前寫紙仔年代講88，超方便，可以清楚知道自己下單情況，又少左漏單的風險。🍱選擇超級多，有刺身，壽司，卷物，手卷，軍艦，一品料理，炸物，天婦羅，燒物，串燒 ，煮物刺身etc絕對有一款岩你食!首先想讚上菜快!一開始，我們叫左好多刺身刺身擺得好靚，有乾冰仲無噴煙，証明好夠凍,全部刺身好厚身，又新鮮蝦勁大隻！另外，我叫左幾次海膽手卷，因為飯比例好少，真係啖啖海膽之後叫左少少炸物和天婦羅炸物必食脆炸貓山王 ，夠熱同脆口天婦羅都好出色，脆口得來唔乾身！我地叫好多熟食，蒲燒鰻魚，雖然每次一件，雖然一口size但係超厚身好肥美😋😋😋燒雞軟骨好有咬口 !燒菠蘿好Juicy !仲有青魚都好好味，又多肉！另外，除咗Apps可以落單，外面仲有大量嘅飲品，熟食，凍食可供選擇🥰🥰呢個價黎講食三個鐘 真係好抵極尚大喜屋 (銅鑼灣廣場一期)地址: 銅鑼灣軒尼詩道489號銅鑼灣廣場一期9樓…查看更多

因為疫情關係，好耐都冇打過邊爐。終於趁呢排情況好返少少去食雞煲加打邊爐！今日就揀左呢間位於MK既二鍋頭，依家做緊折，先$188加一，又有得食雞煲同火鍋，一次過滿足2個願望~!性價比一流。我地怕辣，所以叫左小辣，味道岩岩好，d雞好嫩滑，又入味，唔會好咸, 值得推薦，食得辣既人，一定要食辣d，因為佢辣好香，好特別！食完雞煲又可以轉打邊爐，我地揀左最熱門既沙嗲湯底，老闆又好好人，如果食食下覺得加水淡既話，又幫我地加返d湯。火鍋既自助配料好多，蔬菜又乾淨又新鮮，肉類既質量亦都不負所望，海鮮既量亦都唔會孤寒，你叫幾多佢就出足咁多比你。來到呢到，無論鐘意食肉,食菜定鐘意食海鮮都會搵到自己鐘意食既野想一次過滿足2個願望，又想省錢既話! 二鍋頭係不二之選…查看更多

玩味十足既”黃金”餐廳食飯一定要去黃店是常識吧！特別係呢個疫情底下，我地更加要撐手足!銅鑼灣呢間Mamaday，裝修玩味十足，每樣裝飾品都有濃烈諷刺社會既味道，只係餐牌都夠大家慢慢睇足10分鐘，諷刺得來又幽默感十足，令人有種會心微笑既感覺。黃藍是政見，黑白是良知，好食是好食！呢到既食物質素極高！” 有得食手打漢堡仲想點(With Orange Jam) (你無睇錯，呢個係個食物名來架) 手打漢堡好厚身又juicy, 完全拍得住出面知名漢堡包店。Orange Jam真係神來之筆，濃郁既漢堡味配上輕輕既橙味，完全估唔到咁夾。而且分量好足，有好多薯條！小編1個人食完勁飽!<<避風塘style肥牛蛋包飯>>同樣分量十足，d肥牛多到成座山咁高，避風塘style咁炒，又十分香口，蛋包飯隻蛋都炒得好滑，整體來講就係正啦牛油果沙冰口感係杰撻撻的(Avocado Frapp)用新鮮牛油果打成，口感綿滑杰撻撻，健康得來又好味。黃金阿婆塊皮 (Golden Apple Frapple)青蘋果沙冰加上少少蜜糖，清新又醒胃！…查看更多

沙田馬鞍山被喻為美食沙漠，呢期MOST Town進駐好多新嘅食肆，心唸終於有啖好食，今日去食鐵板牛扒，有開分店應該都唔會差。果然期望愈大，失望愈大。佢個鐵扒做得好差，1-2分鐘左右就無咩熱力!我朋友嗰個真係得1分鐘，結果佢要食5成熟，但佢本身食開7成。我嗰個熱少少，但塊扒300g比較厚身，要好趕甘切好去食2成熟變5成熟😒😒😒😞✔️澳洲西冷牛扒300g$109都算大塊，但肉質麻麻，有1/4係肥肉，所以可以食的比較少。✔️澳洲肉眼牛扒200g$89呢個比較好，肉質亦比較平均，不會太多肥肉😞千萬不要加$33配套餐我朋友加左$33，四款可以揀3樣佢個意粉勁細，仲要好明顯係水煮比你，完全唔值嗰個價錢個餐湯先過分，雜菜湯，係可以好似飲鹽水，完全冇味😰總括而言，食物質素偏低，就算要食只可以食200g的扒餐，因為個鐵板熱力的問題。仲有配菜可以完全不用考慮😔…查看更多

尖沙咀呢間鮨真嘅廚師發板就非常出名， 今日特登嚟試下呢一間餐廳嘅午餐如何。由於廚師發板非常受歡迎， 我哋book唔到位嘅情況下食咗set lunch。首先有個set lunch 的前菜日本和牛薄燒配珍珠米牛肉燒得非常嫩滑， 牛肉味道極濃， 而且油花比例一流， 一放入口， 牛肉嘅油脂喺口裏面充分散發， 齒頰留香。 再配以少少嘅珍珠米， 完美將牛肉嘅油脂中和。 而且佢嘅燒汁經過特別調劑， 同牛肉嘅味道非常之吻合， 你呢間餐廳食晏一定要叫呢個set! 鱈魚西京燒配珍珠米廚師張火候控制得啱啱好， 燒到外面有少少超黃色， 但魚肉喺入面又唔會乾， 肉汁完全鎖喺入面。 魚肉嫩滑嘅程度就好似蒸魚咁。呢個Set lunch會配一個茶碗燒， 一如既往，呢度嘅廚師學非常懂得控制火喉， 蛋當然十分滑， 而且佢家有少少海鮮喺入面， 清新得嚟又小小鮮味。總括而言呢一間餐廳性價比十分高， 喺尖沙咀咁多食肆入面仍然可以鶴立雞群，絕對唔簡單…查看更多

同事推介左食四季常餐好久，加上佢又開左新分店，所以今日就去會一會佢。我叫左常餐✔️茄牛通粉+炒蛋多士+飲品$48 茄牛係用碟去載，所以無咩湯，個茄湯我覺得係加茄膏，所以欠缺鮮味。到重頭戲，炒蛋。都炒得叫滑，但好似太水，好似加太多奶去炒。同事叫左下午茶餐✔️叉燒炒蛋配秘製豉油汁飯$58呢個不錯，只係彈嘅份量不太多，叉燒可以切細粒就好，原塊叉燒有啲大，同埋豉油汁唔係太夠總括來講，外界話好好食，我覺得實在太誇張。…查看更多

Kim's Bowl今日晏咗食飯所以去咗啦公司樓下食下午茶，見到一間食韓國嘢嘅餐廳就揀咗佢。佢係一間專做外賣嘅韓國餐廳，店內呢就有少少嘅企位。咁我就揀咗一個combo a，呢個set可以揀兩杯嘢飲同埋三件壽皮壽司咁我就揀咗以下呢幾樣嘢：飲品：柚子 +紅棗茶 食物：Combo A蟹子蟹柳沙律腐皮壽司：蟹子非常新鮮粒粒彈牙蟹柳就唔係一般嘅百佳貨辣味魷魚腐皮壽司辣味魷魚非常惹味，真係好有韓國嘅風味醬燒牛肉腐皮壽司牛肉嘅味道非常濃，而且佢用醬油去燒，完全將牛肉嘅鮮甜味帶曬出嚟。簡單嚟講三件腐皮壽司都做得好出色，佢個腐皮食得出係自己整嘅，帶有少少嘅甜味，但係個豆香又唔會被完全遮蓋。…查看更多

丸十あぶり牧場今日同朋友gathering，佢最愛蛋黃哥，又比我們知道有個日本餐廳用蛋黃哥和XO的聯乘合作，當然要去打下卡。這裡的裝潢很一間日式居酒屋，氣氛都唔錯，店內的樓底很高，空間感不俗，所以很寬敞。牆身貼著一大幅XO的圖案，打卡熱點！餐牌內有不同的分類，例如是沙律、前菜、刺身、串燒、燒物、丼飯、麵食等等。我地叫左以下食物：✔️自家製玉子卷呢個玉子係新鮮製作嫁！上菜時熱騰騰，仲有煙飄下飄下，哈哈。味道好香雞蛋味，外表口感比較實，另外，內裡有小小係流質的蛋，有2重口感。分量好多 其實你畀我我淨係食呢個玉子燒都飽✔️角切刺身丼真係太好味，魚生好貼心去砌到一粒粒，所以全碗都係滿滿的刺身，多到搵唔到飯😂而且款款刺身都很新鮮，因為刺身中能保留到魚的鮮甜就證明處理得十分到位。勁高質呀！又足料又好味!✔️燒牛舌丼又一招牌菜，好多大大塊的牛舌鋪滿全個碗。咬一口，好有驚喜，肉質比例較多，纖維較細密，很有嚼勁，而且牛味亦較濃郁，肉汁能鎖進牛舌入面， 是會一試愛上的味道！最後叫左杯芭菲做飯後甜點超高質日本餐廳，雖然主力做牛，不過其他食物一點都唔輸蝕!…查看更多

為牛魔王而生既餐廳秋風起，就3蛇肥! 秋天最岩就梗係瘋狂打邊爐啦! 今日來到旺角既天下糧倉牛肉火鍋專門店，名乎其實就係專食牛既。唔知大家有冇去過內地食潮汕牛肉火鍋，呢間就似潮汕既升級版。呢到係類似日式加潮汕牛肉火鍋咁。簡單講就係為牛魔王而生既餐廳。來得食牛既專門店當然唔會只得普通牛肉或者肥牛，呢到係非常專業。牛肉拼盤由唔同嘅牛部位組合，由吊龍、匙柄到安格斯都有，而且仲擺得非常靚，相機食先之餘，味道亦都非常好。每一個部位既肉質，牛味都各有特色。一定要每食一口，都要清清個口，組嘗每份牛既味道。至於湯底，個人就建議揀潮汕牛骨湯，因為味道濃郁而且清甜，最配滾牛。佢其他既火鍋配料都唔差，例如丸，菜、餃子等等。當然牛丸又係呢到既必嘗之品!…查看更多

日本人鍾意去居酒屋飲下酒，食下串燒，身為香港人既都好鐘意呢文化，所以就去左呢間位於Tst既味道樂居酒屋。原條醬炭火燒鰻魚飯超大條! 真, 原條鰻魚上，成隻手咁長，又厚身。加上醬汁，大滿足!. 必食！而且只係$138，非常抵食刺身方面都好新鮮，食材高質，新鮮肥美嘅魚生！壽司質量都好高，主要都係因為刺身好新鮮！雞軟骨、冬茹串燒，燒得夠脆口，又Juicy豬腩肉京蔥串燒，必食！豬腩肉既油香係口到排回，加上蔥做中和返肥膩感，一絕！總結就係刺身、壽司新鮮肥美。串燒燒得岩岩好…查看更多

成條棉登徑全部都係極高質既餐廳，要係呢條街站得住腳，一d都唔簡單。今次介紹呢間牛魔，絕對特別之處 ！同一般韓國一樣，坐底先來前菜芽菜、泡菜、醃青瓜唔夠可以refill。味道有調較過，就返香港人口味，冇咁辣但仍然好好食，甚至比韓國既過之而無不及A4沙朗和牛刺身伴海膽好食到痴線呀！擺盤又精緻！A4和牛入口即溶，和牛燒來食就多。刺身食真係未試過！A4和牛聽落都知好食，油花完美、色澤粉嫩仲要係咩呀？仲有超多海膽呀！又鮮甜又唔腥! 一定一定要食另外叫左3款肉，一個係牛五花，一個係豚肉五花腩，同A4和牛牛肩肉薄切配蘋果條。牛肩肉切得勁薄，雪花分佈完美，配上蘋果條。因為係靚牛題關係，食7成就perfect啦。非常嫩，加埋蘋果條又清新又夾，口感更豐富。牛五花牛味超濃，油脂燒到焦香，再加小小芝麻，食落就知甘香。豚肉五花腩五花腩較多油，要薄身燒到微焦帶香脆，外脆內軟！…查看更多

平時好鐘意食雞煲，今日專登來到旺角的回到味來呢到有半自助雞煲放題，雞就任食的，任選辣度，海鮮拼盤和牛肩脊就供應一次至於其他正常火鍋既食物，都應有盡有，呢到既雞煲好香，只而有辣度揀，我地第一輪就食左BB辣，之後覺得唔夠就升級去小辣肉質好嫩滑，岩岩好熟，大家最好炒一陣就熄火，保持嫩滑食完雞煲就轉火鍋，用返原本雞煲湯底又得，轉其他湯都得牛肩脊的牛味勁濃又滑溜，必食!海鮮拼盤勁足料，有聖子、鮑魚、蝦、花甲等等，而且勁新鮮，上枱時，d海鮮仲識郁架!只於其他食物都不錯，性價比算高…查看更多

今日同同事去左一個位於Hysen的韓國🇰🇷炸雞店。好特別今次呢間韓國餐廳不是炸雞為主，而是Pizza為主🤩餐廳內有特大玻璃窗, 自然光透入, 環境開揚，好韓式Studio Style!一打開Menu,就見到有多款Pizza, 多個配搭更不是其他餐廳所有, 好特別。炸魷魚圈$78首先叫個小食，好脆的魷魚圈，好正，一定要即食，點少少沙律醬，真係好好食。Pizza🍕 ：肉食主義$148好多種肉，有牛小排,香辣雞肉，火腿，西蘭花，蘑菇，配上番茄醬底。薄餅的餅底是厚批底，口感鬆軟，充滿空氣感。我們有4個人叫左2款，蜂蜜蒜泥炸雞+ 芝士秘製炸雞，每款6件。蜂蜜蒜泥炸雞$108個色炸得都幾靚, 食落好脆, 肉質又好嫩, 外面重有少少蜂蜜甜味, 加少少蒜泥, 蒜泥加上左蜜糖變成水狀蜂蜜係炸雞上面，少少甜, 好好味。芝士秘製炸雞$119炸雞舗滿濃香的芝士粉，好重芝士味。炸雞的粉漿不太厚，很香脆多汁，肉質鮮嫩，每一口都外脆內軟，而且一點也不肥膩！鳳梨🍍蝦芝士拌飯$118好特別嘅韓國fusion拌飯，因為芝士的分量好多，攪勻後，會見到拉絲效果非常誇張。食落口啖啖芝士，好足料。飯因為鳳梨，本身好甜，好少食到甜的飯，好正！蒜香番茄蟹肉意粉$148意粉就正正常常，好多番茄汁，蟹肉相對比較少，但酸甜適中朋友好鍾意呢餐飯，因為每個菜式都好特別，好有心思去製作。一大班朋友，飲下野食下炸雞pizza閑聊下，真係一個好啱朋友聚會嘅餐廳👍🏻一定會再幫襯，俾個pizza 炸雞深深吸引着!…查看更多