LegendaryQueen的个人专页

得知悅木係老趙系列既首間香港島分店，之前去過其尖沙咀分店都不錯，呢間聽聞也是老趙的兒子打理午市這兒有供應套餐，裝潢也比尖沙咀店新穎，套餐約有十款冷熱檬河選擇，加一款小食及特飲生牛肉河牛肉都可以，也不起根，主要想試其湯底及河粉，湯我覺得尖沙咀店的較濃較甜，不過河粉兩店都一樣，很滑很薄，把濃湯的味道都吸下去吃越南菜就是喜歡食物味道都偏濃~蝦多士蝦膠沾在已烘過的法包上，香脆可口牙車快這個生菜沙律只吃了一箸，酸甜味道很突出，還有雞絲跟紅蘿蔔絲等，用料也算新鮮春卷即叫即炸，上來時還熱得辣嘴! 春卷皮我喜歡薄的，這個也脆但好像硬了點...內餡主要是粉絲紅蘿蔔絲，加點肉碎會更香口特飲我選了青檸梳打，很正路準備離開時見到架著一副黑超的老趙來巡視業務，從一開始在街邊手推車賣河到現在第三間店，希望一直保持水準啦~…查看更多

一天要到旁邊的7仔，突然眼前一亮，多了一間東海堂，不像其他分店，店子帶木系簡約風，麵包架縮瑟於一角，主打的是玻璃櫃放滿三層的各式凍餅及蛋卷，很多產品都掛上本店限定的牌子…原來是全新概念店，開店以來試過其中幾款！十勝紅豆綠茶卷 - @$12綠茶味既海綿蛋糕包住既係泛微綠既cream，兩者既綠茶味道適中，當然不及patisserie yamakawa版的來得濃烈，但東海堂的也同樣放有紅豆粒於綠茶cream中，cream不算很滑，但海綿蛋糕卻很鬆軟！這款本店限定跟其他分店不同之處除了用上綠茶cream外，在外面亦加上綠茶粉末及紅豆粒作裝飾，綠茶味更明顯之餘賣相也更吸引，難怪成了當店主打新品之一~夕張蜜瓜卷 - @$12同樣標榜著是採用了北海道牛乳3.6的蛋卷，這蜜瓜卷同綠豆卷相比起就失色不少…海綿蛋糕及中間cream的部分都沒有加入蜜瓜調味劑，只是蛋卷去到一半才吃到一兩口帶淡淡的蜜瓜味，而店員所說在中央的蜜瓜肉我一點都吃不到青森蘋果卷 - @$12賣點便是中間換上蘋果肉，粒粒皆爽甜~蛋糕的蛋味比較淡，質感不是ROLL的那般濕潤，偏向乾軟~另外值得一提就是充滿奶味的cream，突出是因為用上北海道牛乳之故吧芒果拿破崙 - @$16因為新張期間會有半價優惠，店員又極力推銷xd...沒太多層次，上下層酥皮夾著中間的mustard cream，酥皮頗脆，但嫌略厚所以欠鬆化感，custard cream亦不夠香滑，不過片片芒果就很新鮮~焦糖燉蛋 - @$22白瓷杯盛著燉蛋，用上紅莓、金箔等裝飾，加上面層微薄的焦糖，很誘人呀~~ 放進口先是一陣冰涼，然後很滑很滑的接著融掉，蛋味濃厚，甜度也適中，啫喱質感的焦糖層輕易被襯托出，增添了口感的同時也帶出了焦糖味，炎炎夏日吃這個很開心Opera stick - @$18外表ok的，ganache layer最突出，薄薄一層朱古力味卻很濃厚！朱古力及杏仁cream layer都各自帶出了其味道，唯獨opera應有的咖啡味很弱，海綿蛋糕層濕潤度適中，只是比較厚層…梳乎厘芝士 - @$18也是比較透心涼的選擇，奶白梳乎厘充滿芝士味，混入於很鬆軟柔滑並充滿層次感的蛋白層，少少濕潤，還有一粒清酸的紅莓，吃完一點都不會覺得滯~~其實有很多選擇，除了有差不多10款不同口味的roll外，stick也有綠茶，香芒，朱古力味等6, 7種款式，然後其他還有tiramisu，粟蓉蛋糕，朱古力軟心…除了麵包跟蛋糕，還有三文治及沙律套餐，及紅茶咖啡等熱飲~ 店員都很熱情招待，支持全新概念店:)…查看更多

Vergnano這間分店的tiramisu吃了兩次，兩次都是一般…最近那次吃的，先說最面層的可可粉，除了用作裝飾的糖霜，竟然也同時撒上些許白糖…本來第一口期待的柔滑質感都因為粗糙的白糖而破壞了…之後的mascarpone filling都很滑，就是奶油味帶微甜，沒在其中混入咖啡酒，只是mascspone cheese跟cream的比例不算很理想，mascarpone cheese的份量多些，質感會更好，因這個好像比較鬆散，還有就是ladyfinger的部分，咖啡跟酒味都很濃厚(應不是用上kahlua，但嚐不到是用了什麼），不過其中一次吃到的可能浸上太多，還沒吃到底部已經流了不少咖啡酒液出來，太濕了吧，另一次的則還好後來看到其他分店的tiramisu都有不錯的評價，至少面層只撒上幼細的可可粉跟漂亮的'1882'字樣糖霜，中環店的tiramisu看來可以改良一下呀~~:)…查看更多

九曲十三彎，終於黎到soulmate，坐滿晒人兼要等位，果然強勢!要左個single espresso 同 cappuccino, 咖啡師nigel話店內有兩隻豆，分別介紹左土(terra)同火(fuoco)既味道，原來是選用了本地出品既 '火風水土' ~Single Espresso:我揀左帶微酸同花香既土, 送來時有一層薄薄既crema, 色澤偏深, 帶淡淡酸香, 我仲係學飲espresso既階段, 仲未接受到太酸或太苦既espresso, 呢個espresso入口先是苦味同甘味, 唔算太強烈, 隨之而黎就係比前兩者都更突出既果酸, 好有layer! 喝罷久久不散的也是這果酸味, 夾著微甘, 幾ok喎Cappuccino:nigel建議試火, 可以兩隻味都試哂~奶泡好綿密, 溫度剛剛好, 唔怕辣親嘴, d奶滑d會更好:) 講番火, 佢既果酸味比土弱, 而呢杯 '火' 既苦甘味比係其他店子飲到既火更爲強烈! 下次試埋土, 層次感應該會更明顯~雖然係鬧市中嘅一角, 寧靜的環境倒是沒有, 但店子給人很casual的感覺, nigel同埋其他staff都好nice, 咖啡水準亦高, keep著呀!:)…查看更多

諗住去en grill, 去到大廈門口又冇牌冇指示, 朋友見狀話唔想上去, 咁我suggest去naozen啦, 成日都經過, 係正翠華隔黎但係又未試過一入去係條長走廊, 侍應帶我地去坐sushi bar, set lunch好多選擇, 魚生刺身定食大約$200, 平d既有燒牛肉, 烏冬set等, 本來想要滑蛋豬扒, 問左個蛋係全熟既= =, 侍應提議有吉列黑豚定食, 就要你啦首先黎左個漬物, 係醃小唐菜, 開胃~跟住成個set黎, 食左個茶碗蒸先, 仲係好熱既, 好滑, 入面件冬菇唔係平時街市新鮮個d, 用左乾冬菇, 食落鹹d實身d到吉列黑豚, 咬落去好酥脆, 粉醬唔厚, 少少油膩, 不過係可以接受既程度, 黑豚就好鮮甜, 亦能鎖住肉汁, 唯獨脂肪唔係平均分佈而係痴係一邊, 個d位一咬落去成口都'肥'晒醬汁有2款, 竟然有芥辣但冇沙律醬, 點芥辣兩者唔夾, 仲有豬扒醬但我本身麻麻, 因為嫌味道太濃烈, 勝在黑豚既甜味夠, 所以冇俾豬扒醬蓋過:)仲有一小碟伴菜-酸青瓜同木耳絲, 麵鼓湯就偏鹹最後仲有甜品, 三片去衣切橙, 多汁且甜_____食物:吉列黑豚幾ok, 見sushi/sashimi set既用料一般, 係bar做野既都唔係日本師父, 第一次試其他穩陣d環境:舒雅, 加上閒日冇乜人, 幾靜, 最嘈既反而係sushi bar個兩位師徒...其他table有屏風隔著, 另一邊係廂房, business lunch好適合服務:個黑豚即叫即炸都等左一陣, 侍應都主動交代番下次或者會試sushi/sashimi set:)…查看更多

月初路經此店, 很想一試這awfully chocolate, 但剛巧店員不在, 隔了幾天再去終於吃到了:)店子全白色, 店內有一白色長櫈可坐, 一樣是賣3種不同口味的朱古力蛋糕及黑朱古力雪糕, 店員不斷介紹各產品~這新加坡品牌雪糕, 是從台灣空運到港, 要了一球hei朱古力雪糕雪糕微帶朱古力香, 入口很滑, 瞬間即溶, 朱古力味隨即散發, 味道頗濃, 不過我覺得朱古力味再濃一些會更好, 感覺不是太awful, 不過用上awfully這字殺了不少朱古力迷...吃畢感到很渴, 快回公司吧在猶豫給笑面還是ok的時候, 最後因為包裝及餐具加了分~…查看更多

夏日炎炎, 珍珠奶茶概念店捲土重來, 元朗也不例外, 但每逢到元朗我還是會選這兒的豆腐花珍珠:)阿媽豆腐花專售豆腐花及豆漿, 也有一系列珍珠飲品, 當中我覺得豆腐花珍珠是最過癮的杯中的豆腐花透過機器被攪碎, 跟珍珠及糖水混在一起~入口不是冰涼, 因為沒有放冰, 但這正好免除了飲品變稀的麻煩, 豆腐花很滑, 豆味不濃, 因為打碎變成一層層, 一口接一口, 軟滑綿綿, 糖水少甜, 很對口味, 珍珠彈牙煙韌, 而且味道比糖水更甜!厭倦了連鎖店的珍珠奶茶, 又想同時吃豆腐花及過珍珠癮, 這個絕對值得一試…查看更多

夜晚同朋友係尖沙咀覓食, 行到過去尖東見到tonikaku個牌, 就咁摸左上去餐廳既風格都幾地道, 就連待應生都係日本人居多~7:30 walk-in居然都仲有window seat, 成間店都只得2-3枱既日本客, 莫非誤上賊船?!一坐低waiter已經遞上wine list問我地飲咩, 同朋友都不好杯中物所以飲茶(是普通的茶, 非玄米茶/綠茶)menu入面有刺身, 壽司, 前菜同漬物反而唔少, 都有d煮物同炸物, 因為侍應小姐係日本人, 迫住要用d久未上場既爛日文落order...滑蛋煮豬扒: 打開鍋蓋, 鋪係上面既係蛋同一片片洋蔥, 放係下面既係切好既吉列豬扒, 雖然叫滑蛋, 但係全熟透, 唔滑, 唔係我想像中半熟既啫喱狀滑蛋, 吉列豬扒浸係湯底, 食落已經不是香脆可口, 猶幸豬扒肉質不俗, 不韌不鞋, 湯底偏鹹, 洋蔥則很入味, 吸收了豬扒及湯底既精華吉列炸蠔: 炸得很不錯, 香脆可口的麵包糠碎薄薄的包住蠔肉, 蠔肉雖經油炸, 卻仍保留其鮮甜, 一點也不油膩, 除蛋黃醬外還可配豬扒醬, 但我較喜歡前者, 為炸蠔帶黎多一種味道卻不會蓋過'主人'的風頭~鮭魚飯糰: 跟朋友見到係menu上出現都不禁各自要了同款, 希望會在此吃到較地道的鮭魚飯糰, 只見外面的紫菜包得很求其, size也好像大了一個碼, 飯用上一般的日本米, 不過不失, 最重要是中間的鮭魚,已經不是醃得很鹹, 還要是淡而無味, 只是略帶魚的甜味, 大為失望:(天婦羅烏冬: 烏冬很捧, 很滑很彈牙, 唯麵鼓湯底同樣偏鹹, 可能因為太遲吃的關係, 天婦羅己經不脆, 分別嘗了蝦及魷魚, 蝦肉彈牙亦甜, 但外面已軟的衣令天婦羅大打折扣~還有比較奇怪的是竟然沒有天婦羅汁...三文魚壽司: 每件廿蚊, 不免也會帶點期望, 飯握得頗實, 刺身尚算厚切, 亦算肥美鮮甜, 但其新鮮程度絕對不值此價值環境: 居酒屋風格, 連侍應都以日文對答, 真的很地道, 而且食客不多, 還有屏風隔著, 輕易佔有了一小角落, 唯坐下不久便感到局促炎熱, 原來為了慳電所以關了部分空調, 跟店員反映後先開返, 店內洗手間煙味濃烈, 大扣衞生分服務: 雖然坐在角落, 但侍應不時會過黎refill茶同收碟, 態度有禮, 是日本人的一貫服務質素食物: 跟環境卻相反, 不地道甚至偏港式, 刺身壽司偏貴, 但卻不是特別出色, 其他如煮物炸物較為抵吃~…查看更多

去到counter面前睇d tea set menu, 本身諗住要macaron tea set, 但係見到一件件display出黎既antoinettes, 靚到要改變初衷~~個set跟一杯hot tea/coffee, 要左個熱cappuccinoantoinettes有朱古力, 開心果, rasberry味等幾個choice, 要左前兩者星期六既下午好多人, 幸好仲有一張吉枱, 坐低一陣antoinettes就首先送上~chocolate antoinette: 最上面係一層薄朱古力漿加一小塊薄朱古力片, 之後上半部就係朱古力mousse, 好滑, 本身朱古力可可既濃度唔高, 但係下半部既粒粒香梨果肉係屬於清甜系, 令到mousse既朱古力味好突出, 包住d果肉既係一層鬆軟既撻皮, 增加左成個小甜品既口感pistachio antoinette: 上面變左做淡黃既開心果味甜漿, 頂部有d開心果仁碎, 包住既係比較淡既開心果味雪糕, 冰涼滑溜, 下半部變左做半溶既朱古力, 濃濃既朱古力跟略帶甜香既開心果形成強烈對比, 再加上下面充滿牛油味既撻皮, 便知道自己選對了:)cappuccino: 好靚既心形latte art, 用上可可粉打陰影~泡打得很幼滑, 入口便是濃烈的咖啡味, 是roasty系, 很重很rich, 醇香留在口腔好一陣子, 很不錯:)環境: 裝修及餐具都很企理, 用上白色作主題, 位於商場的走廊, 人流旺盛, 要是想靜靜的躲在一角便不可能了, 跟朋友逛街後充充電則屬首選服務: 幾名待應尚算應付得過去, 態度幾好食物: 不論甜點及咖啡都很出色, 下次要試macaron及其他cake!…查看更多

同個friend黎呢度第一次飲茶,當然係俾佢既名氣吸引成間茶室有3層, 地下full左, 侍應伯伯好客氣咁叫我地去樓上兩個人都係飲普洱, 茶色好深, 都夠苦, 不過冇乜甘味, 茶芥$20唔值~總共揀左5個點心, 點心紙果然轉得好快, 好多想試既都冇...紫蘿火鴨酥(1個): 送上黎既時候微溫, 外面既酥皮尚算鬆化, 餡則非常豐富, 鴨肉碎、冬菇粒、紅薑絲同菠蘿等，配搭得唔錯，唔油鮮牛肉燒賣(2件): 原來係'山竹牛肉球', 同其他酒樓賣既冇大分別, 肉球係由牛肉同生粉混成, 加左陳皮味道唔太出, 雖然叫鮮牛肉不過食唔到肉鮮味白汁石斑筒(3件): 呢個簡直係驚喜, 上面係一塊石斑肉, 鮮甜滑嫩, 下面係蝦同魚攪碎既海鮮球, 肉質滑口甜爽, 推介！蟹黃灌湯餃(3件): 賣相不俗, 小籠包既皮厚薄適中, 肉汁雖然呈淡黃色, 但係食唔到蟹黃味, 不過湯汁同豬肉都鮮甜冶蓉雪酥批(1件): 厚厚既酥皮中間夾住蓮蓉, 酥皮好鬆化, 蓮蓉唔會好甜, 混入左奶皇, 不過食完好滯, 一定要放係最尾食環境: 古色古香, 傳統茶樓既風味, 用既餐具都有別於一般酒樓服務: 都唔錯, refill茶同收碟都好快, 態度友善食物: 唔係特別好, 有d甚至好一般, 但勝在較別出心裁, 每星期都轉點心紙夠晒誠意同區黎講要舒服d歎茶同一盅兩件, 係可選之地~:)有機會會試晚市…查看更多

是日lunch不想吃得太豐富, chocolux既lunch set有crepe食, 所以過左去pp3試埋佢個朱古力食客不多, 要了個chicken and guacamole crepe set ($58), 加$10可以轉50%/72% cocoa既朱古力, 揀左後者, 雖然係大熱天時, 但係都揀左熱飲crepe: 個皮煎得幾靚, 少少燶, 薄薄地幾脆幾可口, 入面既餡亦幾豐富, 雞肉, 牛油果醬, 薯仔粒, 蕃茄, 同埋芝士, 好足料, 望落好似幾薄身細件, 但係其實食晒都幾飽, 同埋一定要趁熱食, 影多兩張相個crepe放涼左就冇咁脆, 立即失色不少!72% cocoa hot chocolate: 朱古力可可濃度真係幾高, 不過bitter味唔夠, 只係一味夠濃, 以signature drink黎講勉強合格, 因為都唔細杯, 後尾飲到好滯飲唔晒classic dark truffle: 去佢個網見到有張coupon, 凡惠顧就送一粒truffle, 仲有dark rum揀, 不過試左原味dark先~可可粉佈滿truffle既外層, 咬落去係微脆既朱古力, 之後半溶既朱古力迅即流出來, 涼涼的, 很滑很creamy, 係口腔中打滾, 甜苦味同時輕易感受到, 我這個朱古力迷就這樣滿足了~:)環境: cafe係pp既通道一旁, 午飯時間經過的人亦特別多, 吃起來時比較拘謹, 不過軟墊椅坐得蠻舒服服務: 侍應服務周到, 落order既時候truffle takeaway, 本身跟埋crepe一齊俾我, 不過隔一陣侍應話驚佢會溶幫我雪住先, 夠細心:)食物: 要個light d既lunch, 係個不錯既選擇, 唯其他食物比signature drink表現得更出色…查看更多

lunch後想食甜品, 經過soho既sift才知佢下午先開, 記起還有間antique係附近, 反正未試過, 於是去拜訪一下一推開門己見很多十多款cake及七彩的macaroon, 亦都有咖啡和tea set, 不過只想食cake, 亦都一眼便看到了放在最角落的Death by Cocoa, 不用多想, 立刻俾錢走人~店子往內走便是堂食的地方, 很雅緻, 時間充裕一定不會takeaway打開盒子, '它'的外表簡單卻不失魅力, 最外面是一層薄薄的朱古力漿, 也是可可最濃的一層, 跟下一層的朱古力mousse一起吃下去, mousse可可濃度適中, 不會覺得甜滯, 朱古力的濃郁在口中散開, 又軟又滑, 卻不帶苦澀味再食兩口, 首先睇到數小粒脆朱古力碎, 數量再多些更能增添口感, 而最中央的便是朱古力牛油蛋糕, 用膠义子切開時很費力, 吃下去卻是很鬆軟, 朱古力的味道也不及前兩層的濃, 朱古力的愛好者自然會覺得這層較為失色吃這三層時帶來的驚喜並不大, 原來重點是在蛋糕上的三小粒truffle cube~放進口中, 先是一陣酒味, 淡淡的而不烈, 隨之而來的便是濃郁的可可味, 帶來的苦澀可算是將整個甜品的享受推到最高, 那truffle真的很小, 很吊癮, 那陣苦澀隨住truffle在口中融掉便很快消失了...要是欠缺這三小粒truffle, 甜品的名字可配不上"Death"了吃完整個也不覺得漏, 但很滿足, 下次要試試朱古力:)…查看更多

同老細慶祝生日, 落左去銅鑼灣呢度食鐵板燒好快己經決定左一人一份鐵板燒, 要左最豐富既松, 有鵝肝, 銀鱈魚同u.s.牛柳, 老細要左薄切, 我就要厚切一開始黎左個雜菜沙津, 冇其他配料, 不過個sauce幾開胃, 好fresh~之後鵝肝同銀鱈魚一齊上, 鵝肝細細件, 雖然下面己經墊左塊方包吸油, 不過都仲係幾油膩, 所以份量唔多都已足夠; 銀鱈魚一般, 不及鵝肝美味, 但配上一開始送上黎既兩種點海鮮既sauce, 就生色不少~之後就係厚切牛柳, 一樣有塊方包係下面, 牛柳要左5成熟, 不過睇落同食落都係7成...可幸牛柳肉質仍鮮嫩及富肉汁, 跟蒜片一起燒, 很香, 份量完全能夠滿足食慾; 薄切牛柳亦試左一件, 口感跟厚切的完全相反, 比厚切的多些脂肪, 更加香, 而且把八片薄切分別疊成方形, 食落很有層次!牛柳旁邊附上一大撮芽菜, 沒有多加配料去炒, 比較清淡, 正好跟牛柳的肥美中和一下~期間侍應送上一碗炒飯, 麵鼓湯及一小碟漬物, 炒飯很乾身, 蔥蒜蛋紅蘿蔔等配料, 賣相色彩豐富, 雖然味道一般, 但都食左大半碗, 麵鼓湯亦一般最後就係甜品, 餐茶要左咖啡~一小件既芝士蛋糕, 一d都唔覺'流', 加埋杯熱咖啡, 出乎意外地好飲, 咖啡味濃郁, 唯附上既鮮奶羶味重一口甜品一口咖啡, 為這頓鐵板燒作結~…查看更多

又同朋友黎到soho區食lunch未夠1點但係都坐滿7,8成set lunch有 2/3/4 courses ($78/88/98)starter (soup of the day/greek salad), main dishes, dessert, coffee/tea同朋友share 2個2-course set首先一人一片bread, 似少少脆既厚方包main dishes有:sirloin steak (with mashed potato+a mix of vegetables), salmon steak (with mashed potato+a mix of vegetables), spring chicken (with chips+vegetables), 8" pizza from a la carte ORspaghetti要左sirloin steak同four cheese pizza個steak ok, 不過真係幾mini, mashed potato亦都好少同朋友都覺得個pizza好正, 落足料, cheese味好濃, 個底夠薄脆另一個course我地都要左dessert: chocolate cake + ice-cream件cake係海綿蛋糕既朋友, 幾鬆化, 淋左d朱古力漿係面唔算好流, 同側邊個vanilla ice-cream幾夾, 不過個ice-cream幾多冰碎...service幾好, 餐廳唔大但係落單上菜既waiter/waitress都有2-3個我地坐近bar枱所以唔覺得逼…查看更多

同朋友慶祝聖誕節, 最後揀左cova我地每人叫左個dinner special ($258@), 有appetizer, main course同埋dessert / tea or coffee一開始侍應俾我地揀左d麵包, 之後再俾多碟外脆內軟既法包我地~appetizer:是日餐湯係小龍蝦清湯, 我同朋友都揀左另外個option - buffet, 有幾款煙肉, 煙三文魚, 雜菜磨菇, pama ham, 沙律等, 唔算好豐富, 不過都幾fresh, 唔錯~main course:我要左lamb with mushroom served with mixed vegetables, 7 成熟, 賣相不錯, 肉質鮮嫩不韌, 冇羊羶味朋友要左filet with tomato slice, 佢話唔錯侍應(經理?)收碟時見朋友食剩一片魚, 關心地問係咪唔岩食, 唔係啦, 女孩子細食d麻dessert:見食評話cova既gelato唔錯, 所以要左客, vanilla flavor, 真係幾滑, 有片strawberry放係頂做點綴朋友要左blueberry cheesecake, 試左少少, 都ok, 不過食晒成件應該會幾流drink:我地另外叫左coffee, iced caffe latte ($54)service 幾好, waiter/waitress經常面掛笑容, 可能食客唔多, 佢地都會好快收碟同上菜環境ok, 雖然冇靚景睇, 不過坐得幾舒服唔會逼, 光線較暗食物ok, 選擇唔少, 除左以上2個main course, 仲有linguine同risotto個set ($198@), 同埋lobster dinner specialoverall唔錯, 可以再試~…查看更多