只是一種感覺的个人专页

幾年前朋友帶我去食過尖沙咀嗰間 JanJan嗰次係第一次食串揚，之後就愛上咗有時朋友聚會都會嚟灣仔呢間分店食點知最近先發現原來而家佢哋只剩返灣仔呢間分店，真係要好好珍惜！✨今次假日夜晚六點左右2人 walk-in好好彩俾我哋坐到最後一張枱！我見遲少少嘅食客都被告知冇位眼見佢哋成日都好 full唔想摸門釘就最好預先 book 位！而且鋪面唔算大，座位有啲迫但咁反而又幾有日本小店 feel ⛩️每枱都會有一盒椰菜作為前菜🥬雖然有啲乾身，但都算鮮甜爽脆點埋佢個日式醬汁，好開胃至於今晚叫咗啲咩呢？因為已經食過幾次而每次都覺得佢哋串揚個炸皮薄得嚟又唔會好油所以串串嚟講今次大部分都係叫串揚✨️ 手羽先唐揚 4🧡/5首先上菜嘅係唐揚雞翼熱辣辣又炸得夠脆🔥調味啱啱好，最重要係 juicy 到爆，好食！✨️山藥芥辣漬 4.5🧡/5純粹第一次食完之後莫名其妙哋愛上咗🥰山藥片爽口又清新加上淡淡嘅wasabi，味道 balance 得好好我每次都會 encore 一份！跟住一盤咁上咗我哋叫嘅串揚✨️牛 3🧡/5牛肉粒炸到全熟嘅食落幾有牛香亦都唔會好乾身不過總係覺得牛嚟講做串揚味道會變得比較普通串燒牛始終油香會再出啲好味啲✨️雞肉紫蘇卷 4🧡/5可能因為有紫蘇葉包住啲雞咁炸啲雞仲keep到好juicy紫蘇葉亦都好香好味道，呢個之後都encore咗✨️忌廉芝士富士蘋果 3.5🧡/5呢個類似炸鮮奶，但係係粒粒蘋果yogurt版🤪幾特別，可以一試creamy 中帶蘋果嘅爽甜但會稍為 heavy 啲🍎✨️蓮藕 4🧡/5切得夠厚咬落去有口感又不失蓮藕原味幾鐘意食✨️茄子 3.5🧡/5一樣係唔會乾身炸得唔錯✨️炸三文魚刺身 3.5🧡/5刺身三文魚炸到外脆內嫩炸嘅時間掌握得岩岩好仲配埋香草忌廉醬好味，但未去到到超驚艷 🐟另外都嗌咗兩串串燒✨️提子豚肉燒 4.5🧡/5呢個比想像中好食豚肉片包住去咗皮嘅提子提子完全冇苦澀味，仲好甜添推介👍🏻✨️京蔥雞 3.5🧡/5連埋醬油燒得幾香唔錯嘅但又唔算好特別另外都值得一提枱面上有好多醬汁俾你揀去配返唔同食物食串揚點串揚汁加山椒粉喺我嘅最愛❤️😉✨️總結 4🧡/5每次食都依然覺得好滿足相比起串燒，我真係更愛串揚！炸皮夠薄唔油膩，每串都即叫即整提提大家記得唔好只睇order紙季節限定同 special menu 嘅串揚都有驚喜！另外餐廳上菜快，建議分幾轉叫趁熱食先至最正😉…查看更多

之前食過旺角分店覺得幾正今日經過觀塘想帶屋企人嚟試下😋發現呢間店原來呢間嘅菜式有啲唔同，係專食炒飯嘅一場嚟到即管又試試佢😃根據餐牌上面嘅兩個必食推介，我哋點咗兩個炒飯：✨️ 即叫即炸椒鹽豬扒飯 3🧡/5 呢個炒飯只係暖暖哋，唔係十分熱，有啲失望🥹但每啖炒飯都帶有避風塘風味嘅炸蒜味道非常惹味，唔會太油膩🥰豬扒都唔錯，幾厚肉雖然相對熱啲，但都未係即刻煮起嘅溫度，可能係做完之後稍微冷卻咗不過，總體來講，呢個飯嘅味道唔錯有風味👍🏻✨️ 秘制沙爹牛肉雙燶邊蘭王蛋飯 3.5🧡/5 呢個飯相對熱啲而沙嗲汁同煎蛋嘅流心蛋黃配搭得非常好，特別香滑😋沙嗲汁嘅味道比較濃郁牛肉嘅份量都足夠，啲肉質唔錯，唔會過於乾柴，咸香味適中不過食食吓都有啲heavy總結：3.5🧡/5兩碟飯份量都多啲炒飯都做到粒粒分明嘅效果調味偏濃，鍾意食濃味同香口嘢嘅人士應該會鐘意但呢間餐廳嘅選擇比較有限，基本上都係圍繞住炒飯，冇咩其他類型嘅菜式可以揀雖然炒飯嘅味道幾吸引，但如果鍾意多樣化嘅選擇嘅話，可能會覺得有啲單調不過，如果嚟開附近，呢度都值得一試嘅😊…查看更多

星期日下晝2點鐘左右嚟到同層嘅餐廳有啲冇開，有啲執咗🥶點知再行入啲先見到原來呢間餐廳咁多人仲要等位添好彩喺donki行過圈返嚟，大概15分鐘已經可以入座😊今日天氣唔錯，涼涼哋餐廳亦好開揚望住呢個景開餐，心情舒暢🤣2個人叫咗4個點心非常欣賞每個點心都熱辣辣咁上🔥✨️xo醬炒蘿蔔糕 4.5🧡/5蘿蔔糕個皮好脆😍入面軟硬適中唔會太硬但亦唔會一夾就散加埋xo醬嘅香辣味，絕對提升咗成道菜嘅層次感推薦！✨️鳳爪、燒賣 3.5🧡/5蒸嘅點心整體表現中規中矩同出面一般茶樓食嘅點心差唔多都係勝在夠熱👍🏻✨️韭菜金錢蟹盒 4🧡/5外層炸到好脆口入面都算多蟹肉配埋個喼汁食幾好味總結：4🧡/5估唔到呢一個隱秘嘅地方竟然有間水準同環境都唔錯嘅點心👏🏻所有點心都好夠熱特別係煎炸類嘅點心表現幾突出值得一試！如果鐘意探索新地方食點心呢度絕對係一個好選擇😃…查看更多

嚟到K11睇水牌搵食最後揀咗嚟呢度晚餐都有少少難搵最主要係因為餐廳同出面嘅舖頭融為一體唔係好覺眼🥸餐廳裝修有少少日系復古風好多木嘅元素環境都幾有格調QR code落單Menu比較簡單大概就係可以自己配搭嘅丼揀牛肉再揀汁同主食同埋其他配料當日叫咗兩個丼✨️頂級美國三角脊扒牛肉配淡麗蛋白炒飯 3.5/5🧡牛肉嘅油花味香，但又唔會太肥膩加埋cream嘅淡淡甜味，幾好食😋同埋可能因為揀咗香橙肉汁，本身個汁就比較清新，感小姐覺得成個丼嘅味道都幾balance唔會好heavy好油個淡麗炒飯其實味道係足夠嘅，唔會係冇味嗰種有少少似平時食炒飯嗰種鹽香，不過唔係鼓油嗰種鹹味，都算有驚喜不過！啲蛋白同飯炒起嚟變成一舊舊咁黐住口感麻麻✨️ 慢煮熟成牛肉配蒜香醬油炒飯🧡相比起嚟呢一個熟成牛肉肉味比較濃唔會咁多油香配搭返其他味道突出啲嘅汁同炒飯都ok蒜香醬油炒飯冇好似淡麗蛋白炒飯咁炒到一舊舊，但味道比較單一，冇一種可以提升個丼嘅感覺反而個汁幾好味！係墨西哥風味嘅辣汁而唔係普通辣汁 (唔記得咗個汁叫咩名🫠)配牛肉食好夾👍🏻總結: 3.5🧡/5百幾蚊一碗丼飯嚟講，牛肉嘅質素合理整體味道唔錯但唔算好精緻亦都唔係好大碟優點在於可以根據個人口味選擇唔同配搭令差唔多嘅丼有出其不意嘅味道上菜速度快，適合肚餓嘅時候嚟🤣不過環境比較嘈，未必岩約朋友嚟慢慢傾偈食飯眼見客人都係turnover得比較快如果嚟開附近想快快搞掂一餐，但又對食物有啲要求，都可以試試佢…查看更多

午餐時間嚟到都算多人但唔洗等位同朋友一人叫咗一個午餐醫肚✨️餐湯：南瓜湯 3.5🧡/5味道正正常常都算滑不過唔係好夠熱✨️日式燒汁西班牙豚肉長通粉 3🧡/5賣相一般食落亦覺得一般有啲似日式御好燒嘅味道同配料紫菜、木魚、豚肉食落又有少少蜜糖芥末醬嘅味道豚肉偏肥長通粉唔夠彈牙✨️法式迷迭香燉羊肉•藜麥香米飯伴烤澳洲西蘭花 3.5🧡/5一上枱羊肉味好香羊肉亦都燉到好冧味道好出但又唔會騷蕃茄味酸酸甜甜幾好味不過又係唔夠熱，令個汁有啲失色同埋個飯偏硬咗啲✨️桂花黑糖茶 3.5🧡/5聞起上嚟果味好香不過飲落因為茶味偏濃，遮蓋咗啲黑糖同桂花味同埋唔知點解有淡淡酸味其實比較似檸檬茶另外附上朋友嘅coffee 因為冇試飲就不作評論了總結: 3.5🧡/5lunch連餐湯嘢飲嚟講百幾蚊，加埋環境舒適感小姐覺得係唔錯嘅😉只不過... 食物味道正常，但唔係好突出尤其係唔夠熱就真係差啲餐廳入面嘅servers都比較冷漠所有人冇咩笑容🫥雖然都唔係話態度衰但呢幾樣嘢夾埋嚟睇就有啲失色特別係同區都好多其他選擇會覺得除咗坐得舒服又唔洗等位就冇特別喇(咁當然絕對已經係賣點🤣)我之後有去過同餐廳其他分店當日係另一個menu，餐廳職員亦比較有禮貌都令感小姐改觀唔少可能真係要撞吓手神😆…查看更多

是日午餐同同事嚟咗試試呢間好多人推薦嘅餐廳差唔多一點嚟到，門口已經有十個人排隊等咗25分鐘左右先入得，唔算耐只係有啲熱勝在一入餐廳冷氣非常夠👍🏻✨️手打和牛漢堡 4🧡/5蛋包飯好滑好好味！手打和牛好夠厚，不過唔算好juicy同埋感小姐略嫌黑椒味太多蓋過咗肉味但整體配埋個汁(少少似紅酒汁)香得嚟但唔會太濃，可以中和返，幾好👍🏻另外同事叫嘅兩款造型就真係比較"貓之眼"👁因為感小姐冇試食到，以下係同事嘅評分，再放相畀大家參考🤪✨️忌廉雞肉+和牛漢堡蛋包飯 4🧡/5✨️咖哩豬肉+燴牛肉汁蛋包飯 3.5🧡/5總結: 4🧡/5蛋包飯嘅蛋算出色啲汁味道適中亦都好夠撈飯食一流😋肉就相對冇咁突出午飯時間啲枱嘅流轉速度尚可二人枱的話相信比較快有嚟開附近可以試試😊…查看更多

非常即興想快食個雞煲火鍋🤪夜晚八點半嚟到 walk in居然岩岩有人走，唔洗等坐到最後一枱！餐廳唔算大，有十零枱左右雖然係食雞煲火鍋，但又唔算好大火鍋味👍🏻3個趕時間嘅人叫咗半隻招牌雞煲bb辣 ✨️豐鍋招牌麻辣雞煲 3.5🧡/5半隻雞嚟講都算多雞肉夠滑不過感小姐鐘意食濃味啲嘅雞煲覺得炒起上嚟個味略嫌調味唔夠香口不過整體都唔錯嘅食完雞煲開始打邊爐本身想嗌個湯底但店員提議就咁加水都夠味，的確👍🏻打邊爐嘅餸只係叫咗兩個✨️即炸爆芝紫菜響鈴 5🧡/5 超級好食！！！放咗一陣都仲係好酥脆放落湯，芝士變成半溶鹹鹹地帶起咗成個響鈴嘅味正😋😋😋✨️手打黑松露墨魚丸 4.5🧡/5都好食淡淡黑松露味墨丸夠彈牙唔會好散，有口感✨️玫瑰柚子 4🧡/5玫瑰味好突出同柚子味都幾夾不過有啲甜記得盡量搞勻啲先飲總結：4🧡/5雞煲唔錯但兩個火鍋配料比較出色，令我印象更田深刻下次有機會會再嚟慢慢食過佢個火鍋！…查看更多

星期五臨時book到8:30 pm終於可以試試呢間最近好popular嘅餐廳🤩真係超多人，早少少到都冇位！環境暗暗哋，加上木系裝修俾人一種好cozy嘅感覺等食嘅時候，可以經小窗窺探到廚師準備食物🤣2個人叫咗以下食物：✨️Pizza Magarita 4🧡/5感小姐本身唔好pizza但見好多人都推薦佢嘅pizza抱住"越簡單越見真章"嘅心態叫咗個Magarita試試🟩⬜️🟥一上菜就已經聞到Basil味好香！茄醬唔會太酸，食落有新鮮甜味芝士薄薄一層喺面，不過感小姐覺得好似有少少冚咗個蕃茄味批邊脆得嚟好煙韌鬆軟，有空氣感幾好食！海鮮水管麵 5🧡/5好好味呀！！😍😍😍pasta sauce 蝦頭味好濃係煮到al dante海鮮種類唔少而亦都好新鮮唔似冰鮮雜錦海鮮嗰種青口飽滿冇沙亦冇海草，好鮮甜今餐感小姐最愛嘅一個dish!😋另外想補充讚吓佢隻叉🤣🤣支叉夠slim又夠修長剛剛好穿到個粗卷用嚟食呢個水管粉成個體驗有提升到！🤪飲品叫咗以下兩杯青嵐抹茶牛奶 4🧡/5抹茶味好濃好smooth唔會飲到成口粉甜度適中牛油果奶油凍冰冰 4🧡/5飲品保留咗牛油果嘅freshness打到非常幼滑而唔係冷粒狀嗰種smoothie唔錯！法式火焰焦糖可麗餅 3.5🧡/5店員會先上個crepe然後燒熱啲酒再淋上面係一個比較濕同淋嘅crepe個crepe有少少soggy，未必人人喜歡呢個口感同埋其實唔係好食得出焦糖味，但橙酒味就好香濃橙肉煮熱咗偏酸啲啲係一個俾到你成熟感嘅甜品🥸總結：4.5🧡/5食物質素有驚喜！食得出背後嘅心思尤其大推海鮮水管麵❤️服務方面，因為眼見餐廳都的確幾忙店員都未必可以好attentive，但大部分都友善嘅只不過，之後有再帶一班朋友嚟食過其中一位店員可以話係冷漠同冇乜心😵‍💫例如佢上菜一係就咁將食物放喺枱嘅最遠處就走咗，一係成個熱辣辣嘅pizza冇講聲就喺兩個人頭中間穿過放低，亦冇問就收咗人哋未食哂嘅碟等等想像吓你明明俾個好cozy嘅Scandinavian vibe包圍住，突然好似會冇咗的話，你就知道又係佢serve緊你咁嘅程度🙈相比之下其他店員都好忙但明顯友善啲放低食物會講聲上緊咩，收碟前會問吓收唔收得同客人溝通嗰一兩句，已經好大分別呢難得介紹咗啲朋友嚟，大家又覺得食物好食，但個體驗係影響咗，係有啲可惜😔但撇除呢樣，我依然覺得大家絕對值得過嚟試試chef嘅心機！👍🏻👍🏻👍🏻…查看更多

難得星期日早起，又突然好想食French toast就揀咗嚟little cove espresso食早餐餐廳好闊落，座位夠多嗰日去到都見到好多枱都帶住座BB櫈嘅小朋友而唔同枱嘅家庭又會互相打招呼同吹水睇嚟幾受住附近嘅一家大細歡迎係幾warm嘅一個community試咗佢嘅Matcha Latte同dirty ✨️Hot Matcha Latte 3🧡/5比較普通飲到好多抹茶粉，但抹茶味唔濃奶味亦唔係好香✨️Dirty 3.5🧡/5正正常常啡奶比例適中幾香咖啡味✨️Crossaint 4🧡/5唔錯！有驚喜🤩熱熱哋，幾鬆化酥脆配咗個fig jam同牛油簡單但不失美味✨️Hazelnut French toast 4🧡/5當初揀嚟呢度食早餐就係因為睇相覺得佢嘅french toast賣相吸引而的確佢靚得嚟都幾好食😋起初見佢好似乾乾哋但佢其實做到外脆內軟個面係用糖煎脆咗少少蜜糖同cream已經好夠味同埋都俾幾多榛子粒粒幾大份，可2人share好食！👍🏻總結: 4🧡/5我好鍾意餐廳嘅vibe有一種悠閒寫意嘅感覺係有溫度同人情味嘅🥰食物方面🍴Pastries好味，特別係個french toast飲品就有啲普通想放假relax吓，又想留喺市區，不妨嚟呢度試試😉…查看更多

N年前佢好hit嗰期喺中環食過隔咗咁多年見到佢仲屹立不倒即管試試佢水準係咪仲keep到😊Weekend下晝過嚟食餐廳7成滿，唔洗等直入兩個人叫咗兩個包，一個小食✨️Pork belly bao 3.5🧡/5同記憶中嘅味道差唔多一個好似中餐包點嘅白漢堡入面夾住兩大片厚切豬腩味道絕對係中西合璧不過可能因為已經食過一次冇咗新鮮感嘅加持，覺得只係一般般啲肥膏煮得好淋，但相比之下啲肉比較硬同乾所以想好食嘅話必須要確保你一啖入面係有肥有肉如果想切走少少肥，唔好咁邪惡嘅話，口感即刻冇咁好睇你點取捨🤔✨️Fried chicken bao 4🧡/5之前未食過，覺得呢款bao味道勝過pork belly三黃雞味幾濃幾香，炸完都仲係滑同juicy嘅少少辣味，似係川式嗰種辣加埋pickles，衝擊到味蕾唔錯👍🏻👍🏻✨️Beef noodles fries 4.5🧡/5呢個有驚喜！係乾炒牛河"味"薯條，而佢有做到乾炒牛河嗰種穫氣感🤩雖然都唔平，但算大碟同有誠意冇牛肉喺入面，不過有齊芽菜、洋蔥、乾炒牛河汁味道啱啱好，唔會太鹹或太淡同埋啲薯條睇落雖然好似濕濕地，但其實食落都仲係脆嘅，每條薯條都係勻循咁有牛河嘅香味正😋大推總結: 4🧡/5好有特色嘅bao place環境輕鬆，岩傾偈未試過嘅話，都好推薦大家嚟試吓會係一個幾特別嘅味道體驗🤩…查看更多

朋友們知道感小姐好鐘意食拉麵之前網上面有唔少人介紹呢間拉麵店佢哋都即刻share咗俾我，叫我去試試睇相見啲湯好似幾濃，搞到我勁期待！🤩平日lunch time時間嚟，可以直入唔洗等不過其實啲人keep住turn over，間舖一路都差唔多8成滿今次兩個人叫咗兩款拉麵試🍜先講吓啲拉麵麵同配料拉麵係幼麵，麵質食落爽口麵條會清楚見到一粒粒小麥，不過食落唔算太大分別而不論口味，每碗拉麵入面default有豬肉片有雞胸肉片，兩樣都好柔軟特別係雞胸肉，都算厚切，但仲係嫩滑係接近西式三文治嗰種火腿片或雞肉片，冇過多嘅烹煮，口感幾清新溏心蛋調味剛剛好，入面蛋黃甜甜哋又流心仲要特別一讚啲䓤，切得夠認真，有時啲䓤切得唔好真係好影響成碗麵口感重點講埋湯底😋✨️雞白湯 5🧡/5個湯好好味呀係感小姐鐘意嘅濃雞白湯🥰相比起其他拉麵店，佢湯底係濃但係唔會膩飲落仲有少少似忌廉湯，𣎴過當然冇咁杰配合其他食材簡簡單單，好似等個湯做主角咁而真係正！👍🏻✨️雞醬油 3.5🧡/5呢款湯底相對清淡啲，但醬油味都好香唔知算唔算淡麗系？配料係好味嘅，啲䓤絲同個湯都好襯不過整體嚟講都係白雞湯個味道岩我多啲醬油味唔係我杯茶，唔特別推薦總結：4.5🧡/5之前感小姐鐘意嘅幾間雞白湯拉麵，都好似有啲水準下降嘅感覺而呢期嚟講，我嘅拉麵database會update呢間做我喺香港最喜愛雞白湯拉麵希望佢keep得住啦！！為表尊重，我有飲哂啲湯😆…查看更多

今日同朋友入咗康城搵食見到呢間餐廳新開，好多人排隊，就決定試吓！晚餐時間，大概等咗20分鐘，成功入座枱與枱之間距離比較近，但枱面都尚算闊落店員服務都殷勤兩個人叫咗以下食物:✨️燻蛋 2.5🧡/5前菜叫咗燻蛋味道非常之一般淨係得個面有煙燻味，唔夠入味，亦都偏硬✨️招牌十景揚州炒飯 3🧡/5欣賞個炒飯做到粒粒分明亦都好多料不過調味偏淡叫"招牌"嚟講有啲失色有待改善 ✨️紅燒獅子頭 3.5🧡/5煮得夠淋，調味適中除此之外冇乜特別✨️脆煎灌湯小籠包 4.5🧡/5個底好香脆！！好似有層薄薄嘅脆皮喺底咁小籠包算薄皮，但夾起都唔會好易穿全餐最好食嘅餸😋👍🏻總結: 3.5🧡/5食物水平有啲飄忽服務殷勤，但感覺有少少忙亂可能始終新開冇耐，有啲地方要慢慢調整同改善不過總括嚟講都唔係差嘅可以一試😊…查看更多

今晚一行4人嚟咗呢度食晚餐🍴餐廳有懷舊嘅氛圍啲枱都幾闊落，坐得舒服☺️麵包籃熱辣辣上🥖麵包鬆軟，芝士條又酥又脆除咗牛油，每人仲有一杯仔蜜糖可以配麵包食，好好味😋✨️新鮮生蠔4隻 4🧡/5散叫咗4隻生蠔配咗紅酒醋同cocktail sauce都幾大隻幾新鮮6-course tasting menu✨️餐前小食 3🧡/5Presentation幾靚，但食落係一個比較普通嘅餐前小食佢係磨菇撻嚟上面配咗少少我估係cream cheese同幾條乾䓤感小姐覺得個味唔係十分之夾個撻皮亦都比較硬做唔到嗰種"打響頭炮"或者"引人入勝"嘅感覺🤷🏻‍♀️✨️Course 1: 魚子忌廉芝士薯仔蘆筍卷 4🧡/5呢個dish係將輕輕燒香咗嘅薯仔絲卷住啲cream cheese同caviar薯仔味香濃面頭有少少露筍仲配埋一塊薄脆喺底，令口感提升咗唔錯！👍🏻✨️Course 2: 西西里紅蝦配櫻桃蕃茄、辣肉腸 3.5🧡/5 portion好細，成個dish大概一隻湯匙左右紅蝦有兩隻，size比較細，但尚算食到平時紅蝦嗰種濃濃嘅蝦味配埋chorizo嘅辣肉味，味道有驚喜不過一啖食曬完全唔夠喉🤪✨️Course 3 2選1之其1: 黑松露野菌雪耳意大利雲吞 4.5🧡/5感小姐覺得全餐飯最好味係呢個！有三粒野菌tortellini，雖然唔係好食得出雪耳味，但成件事加埋個粟子蓉同類似溫泉蛋係好夾嘅😋✨️Course 3 2選1之其2: 黃酒慢煮法式鵝肝配杏仁及黃梅 4🧡/5呢個緊隨其後係我嘅second favorite dish❤️個汁好香黃酒味但又唔會過份濃白色嘅泡泡係杏仁味，仲有一粒粒黃梅粒，有中和酒味嘅效果鵝肝份量岩岩好，唔會食到好膩，入口好綿滑✨️Course 4: 車厘子雪葩配紅菜頭及八珍甜醋 3🧡/5食到中間就上甜品？店員解釋翻係俾客人食到中段清清個味蕾先繼續食個main呢個位幾細心🥰不過唔係好食得出車厘子雪葩，更似紅莓味下面有切咗片嘅紅菜頭墊住八珍甜醋係少少淋咗係面，不過唔係好夠味，俾個雪葩搶哂上面綠色蕾絲pattern裝飾係可食用嘅，不過冇乜味呢個dish一般般✨️Course 5: 36小時白蘭地燉牛仔骨肉配南瓜蓉及露筍 4🧡/5牛仔骨肉燉到超級淋基本上就咁用叉都切得開仲食到牛嘅油香南瓜蓉打到好細滑好食👍🏻✨️香草蒜蓉燒焗澳洲羊扒 3.5🧡/5散叫咗個羊，都算厚肉不過味道比較單調✨️Course 6: 柑橘乳酪甜品 3🧡/5最後一個course係甜品有少少似柚子乳酪嘅味酸酸甜甜，係一個比較light嘅甜品岩哂食到最後清清個味蕾不過味道嚟講比較單調，特別係之後散叫嘅甜品presentation太出眾，有比較有傷害✨️ 伯爵茶香芒果甜梨蛋糕配椰子菠蘿雪糕 4🧡/5店員推架餐車出嚟喺我哋面前即席整雪糕好大陣仗！仲以為佢會原個菠蘿咁上點知其實都係碟上嘅就係一球雪糕加一件蛋糕，碟上😆雪糕好味！椰子同菠蘿味都好香，有果肉粒蛋糕其實梨味同茶味都香，但唔係好特別，亦唔覺得同個雪糕好襯🤷🏻‍♀️總結：4🧡/5整體嚟講唔錯嘅一間餐廳特別係環境古色古香，又唔算多人適合慢慢食，慢慢傾偈會係一個寫意嘅晚餐體驗☺️不過嘢食嚟講，有啲dish的確好食，有啲就只係dish入面一部分嘅嘢好食感小姐覺得食物設計有啲未夠完整主要係覺得啲食材選擇雖然有特色，但配搭起上嚟起唔到化學作用不過fine dining嚟講佢又的確唔算係好貴嘅有呢個水準係好ok嘅我見佢個tasting menu時不時會轉唔知其他menu會唔會好味啲呢？…查看更多

商場見到廣告牌先知原來有間天天海南雞👀餐廳入口喺商場出面，唔係好顯眼間餐廳都幾闊落，座位亦舒適當晚七點半左右嚟到，入座率三成左右，唔算多人餐廳係open kitchen，環境都比較嘈晚餐時段係冇海南雞飯叫，要散叫海南雞(中份$169)再另外叫飯($23/碗)價錢都幾貴✨️海南雞中份 3.5🧡/5啲雞分咗三層擺碟最上面嗰層啲雞的確幾滑幾好味不過食到第二甚至第三層就覺得啲雞好似越嚟越鞋我估唔同部位啩但口感都真係差幾遠🤔散叫嘅油飯都算大碗海南雞飯嚟講味道係中上，但就未有值回票價嘅感覺市面上實在太多好食又唔貴嘅競爭對手🤷🏻‍♀️✨️參巴乾炒牛柳絲銀針粉(大份) 3.5🧡/5好耐冇食過銀針粉！炒得幾夠鑊氣，幾香口牛肉絲都夠入味雖然佢menu寫係大份，不過實質份量比較細預大概1人份量左右，$139總結：3🧡/5其實餐廳環境嚟講都坐得幾舒服，夠闊落不過性價比實在偏低唔係話唔好食，但同佢一樣好食又平過佢嘅大有人在試過一次，冇咩特別應該都唔會再嚟😵‍💫有啲可惜…查看更多

當日下晝先臨時book嘅Friday dinner由於得返六點同八點揀Book咗八點諗住早少少嚟試下walk in點知餐廳真係超爆，要準時八點正先安排到入坐4個人食，叫咗以下嘅嘢：✨️涼拌雞絲鵝腸 4🧡/5鵝腸將啲肥切得乾淨，咬落爽脆雞絲有誠意，唔係好碎嗰種，係連皮切條嘅，都幾有肉味配埋麻辣口水汁好味！✨️酥炸廣島蠔 4🧡/5新鮮熱辣辣炸起，外層酥脆，亦保持到入面juicy正！👍🏻👍🏻✨️馳名樟茶鴨(半隻) 3.5🧡/5隻鴨雖然睇落好乾身，但估唔到其實都幾juicy肉質夠淋，有好香嘅啲煙燻茶葉味不過肉唔算多同埋旁邊嘅荷葉包就咁夾住啲肉嚟食好似有啲寡✨️乾鍋牛肉粒 4🧡/5雖然睇落好多辣椒花椒，但其實唔算好辣炒得好香，夠鑊氣，惹味😋牛肉肉味濃係爭在有幾粒牛肉粒有筋✨️擔擔麵 2.5🧡/5唔太喜歡呢個擔擔麵啲湯比較水，亦冇乜麻醬味勝在唔係貴不過食辣嘢黎講，可能叫個白飯仲好✨️豆腐花 4.5🧡/5好味呀！豆味濃又夠滑大大桶，4個人分都可以每人食到一碗半配咗黃糖同桂花蜜，可以自己調較合適口味感小姐覺得係呢一餐最好食嘅❤️總結：4🧡/5呢間餐廳嘅食物平均嚟講味道都係中上menu選擇多，辣同唔辣都有不過可能因為繁忙時間，人手唔係好夠無論係等攞menu，等落order定上菜，時間都比較耐同埋枱與枱之間比較逼，環境比較嘈吵但如果係一大班人要gathering，感小姐都會推薦呢度👭🏻👬🏻👭🏻👬🏻…查看更多