WaiCheung2960的個人專頁

係荃灣行街，講起想食泰國菜即刻上網睇下荃灣有咩推介。見到呢間泰國餐廳個名幾特別(唔睇英文仲以為係食台灣菜🤣)。去到7點半，按排咗樓上閣樓坐位，位置好寬敞，冷氣都夠涼爽。我地嗌咗4樣餸:香葉肉碎飯份量超超超大！應該4個人食都可以，但米飯略嫌少少硬，但撈埋肉碎有啲油撈埋食尚算OK。炒椰菜就不過不失啦，份量都比出面餐廳嘅多泰奶同西柚梳打，泰奶個人口味覺得淡咗少少，西柚梳打酸酸甜甜，飲落有果肉，不錯不錯另外仲有豬手同青芒沙律無影到，份量都係超級大份，味道都好好，性價比超高，好啱一大班人嚟食！…查看更多

好耐無去韓國街食飯，見到呢間標榜食韓國粥同埋韓式烏冬嘅小店，就立即訂位食飯。去到舖頭，發現裝修用粉紅色做主打顏色，幾特別。舖頭座位唔多，去到即刻睇吓Menu有咩食，間餐廳主要得三樣嘢食: 韓國粥,韓式烏冬同埋韓式餃子，我哋決定三種都試吓。泡菜章魚粥: 少少辣幾好食的，但就略嫌食唔到章魚（可能係我食唔出🤣）韓式傳統煎餃子: 略嫌餃子皮有啲厚釜山魚膏烏冬: 上枱嘅賣相幾特別，味道OK總括嚟講呢間餐廳嘅味道較為清淡，有機會會試埋其他款式…查看更多

公司附近開咗呢間馬拉酸奶飲品店，今日Lunch買杯試下先都幾多款揀，最後揀咗火龍果酸奶 (見佢顏色幾靚🤣)其實對酸奶無乜概念，以為好似益力多咁。但飲落口感又幾好喎，又唔甜，又有新鮮果肉，感覺好建康，值得回頭…查看更多

收工同朋友嚟K11 Musea行下順便食晚飯，見到呢間越南餐廳座無虛席就試下佢啦。菜式選擇都算多，有串爆，沙律，米紙卷，湯粉湯檬撈檬，啲湯檬主打都係牛肉做配料，有個河內蕃茄蟹檬，聽落好正就同朋友叫咗2碗。湯頭好出色，好好飲，配料有扎肉，蝦丸，蟹(腳)半份，炒蛋，但略嫌蟹肉有啲啲霉，但整體都好出色。椰青蒸蜆，開頭食唔出有椰青味，但攤凍少少就食到椰青嘅清甜，有少少辣。雞肉串燒肉質好嫩，味道同燒牛肉米紙卷一樣，正常水準。叫咗杯熱情果沙冰同特濃手搖咖啡，咖啡唔錯，唔太甜。…查看更多

呢間泰國餐廳就都開咗一段時間，今日收工經過又見無乜人排，入去試下先。未叫嘢食就嚟咗個炸蝦片，我仲同佢講我無叫喎，係咪上錯？佢話送嘅 隨便食。去骨海南雞飯，試一間泰國餐廳好唔好食，一定要試佢嘅海南雞飯。呢個海南雞飯好正，雞夠嫩，飯夠香，係個汁辣咗啲(我覺得)。馬拉盞炒通菜，味道唔錯，不過不失。招牌焗黄咖哩麵包軟殼蟹，咖哩夠果，軟殼蟹份量多，自己略嫌麵包口感太實，食到口軟。不過少餐廳有呢款菜，下次都會再叫嘅。珍多冰，無乜特別，正常…查看更多

屯門咖哩屋老闆另一爐灶，主打多國菜，一於試下。菠菜茴香雞肉意大利飯，清清地，唔會太溜，幾好喎招牌四季Pizza，睇餐牌唔知咩嚟，食落都食唔上有咩材料，但係好味嘅，每塊Pizza 都有沙律醬同甜酸醬，好特別又唔會搶去Pizza 嘅風味烤特嫩豬肋骨，唔好睇到燒到黑炆炆以為佢又乾又柴，其實超嫩，一咬即開香蕉奶昔，好青好生食得超飽，份量都多，啱哂一大班人嚟食，店員都好Nice，好健談，會同客人講解啲菜式點煮 。…查看更多

開咗都好幾年，聽身邊朋友話呢間啲豬扒好正，今日經過入去試下。皇牌豬扒撈粗，um⋯⋯um⋯⋯um⋯⋯塊豬扒似番炸多過似即炸，油淋淋，又有油益味可能以前係好食嘅，或者八寶好食嘅，下次嚟先再試…查看更多

約咗幾個世紀，終於齊人打邊爐，朋友極力推薦呢間火鍋店。遲咗收工，唯有叫朋友食住等，遠望已經見到門口好多人等緊位，就知呢間火鍋店唔嘢少。入到到朋友都係啱啱開爐，幾好嚟到有得食豬骨煲，滿到呢，本以前係啲蔬菜多塾到咁高，原來啲豬骨都超多，估佢唔到。其他火鍋配料到超大份量，多到嚇親人，真係要一大班人先好嚟食美國肥牛一定要叫，唔係平時打邊爐啲貨色，未食落口，淨係上枱果下都嘩一聲，要試可惜忙住聚舊，唔記得影多啲相…查看更多

經過元朗，又不知道吃什麼好，經常都經過呢間餐廳，不妨一試。叫咗鹽酥雞滷肉燥飯加珍珠奶茶。um⋯⋯你問我好無食，我只可以話一般，飯堂嘅水凖，家庭式嘅感覺。有個眉豆花生雞腳湯幾正，不過無影到…查看更多

係葵芳工作多年，對呢間小店念念不忘，今日收工再去食佢。多年不變嘅都係好多人幫襯，次次都要排隊。美國安格斯西冷，自己叫咗5成熟，火候控制得好好，煎到外脆內嫩，無配汁，食到原味。啲配菜都好正。薯角炸得夠脆，食到尾都仲脆口。沙律配上黑醋，好醒胃。燒蒜頭，我嘅最愛。美國黑毛豬T骨，肉質好嫩，又係煎到多脆內嫩，廚師功架一流，我覺得仲好食過西冷。但係就食唔出薯角上面果2支係乜，脆脆地臨尾送上木糠布甸，應該係自家製，唔錯…查看更多

今日係元朗搵食，得到附近見到有新嘢，衝入去試下先舖面幾靚，天花啲倒吊油紙傘做燈罩勁正餐牌款式多，有魚生飯，有扒，有拉麵烏冬，有滑蛋丼，有豚肉定食，包羅萬有。四色刺身丼，有三文魚，立魚，魷魚，甜蝦，蟹籽，玉子。味道不過不失，反而立魚有驚喜，好鮮甜。沖繩苦瓜豆腐炒豚肉，呢個勁正，好味到唔識形容，每樣材料味道都配合得好好，下次要番兜。餃子🥟，餃子皮略厚，可能都係買番嚟，不過不失。日式飯配凍奶茶，是但啦🤣…查看更多

屋企無飯食，出街行下搵食。經過呢間泰國餐廳，入去叫個海南雞飯先無骨海南雞飯，上枱賣相幾好。雞肉唔錯，幾嫩口，但個油飯就麻麻地，得色 無油香，同白飯差唔多椰汁冰，淡過水再食？不了。…查看更多

中午經過附近，一個人諗緊食乜好。見到呢間食意粉好似唔錯，入去試下啦。小店餐牌選擇唔多，最後我揀咗個招牌黑松露卡邦尼意粉 加配 香辣雞翼。香辣雞翼，啱啱整好熱辣辣，配埋酸辣醬超正。招牌黑松露卡邦尼意粉，意粉煮得啱啱好，個汁都教得唔錯，加埋上面黑松露一流。💛…查看更多

周街都係雲吞麵店，個個都標榜乒乓波雲吞，但間間味道都一樣，味道又唔係話好特別。難得屯門仲有間老麵店，咁多年嚟不靠宣傳，只靠實力贏得回頭客——新興。今日收早，2點令番到屯門未食lunch，想食下粉麵唔使咁飽。去到新興一坐低就叫咗碗牛雜雲吞河。牛肚，牛肝，牛腸，雲吞。好耐無嚟食喇，水準都Keep到以前嘅味道，牛肝係我嘅最愛，果種口感真係沒齒難忘所以我牛叫牛腩就係咁解。雲吞爽口彈牙，河粉滑口，唔會散收收。…查看更多

今日收工係屯門逛咗陣開始肚餓，行下行下見到定食8，今晚就係到解決啦。原條星鰻炸蝦天婦羅丼。份量都幾多，天婦羅都幾脆口，有個流心蛋天婦羅，係日本試過一次，當然味道就差天共地啦迷你豬軟骨黑蒜烏冬配雜錦壽司。個烏冬就不過不失，豬軟骨都幾冧。不過啲壽司就爭啲啦，啲魚生略嫌太過暖身。(帶子反咗啊)明太子玉子燒。味道同口感都唔錯，口感熱辣辣夠蛋香又紮實，但明太子味唔係太出。不過唔緊要啦，我都係鍾意食玉子先叫。…查看更多