覓食大師朱莉亞的个人专页

同男朋友慶祝週年紀念，去咗食「銀座炎藏燒肉」，食完發現原來日本都有！果然有信心保證，食到我地好滿足😋上等牛舌🐮👅牛舌切得厚薄適中，燒一燒有微焦感，咬落去又嫩又彈牙，重有陣陣牛味。海鮮三味🦐🦑呢個拼盤有大蝦、魷魚同帶子。大蝦肉質爽彈；魷魚切成圈狀，燒得微微捲曲，口感爽脆；帶子就鮮甜。炎藏和牛極治6點拼盤🐮重頭戲黎啦！拼盤有唔同部位嘅和牛，油花分佈好靚，燒起黎滋滋聲，好香。每款肉都各有特色，有啲入口即化，有啲帶點嚼勁但又唔會硬，一次滿足晒所有口感！草莓番石榴乳酸梳打🍓🍹粉紅色嘅外表已經好吸引，入口有草莓嘅甜酸同番石榴嘅清香，乳酸梳打好refreshing，飲完一啖即刻解膩！月見紫菜飯（蘭王蛋）🍚🥚熱辣辣嘅飯同紫菜、蘭王蛋撈埋，味道好match。呢間日式燒肉店真係一個慶祝嘅好地方！食物質素高，環境又chill，我同男朋友食得開心！下次我哋重會再黎，試多啲款式！😋…查看更多

西灣河有間開咗幾十年嘅涼茶鋪，叫做「華神館涼茶」，住附近嘅街坊實識。近排食得太多煎炸野，有啲熱氣，喉嚨又乾，我就買咗佢哋嘅招牌：華神龜苓膏、雪梨茶同桃膠三寶，樣樣都真材實料！😋華神龜苓膏呢個真係MVP，用新鮮龜板同中藥熬，食落滑到似布甸，微苦後甘，灑少少冰糖漿，清涼又解暑，熱氣全清！雪梨茶🍐夏天必飲！用新鮮雪梨加冰糖燉，飲落甜甜地，梨味超濃，$13一杯，確實抵飲！桃膠三寶❣️呢個係養顏神器😚桃膠Q彈、雪耳軟糯、紅棗香甜，甜度啱啱好，一碗都係$25，當甜品又養生。誠意推介呢間涼茶店，價錢親民，用料又足。…查看更多

餐廳裝修簡潔，又坐得舒服，誠意推薦比大家👍🏻😆星期六嘅中午，當然要食返餐好，慰勞自己呢個星期辛勤工作💪🏻餐廳有Brunch menu: 是日餐湯/沙律+主菜+飲品+甜品❣️8安士紐西蘭肉眼扒配燒蔬菜🥩🥦肉眼扒叫咗medium rare，一上枱有好香嘅炭燒味，燒得啱啱好，食落多汁，又有適量嚼勁。而燒蔬菜都好豐富，有好幾款，當中粟米特別甜🌽- - -蟹肉巴馬臣芝士蕃茄忌廉汁通粉🦀🧀呢碟通粉除咗有蕃茄酸甜同忌廉奶香，重有蟹肉嘅鮮甜味，加埋巴馬臣芝士，口感更加豐富，層次分明😋Tiramisu 聞起黎有濃濃嘅咖啡香，食落軟滑，奶香濃，咖啡微苦中帶甜🤭…查看更多

今日專登book咗間少女心爆登嘅星空主題餐廳，同朋友慶祝生日🥳嚟之前已經覺得星空主題好靚，好啱打卡，嚟之後更加影唔停🤭🤭🤭在場都有好多情侶、朋友同家人嚟食飯，果然係一個慶祝嘅好地方😆menu勁得意，打開先發光，好似一本書📕炭燒安格斯西冷牛扒伴法式手工薯蓉🥩🥔點餐後，侍應會拎牛扒比客人揀，認真好服務👍🏻牛扒叫咗3成熟，燒得啱啱好，炭燒處理令到牛扒香味更加凸出，肉質鮮嫩，口感厚實。即刨意大利黑松露牛肝菌燉意大利飯❣️意大利飯煮得好有口感，配上黑松露同牛肝菌，香味濃郁。Apollo呢杯mocktail酸酸甜甜，好解膩，而且重攞得好可愛🤭My Sign 星座蛋糕🍰好彩提早同餐廳講慶祝生日，訂咗呢個星座蛋糕👍🏻朋友勁開心，影過不停🤭蛋糕真係好精美，味道都好好，雜莓朱古力酸酸甜甜😍訂蛋糕重送禮券比我地下次再黎食，真係好好服務👍🏻影相期間，侍應重幫我地打燈😆下一次慶祝，會再帶朋友嚟！…查看更多

我地今晚去咗尖沙咀南洋中心嘅日式餐廳 - 沃川自家料理食晚餐。餐廳裝修成日本居酒屋，感覺去左日本旅行☺️廚師發板secret menu🐟唔知時令，又唔諗唔到食咩好，可以叫廚師發板😆我最鍾情厚切三文魚腩，油脂豐富，口感肥美😍第一次食蜜柑鯛，容易入口，而且配搭特製醬汁，凸顯當中嘅橘香味，大推🤤螢光魷魚口感爽脆，咬落去超級多汁，重有甘甜味~帶子夾上新鮮嘅海膽，帶子嫩滑鮮甜加埋濃郁嘅海膽，入口簡直係正！🤤生蠔重要大隻鮮甜😍海中蝦天扶良&粟米天扶良海蝦好新鮮，肉質爽口彈牙！天婦羅包裹粟米粒再炸，一食落口就有天婦羅酥炸口感，又有粟米鮮甜，令人一試難忘 🫨🫨串燒有羊肉串、牛舌串、雞腳筋串、秋葵串、雞頸肉串同雞肝串😍燒得好香！清酒煮蜆🍲嗰湯好濃蜆嘅鮮味😋蜆肉又大粒，好有口感！苦瓜炒豚肉，好少食到唔苦嘅苦瓜👍🏻喬麥麵好清爽，好啱作為全晚最後一道菜🤭…查看更多

今晚我地黎到旺角 - 吃吧Chiba，享用特色西餐😋餐廳以工業風格裝修，暗光為主，特別日子重有live music，好適合情侶撐枱腳👍🏼 香草白酒芝士藍青口配法包🥘🥖白酒忌廉汁味道又香又滑，加上芝士，令醬汁更有層次感，而且藍青口爽口新鮮，份量又多，配埋香脆嘅法包，令人食唔停口，好滋味！😋蜜糖咖哩脆雞🐥脆雞炸得脆而不膩，而且肉嫩，襯托埋蜜糖咖哩味，食落口感更豐富👍🏼泰式蝦沙律杯🦐有6個沙律杯，每杯都有一大隻鮮蝦刺身，配搭一酸一辣嘅泰式醬汁，將刺身蝦嘅鮮味提昇😋伊比利亞煙燻豬架🐷獨特嘅煙燻烹調手法，煮出黎嘅豬架非常鮮嫩，入口即化，餐廳必叫之選 ！😍熱情果接骨木花茶🍹餐廳嘅特色飲品，用古色花樽瓶裝花茶，配搭上假花點綴，非常適合打卡😎薰衣草蜜糖梳打🍯飲落好fresh，好清爽，帶有一點薰衣草嘅香味…查看更多

好耐冇食川菜，朋友話一定要去十二味，正宗又大份🤭川式口水雞🐥辣椒紅油做醬料，食落有層次感，又麻又辣。而且雞肉嫩滑，啖啖肉，食到我地流口水，好滋味。人見人愛酸菜魚(寬粉)🐟魚湯味道好平衡，酸度、鹹味同辣味都恰到好處。魚片份量好多，食落爽滑，加埋寬粉，吸晒湯底嘅精華👍🏻經典香辣鍋鐘意食香辣川菜嘅朋友必食！我地叫咗美國肥牛、蓮藕片、土豆、金針菇同娃娃菜，好多配料，食落口感爽脆，又惹味。好啱一大班人點黎食，揀自己鐘意嘅配料~檸檬梳打&熱情果梳打🍋🍹食辣野當然要叫啲清爽嘅飲品，解渴又解膩😆…查看更多

上海小籠包小籠包熱辣辣，充滿肉汁！食嗰陣要小心辣口，建議咬一小口，吸咗湯汁先，再成食隻食🤭皮薄得黎，饀料飽滿，啲湯汁又鮮甜👍🏻話梅花雕醉雞🐥花雕酒味香濃，雞肉煮得啱啱好，食落嫩滑，而且入味，重帶些少話梅味，好特別。皮蛋滑豆腐皮蛋口感彈牙，豆腐好滑，配埋醬汁酸甜入味，好開胃🤤小排骨擔擔麵🍜好多件小排骨，一個人絕對食唔哂，重炸得好香脆！擔擔麵花生味濃郁，好香口，每條麵都掛滿醬汁，確實唔錯😆豆沙鍋餅🥞鍋餅外酥內軟，煎得唔油膩，咬落去卡滋卡滋，帶有豆沙甜味，完美嘅ending😋…查看更多

餐廳裝修充滿懷舊港式風味，重播住80年代金曲，好有特色😆今日同男朋友專登黎食鐵板晚餐，係港式扒房嘅signature，差不多每枱都叫。大家記住晚餐時段早少少到，因為好快會滿座🤭羅宋湯配餐包🍅🍞肉眼扒配薯菜🐮肉眼扒以鐵板呈上，上枱後再淋上蒜蓉汁，香氣濃郁🤭侍應好貼心咁比定餐巾我地，避免醬汁彈上衫同熱氣攻面👍🏻肉眼扒叫咗五成熟，中間粉嫩，食落冧身，牛味香濃，好滋味🤤羅勒香草忌廉海龍王意大利飯🦐好大塊炸魚柳，香脆肉嫩😱意大利飯忌廉味道濃郁，口感煙韌🤭熱檸檬水🍋&玫瑰蜜桃茶🍑2杯飲品都冇糖，好解膩👍🏻…查看更多

已經第2次黎The Wall Street Bar & Lounge，上次啲食物令我地回味無窮，價錢又相宜，吸引我地黎食多次😆今次見餐牌有更新，多左好多新菜式！😍餐廳裝修依舊，有大酒吧枱同書櫃，好適合情侶、朋友黎打卡👍🏻厚切牛俐三文治🐮👅牛俐好厚實，彈牙爽口，整成三文治，食落好有口感，幾特別👍🏼燒牛肉全日早餐🐮🍳全日早餐非常豐富，有慢煮燒牛肉、牛乳滑蛋、德國香腸、香煎煙肉、香草雞菌、牛油果、雜菜沙律油醋汁同法包😋叫一個餐，滿足哂你所有食慾！德國脆豬手🐷脆豬手份量大，外層炸得好脆，好啱食肉獸！配搭德國酸菜，減低油膩感🤭Salted Guava🍹呢杯Mocktail好fresh，有番石榴甜味，加上少少鹽，增添口感同特色…查看更多

誤打誤撞，比我地係尖沙咀搵到間咁有氣氛嘅餐廳食dinner😍餐廳分成室內同戶外，室內以工業風格裝修，連埋酒櫃，好有情調，適合情侶撐枱腳。而戶外有高草牆隔開附近高樓大廈，增加私隱度，適合朋友一齊聚會傾計。我地係平日7點前到，所以唔洗等位。過咗7點，接近全場滿座，過黎記住要book定位！夏威夷開心果紐西蘭羊架🐏第1次見餐廳用開心果做主菜配料，充滿好奇心嘅我緊係要試吓🤭羊架煎得啱啱好，鮮嫩多汁，配上開心果碎，口感豐富，咸咸甜甜，令味道更上一層樓😋木魚日本昆布鑽石大蜆扁意粉🍝大蜆份量都唔少，重要啖啖都係肉😆而扁意粉口感十足，用蒜頭同蘆筍一齊炒，好香口惹味！脆脆蝦多士風乾火腿配芥末乳酪醬🍤🥪未食過咁大份蝦多士😱炸得好香脆，而且蝦肉彈牙，絕對推薦🤩…查看更多

旺角條街好多野食，令到我同朋友好難決擇🤣行過見到餐廳餐牌幾吸引，就入咗去，發現都幾抵食，值得推介👍🏻特盛海鮮丼🐟🍚海鮮丼刺身款式豐富，有三文魚、牡丹蝦、三文魚子、帶子同玉子，樣樣都好新鮮！特別帶子大大粒，食落鮮甜😋牛肉壽喜鍋🐮🥘壽喜鍋份量好大，食材豐富，有牛肉、金菇、生蛋同娃娃菜，性價比好高👍🏼而且牛肉份量又多，湯底甜甜地，食材入哂味，推薦大家叫😍天婦羅配蕎麥冷麵🍤天婦羅有虎蝦、南瓜、蕃薯同茄子等等。廚師將天婦羅炸得香脆，食落鮮甜😋😋另外手打烏冬好爽口，好適合配搭天婦羅一齊食👍🏼👍🏼京都宇治抹茶鮮奶🍵抹茶味道濃郁，配埋鮮奶好好飲🤩…查看更多

今晚約咗朋友黎尖沙咀ISQUARE食泰國野，抵食又方便。🤭泰式燒豬頸肉🐷燒得外脆內嫩，口感一流，而且有濃濃香燒味，值得一叫😋泰式鳳尾蝦炒金邊粉🦐金邊粉炒得好惹味，加埋青檸汁同其他香料，令到口味層次更豐富。另外，鳳尾蝦好爽口，啖啖肉。👍🏻泰式肉碎生菜包🐷🥬泰式餐廳必食之選，餐廳將肉碎炒得香辣可口，配埋生菜，食落唔油膩，停唔到口🤭芒果糯米飯🍋芒果酸酸甜甜，好開口，而糯米飯食落煙煙韌韌，配埋梛汁，幾香濃泰式椰子刨冰🥥椰子味道濃郁，好啱解辣😆…查看更多

今晚我地去尖沙咀樓上餐廳The Wall Street Bar & Lounge食晚餐。餐廳裝修別出一格，整體以英倫酒吧風格裝修，仲有一大幅書櫃牆做賣點，好適合打卡🤭蒜片牛柳粒🐮廚師將牛柳粒煎得啱啱好，5成熟，咬落肉嫩多汁，加埋蒜片炒，好香口😋蟹膏蟹肉意大利飯🦀🍚蟹膏味道濃郁，同意大利飯撈勻，好濃蟹味，重有啖啖蟹肉，令人食唔停口👍🏻慢煮西班牙黑毛豬鞍扒🐷估唔到豬鞍扒份量幾多，兩個人差啲食唔哂😱廚師將豬鞍切片先上枱，好貼心🤭外層煎得好香口，食落嫩口，襯托特製醬料，開胃又好食🤩Grassy Flash🍹由香茅、檸檬汁同茉莉花調製而成，飲落好Fresh，可以去油膩感，好啱飲👍🏼…查看更多

今晚我地黎到太子嘅2 Soon Cafe食晚餐。餐廳裝修得好有格調，內部以紅磚同灰色油漆為主，任何角度打卡都一流，好有休閑感😎👍🏼原來餐廳中午行cafe路線，晚餐先轉做bar & restaurant，咁幾時都好啱同朋友黎傾計，食返餐！😙Set dinner for two😋頭盤伊比利亞火腿忌廉薯餅🐷🥔外面炸得好香脆，而中間creamy嘅忌廉夾雜住咸咸地嘅火腿吊味，口感頗為豐富🤤西班牙青椒仔🫑好濃青椒味，一啲都唔辣，烤得幾香口👍🏼但青椒口味好個人化，我覺得唔錯，但男朋友就麻麻地食椒🤭煙三文魚蕃茄牛油果沙律🥗賣相好似一朵花🌹將牛油果打成糊後配上蕃茄同煙三文魚，原來係咁好食，重配有酸酸甜甜嘅汁，好開胃😍蒜片欖油大蝦🍤大蝦好爽口，配埋蒜片，味道香濃，唔覺油膩🤤意粉 - 蟹肉伏特加香辣蕃茄忌廉粗管通粉🦀🍸香辣蕃茄令到味蕾好刺激，好開胃，粗管通粉完全吸哂汁嘅精華，重要啖啖蟹肉，幾好食👍🏻伏特加味唔算濃，冇飲開酒嘅人不妨一試🤤主菜 - 紅酒燴牛臉頰伴忌廉薯蓉🍷🐮🥔估唔到牛臉肉咁大份😱而且煮得好嫩，入口即溶，回味無窮😍😍忌廉薯蓉重好creamy！甜品 - 自家制西班牙油炸鬼超級香脆，配埋香濃嘅朱古力醬，好正😋重要有雲呢拿雪糕，將油炸鬼點落去，食落一冷一熱，口感交融🤤Matcha Dirty🍵濃郁嘅抹茶味😋Yuzu Sunshine - 口感多元化，好freshLemon Fizz - 味道清甜，去油膩感…查看更多