pinksun的个人专页

【回憶總是美好的...】幾個月前，新開張期間，幫襯過一次，當時吃的是西西里蕃茄忌廉汁露筍什菜闊條麵，覺得很驚喜，蔬菜很多，闊條麵很特別是黃黃的幾有彈性，醬汁好味和闊條麵非常夾。今次一心為這個麵衝著去，點知...換左menu冇左此款，唯一退而求其次吃黑松露野菌闊條麵，也點了招牌漢堡包拼蕃薯條，炸魚拼蕃薯條配他他醬，火龍果乳酪沙冰特飲。第一道上枱的黑松露野菌闊條麵感覺煮得不夠火喉，醬汁還醬汁，菇還菇，粉還粉，三樣東西分開😅是退步了，還是剛好廚師偶有失準？麵還帶點硬😓但這種硬不同於彈牙飲品賣相好靚📸味道幾好，唔太甜，不過支飲管紙造，又幼，好難飲到沙冰，要幾用力啜，轉用粗管會更好。漢堡塊肉真係冇下次，超Dry，又散，又冇乜味，我明做素肉漢堡塊肉係好考功夫，但本人食過不少素漢堡扒，哩個真係唔多掂伴碟沙律菜不錯，個汁酸酸地幾特別，蕃薯條....甜，帶皮，淋淋地，我麻麻，寧願換成薯條仲好。好後悔，早知食大磨菇漢堡最掂係哩個魚柳，味堅似，肉質感覺比真魚“淋”，真魚肉質係實，哩個9成似，就係冇真魚肉咁實，又係配蕃薯條...So sad😂總結，唔會再專登出去食佢，因今次希望得愈大，我望愈大，不過都值得一讚，新餐牌加入不少前菜小食，和滋潤糖水（桃膠都有）。兩人用餐盛惠: $278順帶一提：侍應姐姐態度好，讚點餐自行往收銀處，食物隨後由侍應奉上。希望有機會再去，令我再重拾信心。…查看更多

【驚喜的腸粉】今天胃口一般，偶然經過此處，點了「黑松露野菌腸粉」，上枱自行加豉油，腸粉滑，皮薄饀多，充滿黑松露醬香氣，非常好味胃口即刻復活店內有砵仔蒸飯，同事經常大力推介，讚不絕口，只有肉類款式未能一嚐，但見每枱都有點，應該靠得住…查看更多

【♡為了人情味街坊小店第一次寫食評♡】一直在荃灣返工，荃灣區出名美食多價錢親民，只恨胃口不大未能嘗盡區內美食～最近天氣轉涼，加上感冒作怪，今日返工午餐一心想食粥，公司附近最近的粥品，還好找到這間不起眼的傳統粥店。一走入店，熱情阿姨：阿妹坐呀，睇下想食咩？本人茹素，一看餐牌永遠第一時間找尋可以揀的素食款式，餐牌上有生菜粟米粥正呀，點餐前一刻見到牆上有紅色牌寫著生菜南瓜粥馬上轉軚！腸粉選了蔥花雞蛋腸～因為去的時間差不多2點，點腸粉時原本已熄爐了，但阿姨一句：靚女要食，即刻開爐整比你，聽到心頭一暖腸粉厚度適中，偏軟需要用匙羹幫忙，雞蛋和蔥花是夾在裡頭，端來時已淋上豉油，但不會過咸，另外桌面有醬料芝麻任加，想濃味加辣悉隨尊便端來粥的一刻，阿姨：好靚南瓜粥！只見粥已煮成南瓜橙色，好想大啖開動不過因為是生滾，太燙了，只好慢慢品嘗，粥充滿南瓜的香甜，雖然大部份南瓜已煮成蓉，間中還是有一粒粒的南瓜肉，生菜是快煮好才落的，所以不會過淋，仍帶有清爽感，整碗粥好夠味但不會過咸和冇味精，因之後冇口渴感覺。 食飽起身準備埋單，阿姨：好冇食呀？好食下次再來～這就是人情味2nd:因太想念南瓜粥，幾天內已帶朋友再來，今次因南瓜沽清便轉戰生菜粟米粥🌽，雖然沒南瓜濃郁的甜美，較南瓜粥淡味一些，但仍有粒粒粟米的口感，不錯🌽🌽🌽🌽🌽今次有同伴分享可試其他的，叫了炸兩，皮薄饀靚油炸鬼沒有硬崩崩，雖然不是香脆可口，反而是香軟的，有時好怕食炸兩會好硬，但這個雖然軟身但不是韌韌的，配上薄薄的腸粉皮一啖過，爽本想食炒米，但阿姨：兩溝好冇呀？我估計是只剩餘份量不多，所以將兩者合成一碟賣，我又冇所謂。米和麵會有點偏硬，炒米有充足的椰菜絲，炒麵有少量韮菜，沒有我最怕的火腿絲，不錯～去的時候已2點幾，全場大部分每張枱只坐著一個男士，不用等阿姨們走近，大家都自然的提高聲線自動落單，不消一刻，大家就能品嘗到一碗人情味冬天將近，返工時間可以多來幫襯享受到暖笠笠…查看更多