jesuisminnie的个人专页

日本過江龍緊係要試下，見之前啲食評都好差，但我感覺又OK。食左期間限定嘅芝士咖哩+吐司，komeda coffee。老公食牛肉漢堡+Sophia coffee。份量啲落比較細，但食落都幾飽，咖哩入面有肉糜，完全唔辣，小朋友都可以食。咖哩沾麵包超惹味！牛肉漢堡個包好大個，顯得塊漢堡好細咁，但都算厚實，味道不錯~~komeda coffee 好飲！試左一啖Sophia 都不錯，香氣撲鼻，除左無奶嘅咖啡有好多其他選擇，不過第一次黎就試真啲咖啡豆本身嘅香味啦。咖啡附上一包脆豆，雖然有啲風馬牛不相及咁，但幾好味~據聞呢度嘅紅色凳係一個名物，又真係幾好坐嘅，柔軟舒服，門口仲有咖啡掛濾包&盒玩買，等嘅時候可以睇下。…查看更多

新開嘅商場無咩嘢食，唯獨呢間大放異彩！環境舒服，有空間感，職員貼心提醒卡位有一級樓梯要小心，服務態度好好。生蝦刺身好新鮮，第一件連辣椒蒜片食，雖然好味但辣椒太辣，所以只好我就飛走片辣椒淨係食蒜片&生蝦。雞肉串燒大大串，配合沙嗲汁非常惹味。牛柳牛丸湯河，呢個牛柳超有驚喜，大片同埋牛味好香，又唔韌，河粉都煮得剛剛好，有啲彈牙。咖央多士，呢個就一般，多士有斑蘭味幾香，可惜牛油無夾滿片多士，同埋上臺已經唔熱，失色。整體黎講食物質素高，坐得舒服，會再黎！…查看更多

（以前喺呢個位置間匯城執左好可惜！以前嘅奶醬多係我食過最正嘅一間。職員又好人又友善，唔知佢地而家去曬邊......希望有機會再見啦）見到新開嘅彩虹茶餐廳，裝修好光猛好醒神，感覺乾淨企理，值得一試。夜晚唔太想食飯，所以叫個常餐雞扒芝士撈麵+黑松露炒蛋+火腿+牛油多士+熱奶茶，盛惠$55，好抵食。驚喜嘅係芝士份量超多，個撈麵一啲都唔會乾，芝士味道濃，雞扒煎得香口，而且有沙律菜伴碟，好有誠意。炒蛋加左黑松露特別香，多士好似係用甜奶包做，加埋牛油去烘，甜味鹹味交織好好味。杯奶茶茶底都幾香。見到餐牌有好多選擇，下次再試下其他嘢。另外想讚一讚啲職員，都好友善，會主動提供水，溫馨提示可以QR code 落單，服務態度好好。…查看更多

第一次食牛奶冰室早餐，估唔到有驚喜！開頭覺得普通一個魚柳早餐賣 $47 似乎有啲貴，但黎到就發現係物超所值，炸魚柳有兩塊，一大一係，炸粉適中唔會過厚，外脆內軟好香口。蒜蓉多士有一大塊，蒜蓉味濃郁惹味，比一般茶餐廳嘅牛油多士好味。牛奶炒蛋俾上面啲食物遮蓋住，撥開其他食物就會發現炒蛋有差不多成個碟咁大，係淡橙色嘅炒蛋，蛋味香，炒得嫩滑，油度都可以接受。最開心係有半條粟米！好似 KFC 嘅牛油粟米咁用木簽吉住，方便攞住黎食，有粟米即刻令個早餐顯得豐富好多又健康少少。不得不提佢杯熱奶茶竟然用凍飲杯裝，變相份量 double 咗！奶茶正正常常，整體食物質素都好滿意，唯獨服務態度比較一般，啲職員都無咩禮貌，更加唔好要求有笑容，不過我同自己講茶餐廳唔收加一所以都唔好要求咁多啦。…查看更多

Halloween special all-day breakfast $108牛角包、烤南瓜、炒蛋、大啡菇、牛油果、沙律菜、乳酪杯。南瓜切成蝙蝠形狀幾可愛，有啲心思，大啡菇味道不錯，其餘就無特別，味道全部都中規中矩。Cappuccino (classic blend) $36兔仔拉花好靚！咖啡豆有兩隻可選，我試了classic blend，另外有一款 nutty 嘅。唔知係咪萬聖節特別呈獻，granola bowl 入面有一隻淺綠色小蟲屍體，食到一半發現通知店員後，廚房有個店員大聲話係菜蟲，無理由喺度出現，似乎不肯認錯。另一個店員就比較負責，幫我換了個 granola bowl。其實菜蟲仔唔算好大件事，做餐廳都好難完全避免，只要道歉認錯我覺得可以接受。不過廚房個店員態度就好一般，令人對呢間餐廳失去信心。…查看更多

$39 肥豬餐肉煎蛋菠蘿包，配奶茶不期然思考「肥豬」到底是午餐肉牌子，還是用來做成午餐肉的那隻豬，抑或是吃了這個菠蘿包的我？Any肥，餐肉煎蛋本身就係絕配，菠蘿包皮脆內軟，熱辣辣非常好味！奶茶至少用三種茶葉溝出茶底，味道不錯，夠濃亦夠滑。$64 是日午餐 B 茄子龍俐球飯，配奶茶大大碟好抵食，足料而味道也不錯。餐廳門口有得買新鮮出爐麵包，裝修富有懷舊茶餐廳感覺，員工服務態度也很好。有機會會再來。…查看更多

無意中發現呢間小店，專賣餃子，裡面座位不多，午飯時間全店滿座，買外賣走，老闆話等十分鐘，我行一圈返去未夠十分鐘已經有得攞，效率幾高。西洋菜豬肉煎餃 10隻 $79餃子大大隻，好足料！即叫即煎，熱辣辣，餃子皮香脆可口，內餡都好美味。骨膠原魚湯西洋菜豬肉餃子 8隻 $58湯餃子一樣咁好食，鮮魚湯鮮甜美味，不會太鹹，仲有條菜心，有驚喜。其實煎餃湯餃都咁好味，不過湯餃感覺無咁熱氣，又有啖湯飲下，所以我終於湯餃多啲。另外一提，店家的辣菜脯好惹味，就算外賣，佢都有自動俾左兩盒辣菜脯 & 醋，非常貼心。…查看更多

由公園搬去海堤灣畔樓下，美談細左好多，環境無以前咁闊落。好彩禮拜六午餐時間黎都唔需要排隊。自己寫餐點編號落紙度，店員會俾你揀茶或水，然後成壺上，自己隨便斟。lunch set 送的前菜：泡菜、油豆腐腸仔、芽菜、菠菜。味道是不錯喇，但仔細一看，菠菜上面一粒白色波波，是發泡膠🥴 相信是裝菜的發泡膠箱掉落的。希望餐廳可以小心洗菜。辣芝士拉麵，有少許紅蘿蔔椰菜。拉麵不太辣，芝士半融化，配合麵食非常惹味。炸醬麵，賣相有點可怕，攪拌後就正常點。味道很不錯！適合重口味人士。經營餐廳談何容易，以味道來說美談其實不錯，只是衛生和服務都有待改善，可謂美中不足。…查看更多

Set lunch at Man Mano on a weekday. Bruschetta with rocket leaves, olive oil, cheddar cheese and truffle mayonnaise tasted really good! 😋Peach tea was good, not too sweet. With a slice of apple it was quite refreshing.To be honest the pasta and gnocchi were so-so...not enough seasoning and the texture of gnocchi here was like play-doh 😮‍💨 the taste and texture of Gnocchi at Aha coffee at Lai Chi Kok was much tastier.Service was great though!Besides, a cook was making pasta right behind a glass window near the entrance, that lady's hair looked oily and unclean. Although it doesn't necessarily mean their pasta was unclean, it did affect one's perception.#manmano #bruschetta #gnocchi #aolioeoliopasta #peachtea #citygateoutlets #tungchung #italiancuisine #pasta #extraholiday …查看更多

酥皮黑啤燉牛肉要等大概20-25分鐘，心急人勿叫。酥皮沾上黑啤+肉汁非常好吃。伴碟的薯蓉香滑且充滿奶油香味，青豆的份量驚人地多😂雖然等很久但十分值得~Full English breakfast 配料豐富，蛋可以選擇炒蛋或煎蛋，有豬血腸這一點比較特別，麵包和薯餅很香脆！其餘都是正常發揮。Latte 不錯~ 上面有簡單的心心拉花♥️環境舒適，沒有時間限制，適合吹水放鬆，但如果趕時間就不建議來了，後面一台人因為食物等太久而鼓譟🥴…查看更多

被漂亮門面 & 裝修吸引入去，餐廳以白色+木製傢俱為主調，低調地放了不少貓貓公仔擺設，感覺溫馨舒適。三文魚麻醬冷麵 + 水蜜桃綠茶冷麵有沙律菜伴碟，還有一片檸檬，清新消暑。煙三文魚卷成玫瑰花形狀，非常吸睛。味道不錯！跟餐的水蜜桃綠茶居然真的有一片水蜜桃，有驚喜！看得出店主花了不少心思~值得一讚的是小店的服務超好，有主動提供水，店員全程帶著笑容~朋友點的 mocha 據說味道很好，朱古力味濃厚，上面還有滿滿的忌廉~（抱歉沒有拍照）喜歡 mocha 的話不妨試一試~…查看更多

lunch set 可選三道菜或四道菜，我地都選擇了三道菜（忘記全名所以自己命名不好意思）：冬蔭公浸魷魚、牛油果醬雞扒、燴雜菜，另外有牛蒡泡菜甜蘿蔔作前菜，有麵豉湯。雞扒烤成脆皮，配牛油果醬很適合，魷魚惹味，雜菜意外地大份，吃得很滿足！老公要了鴨胸，第一次看到這麼大塊的鴨胸，味道也很不錯！latte 選了 fruity 豆，水準比某些 coffee shop更高。特別想稱讚店員態度很好，隔離台有一家人，女士要了一份沙律，上台後才說想走醬，店員嘗試跟廚房說，然後回來說無法走醬，女士立即大發雷霆說了一堆什麼她不能吃醬之類的......那你下單前跟店員說明不就好了嗎？結果店員建議她要另一款能走醬的沙律，換了給她。過了不久那位女士又取出自帶的燕麥杯來吃，我見到店員都有點側目，但居然沒有阻止那位女士。女士一直態度惡劣，但店員都保持專業和禮貌，實在令我佩服！而那家人的兒子就站在座位上一直叫囂，作為媽媽都沒有叫停，對其他食客造成極大滋擾。餐廳環境本來很好，裝修優雅，可惜被沒有禮貌的一家人破壞了。…查看更多

Mochiffon的蛋糕標榜每日新鮮製造、低糖低油配方、零負擔 零油膩感，之前在荔枝角工作室買過一個流心朱古力蛋糕，一試難忘，知道佢喺荃灣開新店，經過就順便黎買兩件細蛋糕食。抹茶紅豆 $80 兩件鬆軟抹茶戚風蛋糕夾住大塊煙韌麻糬，內餡嘅低糖濃厚抹茶忌廉超好味！上面有日本紅豆蓉點綴。整體感覺不會太油膩，也不會太甜，吃得到抹茶粉的微微苦澀味，很合我的口味。…查看更多

魚屋滿滿丼 $168牡丹蝦、三文魚、三文魚籽、油甘魚、海膽、帆立貝、北寄貝、蔥花玉子燒 & 紫蘇葉，魚生鋪滿了醋飯，新鮮而且不會吃到膩貝特盛丼 $158好大的蠔！喜歡貝類的不能錯過~魚屋嘅魚生飯性價比好高🦐🐟🦪但總覺得三文魚湯冇以前咁鮮甜 😗…查看更多

新開的 café 沿用上一手的裝修、餐檯、咖啡機，但餐牌有不少變化，食物選擇比上一手多！All-day breakfast (green) $128+$35 可以有湯或沙律 & $42以下飲品湯是咖哩椰菜花湯，質地濃厚，很淡的咖哩味有點開胃。All-day breakfast 感覺超豐富！有酸種麵包、炒蛋、炒蘑菇、牛油果、大片紅菜頭、大片煎番茄、藜麥、甜椒、芝士薯仔，另外有雜莓乳酪。每一樣都很新鮮，特別喜歡大片紅菜頭 & 芝士薯仔 炒蛋也很嫩滑另外有一款有肉的 all-day breakfast 有煙肉腸仔等，$138，下次可以一試。雞卷椰菜花飯 $118+$35 可以有湯或沙律 & $42以下飲品雞卷很好味！是類似葵廣阿佳拌麵的貴妃雞卷。紅黃甜椒為椰菜花飯增添色彩，椰菜花飯也好味，加入了洋蔥粒去炒所以很香，但是略嫌油膩。由於配料不多，吃到最後有點膩了。咖啡方面試了 latte & iced long black，正常水準~值得一提的是兩位年輕老闆都很友善健談，據聞其中一位喜歡三眼仔，所以在店內各處都能發現三眼仔的影蹤😂 …查看更多