ksybilly的个人专页

雖然而家已經可以去日本旅行，但一諗到要返黎香港隔離7 日就即刻打消左想去日本食好西嘅諗法，無計啦，咁就唯有喺香港食住日本野頂住先啦。三日月係一間人氣日式鐵板燒，LUNCH SET包左前菜、刺身、茶碗蒸、鐵板燒、主菜、炒飯、湯同甜品前菜三小點茶碗蒸夠晒滑帆立貝唔算好厚身，不過口感好好。刺身三點以主打鐵皮燒嘅舖頭黎講，質素都唔差。安格斯牛柳生熟程度岩岩好，肉質軟腍冇筋，加上牛肉味濃，配埋醬汁一齊食岩岩好。炒飯色澤幾靚，不過味道就差少少，再濃味D就更好。…查看更多

上次食外賣壽司嘅時候，見千之味實在太多單，要等兩個鐘先送貨，於是就叫左另一間黃店嘅壽司食，但由於實在太過不濟，於是今次就算要等兩個鐘都決定要照等。火灸壽司併盤吉烈炸蝦卷外脆內軟，食嘅時候仲FEEL 到蝦仲熱嘅。蟹柳壽司蟹柳咬落口一絲絲嘅，比起平時食嘅蟹柳高質好多。腐皮壽司辣味螺肉壽司芥末八爪魚軍艦龍蝦沙律軍艦係我最鐘意用黎開胃嘅壽司，龍蝦沙律份量相當多，唔會因為價格平而偷工減料。千之味壽司我食過幾次，每次都相當滿意，比較唔好就係每次買都因為太多人所以要等好耐。…查看更多

去左九龍灣搵個朋友食飯，九龍灣工業區人頭湧湧，耐冇同朋友見就梗係要搵個地方好好坐底傾下計，咁就上左黎呢間凱日宴會廳。下午茶時間唔算多人，好快就可以坐底。燒鵝湯瀨粉蔥花炸兩中間嘅油炸鬼夠香脆，就算淋左豉油都保持到微脆嘅口感。蜜汁叉燒飽鮮蝦水餃皇加入左韮黃嘅湯底唔錯，而水餃質素還好。凱日蝦餃皇不愧係蝦餃皇，有大大隻蝦膠喺入邊，而蝦餃面嘅金萡更添貴氣。蜆芥鯪魚球淮山綿花雞淮山整得好入味，綿花亦炆得夠淋。鮮雜果蝦春卷…查看更多

EARL GRAY CHOCOLATE（伯爵茶朱古力）呢個係每次食espresso alchemy 都會叫嘅飲品，朱古力中有淡淡嘅伯爵茶味，味道係其他地方飲唔到嘅，而且味道比起某連鎖咖啡店嘅熱朱古力好上唔知幾多倍。生酮朱古力布朗尼忌廉卷生酮嘅食物我都係第一次食，感覺都幾唔錯，睇黎遲D可以試下生酮飲食。海港城龍蝦牛油果全日早餐 呢個係海港城特有嘅龍蝦ALL DAY BREAKFAST，賣相唔錯，不過味道就比我相像中差少少。火雞胸蛋沙律牛角包…查看更多

好耐都冇食蒸海鮮，近排凍返就決定出黎食，叫左個$398嘅餐食，去相先。罕有大黃奄蟹雖然冇大閘蟹咁多膏，但膏都係咁高質。太平洋饅頭蟹呢隻蟹係都係食膏，而唔係食肉嘅。肉嘅部分比較少。澳洲青年龍蝦肉質彈牙，食淨嘅位置可以放埋落去一齊煮海鮮粥。台灣九孔鮑魚蒸嘅時間岩岩好，咬落肉質一D都唔老仲好彈牙。越南大虎蝦大西洋野生青口好重海水味，好有食生蠔嘅感覺，但又唔會有生蠔嘅腥味。紐西蘭刀貝蚌紐西蘭月亮貝韓國慶南珍珠蠔細粒得黎好有蠔味，海水味唔會好重食海鮮粥之後就蒸返D菜清一清個口。海鮮粥相當綿滑，而且充滿晒海鮮嘅精華。…查看更多

吉列豬扒沙律豬扒幾厚身，而肉質就就有雞脾炸得咁乾，咬開之開仲可以見到粉嫩嘅豬肉。沙律份量幾多，味道亦唔會過酸。炸雞脾薯條炸得乾左少少，但外皮就非常香脆，咬入口有脆卜卜嘅聲音，而雞肉醃得非常入味，如果唔係咁乾身成隻雞脾會好唔錯。日式海鮮炒烏冬有大量海鮮配料，如蜆，青口，蟹柳，魷魚，而且都炒得好夠鑊氣。香草芝士煎龍脷柳配意粉意粉份量好多，一上枱有少少比個份量嚇親，龍脷柳有兩大塊，味道亦醃得唔錯，呢個午餐係幾抵食。仲有中湯送熱杏霜&熱檸水…查看更多

難得今日放假，就陪屋企人飲下茶，下午茶時段黎到都冇咩人等位，呢個就係平日飲茶嘅好處。鮮蝦長春卷鮮蝦腐皮卷外皮炸得香脆得黎但一D都唔油，唔錯。斗門蝦餃皇皮雖然有D厚，但勝在蝦肉份量搭夠，掩蓋住皮厚呢一個缺點。沙煎堆仔入面有濃濃嘅芝麻醬，食落外脆內軟，芝麻馬蹄糕芝麻馬蹄糕都食過幾次，但入面有咁多馬蹄嘅都係第一次，而我覺得呢個比例係最好食嘅。潮洲粉果不過不失鮮蝦菜苗餃燒鵝檬粉燒鵝味道唔錯，加上全部都係肉，省卻左我去骨嘅時間。欖仁奶皇千層糕…查看更多

呢間茜廊西餐廳好耐之前已經喺九龍灣食過早餐，果時覺得幾好食。估唔到今次竟然喺良景村呢度比我見返佢，咁難得嘅機會就梗係唔可以錯過啦。晚餐都有跟餐湯同餐包，我地亦都加錢叫左小食同甜品。餐包勁脆香草烤雞扒黑松露什菌意大利粉黑松露味好香，而雞扒香草味道都醃得唔錯，肉質亦都嫩滑。忌廉汁鳳尾蝦球燴煙斗粉忌廉汁味道香濃，而煙斗粉亦燴得夠入味，美中不足嘅係蝦的確係有鳳尾嘅，如果可以去埋殻就更加好。紐約芝士蛋糕焦糖果仁蛋糕凍朱古力…查看更多

今日準備做冬，媽媽話叫我地每個人都買D野食返去，咁就可以方便D，於是就試下黎呢間新開無幾耐嘅御品·千之味買壽司併盤返去。簡左兩個壽司併盤，分別係千之味壽司盛合A（三文魚壽司、鰻魚壽司、玉子壽司、帶子壽司、油甘魚壽司、藍鰭吞拿魚壽司、加洲反卷）同埋千之味壽司盛合E（鰻魚壽司、北寄貝壽司、八爪魚壽司、熟蝦壽司、玉子壽司、呑拿魚沙律壽司、龍蝦沙律壽司）。叫外賣仲有跟冰袋，而唔知係咪因爲咁，所以食壽司都覺得D 食材特別新鮮，而且壽司都冇出現過飯比魚生多嘅情況。…查看更多

今日又黎泰廚房子食啦，自從上次同朋友食過之後，都未搵到間比佢更好食嘅泰菜，於是今日就入黎食過。泰式蟹肉炒粉絲粉絲面頭有大量已經拆殻嘅蟹肉，撈埋粉絲一齊食得，淨係食粉絲又得。泰式黃咖哩軟殻蟹配手抓餅（加＄20)軟殻蟹份量唔少，至於黃咖哩椰香味十足，所以就專登叫埋手抓餅去點咖哩一齊食。KK 手打蝦餅香茅燒豬頸肉泰式魚肚羹魚肚大條得黎夠厚身。沙嗲串燒我地簡左兩溝，即係有豬同牛兩款肉類，我個人就比較偏好牛，食嘅時候要點埋沙嗲醬食就更有泰式風味。…查看更多

好耐都冇食過放題，趁仲未強迫打針先食得飯嘅時候，就梗係要黎呢第時冇得外賣嘅餐廳食啦，所以黎滿屋重溫一下感覺。出面有自助區，甜品，炸物，飲品同沙律都可以拎自己想要嘅。炸蝦天婦羅，蟹棒天婦羅呢D都係必點嘅。人大左，就唔係太鐘意食放題嘅剌身，所以叫少少就夠啦。呢度嘅壽司幾高質，款式亦都幾多下。燒菠蘿燒得有D乾，算係呢一餐嘅一個敗筆位。甜品哈根大師雪糕每人只限點一個，味道選擇有幾款，我就簡左果仁味嘅。西京燒 芝麻雞翼…查看更多

酥炸桶蠔外層好酥脆，好似食芋角的酥化口感，桶蠔大粒肥芺，炸到岩岩好，唔會好乾身，食落好juicy。脆炆骨腩炸過先炆，骨腩係炆得好入味，食落香口又惹味。骨腩位唔會太多骨，配個白飯就一流。油鹽花甲簡單調味已經突出花甲的鮮味，花甲大大隻，肉質好細嫩，花甲好鮮甜，粉絲索左花甲湯汁的鮮味好好味。西蘭花炒斑球炒得幾有鑊氣，成碟份量真喺幾大。斑腩食落好幼滑，口味清淡唔會蓋住魚啲鮮甜味，唔錯辣酒煮花螺煮得好惹味。…查看更多

臨近年尾都會約班好友出黎聚一聚，想揀間無限時坐耐啲，又有唔同特飲及酒類既選擇既話。呢間營運至深宵既食堂就系你既首選。芝麻雞翼一流既金黃色賣相！骨肉之間冇血絲，食落去肉質都好嫰滑，味道唔錯！牛油蒜蓉焗蜆陣陣既牛油香味，食落去牛油同蒜蓉既味道以及蜆既鮮味十分之夾！爆醬芝士腸芝士味既香腸是十分多汁，而且外皮脆香。一隻鮑魚，而家做緊分享價18元，值得一試。胡麻醬冷稻庭烏冬冷烏冬食落好煙韌，配埋胡麻醬，食上癮。芝士奶蓋芒果口味，酸酸甜甜的，半價飲品超級勁大杯。四百蚊左右食到咁多野，CP值高。…查看更多

早排睇完雜誌介紹，介紹中港城嘅打卡熱點，所以就過黎呢度行下，行完之後覺得有D肚餓，路過見到有間餐廳幾靚，就入左黎食野。門口已經見到有一個打卡點呢度地方都算大，人流唔多，所以坐得都好舒服。午餐嘅SET 都配有涼拌小食、小食同餐飲，小食我就簡左滷蛋。另外仲叫左D 小食，分別有鹽酥雞扒，鹽酥雞粒，同台灣腸。鹽酥雞扒炸得有D 乾，但鹽酥雞粒就完全唔同，有肉汁得黎再加上九層塔嘅香味，呢個值得推介。而台灣腸油脂感十足，咬落煙韌有口感，加埋蒜片一齊食更有台灣風味。肉燥飯加上左花椒去製成，所以味道幾特別，唔錯。…查看更多

以前同媽媽出黎九龍城交通好複雜，要轉幾次車，而家屯馬線開通之後就方便左好多，由宋皇台站B3 出口一行出黎就到九龍城。今日同媽媽行完九龍城寨公園，聽佢講完以前嘅歷史之後，就喺附近搵左間泰菜食，見到呢間泰象館好似唔錯就入左黎。午餐都幾抵，四十幾就有個炒粉面連野飲。泰式炒金邊粉可以選擇素食，岩晒今日打算茹素嘅媽媽。我就叫左個泰式菠蘿炒飯，菠蘿粒都唔少，而且菠蘿食落係甜唔係酸嘅，唔錯。整個炒飯嘅調味都唔錯，不過稍嫌炒得濕左DD。春式欖角肉碎炒四季豆炒得好入味，用來佐飯一流。炸蝦餅新鮮炸起，蝦膠咬落幾彈牙。椰汁冰柚子蜜…查看更多