Iris Sit的个人专页

劉在錫代言的炸雞店已在社交網路瘋狂洗板，當然要去朝聖（我也挺喜歡劉在石的）星期六6點多就到餐廳等候，可能熱潮已減退，等了一陣就安排入座了。點餐前check過openrice，最出名是韓式甜辣炸雞，便點了一客再加杯soda。waitress話炸雞要等20mins，趕時間的我心想不妙，但最後10mins左右便可以吃了。炸雞分有骨及無骨，懶懶的我選擇了去骨，點餐後才聽到服務員說有骨的比較好吃。炸雞一碟份量以足以二人吃用。炸雞有劉在錫代言以為會比較好吃，但韓式甜辣炸雞只是一般般，李家的炸雞似乎更好。可能因為太有名氣而導致落差感較大。Soda也是一般般，但吃韓式甜辣炸雞必定要叫一杯飲品，不然會喝死。如果這是朝聖的話，這間餐廳能滿足你的願望。但是如果為了吃炸雞的話，可另覓他處了。…查看更多

我揀去邊到食前都會上openrice search下，雖然依間餐廳評語麻麻，但冒險心態都想去試下。星期二打風過後7點幾入座都唔多人，唔洗等位。朋友知我鐘意食甜品，見2人套餐有甜品小食包埋，就揀咗套餐。🍥🍥🍥🍥🍥主菜🍜🍜🍜🍜🍜朋友叫咗其中一個主打-元祖豚骨拉麵，我就要鰻魚飯。拉麵：湯底唔會好濃，麵彈牙鰻魚飯：飯有d怪，難食👉🏻👉🏻👉🏻所以🍜🍜🍜勝出！👈🏻👈🏻👈🏻🍤🍤🍤🍤🍤小食🍡🍡🍡🍡🍡魷魚：香炸👍🏻但魷魚偏瘦小丸子：內有魷魚🍹🍹🍹🍹🍹飲品甜品🍮🍮🍮🍮🍮青檸梳打：吉得重手偏酸紅豆抹茶布丁：綠茶味好濃，紅豆又中和返d濃味。👉🏻👉🏻👉🏻👉🏻👉🏻總結👈🏻👈🏻👈🏻👈🏻👈🏻都唔係咁難食，服務都唔係咁差…查看更多

之前係metro city食飯都中過唔少伏，今次試依間就又抵又好食。六點幾就去食，所以唔駛等位，直接入去，不過見隔離餐廳都要等位。平時一個晚餐都要百幾蚊，今次＄100都唔使就可以食一個豬扒飯加一杯野飲，性價之選。來到吉列豬扒專門店，梗係要食吉列豬扒啦，分別叫咗咖喱汁同和風汁，餐牌入面飯類比較多，烏冬麵類比較少。🍜🍛🍱豬扒飯有「梅」、「竹」、「松」三類分份量，唔係話好大食嘅話無論男女梅都好夠食。🐷豬扒的確好食，皮夠脆，肉就都係咁啦。飯方面係用日本米，反而個飯都出色，乾濕適中！唔怪得知餐牌上係飯為主🍛汁方面，味道濃，岩重口味人士，不過食完個飯係超超超口渴。和風汁都唔錯，唔好以為個飯好少汁，佢個枱面亦都有一大樽比你加。咖喱汁唔太辣。🍹飲品方面叫咗凍椰果荔枝茶，有小小偏甜。每人＄70左右就食到好好味嘅飯，晚餐唔知去邊度食又係附近嘅話，依間係唔錯既選擇！…查看更多

之前係facebook見到九龍城新開一間熱石拉麵🍜，覺得好特別就特登過嚟九龍城呢間食，終於唔係食泰國菜店裏比較細，啲凳都係一啲高凳冇椅背，所以坐得麻麻，食食吓都有唔少人係出邊等位，所以食完就走。如果約咗朋友想食餐飯傾計，依間未必適合。至於個熱石拉麵，雖然有個熱石係麵入邊係特別，但食落去質感同普通麵冇咩分別⋯⋯⋯⋯所以可以試下其他野食😂…查看更多

夏日炎炎去澳門要去雪糕專門店🍦不過禮記較為偏僻，附近冇咩野玩，所以要特登搭車過去。最後揀咗：1. 三色雪糕 - 椰汁 花生 蜜瓜椰汁味較為普通花生味道濃郁，重口味之選，好食蜜瓜味較為清新，唔錯2. 雪糕三文治懷舊之選，不過宜家香港深水埗都有如果冇嘢做都可以搭車過嚟依邊坐下食下行下，都好有懷舊風味…查看更多

朋友介紹黎大三巴要去明記食碟仔糕，需然需要捐窿捐罅先搵到，但都唔難搵，可以問當地人點去。碟仔糕有三種口味：馬豆，朱古力，椰汁個人較喜歡朱古力味，入口時朱古力味不太重，但過後有一陣朱古力味散發於口中，好特別。如果想帶返hk，可以臨走時先買，如果唔係成個行程都要照顧啲碟仔糕😂…查看更多

🚴踩完單車夏日炎炎唔想BBQ，所以去咗忠誠食泰國菜。依間野比較出名多人食，早還車早入去食所以都唔使點等位。今次食菠蘿雞肉炒飯，但搵極都搵唔到肉，只係普通菠蘿炒飯，可能落錯單掛，但d員工係超超超忙，所以照食算。飯都唔算細，$100都唔洗真係抵，味道會有啲偏鹹，但本人比較重口味，所以味道OK 💁🏻🍹🍹方面叫咗三色珍多冰，因為餐廳入面係超超超凍，🚴完出哂汗係咁凍既環境再飲凍野好易頭痛，加上椰汁味好重，唔係好開胃，所以飲咗幾啖已經飲唔落。餐廳係有水提供，fill水速度都快既，如果唔想飲d乜乜冰可以飲水😂…查看更多

係巴士站對面有間小食店，所以係搭車前食個宵夜先走。叫咗香酥雞同炸魷魚鬚（唔辣），即叫即炸，出黎熱辣辣。香酥雞冇咩特別不過不失，炸魷魚鬚入面足料，唔係粉多。夏日優惠買滿$30送罐裝飲品，老闆娘很友善，食的是人情味，非一般豪x大能提供。不過無冷氣係熱既…查看更多

最近做緊8折優惠 山長水遠都過黎try try，1200食到1430 🕝----------🕵🏻 總 結 🕵🏻----------💁🏻 推 介 ：榴槤酥，芒果酥，芒果糯米糍，廣島焗蠔，生蠔（記得洗沙），梳乎厘（可以溝榴槤蛋糕啲cream黎食）🙅🏻唔推介：刺身------------------------------環境好舒服，加上樓底高，冇咩壓迫感，同紅磡另外一間pateXXX buffet係兩回事。食物方面，生蠔無記錯好似係美國蠔，好運就大隻，唔好運就細隻。不過好多都多沙到食唔到🌚🌚🌚不過算係鮮甜既，用杯水沖多幾沖d沙啦唯有。刺生方面⋯⋯⋯⋯ 係 難 食 既。吞拿魚d texture咬落去都唔知咩黎，好奇怪，直頭係要吐返出黎!另外有羊架啊，廣島焗蠔，泰式鳳爪啊（唔會好辣）⋯⋯⋯⋯⋯ 唔錯既，可以try try。甜品方面，榴槤控就開心啦，因爲有榴槤蛋糕同榴槤酥（好似係），榴槤蛋糕啲榴槤味係個cream到，個人覺得都ok，榴槤酥味道濃郁，必食👍🏻👍🏻👍🏻另外好食嘅就係芒果酥，芒果糯米糍（好滑好食），同埋梳乎厘。因為我係重口味之人，我將榴槤蛋糕啲cream溝入梳乎厘食，正到不行了！服務方面，收碟效率係超快！nice！…查看更多

📅 25th Dec 2015 📅聖誕放題大餐$178一位（未加一），聖誕節前book檯有85折，早啲去落訂就唔止85，有8折 💰訂金為每位$100環境好有氣氛，員工都好nice幾funny 👍🏼野食方面，特別在有唔同顏色既蝦餃。不過唔係order既，應該係提早book檯而送。另外有炸榴槤，海膽手卷，黑松露三文魚壽司，帆立貝壽司同三文魚籽，鐘意食就記得食多啲 😋 芝麻雞翼同焗扇貝都好好食！亦都有黃金炸蝦 🍤，最鐘意連殼食，不過就唔夠「黃金」，所以麻麻地 👎🏻飲品方面，都有唔同款式揀，連新出既If都有，出面買都貴嫁 💸 椰青水比較淡，葡萄果汁比較甜。飲品唔係主打唔多介紹啦，自己try try 😌如果book檯既話，記得問清楚係咪有咩野食送！因為好多野食係無落order而自動送上嚟，搞到最後好多野食唔哂 😤整體黎講，好似大瀛喜有提供大多放題都無既野食 🍣 所以都唔錯👍🏼👍🏼👍🏼…查看更多

📅 6th Jan 2016 （Wed）朋友琴晚send咗張相比我，$99/2位英式下午茶，不過openrice既menu都好濛 🙈 隨食評送上清晰版menu，唔洗多謝我 🙊去到見到唔算太多人，等咗一陣仲有窗口位坐添，可以望到半個海景。不過入咗去成5分鐘都無人招呼，店員見到我地不知所措先比個menu我地睇 🙃 所以大家入到去可以自己招呼自己得嫁喇 🙊之後就去咗落單，等咗一陣食物就黎啦 🍽只係茶或咖啡唔洗加錢，連熱朱古力都要加錢，所以我地飲奶茶，其中一個朋友發現原來熱香果都唔洗加錢 🌚 記得問清楚先啦 😤首先食個雪糕，開頭食以為普通雪糕加啲芝麻，食食下發覺有花生碎係入面，整體都幾好食。然後就食最低層：鬆餅，三文魚熱香餅，雞蛋布甸。1. 鬆餅比較淡味，可能因為食完雪糕。但係唔食雪糕先就會溶，所以可以溝埋雪糕一齊食。2. 三文魚熱香餅係所有食物中最好食，所以食佢既時候要好好品嚐。3. 可能我唔係太鐘意雞蛋布丁，所以只能說普普通通。然後到中間果層既碎蛋牛角飽，緊次於三文魚熱香餅，都係好食既 😀一個鐘食完兩層已經好飽，可能我地食得比較快，所以記得要慢慢傾計慢慢食。😂試埋最後果層既吉士撻同馬卡龍，都係好好食👍🏼👍🏼👍🏼99蚊兩個人真係好好好好好抵，不過只限於平日14:00-18:00，住附近地區既人真喺值得去坐下食下睇下個海景 🚣🏻 食飽飽仲可以去平台睇日落 🌇…查看更多

📅10 Dec 2015 （thu）🕰～18:30一入門口，暗暗既燈光好有情調，拍拖情人節慶祝實一流。當我睇環境佈局，我以為依餐應該唔平得去邊，點知發現咗set dinner for two都只係300蚊左右，二話不說就focus咗係二人套餐。main course揀咗燒醬烤原味豬肋骨同黑松露意大利飯。但因為無黑松露所以改咗鵝肝意大利飯。首先上前菜：有青蘋果鵝肝多士同巴馬火腿蜜瓜。前者咬完第一啖眼睛隨即發亮，咁既價錢唔錯唔錯。後者就有點兒奇怪，可能我唔識食，所以我將火腿同蜜瓜分開黎食之後都沙律同西湯。西湯有d怪，好似飲緊麥皮，不過又唔係話難飲，都ok。然後越來越多人，但我個main course仍然要等等等等等⋯⋯⋯⋯等到其他遲過我地入黎既人都開始食main course都仲係要等⋯⋯⋯⋯不過我已經開啟咗法式mode，所以無咩大問題。但香港人係急d，所以都係追一追。原來係留咗單不過係咁誠實既人我鐘意，nevermind。等咗一陣好快就上菜啦豬肋骨不過不失，鵝肝飯好有鵝肝味😂唔錯唔錯！不過見到人地塊牛柳扒好大塊好吸引，下次我一定要叫😤最後都甜品，我見格離枱原來可以喺個碟到預先order寫字，所以我先話依到慶祝喺perfect池！依餐整體黎講真係又抵又好食，我離開既時候成間餐廳已經full哂，人氣已證明一切。…查看更多