Chan G的个人专页

食物方面，Chicken Oyster 大力推薦，皮脆肉嫩。Kitsune 同 Tsukune都好食，特別Kitsune 係用腐皮紫蘇包住免治雞肉，算係好有特色。服務方面，有個女侍應為咗放低碟串燒，用力推開我本身隻碟，同埋用手掟開碟旁邊包濕紙巾。貌似男經理態度少怪，坐低兩分鐘內就走過黎問食乜；同行友人問可否俾少少鹽，佢回應「你真係識問問題」，有啲令人摸不著頭腦。收碟嗰個又係，我地兩個人吧檯食飯，佢喺右邊收完我隻碟其實可以行去左邊收同行友人隻碟（因為我地坐最入，左邊無人）。我其實覺得有啲可惜，食物質素係屬於上品。你問我會唔會再去，我可能會俾多次機會，但如果服務態度仲係咁，我一定唔會有第三次。…查看更多

叫咗一碗$150嘅辣沾面，有三塊細叉燒，80%肥。本來都諗住算，但食到最後，望住呢堆肥膏，都係忍唔住問：「可唔可以比一塊仔冇咁肥嘅叉燒我？」個女收銀話：「吓？你都食到咁，點樣換俾你？」我強調：「都係睇吓可唔可以補一塊，你都可以睇到幾肥，基本上無肉。」女收銀堅持：「你食到咁我換唔到俾你喎！」咁我只好放棄啦～順便放棄埋呢間嘢嚕，咁嘅態度。中環都開左咁多間拉麵店，有其他選擇既～…查看更多