星期日八點左右, 唔洗等位, 大約八成入坐率.入到去, 張凳有上手既食物係到~~ 呢D 經常有, 自己搵紙巾抹左當無事發生~~跟手就比左兩杯熱到出煙既水~~叫左兩個龍蝦湯~首先個湯我攪左兩下~~稀了了!!! 無乜好感!! 有d 似潮州粥咁稀!!飲左一啖!! SHXT!! 仲凍過頭先果杯熱到出煙既水!!你知凍既龍蝦湯已經似死蟹味! 再加埋稀了了, 更不敢想像!!即刻叫佢換過!! 再黎, 好左小小, 有小小煙! 但係我可以拎得起個碗, 唔洗吹凍, 就咁飲, 你就知佢唔會熱得去邊!! 都係一入黎果兩杯水最熱!! 直頭飲唔到!!味道, 我飲過最淡既龍蝦湯!再叫左個蟹乜乜卷 (三條腸粉咁樣, 所謂廚師推介)都係麻麻地熱!! 唉~~ 最基本既野都做唔到!!!味度一般, 叫做可以接受, 蟹肉預左佢會有殼, 但估唔到係咁多殼!! 每條約七八塊大大小小既殼, 共三條, 即係廿狗幾塊殼!!!無計~~ 呢D 無得投訴, 認命!! 我梗!!叫左個龍蝦 pizza (長方型, 都係推介品)唉~~ 又係唔熱既!! 龍蝦鞋拾拾!! 不過做pizza, 焗得乾左都好正常既~~味道, 有D washabi 汁, 但係邊多邊小, 邊濃邊淡!配料, 有幾條燈籠椒, 芝士~~其實呢個pizza 真係無乜誠意, 賣點就係有龍蝦就夠, 其他乜都無!好又一餐, 唔好又一餐, 食完埋單走就算啦~~俾左張卡個侍應, 跟住個經理拎單過黎~~唔好意思, 你張卡會唔會屈過定點樣呀? (拎住張斷開左一半既信用卡!!!!)無喎, 之前肯定無屈過, 咁呢家點算呀? (好嬲!! 好想拍臺開佢波!! 肯定係佢插機時整斷!)今次碌左架喇或者你簽左名先啦, 你去換卡如果收費你先黎搵我我賠返俾你丫, 呢張我卡片(嘩!! 你咁醒既!! 張卡俾你整斷左你都碌到!?!? 你都穩陣!! 係咁叫我簽名!!)咁你係張卡片到簽個名寫返D 野證明啦~~講真, 今次真係好失望!! 咁大個人聽都未聽過咁樣整爛張卡!!事後諗, 今次真係便宜左佢!!!不過算啦, 唔會再有下次!!!…查看更多
以上食记乃用户个人意见 , 并不代表OpenRice之观点。
赞好
用餐日期
2010-01-10
人均消费
$250 (晚餐)
