chingyu0902的个人专页

食物味道份量都OK，明明入座前話可以用優惠，坐底又話唔用得。食完即清枱趕你走，體驗極差，無謂俾錢受氣。而家市道唔好，都唔係咁做生意，唔會回頭再食，可以有其他嘅選擇。今次係食午餐，人均都食咗$120，環境係都唔錯，但問題在職員嘅表現係熱情叫你入去坐，但入到去叫晒嘢食，就想你快啲食完快啲走，就算出面並無人等緊枱。食物質素都滿意嘅，份量與味道都唔差，始終佢賣嘅價錢唔係特別平，如果太差就太過份了吧！但俾錢受氣就不建議了…查看更多

食物味道ok，食brunch set有前菜、主菜、飲品，每人大約百零蚊。但食物上枱唔係好夠熱，好似已經攤凍咗一陣。蕎麥薄餅有陣燶味，唔係好推薦。餐廳waitresses嘅服務態度都唔錯。但有一名黑衫較高的男waiter態度差又黑口黑面，未問過客人就搬開客人私人物品，呢個行為非常之冇禮貌，好影響用餐的體驗，本身開開心心與家人慶祝生日嘅心情都受到影響。佢嘅態度令我哋唔會想回頭幫襯，同樣嘅食物喺外面仲有好多選擇。…查看更多

第一次寫食評，是為了忠告各位不要去貼錢買難受！！食物味道差之餘，服務態度亦極差！在等待電影開場之前，趁還有點時間，與朋友們到美都餐室食個下午茶。上到餐室二樓，見到懷舊的裝修，加上只能散叫的餐牌(而且價錢不便宜)，已隱約感到不妙，是做遊客生意的格局啊！但猜想這間餐室經歷幾十年仍然存在，應該食物質素還好，所以與友人各自叫了一份西多士和凍奶茶。怎知道，食物上枱先發現中了個大伏！很後悔沒有先上來看食評再去！奶茶的茶味奶味都很淡！完全令人失望，在外面隨便入一間茶餐廳也沖得比這裡好飲！西多士只是一塊拿去炸了的麵包！注 意 ！是 一 塊 炸 了 的 普 通 麵 包 而 已 ！不是那種用兩塊多士沾滿蛋醬再塗了花生醬的西多士！完！全！不！是！食物質素差不好吃也算了，最重要是服務態度奇差！！！！我們用餐期間侍應已不斷走過來收拾東西，那也算了。但我們仍有半杯奶茶未飲完，侍應居然走過來趕我們走！！注意！是趕走！最初是一個女人過來說後面有客人，要求我們離開。想著電影也快開場，我們也快點飲完就走了。然後有個肥的男人大大聲的說「快啲趕佢哋起身叫佢哋埋單！」我們剛起身，仍未離開座位，已經將鄰桌的食物放到我們枱面，完全沒有禮貌！而收銀員亦全程黑面！食物不好食，服務態度極差！完全貼錢買難受！！！！！懷舊裝修又如何，一點以前的人情味或該有的食物水準也沒有，只嗅到滿滿的銅臭味！極度不建議任何人去食！…查看更多